Industri hondakinen gida: San Markoseko zabortegia

SAN MARKOSEKO ZABORTEGIAN HONDAKINAK ONARTZEKO BALDINTZAK

Ekoizleak hondakinak San Markoseko Mankomunitatearen barnean dauden udalerrietan sortu beharko ditu. Hondakinaren ekoizleak hondakinak ematearen agiria bete beharko du. Bertan izena edo enpresaren sozietate-izena, hondakina sortzen den udalerriaren izena, telefonoa, isuriko duen hondakin-mota eta data adieraziko ditu.
Aipatutako dokumentuak ekoizlearen zigilua eta arduradunaren sinadura izan beharko ditu.

Hondakinak San Markos zabortegian uzteko agiria

Emate-agiria

Hondakin onargarriak

Zabortegi honek ondorengo hondakin-motak onartzen ditu:Ordenadoreak

logotipoa
  1. Hiri-hondakin solidoak eta asimilagarriak
  2. Inausketak eta berdeguneetako hondakinak
  3. Hondakin organikoak
    1. Harakintzetakoak eta hiltegietakoak
    2. Egoera txarrean dauden elikagaiak eta elikagai konfiskatuak
    3. Elikagai-industrietako opil eta hondakin organikoak
  4. Industri lohi organikoak
  5. Egurra
  6. Kartoia
  7. Automobilgintza-pneumatikoak
  8. Makina elektronikoak
  9. Erabilerarik ez duen material informatikoa

1. Hiri-hondakin solidoak eta asimilagarriak

  1. Jangeletako hondakinak
  2. Bulego-garbiketetan sortutakoak
    Eta abar

San Markoseko zabortegian hondakinak isurtzen uzteko, edozein isurketa egin baino lehenago, ematearen agiria bete beharko da.

2. Inausketak eta berdeguneetako hondakinak

Inausketak eta berdeguneak mantentzearen ondorioz sortutako gainerako hondakinak beste hondakinez banandurik isuriko dira horretarako egokitutako zonetan, ondoren konposta egiteko.

3. Hondakin organikoak

  1. Harakintzetakoak eta hiltegietakoak
  2. Egoera txarrean dauden elikagaiak eta elikagai konfiskatuak.
  3. Elikagai-industrietako opil eta hondakin organikoak

San Markoseko Mankomunitateak hondakin horiek onartuko ditu beti ere hezetasun-portzentajea % 65a gainditzen ez duenean eta berariazko tratamendua eskatzen duen osagairik ez duenean.

Kasu guztietan, hondakina San Markoseko zabortegian isurtzeko, ematearen agiria bete beharko da.

4. Industri lohi organikoak

Hezetasunari dagokionez, hondakinak % 65a ez gainditzeko, zabortegian isuri aurretik lohiak lehortu egin beharko dira.

Zabortegian onartu baino lehen, hondakinaren ezaugarriak zehazteko analizatu egingo da. Lagina hondakin-ekoizlea den enpresarekin zerikusirik ez duen teknikariren batek hartuko du eta laborategi homologatuan aztertuko da.

Hondakina onartuz gero, San Markoseko zabortegian isurtzeko, ematearen agiria bete beharko da.

5. Egurra

Egurra, gainerako hondakinetatik banandua, horretarako egokitutako zonan isuriko da, ondoren birziklatzeko.

6. Kartoia

Kartoia material birziklagarria da eta, beraz, bereizteko egokitu den edukiontzian botaz gero, isurketa doakoa da.

7. Automobilgintza-pneumatikoak

Automobilgintza-pneumatikoak beste edozein hondakin-motatatik banandurik isuri beharko dira zabortegian helburu horrekin berariaz egokitutako zonan.

Edozein isurketa egin aurretik, San Markoseko zabortegian isurtzeko ematearen agiria bete beharko da.

8. Makina elektronikoak

  1. Dibertimenduzko jokoak
  2. Edari- edo tabako-makinak
    Eta abar

Makina elektronikoak beste edozein hondakin-motatatik banandurik isuri beharko dira zabortegian helburu horrekin berariaz egokitutako zonan. 

Edozein isurketa egin aurretik, San Markoseko zabortegian isurtzeko ematearen agiria bete beharko da.

9. Erabilerarik ez duen material informatikoa

Erabilerarik ez duen material informatikoa bere kudeaketa zuzena zailtzen ez duen kantitatean bakarrik onartuko da. Horregatik, zalantzarik edukiz gero, ekoizleak kopuru hori onargarria dela egiaztatu beharko du; beraz, San Markoseko zabortegiko arduradunarekin kontaktuan jarri behar du. Edonola, San Markoseko Mankomunitateak hondakin-mota horren ekoizleei bere kabuz kudeatzera behar diezaieke.

Materiala ordenean botako da horretarako zabortegian kokatu diren kaioletan.