BILATU 
KULTURA HASIERA 
Gipuzkoako Foru Aldundia 
ENGLISH 
ESPAÑOL 
FRANÇAIS |
Ondare Historiko-Artistiko, Agiritegi eta Museo Zerbitzuko adar bat da agiritegien saila. Guk dauzkagun dokumentuak Foru Aldundiarenak dira batzuk eta, nahiz eta gaur egun Foru Aldundiak kudeatu, estatu espainolarenak (Hezkuntza eta Kultura Ministerioa) beste batzuk. Ondare dokumental hori zaintzea eta ezagutzera ematea da gure zeregin nagusia eta horretarako bi zentro hauek dauzkagu:
Artxibo historikoetan berezkoak izan ohi diren lanez gainera, beste batzuk ere egiten ditugu gure historiari buruzko ikerketak eta jakintzak areagotzeko. Esate baterako, ikerketa historikoak egiteko urtero bekak emateaz gain argitalpenetan geure bidea ireki dugu eta, horrela, aukera ematen ari gara ikerketa historikoak (doktoretzako tesiak, bekatuen lanak...) eta fondo dokumentalak argitaratu eta herritarrei ezagutzera emateko. Ikastetxeei begira, berriz, bisita gidatuak antolatzen ditugu artxibo historikoetara. Modu horretan ikasleek aukera izaten dute artxiboen funtzioaz jabetzeko eta dokumentu fondoak nolakoak eta zein aberatsak diren gertutik ezagutzeko. Beste aldetik, Euskal Kulturaren Ondareari buruzko Legearekin bat etorriz, dokumentuetan Gipuzkoak duen ondare publiko eta pribatua kontserbatzen saiatzen gara, ondare dokumentala lehengoratzeko daukagun dirulaguntza programaren bidez. Azkenik, eskatzen diguten herritar eta instituzioei gure aholkularitza teknikoa eskaintzen diegu, artxiboko gaietan eta ondare dokumentala kontserbatzeko laguntza behar dutenean. Eta jakin ezazu zure esanetarako gaudela. Tolosako Agiritegian (AGG-GAO), Oñatikoan (AHPG-GPAH) edo Koldo Mitxelena Kulturunean dauden Ondare Historiko-Artistiko, Agiritegi eta Museo Zerbitzuko bulegoetan aurkituko gaituzu. http://www.gipuzkoa.net/kultura/patrimon/euskara/02arche.htm Kultura, Euskara, Gazteria eta Kirol Departamentua Ondare Historiko-Artistiko, Agitritegi eta Museo Zerbitzua Tel.: +34 943 482787 Fax: +34 943 482780 
gvives@kultura.gipuzkoa.net |
