I ERANSKINA

HAUTAPEN PROZESUA

Deialdiak:
 
 
 
Erref.
Kop.
Lanpostua
Plaza
TL.*
BS.*
Min.*
Ref.
Nº
OP1/101
2
 Goi mailako arkitektoa Arquitecto Superior
1
  
1
OP1/102
2
 Bide, Kanal eta Portuetako ingeniaria Ingeniero de Caminos, Canales y Puertos
1
1
  
OP1/103
1
 Psikologoa Psicólogo  
1
  
OP1/104
14
 Administrazio Orokorreko teknikaria (AOT) Técnico de Administración General (TAG)
12
1
1
OP1/105
1
 Arkeologiako goi mailako teknikaria Técnico Superior Arqueólogo
1
    
OP1/106
1
 Artxiboko goi mailako teknikaria Técnico Superior de Archivo
1
    
OP1/107
1
 Katalogazioko goi mailako teknikaria Técnico Superior de Catalogación  
1
  
OP1/108
1
 Ergonomiako eta Psikosoziologia Aplikatuko goi mailako teknikaria Técnico Superior de Ergonomía y Psicosociología aplicada  
1
  
OP1/109
1
 Lurralde Informazioko goi mailako teknikaria Técnico Superior de Información Territorial
1
    
OP1/110
2
 Ingurumeneko goi mailako teknikaria Técnico Superior de Medio Ambiente
2
    
OP1/111
2
 Natura Inguruneko goi mailako teknikaria Técnico Superior de Medio Natural
2
    
OP1/112
1
 Baso Osasuneko goi mailako teknikaria Técnico Superior de Sanidad Forestal
1
    
OP1/113
4
 Ekonomiako goi mailako teknikaria Técnico Superior Economista
3
1
  
OP1/114
1
 Kimikako goi mailako teknikaria Técnico Superior Químico  
1
  
OP1/115
2
 Albaitaria Veterinario
1
1
  
OP1/116
2
 Gerontologia Zentroko medikua Médico de Centro Gerontológico
2
    
OP1/201
3
 Arkitekto teknikoa Arquitecto Técnico
2
1
  
OP1/202
4
 Gizarte Laguntzailea Asistente Social
3
1
  
OP1/203
2
 Osasun laguntzailea – Erizaina (OLT-EUD) Ayudante Técnico Sanitario - Diplomado en Enfermería (ATS-DUE)
1
1
  
OP1/204
4
 Herri Lanetako ingeniari teknikoa (HLIT) Ingeniero Técnico de Obras Públicas (ITOP)
3
1
  
OP1/205
2
 Industriako Instalazioetako ingeniari teknikoa Ingeniero Técnico Industrial
2
    
OP1/206
1
 Topografiako ingeniari teknikoa Ingeniero Técnico Topógrafo
1
    
OP1/207
3
 Nekazaritzako erdi mailako teknikaria Técnico Medio Agrícola
2
1
  
OP1/208
1
 Hiri Kalitateko erdi mailako teknikaria Técnico Medio de Calidad Urbana
1
    
OP1/209
2
 Kiroletako erdi mailako teknikaria Técnico Medio de Deportes
1
1
  
OP1/210
3
 Kudeaketa Ekonomikoko erdi mailako teknikaria Técnico Medio de Gestión Económica 
2
1
  
OP1/211
2
 Haur eta Gazteen erdi mailako teknikaria Técnico Medio de Infancia y Juventud
1
1
  
OP1/212
1
 Kirol Instalazioetako erdi mailako teknikaria Técnico Medio de Instalaciones Deportivas
1
    
OP1/213
3
 Gazteriako erdi mailako teknikaria Técnico Medio de Juventud
1
2
  
OP1/214
2
 Laborategiko erdi mailako teknikaria Técnico Medio de Laboratorio
1
1
  
OP1/215
1
 Makineria eta Instalazioetako erdi mailako teknikaria Técnico Medio de Maquinaria e Instalaciones
1
    
OP1/216
1
 Euskararen Sustapeneko erdi mailako teknikaria Técnico Medio de Promoción de Euskera
1
    
OP1/217
1
 Zaharberritzeetako erdi mailako teknikaria Técnico Medio de Restauración
1
    
OP1/218
1
 Udal Zergen Balorazioko erdi mailako teknikaria Técnico Medio de Valoración de Tributos Locales
1
    
OP1/219
3
 Basozaintzako erdi mailako teknikaria Técnico Medio Forestal
2
1
  
OP1/220
3
 Kanpainetan laguntzeko erdi mailako teknikaria Técnico Medio de Apoyo a Campañas
2
  
1

* TL: Txanda librea / Turno libre.

* BS: Barne sustapeneko txanda / Turno de promoción interna.

* Min.: Minusbaliatuentzako txanda / Turno para personas con minusvalía.

1.Oposizioa.

1.1.Lehenengo ariketa. Teorikoa.

•Derrigorrezkoa eta baztertzailea.

Bi zati izango ditu eta aurrera egiteko nahitaezkoa izango da biak gainditzea:

A) Hautazkoerantzunak dituen galdera sorta bati idatziz erantzutea; galderak deialdiko Gai Zerrenda Orokorrean zehazten diren gaiei buruzkoak izango dira. Atal honek gehienez ere 5 puntu izango ditu, eta gainditzeko nahitaezkoa izango da 2,5 puntu gutxienez lortzea.
 
 

Barne sustapeneko txandan izena eman duten hautagaiek ez dute ariketa hau egin beharrik izango.

B) Hautazkoerantzunak dituen galdera sorta bati idatziz erantzutea; galderak deialdiko Gai Zerrenda Espezifikoan zehazten diren gaiei buruzkoak izango dira. Atal honek gehienez ere 10 puntu izango ditu, eta gainditzeko nahitaezkoa izango da 5 puntu gutxienez lortzea.
 
 

1.2.Bigarren ariketa. Praktikoa.

•Derrigorrezkoa eta baztertzailea.

Oinarri hauetako Gai Zerrenda Espezifikoan zehazten diren edukien inguruan epaimahaiak jarritako ariketa teoriko/praktikoak egitea. Bi zati izango ditu eta aurrera egiteko nahitaezkoa izango da biak gainditzea:
 
 

A)Galdetutako kasu praktikoak (bat edo gehiago) egitea. Atal honek gehienez ere 20 puntu izango ditu, eta gainditzeko nahitaezkoa izango da 10 puntu gutxienez lortzea.
 
 

B)Oinarri hauetako Gai Zerrenda Espezifikoko gaiekin zerikusi zuzena duten galdera teoriko-praktikoei idatziz erantzutea.

Zozketa egingo da gai zerrendakoen artetik gehienez ere 10 gai hautatzeko, eta horietatik epaimahaiak 5 aukeratuko ditu eta horien inguruko galdera teoriko-praktikoak egingo ditu.
 
 

Bigarren atalak gehienez ere 10 puntu izango ditu, eta gainditzeko nahitaezkoa izango da 5 puntu gutxienez lortzea.

Ariketa honen bi zatiak kalifikatzerakoan kontuan hartuko da erantzunen zuzentasuna, laburtu eta aztertzeko gaitasuna, landutako ideien aberastasuna eta horiek argi eta txukun azaltzeko trebetasuna.

1.3.Hirugarren ariketa. Psikoteknikoa.

•Derrigorrezkoa eta baztertzailea.

Bete beharreko lanpostuen giza eta teknika alorreko ezaugarriekin hautagaiek duten egokitze maila baloratzeko ariketak egitea. Ariketa honek gehienez ere 10 puntu izango ditu, eta gainditzeko nahitaezkoa izango da 5 puntu gutxienez lortzea.

2.Euskara.

— Derrigorrezko hizkuntz eskakizuna duten plazetan hizkuntz eskakizuna egiaztatzea ezinbesteko baldintza izango da plaza eskuratzeko; halakoetan GAI edo EZ GAI kalifikazioak emango dira.

— Derrigorrezko hizkuntz eskakizuna ez duten plazetan, berriz, hizkuntz eskakizuna egiaztatuz gero merezimendutzat hartuko da. Hona hemen puntuak emateko orduan erabiliko diren irizpideak:

*4. hizkuntz eskakizuna derrigorrezkoa ez duten plazak:

-4. hizkuntz eskakizuna egiaztatzea: 15,8 puntu.

-3. hizkuntz eskakizuna egiaztatzea: 12 puntu.

-2. hizkuntz eskakizuna egiaztatzea: 7,9 puntu.

-1. hizkuntz eskakizuna egiaztatzea: 4 puntu.

*3. hizkuntz eskakizuna derrigorrezkoa ez duten plazak:

-3. edo 4. hizkuntz eskakizuna egiaztatzea: 12 puntu.

-2. hizkuntz eskakizuna egiaztatzea: 7,9 puntu.

-1. hizkuntz eskakizuna egiaztatzea: 4 puntu.

*2. hizkuntz eskakizuna ez derrigorrezkoa duten plazak:

-2, 3 edo 4. hizkuntz eskakizuna egiaztatzea: 7,9 puntu.

-1. hizkuntz eskakizuna egiaztatzea: 4 puntu.

*1. hizkuntz eskakizuna derrigorrezkoa ez duten plazak:

-1, 2, 3 edo 4. hizkuntz eskakizuna egiaztatzea: 4 puntu.

3.Merezimenduen lehiaketa.

3.1.Esperientzia.

Eskuratu nahi den plazak dituen eginkizunen antzeko edukia duten lanpostuetan aritu izana baloratuko da.
 
 

Merezimendu hau gehienez 12 punturekin baloratuko da, baremo honen arabera:

— 12 punturaino: 0,15 puntu hilabete bakoitzeko, eskuratu nahi den plazak dituen eginkizunen eduki bereko lanpostu batean aritu izana.

— 8 punturaino: 0,10 puntu hilabete bakoitzeko, eskuratu nahi den plazak dituen eginkizunen antzeko edukia duen lanpostu batean aritu izana.

Atal honetan ez dira baloratuko Euskal Funtzio Publikoaren 96.1 artikuluan aipatzen diren behin-behineko postuetan egindako lanak, ez eta beketan edo prestakuntzako praktiketan egindakoak ere.

Eskaera orriak aurkezteko epea amaitu aurretik egindako lan denbora bakarrik hartuko da kontuan.

Enpresa pribatuan izandako esperientzia profesionala Gizarte Segurantzaren zurigarriekin eta enpresak egindako ziurtagiriekin egiaztatuko da, epaimahaiak eskatutako unean.
 
 

Lan esperientzia Herri Administrazioan izan bada, nahikoa izango da hark egindako ziurtagiria aurkeztea. Eta Gipuzkoako Foru Aldundian izan bada, nahikoa izango da halaxe adieraztea, epaimahaiak esaten duenean.

3.2.Administrazio publikoetan betetako zerbitzuak.

Herri administrazioko antzinatasuna gehienez ere 6 punturekin baloratuko da, 0,05 puntu hilabeteko.
 
 

Atal honetan ez da baloratuko Funtzio Publikoaren Legeko 96.1 artikuluan aurreikusitako behin-behineko lanpostuetan egindako lana, ez eta Administrazioan ohikoak ez diren lan espezifiko eta jakineko kontratu administratiboak, zerbitzu zibil edo merkataritzakoen errentamendukoak, bekak eta prestakuntzako praktikaldiak ere.

Eskaera orriak aurkezteko epea amaitu aurretik egindako lan denbora bakarrik hartuko da kontuan.

Antzinatasuna Herri Administrazioko erakunde egokiak egindako ziurtagiriarekin egiaztatuko da, epaimahaiak eskatzen duen unean. Eta Gipuzkoako Foru Aldundikoa bada, nahikoa izango da halaxe adieraztea, epaimahaiak esaten duenean.

3.3.Prestakuntza.

Lehiaketan parte hartzeko eskakizun gisa ezarritakoaz gain, maila bereko edo goragoko beste ikasketa agiri batzuk izatea baloratuko da.

Ez dira baloratuko merezimendu gisa aipatu den goragoko titulazioa lortzeko beharrezkoak diren ikasketak.

Atal honetan unibertsitateek emandako graduondoko edo masterreko ikastaroak ere baloratuko dira, baldin eta deitutako lanpostuaren zereginekin zerikusi zuzena badute.
 
 

Merezimendu hau gehienez ere 3 punturekin baloratuko da, ondorengo baremoaren arabera:

— Doktore titulua: 1,5 puntu tituluko.

— Lizentziadun, arkitekto edo ingeniari titulua: 1,5 puntu tituluko.

— Diplomadun, arkitekto tekniko edo ingeniari teknikoaren titulua: 0,75 puntu tituluko.

— 500 ordu edo gehiagoko masterra edo graduondoko ikastaroa: puntu bat tituluko.

— 250 ordu edo gehiagoko eta 500 ordu baino gutxiagoko masterra edo graduondoko ikastaroa: 0,50 puntu tituluko.

3.4.Hizkuntzak.

Gehienez ere 3 punturekin baloratuko dira, ondorengo baremoaren arabera:

— Frantsesa edo ingelesa, Hizkuntza Eskola Ofizialeko 3. maila: puntu bat hizkuntza bakoitzeko.

— Frantsesa edo ingelesa, Hizkuntza Eskola Ofizialeko 4. maila: 2 puntu hizkuntza bakoitzeko.

Hizkuntzen ezagupen maila zehazteko, hautagaiek horretarako prestatuko den ariketa bat egin beharko dute. Ez da baloratuko Hizkuntza Eskola Ofizialeko 3. mailatik beherako ezagupenik.

Puntuaketa hori lortuko dute, ariketa egin behar izan gabe, merezimenduak egiaztatzeko ezarritako epean Hizkuntza Eskola Ofizialaren ziurtagiria aurkezten duten hautagaiek.
 
 

4.Praktikaldia.

Oinarri orokorretan adierazitakoari jarraituz praktikaldia egin beharko dute, gehienez ere 6 hilabetekoa.

HIRI KALITATEKO ERDI MAILAKO TEKNIKARIA
PLAZA BAT

(Erref.: OP1/208 - Oinarri Espezifikoak)

I.DEIALDIA.

1.Izena.

Hiri Kalitateko erdi mailako teknikaria. Funtzionarioa. B sailkapen taldea. Administrazio Bereziko Eskala. Zerbitzu berezien azpieskala, zeregin berezietakoen klasea.

2.Plazak eta txandak.

— Txanda librean:

Plaza bat, 3. hizkuntz eskakizuna derrigorrezkoa duena.

3.Hautapen sistema.

Oposizio-lehiaketa.

4.Eskakizunak.

— Eskatutako titulazioa: Ingeniaritza Teknikoak.

— Beste eskakizun batzuk: B gidabaimena edukitzea.
 
 

II.HAUTAPEN PROZESUA.

Zehaztasunetarako, ikus I. eranskina.

III.GAI ZERRENDA.

1.Gai Zerrenda Orokorra.

1. gaia: 1978ko Konstituzioa. Konstituzioaren printzipioak: zuzenbidezko gizarte eta demokrazi Estatua. Espainiako Konstituzioaren balio gorenak.

2. gaia: Eskubide eta askatasunen erregulazioa Konstituzioan. Oinarrizko eskubideak babesteko eta bermatzeko erregimena. Eskubideok etetea.

3. gaia: Intimitaterako eskubide konstituzionala. Izaera pertsonaleko datuen babesaren erregimen juridikoa. Estatuko erregulazioa.

4. gaia: Botereak 1978ko Konstituzioan. Botere legegilea, judiziala eta exekutiboa.

5. gaia: Europar Batasuna eta zuzenbide komunitarioa. Erakundeak. Fondo estrukturalak.

6. gaia: Euskal Herriko Autonomi Estatutua. Euskal Herriaren eskumenak. Euskal Herriaren botereak.

7. gaia: Lurralde historikoak. Batzar Nagusiak. Gipuzkoako Foru Aldundia.

8. gaia: Espainiako toki erregimena. Toki administrazioa Konstituzioan. Autonomi printzipioa: esanahia eta irismena.

9. gaia: Administrazio prozedura: 1992ko azaroaren 26eko 30/92 Legea, Herri Administrazioen Araubide Juridikoarena eta Administrazio Prozedura Erkidearena. Printzipio orokorrak. Interesdunak. Herritarren eskubideak. Administrazio prozedura: prozeduraren faseak.

10. gaia: Legea. Kontzeptua eta izaerak. Lege motak. Lege organikoa eta lege arrunta. Erregelamendua: erregelamenduak ezartzeko ahalmena. Legezkotasunaren printzipioa.

11. gaia: Administrazio publikoen zerbitzuko langilegoa: tipologia. Funtzionarioen eskubideak eta betebeharrak. Hizkuntza normalkuntza administrazio publikoaren euskara erabileran:printzipio nagusiak, hizkuntza eskakizuna, hizkuntza eskakizunen derrigortasuna.

12. gaia: Espainiako zerga antolamendua. Konstituzioaren printzipioak. Zerga arauen aplikazioa. Zergak eta zerga-motak.
 
 

2.Gai Zerrenda Espezifikoa.

1. gaia: Etxeguneetarako lurzoru hiritarrean jartzekoak diren jarduera gogaikarriak sailkatzeko irizpideak. Araututako jarduerak. Jarduera Gogaikarri, Osasungaitz, Kaltegarri eta Arriskutsuen (GOKA) alorreko eskumenak.

2. gaia: GOKA jardueretarako baimena eskuratzeko prozedura. Aldez aurreko eta aldizkako egiaztatze ikustaldiak. GOKA jardueretako zigor prozedura.

3. gaia: Jarduerak salbuetsitzat jotzeko prozedura. Bete beharreko araudia.

4. gaia: Arau tekniko orokorrak eta etxeguneetarako lurzoru hiritarrean jartzekoak diren ibilgailu konponketako tailer jardueren kalifikazioa.

5. gaia: Arau tekniko orokorrak eta etxeguneetarako lurzoru hiritarrean jartzekoak diren soto eta behe solairuko garaje jardueren kalifikazioa.

6. gaia: Arau tekniko orokorrak eta etxeguneetarako lurzoru hiritarrean jartzekoak diren musikadun taberna eta jatetxe jardueren kalifikazioa.

7. gaia: Arau tekniko orokorrak eta gasolindegi jardueraren kalifikazioa.

8. gaia: Suaren eta sutearen funtsa. Suteak eragiten dituzten arrazoi nagusiak. Suteen sailkapena. Kasu bakoitzean erabiliko diren su itzaltzaile egokienak. Suteen aurkako instalazioak. Sutea automatikoki detektatzeko eta itzaltzeko instalazioak.

9. gaia: Ikuskizunetarako erabiliko diren eraikin eta lokalak eraiki edo eraldatzeko eskatzen diren betebeharrak eta baldintzak.

10. gaia: Behe eta goi tentsioko erregelamendu elektroteknikoa. Loturako instalazioak. Barruko instalazioak edo errezeptoreak. Errezeptoreak eta lur hartunea. Behe tentsioko segurtasun babesak.

11. gaia: Petrolio gas likidotuko (PGL) instalazioen sailkapena. Lurrazpiko eta lurrazaleko deposituak. Gutxieneko distantziak. Kanalizazioak eta banakako botilen bateria.

12. gaia: C gasolioko instalazioak. Ezaugarri orokorrak. Lurrazpiko deposituak. Lurrazaleko deposituak. Biltegiratzea eta elikadura sistemak eta kanalizazioak.

13. gaia: Beroketa eta aire girotuko instalazioak. Makina gela. Aireztapena. Ke, gas eta usaien hustubideak.

14. gaia: Akustikako oinarrizko printzipioak. Definizioa. Unitateak. Tresneria eta zarata neurtzeko ekipoak. Kalibrazioa. Ekipoek bete behar dituzten arauak. Bibrazioak. Kontzeptua. Bibrazioak giza gorputzera igortzea. Neurketa. Legedia.

15. gaia: Hiri komunitateetan industri jarduera eta instalazioek ateratzen duten zarataren ebaluazioa. Zarata motak. Ezaugarriak. Neurketa. Neurketa akatsak. Kalkulo prozedura. Lan giroan eta lanetik kanpokoetan zarata kontrolatzeko ekintzak. Hiriko etxegune komunitateetako zarata mailaren legedia eta arauak.

16. gaia: Lokalen isolamendu akustikoa. Kontzeptua, diseinua eta kalkulo arauak. GOKA jardueraren bat duten lokaletako aireko eta egiturako zarataren baldintza akustikoak egiaztatzea. Isolamendu akustikoko neurriak.

17. gaia: Kutsadura atmosferikoko iturri nagusiak. Lehen eta bigarren mailako kutsatzaileak. Jatorria. Ezaugarri fisikokimiko garrantzitsuenak. Erregai solido eta likidoa erabiltzen duten instalazio finkoetan partikula solido eta anhidrido sulfurosoaren igorpenak murrizteko ezarri beharreko neurri zuzentzaileak. Estatuko legedia.

18. gaia: Airearen kalitate arauak. Emisio eta inmisioa mailak. Definizioak. Erabilitako irizpideak. Estatuko legedian aurreikusten diren kutsatzaile nagusiak. Airean dauden partikula eta anhidrido sulfurosorako mugako baloreak, balore gidariak eta erreferentziakoak.

19. gaia: Aireztapen eta erauzketa lokalizatuko sistemak. Osagai nagusien ezaugarriak. Kontuan hartu beharreko printzipio orokorrak ondorengo elementuen diseinuetan: a) lainoztatze bidezko pintura kabinak, b) tratamendu upelak edo tanke irekiak. Kasu bakoitzean sortutako kutsatzaile kimiko garrantzitsuenak.

20. gaia: Aireztapen sistema baten errendimendua egiaztatzeko kontuan hartu beharreko parametroak, bai abian jartzen denean bai aldizka egiten diren mantenimenduko egiaztapenetan.

21. gaia: Mediku diagnostikorako X izpien kalifikazioa eta arau tekniko orokorrak.

22. gaia: Mediku diagnostikorako X izpien tresneria eta instalazioak aitortzeko eta erregistratzeko prozedura. Instalazioen ikuskapena. Horietan lan egiten duten langileen baimenak eta tituluak. Laneko egunerokoa. Artxiboak eta txostenak. Delituak eta zigorrak. Gai nuklearren alorreko zigor administratiboak.

23. gaia: Mediku diagnostikorako X izpien instalazioaren oinarri fisikoak. Egitura atomikoa. Erradiazioaren eta materiaren arteko elkarreragina. Magnitude eta unitate erradiologikoak.

24. gaia: Mediku diagnostikorako X izpiko tresneria eta sorten ezaugarri fisikoak. Erradiazioen igarpena eta neurketa. Erradiazioak igartzeko oinarriak. Erradiodiagnostikoko instalazioetan erabilitako igarleak.

25. gaia: Erradiazioen aurkako babesa. Eskumena duten erakundeak. Erradiazioak jasaten dituzten langile edota herritarrentzako dosi mugak. ICRPren gomendioak (Erradiologi Babesereko Nazioarteko Batzordea). Lan eremuen sailkapena eta seinaleztapena. Langileen zaintza erradiologiari dagokionez. X izpiko instalazio bateko egiturazko blindajeen (lehen eta bigarren mailako hesiak) eta egiturazkoak ez direnen eraginkortasunaren kalkuloa.

26. gaia: Maiztasun oso txikiko (50/60 Hz) eremu elektromagnetikoak eta irratimaiztasuneko/mikrouhineko (30 KHz eta 300 GHz) eremu elektromagnetikoak: Ezaugarri fisikoak. Eragin biologikoak. Aplikazioak. Esposizio mugak. Esposizio arriskuaren ebaluazioa. Neurketa.

27. gaia: Garapen eramangarriaren kontzeptua. Kontzeptuaren sorrera. Brundtland txostena. Eramangarritasunaren kontzeptu ekonomikoa eta ingurumen alorrekoa.

28. gaia: Ingurumen eta Garapenari buruzko Nazio Batuen Konferentzia edo Rio de Janeiroko Lurraren Gailurra. Bertan onartu ziren agiriak.

29. gaia: Ingurumen eta Garapen Eramangarriari buruzko Europar Batasunaren Politika eta Jarduketa Komunitarioko 5. Programa eta 6. Programarako proposamena.

30. gaia: Euskal Herriko ingurugiroa babesteko lege orokorra (1998ko otsailaren 27ko 3/98 Legea) eta eramangarritasuna Euskal Autonomia Erkidegoan.

31. gaia: Tokiko eramangarritasuna. Ingurumen, ekonomia eta gizarte alorreko eramangarritasuna. Tokiko eramangarritasuneko irizpideak. Udalerri eramangarri baten lorpenak eta erronkak.

32. gaia: Tokiko Agenda 21. Jatorria. Ezaugarriak. Helburuak. Ingurumen, ekonomi eta gizarte alorreko osagaiak.

33. gaia: Herri eta hiri eramangarrien mugimendua eta eramangarritasuna lortzeko prozesuak. Alborgeko Agiria. Lisboako Agiria. Hannoverreko Adierazpena.

34. gaia: Tokiko Agenda 21. Ingurumen jarduerako plana prestatzeko faseak.

35. gaia: Udalerri bateko ingurumenaren diagnostiko integrala. Definizioa, ezaugarriak eta egitura. DAFO metodologia.

36. gaia: Udal mailako ingurumen auditoriak prestatzea. Metodologia eta faseak.

37. gaia: Ingurumenaren adierazleak. Aurrekariak. Oinarrizko kontzeptuak. Eramangarritasunaren adierazleen udal sistema. Presio, egoera eta erantzunaren adierazleak.

38. gaia: Herritarren parte hartzea Tokiko Agenda 21eko prozesuetan. Testuingurua. Ingurumeneko Udal Kontseiluak. Herritarren foroak. Partaidetza bultzatzeko beste bide batzuk (Esku Hartzeko Lantaldeak EHL, Ikerketa-Egintza-Partaidetza IEP, Partaidetza Telematikoa, ...). Herritarrek parte hartzeko araudiak.

39. gaia: Hiriko ekosistema. Hiriaren ikuspegi ekologikoa. Ur eta energia emariak. Garraioa. Hiriko metabolismoa. Arrasto ekologikoa.

40. gaia: Autonomia Erkidegoko udalerrietan tokiko agendak 21 sustatzeko 2000-2003 programa. Autonomia Erkidegoko udalak eta Tokiko Agenda 21, gaiaren egoera. Udaltaldeak.

41. gaia: Udalaz gaindiko lankidetza eta Tokiko Agendak 21 prestatzeko europar sareak. Bartzelonako La Xarxa de Ciutats i Plobles cap a la Sostenibilitat.

42. gaia: Gasteizko Agenda 21. Esperientzia horren balorazioa. Erabilitako ebaluaketa, jarraipen eta hedapen sistemak. Erabilitako eramangarritasuneko adierazleak.

43. gaia: Ingurumen Kudeaketako Sistemak (IKS). Kontzeptuak. Abantailak, IKSa ezartzeak dituen balizko onurak. Eragozpenak, gainditu beharreko oztopoak. Kudeaketa sistema hautatzerakoan dauden aukerak.

44. gaia: Araugintza. Ingurumen kudeaketako arauak. Kontzeptua, helburuak, baldintzak. 1836/93 Erregelamendua, ekokudeaketa eta ekoauditoretzako europar erregelamendua (EMAS). 761/2001 Erregelamendua, ingurumeneko kudeaketa eta auditoretzako europar erregelamendu berria (EMAS II). ISO 14000 nazioarteko arauak. Bi arauen arteko konparazioa eta bateragarritasuna. Espainiako araugintza: UNE-77.801-94 eta UNE-77.802-94 arauak. Eskumena duten erakundeak. Normalizazioko batzorde teknikoak.

45. gaia: Ingurumen kudeaketako sistema bat ezartzea. Ingurumen adierazpena. Ziurtapena edota egiaztapena. IKS baten osagaiak, baldintzak. Proposamena, konpromisoa. Hasierako ingurumen ebaluaketa. Ingurumen politika. IKSren plangintza. Ezarpena. Egiaztatzea eta zuzentzea. Zuzendaritzak ikuskatzea. Ingurumen adierazpena. Ziurtapena edota egiaztapena.

46. gaia: IKSren auditoretza: kontzeptuak, irismenak, helburuak, metodologia eta baliabideak.

47. gaia: Kudeaketa sistemen integrazioa: kalitatea-ingurumena-segurtasuna. Hiru sistemen arteko konparazioa eta osagarritasuna. ISO 9000, ISO 14000 eta UNE 81900 arauen arteko aldeak eta antzekotasunak. Ikuspegi integraturako baliabideak: hasierako egoeraren ebaluaketa integratua, jarduketen programazioa, sistemak bakarka edo batera ezartzea, auditoretzak eta ziurtapena.

48. gaia: Toki erakundeetan IKS bat ezartzea. Onurak. EMASSER europar proiektuaren esperientzia.