Hondakinen gaikako bilketa industri poligonoetan

Kartoi hondakinen bilketa 27 poligonoan San Markoseko Mankomunitateko industrietan bildutako hondakinen % 42 birziklatu egiten da.

2006. urtean 12.501 tona hondakin kudeatu ziren eta 2.685 enpresak sortu zituzten. Horietatik, 2.658 t kartoi (% 21,27) eta 2.701 t (% 21,61) egur-hondakin berreskuratu ziren, beraz, ehunekoak paretsu agertzen dira. Atez ateko bilketa-zerbitzu hau San Markoseko Mankomunitateko lurralde-eremuetako industri poligonoetan eta parke teknologikoetan kokatutako enpresa guztiek dute.

San Markoseko Mankomunitateak industri poligonoetan hondakinak gaika biltzeko zerbitzuari 2001. urtean ekin zion, Donostiako eta Astigarragako Udalek Martuteneko 27. Poligonoan hiri-hondakinei eta asimilagarriei buruz aginpideak transferitu zizkiotenean. Ondoren, beste Udalak batu dira eta San Markoseko Mankomunitateari eman dizkiote eskumenak industri poligonoetan sortutako hiri-hondakinei eta hondakin asimilagarriei dagokienez.

Industrialdetan eta parke teknologikoetako gaikako bilketaren eboluzioa
Kontzeptua	2001	2002	2003	2004	2005	2006
Berreskuratutakoa	117.720	996.019	1.091.868	1.615.028	4.440.007	5.360.613
Egurra	67.700	632.680	674.130	961.580	2.240.835	2.701.910
Kartoia	50.020	363.339	417.738	653.448	2.199.172	2.658.703
Desagerrarazitakoa / Hiri-hondakinekiko hondar asimilagarriak	107.070	983.914	1.156.620	1.672.030	5.938.136	7.140.398
GUZTIRA	224.790	1.979.933	2.248.488	3.287.058	10.378.143	12.501.011
Birziklatutako %	52,37%	50,31%	48,56%	49,13%	42,78%	42,88%

Industrialdetan eta parke teknologikoetan ematen den bilketa zerbitzua
Kontzeptua	2001	2002	2003	2004	2005	2006
Enpresen kopurua	391	501	520	859	2584	2685

Industrialdetan sortutako hiri-hondakinen eta asimilagarrien kudeaketarekin lotutako eskuduntzen transferentzia
Kontzeptua	2001	2002	2003	2004	2005	2006
Poligono 27 (Donostia - Astigarraga)	391	391	401	405	455	436
Urnieta		110	119	122	130	121
Astigarraga				332	351	305
Hernani					294	314
Donostia-San Sebastián					577	583
Oiartzun					452	462
Errenteria					107	114
Lezo					218	219
Usurbil						131

kartoi hondakinen bilketa 27. poligonoan Partaidetza geroz eta handiagoa da eta, beraz, erabiltzeen asetze-maila handia da. Horregatik gaikako bilketa-sistema San Markoseko Mankomunitateko udalerri guztietako industri poligonoetara eta parke teknologikoetara hedatu da.

Bilketa arautzeko ordenantza bat * dago eta industri poligonoetan, enpresa-parkeetan eta parke teknologikoetan emandako zerbitzua arautzen du:

Lurralde-eremu horietan kokatutako lokal edo establezimenduetako titular, errentari edo jabe guztiek derrigorrez zerbitzuan alta eman behar dute.
Erabiltzaile bakoitzari edukiontzi bat edo batzuk entregatzen zaizkio birzikla ezin daitezkeen hondakinak botatzeko.
Aipatu edukiontziak enpresa bakoitzaren instalazioetan sartu behar dira eta herri-bidean jartzea debekatuta dago.
Halaber, ezin daitezke edukiontzi horietan gaika bil daitezkeen materialak bota, hala nola papera eta kartoia edo egurra. Ildo horri jarraiki, edukia egiaztatu ostean, bilketa-zerbitzuak edukiontzia bazter dezake.
Hiriekiko hondakin asimilagarriak, deuseztatzera bideratutakoak, astean behin biltzen dira.
Gaika bildutako hondakinak (besteak beste, kartoia eta egurra) gainerako hondakinetatik bereizita bota behar dira birziklatu ahal izateko. Ez da beharrezkoa edukiontzian entregatzea.
Birzikla daitezkeen hondakinak astean behin jasotzen dira. Gainera, hondakin organikoak egunero biltzen dira, jaiegunetan izan ezik.

Tasa aldakorra

Lokalaren edo establezimenduaren azaleraren metro karratu bakoitzeko.
Hondakinak biltzeko erabiltzailearen eskura jarritako edukiontzi bakoitzeko.
Emandako zerbitzu-unitate bakoitzeko, hau da, erabiltzaileak edukiontzia bilketa-zerbitzukoek husteko eskuratzen duen bakoitzeko. Kartoia eta egurra gaika biltzeko zerbitzu-unitateak ez dira zenbatzen.

Diseinatutako sistemak zenbait abantaila ditu. Banan-banakako gaikako bilketari esker, batera errazago kudea daitezke:

Hiriekiko hondakin asimilagarrien bilketa berreskuratzeko edo baliorik emateko aukerarik gabe eta azken helburutzat deuseztatzea dutenak.
Jatetxeetan, jangeletan, elikagaien manipulazio-enpresetan eta abarretan sortutako hondakin organikoen bilketa.
Konposizioarengatik edo ezaugarriengatik trata eta, ondoren, birziklatuz, berrerabiliz edo balioa emanez berreskura daitezkeen hondakinen bilketa, besteak beste, papera eta kartoiarena edo egurrarena.

Hondakinen gaikako bilketa industri poligonoetan Ekoizle bakoitza identifikatu eta arduradun bihurtzen da, ez bakarrik sortutako kantitatearengatik, baita hondakinen izaerarengatik ere. Era berean, tasa aldakorrak aplika daitezke, hirikoekiko hondakin asimilagarrien kopuruaren arabera, hau da, berreskuratzeko aukerarik ez duenari jarraiki. Eta hori enpresa edo ekoizle bakoitzari aplikatzen zaio. Kartoizko eta egurrezko hondakinen gaikako bilketak ez dira zenbatzen zerga zehazteko orduan.

Araudia ikusteko:
Ireki G.A.O. leiho berrian.
acrobat reader ikonoa Ireki G.A.O. PDF formatoan(125 kb).
- Aldaketa: (G.A.O., 248. zk., 2004ko abenduak 28)
Ireki G.A.O. leiho berrian.
Ireki G.A.O.-ren orria PDF formatoan (125 kb).
Aldaketa (G.A.O., 40. zk., 2008ko otsailak 26)
Ireki G.A.O. leiho berrian.
acrobat reader ikonoa Ireki G.A.O.-ren orria PDF formatoan (125 kb).

Tasak ikusteko:
Ireki G.A.O. leiho berrian.
acrobat reader ikonoa Ireki G.A.O.-ren orria PDF formatoan (80 kb).

Horrez gain, bilketa-zerbitzuak ondorio positibo hirukoitza du:

Hiriekiko hondakin asimilagarriak eta hondakin inerteak behar bezala kudeatzen dira.
Birzikla daitezken hondakin guztiak xede horrez erabiltzen dira eta ez dira deuseztatzen.
Bestelako hondakin-korronteak azaleratzen dira, hala nola hondakin arriskutsuenak. Hala, enpresa baimenduaren bidez behar bezala kudeatzen ez dituzten ekoizleek derrigorrez ondo kudeatu behar dituzte.

Zerbitzuan izena emateko lehio berrian ireki.