 |
| |
| Inbertitzeko
eta gozatzeko Plataforma |
|
Plataforma
bat da era guztietako jarduerak gauzatzeko eta sustatzeko oinarri
sendoa, trinkoa, ziurra eta egokia. Halaxe agertzen da Gipuzkoa
munduaren aurrean: inbertitzeko etorkizuneko plataforma bat,
eta bertan bizitzeko eta atsegin hartzeko aparteko plataforma
"berde" bat.
Orri hauen bitartez Gipuzkoako errealitatearen hainbat alderdi
ezagutuko dituzu, gure lurra hobeto ezagutzen lagunduko dizutenak:
bere historia aberatsa, bere azpiegiturak, bere kultura berezia,
bere paisaia ederrak, bere herri kirolak, bere sukaldaritza,
bere jendea, bere ekonomi ahalmena... ezin konta ahala ezaugarri,
hona etorri eta zuk zeuk ezagutzera gonbidatuko zaituztenak,
zalantzarik gabe.
Gipuzkoako gizon-emakumeek historian zehar ahalegin handiak
egin izan dituzte ekonomiaren eta merkataritzaren errealitateak
unean-unean paratutako erronkei erantzuten eta aurrea hartzen.
Gipuzkoarrok zerbaitez harro egon bagaitezke, gure mugez haraindi
negozioak eta enpresak sustatzeko antzinatik datorkigun trebetasunaz
harrotu gaitezke. Horregatik, gure erronka, gaur eta beti, hainbeste
ahalegindu ziren gizon-emakume haiei ohore egitea izango da,
erabakigarriak izan baitira gure bilakaerari laguntzeko.
XXI. mendeko Gipuzkoa egiazko errealitatea da, eskura eta ikusgai
daukazuna, zerorrek egiazta dezazun inbertitzeko, bertan bizitzeko
eta atsegin hartzeko aparteko plataforma dela.
Ongi etorri Gipuzkoara! |
|
