JARDUERAK DIDAKTIKOAK 

Publikoak aukeran ditu Museoak prestatutako ekimen eta programa desberdinak. 

Ibilbide gidatuak.

	* Zumalakarregi, pertsonaia bat, garai bat. Euskal historia ulertzeko lehen hurbilpena. Lehen Hezkuntzako ikasleentzat. Non: Museoan barrena. * Zumalakarregi eta Lehenengo Karlistada. XIX.eko euskal historia bortitza. DBHko ikasleentzat. Non: Museoan barrena. * Bi mundu aurrez aurre. Aintzin Erregimenetik Liberalismorako bidea. Batxilergoko ikasleentzat. Non: Museoan barrena.
	* Industrializazioa. Burdinolatik fundiziora, gurditik trenbidera, aberetik baporera, baserritik hirira. Bigarren Hezkuntzakoentzat. Non: Museoan eta Ormaiztegiko burdinazko trenzubian. * Gerra eta Bakea. Bortizkeriaren sustrai, ezaugarri eta ondorioaz gogoeta egiteko proposamena. Bigarren Hezkuntzakoentzat. Non: Museoan barrena.
	* Burdinaren bideak. Burdinaren lanaren bidez, Aintzin Erregimenetik Liberalismorako pasabidea Euskal Herrian. Bigarren Hezkuntzako ikasleentzat. Non: Ormaiztegin, Legazpin eta Zerainen. * Ibilbide pertsonalizatuak. Talde mota guztien interesen arabera egokitutuak.

 Zumakit maleta didaktikoak: 

	* ZUMAkit 1 Janzkien baula. XIX.eko baul batek Zumalakarregiren garaiko gizartea aurkezten du zortzi pertsonaien bidez: gizon-emakume burges eta baserritarrak, soldadu karlista eta liberala, kleroa eta Zumalakarregi bera. Baliabideak: kapelu eta beste buruko janzkiak, diapositibak, garaiko testu eta irudien erreprodukzioak.
	* ZUMAkit 2 Euskal komunikabide eta garraioak. 1788-1865.  Bidesarearen eta garraioen bilakaera eta inguru historikoa azaltzeko, 1788, 1835 eta 1865 datak ardatz harturik, mapa konbinagarriak eta diapositibak aurkezten dira, garaiko testu eta irudiak osagarri.
	* ZUMAkit 3 XIX. mendea, bi munduen arteko zubia. 155 argazki joan den mendeko kultur ondarea, zentzurik zabalenean interpretatzeko. Argazki zahar eta berriak, aipamen banarekin, hiru sailetan bilduak. Aproposa herri bakoitzeko ondarearen baliogarritasuna ikasteko.

 Lantegi elkarreragilea. 

XIX. mendeko gizartea ezagutzeko gune elkarreragilea, proposamen erakargarri, ludiko eta partehartzaileen bidez, bisitari guztientzat zabaldua.

Museo eguna 

Tirabira Ormaiztegin izeneko jokoa, non gaztetxoek, liberal eta karlista bandoetan banatuta, Museoak jarritako helburua erdietsi behar duten.

Zumagazte 

Ormaiztegiko umeekin prestatzen den asteroko jardunaldia, XIX. mendeko gaiak modu ludikoan jorratuz.