San Markos-eko Mankomunitatea - Kanpainak

Martxoaren 1etik aurrera Etxebizitzako Hondakin Arriskutsuak biltzeko zerbitzu berria San Markoseko Mankomunitatean

Thu, 01 Mar 2007 10:21:00 GMT

San Markoseko Mankomunitateak etxeko hondakin arriskutsuak biltzeko zerbitzua berritu eta bikoiztuko du. Horretarako, bi ibilgailu berri erabiliko ditu Mankomunitateko udalerri desberdinetan. Ibilgailu horiek bilketa-puntu gehiago izango dituzte, hain zuzen ere, guztira 44.
Furgonetan honako hondakin arriskutsuak biltzen dira:
Sukaldeko olioak
Pinturak, bernizak, disolbatzaileak, itsasgarriak
Lanparak eta fluoreszenteak
Etxetresna elektriko txikiak
Telefono mugikorrak
Garbiketako produktu kimikoak
Termometroak
Material informatikoa: monitoreak, teklatuak...
Pilak eta bateriak
Aerosol toxikoak: intsektizidad, lanak...
Autoetako olioak, bateriak, iragazkiak, izotzaren kontrako likidoak
Kamerak eta argazki-materiala
Erradiografiak
Herbizidak eta intsektizidak
Inprimagailuetako kartutxoak eta tonerrak
Jostailu elektrikoak eta elektronikoak
CDak eta DVDak

Lehen hezkuntzako zentroetara zuzenduriko prebentzio kanpainaren 2. edizioa.

Thu, 01 Mar 2007 10:32:00 GMT

Hiri-hondakinen prebentzioaren helburua ahalik eta hondakin gutxien sortzean datza, herritarrek gaikako bilketako zerbitzuak erabili edota zaborraren edukiontzian utzi aurretik.
"ZIRT edo ZART: MURRIZTU" kanpainaren bigarren edizio hau San Markoseko Mankomunitatea osatzen duten 10 herrietako ikastetxe guztietako hirugarren ziklora (10-11 urte) zuzendua dago.
"ZIRT edo ZART: MURRIZTU" -k baliabide didaktiko ludikoak eta parte-hartzaileak erabiltzen ditu. Horiek guztiak ikasleen adinarekiko egokituta daude eta helburua haiek nahiz beren ingurune hurbilena (familia) hondakin gutxiago sortzen inplikatzea da. Kanpainen indizea:
Lehenengo saioa: "Saiatu zabor gutxiago sortzen eta lortuko duzu"
Bigarren saioa: "Prebenitzea zabor gutxiago sortzea da"
Aurreko eta ondorengo lanerako hezkuntza-materiala
Aholkularitza zerbitzua
Kanpainako egutegia

“BIZITZA LUZEA DU BEIRAK, birziklatu!” Lemapean San Markoseko Mankomunitateak ostalaritzako 350 establezimiendu bisitatuko ditu

Thu, 24 Apr 2007 12:30:00 GMT

San Markoseko Mankomunitateak Donostiako Parte Zaharreko eta Errenteria, Hernani eta Pasaiko hiriguneetako 350 ostalaritzako establezimendu bisitatuko ditu. Aterik ateko beiraren bilketa indartzeaz gain, ondorengo helburuak ere baditu: doako zerbitzu honetara ahalik eta establezimendu gehien atxikitzea eta bildutako hondakinen kalitatea hobetzea, ahal den neurrian, beirazko ontziak ez direnen jasotzea saihestuz.

Informazio-kanpainak apirilaren 16tik 27ra iraungo du. Epe horretan, behar bezala akreditutako bi pertsonak, aipatutako zonaldeetako establezimendu guztietan bisita pertsonalizatuak egingo dituzte, San Markoseko Mankomunitateak eskaintzen duen doako zerbitzuaren berri emateko eta haien parte hartzea eskatzeko.

Zerbitzuan izena ematen duten establezimenduei eta jada parte hartzen ari direnei eranskailu bereizgarri bana emango zaie establezimendu “beira-birziklatzaile” modura.

Gogoratu beharra dago, Donostiako kasuan udal araudiak edukiontzi homologatua erabiltzera behartzen duela aterik ateko zerbitzuan parte hartzeko. Edukiontzi hori, dohainik uzten zaie zerbitzura atxikitzen diren establezimendu guztiei, hala hiriburuko Parte Zaharrekoei nola aipatutako lau udalerrietako hiriguneetakoei. Kasu guztietan beira-hondakinak bakarrik utzi behar dira, emandako edukiontzi homologatuan. Gainerako informazioa (edukiontziaren erabilera-arauak, udalerri bakoitzeko ordutegiak, edukiontzian zer utzi daitekeen eta zer ez) kanpainan parte hartuko duen pertsonalak emango die eskura informazio-foileto baten bitartez. Gainera, eranskailu bat emango zaie edukiontzi homologatuan ipintzeko, une oro, edukiontzian zer, batez ere, EZ duten utzi behar jakiteko.

Amaitzeko, beirazko ontziak %100 birziklagarriak direla azpimarratu nahi dugu, eta ostalaritzako establezimenduetan biltzea justifikatua dago, haietan kontsumitzen baita ontzi horien %48a. BIZITZA LUZEA DU BEIRAK, BIRZIKLATU!