Bizitasuna da, hitz batez azaltzerakoan, HISTORIA on line honen ezaugarria. Sail desberdinak, nabigatzaile mota  desberdinei zuzenduak zaizkienez, etengabe eguneratuko ditugu. Sail guztiek iritzia emateko edota proposamenak egiteko aukera emango dute. Gaia eta garaia, Zumalakarregi  Museoarena: XIX. mendea, tradizioaren eta iraultzaren arteko lehian. Hortik aurrera, dena zabalik.   
 

Sailak honako hauek dira:   

Berripaperak Euskal Herriko XIX. mendea aztertzeko baliabideen berri eman nahi du: bildumak, ikerlanak, hipotesiak, proiektuak... Zumalakarregi Museoarenak zein beste erakunde edo pertsonenak.   

Eztabaida guneak gai historikoak proposatu eta hitza zuei luzatzen dizue, sesiotarako baino gehiago gogoetarako ekarpenak jasotzeko, historiaz ez baitago dena esana, ezta hurrik ere.   

Bitxikerien bitartez anekdotatik haratago joan nahi dugu. Topikoak eta zuri / beltz eskemak historian ezer gutxi balio dutela, gure errealitatea uste baino joriagoa izan zela erakutsi nahi dugu.   

Baina, zer da hau? sailak historiaren alde ludikoa nabarmen utzi nahi du, gure ondarearen nondik norakoak joko bilakatuz.   

Erakusketa birtualak ere ondarea du ardatz,  tradizioaren eta modernitatearen arteko zubiarena egin duen XIX.ekoa, geu hasi eta zuek jarraituko duzuena.