Sendatzea eta zaintzea ez dira gauza bera. Burgesia garailea eroso bizi da. Herri xeheak gogor lan egiten du, baina ez du goseterik pairatzen. Sufrimenduak orain ez dirudi bizitzaren nahitaezko kide; ekiditerik ez badago, arin daiteke behintzat. Guda ez da ezbaian jartzen, baina bere kalteak ahalik eta gutxien izatera mugatzeko ahaleginak egin behar dira. Bizitza ederregia da alferrik galtzeko.         Gaixo eta zaurituen zaintza bazter izatetik lehentasunetara igarotzen da, aurrerapen teknikoengatik baino gehiago, komunikabideen bidez ospitaletako egoera lazgarriak iritzi publikoarengan eragiten duelako.              Jauzi kualitatiboa eman da. Ez da nahikoa nork bere zaurituak zaintzea. Etsaiak ere, gizakia denez eta ez baldin bada borrokatzeko gai, begirunea merezi du. Horretarako borroka kideek errespetatuko duten erakunde neutral bat behar da. Lehenago zaurituak, gero presoak; hondamendi ez belikoek jotakoak ondoren, eta zibilak, deserriratuak, errefuxiatuak... soluzioak beti problemen atzetik iristen dira.              Beste estatuen bake eskuhartzeak, hein handi batean, interes geoestrategiko eta ekonomikoen arabera ematen dira.      Britainiar siderurgiak interes handia zuen Bilboko meategietan, eta haien ustiakuntza industriala Karlistada bukatu ondoren hasi zen.               M u s e o - Z u m a l a k a r r e g i - M u s e o a Muxika egurastokia 6, 20216 Ormaiztegi (Gipuzkoa) TF: +34 943 88 99 00 Fax: +34 943 88 01 38 mzumalakarregi@kultura.gipuzkoa.net