Deialdiak:

Erref.	Kop.	Lanpostua	Plaza	TL.*	BS.*	Min.*
Ref.	Nº
OP1/301	1	Zerga agentea	Agente Tributario	1
OP1/302	3	Prebentzioko eta Esku Hartzeetako laguntzaile teknikoa	Auxiliar Técnico de Prevención e Intervención	2	1
OP1/303	5	Delineatzailea	Delineante	2	2	1
OP1/304	2	Fotokonposizioko teknikari laguntzailea	Técnico Auxiliar de Fotocomposición		2
OP1/305	1	Instalazioetako teknikari laguntzailea	Técnico Auxiliar de Instalaciones	1
OP1/306	7	Proiektu eta Obretako teknikari laguntzailea (POTL)	Técnico Auxiliar de Proyectos y Obras (TAPO)	3	4
OP1/307	5	Kultura Kudeaketako teknikari espezialista	Técnico Especialista de Gestión Cultural		5
OP1/401	2	Autoedizioko laguntzailea	Auxiliar de autoedición	1	1
OP1/402	2	Informazioko laguntzailea	Auxiliar de Información		2
OP1/403	2	Laborategiko laborantea	Laborante de Laboratorio	2
OP1/404	2	Nekazaritza eta Abeltzaintzako laguntzaile teknikoa	Auxiliar Técnico Agropecuario	1	1
OP1/405	1	Irratiko operadorea	Operador Radioemisora		1

* TL: Txanda librea / Turno libre.

* BS: Barne sustapeneko txanda / Turno de promoción interna.

* Min.: Minusbaliatuentzako txanda / Turno para personas con minusvalía.

1.Oposizioa.

1.1.Lehenengo ariketa. Teorikoa.

•Derrigorrezkoa eta baztertzailea.

Bi zati izango ditu eta aurrera egiteko nahitaezkoa izango da biak gainditzea:

A) Hautazkoerantzunak dituen galdera sorta bati idatziz erantzutea; galderak deialdiko Gai Zerrenda Orokorrean zehazten diren gaiei buruzkoak izango dira. Atal honetan GAI edo EZ GAI kalifikazioa emango da.

Barne sustapeneko txandan izena eman duten hautagaiek ez dute ariketa hau egin beharrik izango.

B) Hautazkoerantzunak dituen galdera sorta bati idatziz erantzutea; galderak oinarri hauetako Gai Zerrenda Espezifikoan zehazten diren gaiei buruzkoak izango dira. Atal honek gehienez ere 15 puntu izango ditu, eta gainditzeko nahitaezkoa izango da 7,50 puntu gutxienez lortzea.

1.2.Bigarren ariketa. Praktikoa.

•Derrigorrezkoa eta baztertzailea.

Oinarri hauetako Gai Zerrenda Espezifikoan zehazten diren edukien inguruan epaimahaiak jarritako ariketa teoriko/praktikoak egitea. Atal honek gehienez ere 30 puntu izango ditu, eta gainditzeko nahitaezkoa izango da 15 puntu gutxienez lortzea.

1.3.Hirugarren ariketa. Psikoteknikoa.

•Derrigorrezkoa eta baztertzailea.

Bete beharreko lanpostuen giza eta teknika alorreko ezaugarriekiko hautagaiek duten egokitze maila baloratzeko ariketak egitea. Ariketa honek gehienez ere 10 puntu izango ditu, eta gainditzeko nahitaezkoa izango da 5 puntu gutxienez lortzea.

2.Euskara.

— Derrigorrezko hizkuntz eskakizuna duten plazetan hizkuntz eskakizuna egiaztatzea ezinbesteko baldintza izango da plaza eskuratzeko; halakoetan GAI edo EZ GAI kalifikazioak emango dira.

— Derrigorrezko hizkuntz eskakizuna ez duten plazetan, berriz, hizkuntz eskakizuna egiaztatuz gero merezimendutzat hartuko da. Hona hemen puntuak emateko orduan erabiliko diren irizpideak:

*3. hizkuntz eskakizuna derrigorrezkoa ez duten plazak:

-3. edo 4. hizkuntz eskakizuna egiaztatzea: 12 puntu.

-2. hizkuntz eskakizuna egiaztatzea: 7,9 puntu.

-1. hizkuntz eskakizuna egiaztatzea: 4 puntu.

*2. hizkuntz eskakizuna derrigorrezkoa ez duten plazak:

-2, 3 edo 4. hizkuntz eskakizuna egiaztatzea: 7,9 puntu.

-1. hizkuntz eskakizuna egiaztatzea: 4 puntu.

*1. hizkuntz eskakizuna derrigorrezkoa ez duten plazak:

-1, 2, 3 edo 4. hizkuntz eskakizuna egiaztatzea: 4 puntu.

3.Merezimenduen lehiaketa.

3.1.Esperientzia.

Eskuratu nahi den plazak dituen eginkizunen antzeko edukia duten lanpostuetan aritu izana baloratuko da.
 
 

Merezimendu hau gehienez 12 punturekin baloratuko da, baremo honen arabera:

— 12 punturaino: 0,15 puntu hilabete bakoitzeko, eskuratu nahi den plazak dituen eginkizunen eduki bereko lanpostu batean aritu izana.

— 8 punturaino: 0,10 puntu hilabete bakoitzeko, eskuratu nahi den plazak dituen eginkizunen antzeko edukia duen lanpostu batean aritu izana.

Atal honetan ez dira baloratuko Euskal Funtzio Publikoaren 96.1 artikuluan aipatzen diren behin-behineko postuetan egindako lanak, ez eta beketan edo prestakuntzako praktiketan egindakoak ere.

Eskaera orriak aurkezteko epea amaitu aurretik egindako lan denbora bakarrik hartuko da kontuan.

Enpresa pribatuan izandako esperientzia profesionala Gizarte Segurantzaren zurigarriekin eta enpresak egindako ziurtagiriekin egiaztatuko da, epaimahaiak eskatutako unean.
 
 

Lan esperientzia Herri Administrazioan izan bada, nahikoa izango da hark egindako ziurtagiria aurkeztea.. Eta Gipuzkoako Foru Aldundian izan bada, nahikoa izango da halaxe adieraztea, epaimahaiak esaten duenean.

3.2.Administrazio publikoetan betetako zerbitzuak.

Herri administrazioko antzinatasuna gehienez ere 6 punturekin baloratuko da, 0,05 puntu hilabeteko.
 
 

Atal honetan ez da baloratuko Funtzio Publikoaren Legeko 96.1 artikuluan aurreikusitako behin-behineko lanpostuetan egindako lana, ez eta Administrazioan ohikoak ez diren lan espezifiko eta jakineko kontratu administratiboak, zerbitzu zibil edo merkataritzakoen errentamendukoak, bekak eta prestakuntzako praktikaldiak ere.

Eskaera orriak aurkezteko epea amaitu aurretik egindako lan denbora bakarrik hartuko da kontuan.

Antzinatasuna Herri Administrazioko erakunde egokiak egindako ziurtagiriarekin egiaztatuko da, epaimahaiak eskatzen duen unean. Eta Gipuzkoako Foru Aldundikoa bada, nahikoa izango da halaxe adieraztea, epaimahaiak esaten duenean.

3.3.Beste titulazio batzuk.

Lehiaketan parte hartzeko eskakizun gisa ezarritakoaz gain, maila bereko edo goragoko beste ikasketa agiri batzuk izatea.

Ez dira baloratuko merezimendu gisa aipatu den goragoko titulazioa lortzeko beharrezkoak diren ikasketak.

Atal honetan unibertsitateek emandako graduondoko edo masterreko ikastaroak ere baloratuko dira, baldin eta deitutako lanpostuaren zereginekin zerikusi zuzena badute.
 
 

Merezimendu hau gehienez ere 3 punturekin baloratuko da, ondorengo baremoaren arabera:

— Erdi mailako edo goi mailako titulua: puntu bat tituluko.

— Batxilerra, Lanbide Heziketako bigarren maila edo baliokidea: 0,50 puntu tituluko.

— Eskola graduatua, Lanbide Heziketako lehenengo maila edo baliokidea: 0,25 puntu tituluko.

— 500 ordu edo gehiagoko masterra edo graduondoko ikastaroa: puntu bat tituluko.

— 250 ordu edo gehiagoko eta 500 ordu baino gutxiagoko masterra edo graduondoko ikastaroa: 0,50 puntu tituluko.

3.4.Hizkuntzak.

Gehienez ere 3 punturekin baloratuko dira, ondorengo baremoaren arabera:

— Frantsesa edo ingelesa, Hizkuntza Eskola Ofizialeko 3. maila: puntu bat hizkuntza bakoitzeko.

— Frantsesa edo ingelesa, Hizkuntza Eskola Ofizialeko 4. maila: 2 puntu hizkuntza bakoitzeko.

Hizkuntzen ezagupen maila zehazteko, hautagaiek horretarako prestatuko den ariketa bat egin beharko dute. Ez da baloratuko Hizkuntza Eskola Ofizialeko 3. mailatik beherako ezagupenik.

Puntuaketa hori lortuko dute ariketa egin behar izan gabe merezimenduak egiaztatzeko ezarritako epean Hizkuntza Eskola Ofizialaren ziurtagiria aurkezten duten hautagaiek.
 
 

4.Praktikaldia.

Oinarri orokorretan adierazitakoari jarraituz praktikaldia egin beharko dute, gehienez ere 6 hilabetekoa.
 

I.DEIALDIA.

1.Izena.

Kultura Kudeaketako Teknikari Berezia. Funtzionarioa. C sailkapen taldea. Administrazio Bereziko Eskala. Zerbitzu berezien azpieskala, zeregin berezietakoen klasea.
 
 

2.Plazak eta txandak.

— Barne sustapeneko txandan:

5 plaza, 3. hizkuntz eskakizuna derrigorrezkoa dutenak.

3.Hautapen sistema.

Oposizio-lehiaketa.

4.Eskakizunak.

— Eskatutako titulazioa: Goi Batxilergoa, Bigarren Mailako Lanbide Heziketa (LH2), edo baliokidea.

5.Barne sustapeneko txanda.

Eskakizun orokorrez gainera, hautagaiek eskakizun hauek bete behar dituzte:

a)Gipuzkoako Foru Aldundiko D sailkapen taldeko karrerako funtzionarioa izatea.

b)Eskakizun gisa aipatzen den titulazio akademikoa ez dutenek deialdian parte hartu ahal izango dute ondorengo kasuetan:

— 10 urteko antzinatasuna aitortua badute D sailkapen taldean, Administrazio Orokorreko Eskalan, Laguntzaileen Azpieskalan, edota epe horretan behin betiko izaeraz atxikiak izan badira jardun eremu edo egizkizun eduki bereko postuetara, hala nola Artxibo edo Liburutegiko laguntzaile postura.
 
 

— 5 urteko antzinatasuna aitortua badute D sailkapen taldean, Administrazio Orokorreko Eskalan, Laguntzaileen Azpieskalan, edota epe horretan behin betiko izaeraz atxikiak izan badira jardun eremu edo egizkizun eduki bereko postuetara, hala nola Artxiboedo Liburutegiko laguntzaile postura, eta 1999ko maiatzaren 17ko Lehendakaritzako foru diputatuaren Foru Aginduaren bidez deitutako "Administrari Gaikuntza" lortzeko ikastaroa gainditua izatea.
 
 

II.HAUTAPEN PROZESUA.

Zehaztasunetarako, ikus III. eranskina.

III.GAI ZERRENDA.

1.Gai Zerrenda Espezifikoa.