Ondare Historiko-Artistiko, Agiritegi eta Museo Zerbitzuaren barruan dago, Ondare Historiko-Artistiko programa. Egiten ditugun lanen helburua da ondarea babestea eta ezagutaraztea: historiko-artistikoa —higiezina nahiz higigarria—, arkeologikoa, eta etnografikoa. Gure helburu nagusia da iraganetik jaso ditugun eta gure kulturaren adierazgarri diren ondasun guztien zaintza bermatzea. 
 Gure bulegoak Koldo Mitxelena Kulturunean daude.

Ekintzak 

• Kultur ondasunen gainean egiten diren esku-hartze guztietan Euskadiko Kultur Ondarearen Legea bete dadin arduratzen gara.

 
• Diru laguntzakematen ditugu urtero zaharberritze lanak egiteko ondare mota hauetan: erlijioso eta zibilean, higiezinean, higigarrian, eta arkeologikoan.

 
• Erakunde eta elkarte publiko nahiz pribatuei aholku ematen diegu ondarea zaintzeari buruz.

 
• Ikerketa proiektuak bultzatzen ditugu geure ondare historiko-artistikoaren gaineko ezagutza hobetzeko.

 
• Erakusketak antolatzen ditugu, Zaharkinak zikloa osatzen dutenak, esate baterako.

 
• Geure argitaratze bideak dauzkagu: Ondare eta Bertan, ondare historiko-artistiko eta etnografikoaren zabalkundean espezializatuta daudenak.

 
• Ondare etnografikoa babesten laguntzen dugu, geure bitartekoen puska handi bat pieza interesgarriak erosteko erabiliz.

 
• Bai geureak diren artelanak bai erakunde publiko nahiz pribatuenak zaharberritzen ditugu, baita arkeologiako materialak ere, ARTELEKUN dauzkagun espezialitate guztietako lantegietan zaharberritu ere. Zaharberritzaile profesionalen prestakuntzan laguntzeko xedez, bekak emateko deialdia egiten da, artelanen zaharberritze praktikak egiteko Artelekuko lantegian. Gai horrekin lotuta, Kultura, Euskara, Gazteria eta Kirol Departamentuak zaharberritze arloan espezializazio ikasketak egiteko bekak emateko deialdia egiten du ere. 

 
• Zaharberritze eredugarriak egiten ditugu balio historiko-artistikoa duten geure eraikinetan: Loiolako Basilika , Igartubeiti baserria (Ezkio-Itsaso), eta Agorregiko burdinolak eta errotek osatutako multzoa (Aia).

---

Agiritegiak  |  Museoak

---

Eguneratua: 2002-01-16
http://www.gipuzkoa.net/kultura/patrimon/euskara/02phare.htm
Kultura,  Euskara, Gazteria eta Kirol  Departamentua
Ondare Historiko-Artistiko, Agiritegi eta Museo Zerbitzua
Tel.: +34 943 482787
Faxa: +34 943 482780

  gvives@kultura.gipuzkoa.net