Karlos Santamaria

Nazioartetik Donostiara

Conversaciones Catlicas Internacionales de San Sebastin

(1935. 1947-[1958]-1959)

Joseba Intxausti

Prentsa eta aldizkarietako oihartzunak
Solasaldietako "barnetegia" aipatu dugu: ez dago horrelakorik. Egia da, talde mugatu batean lan egiten zela, baina antolatzailek betidanik arduratu ziren taldean esandakoei komunikabideetara bide egiteko. Bi modutan lortu zen hori: prentsa eta aldizkariak gogoan izanik, urteoroko solas-lagunak aukeratzean lehenengo, eta gero, bilerak egitean prentsarentzat oharrak eta albistari argitaragarriak eskaintzean.

Horrela, Solasaldiak gertakari mediatiko bilakatu ziren: Mendebaldeko Prentsa katolikoak ateak zabalik zituen jardunaldiak hasi aurretik ere, eta Prentsa ez-eliztarrarentzat, berriz, erraztasun denak eman ohi ziren prentsa-zerbitzu bat mantenduz. Azkeneko hau eguneroko Prentsa da batez ere, eta berorrekin hasiko gara.

Eguneroko prentsa
Bi motatako lana ikusten da artxiboan gorde diren prentsa-mozkinetan: agentzia bidez zabaldutako eguneroko ohar laburrak, eta egunkari bakoitzak bere kazetarien eskutik egindako erreportaiak. Kasu batzuetan egunerokoak izan ziren: Donostiako La Voz de Espaa edo Diario Vasco-n eta Bilboko El Correo Espaol nahiz La Gaceta del Norte-n, Madrileko Ya-n, etab. Donostian bildutako solas-lagun lankideren batek bidalitako elkarrizketa eta gogoetak behin baino gehiagotan urrunago eramaten zituen albisteak: Barcelonako El Correo Cataln-en inoiz dozenerdi bat artikulu idatzi zen, adibidez, edo Herbeheretako De Nieuwe Gids-ek orrialde ederra eskaini zien Solasaldiei.

Prentsa-historia guzti horren berri ematen ibili gabe jardunaldi bateko adibide bat hartuko dugu hemen. Artxiboan 1959ko ohar-orri batek dioenez, Espainiako egunkari askotan eta Europako beste zenbaitetan, izan zen Solasaldien berriren bat (artikulu, prentsa-ohar edo agentzi testuak):

ABC	Madril	59-09-08/9/10/12
Diario de Barcelona	Barcelona	59-09-17
El Adelantado de Segovia	Segovia	59-09-08
El Alczar	Madril	59-09-15
El Correo Cataln	Barcelona	59-09-05
El Correo Espaol	Bilbo	59-09-5/9/10/11/12/13
El Diario Montas	Santander	59-09-08
El Norte de Castilla	Valladolid	59-09-08
El Noticiero	Zaragoza	59-09-11
Hoy	Badajoz	59-09-12
Ideal	Granada	59-09-08
Imperio	Zamora	59-09-12
Informaciones	Madril	59-09-09
La Gaceta del Norte	Bilbo	59-09-11/12
La Vanguardia	Barcelona	59-09-09/10
La Verdad	Murcia	59-09-08
Las Provincias	Valencia	59-09-12
Madrid	Madril	59-09-08
Noticiero Universal	Barcelona	59-08-07/8
Nueva Rioja	Logroo	59-09-05
Pueblo	Madril	59-09-08/10/11/15
Solidaridad Nacional	Barcelona	59-09-08
Ya	Madril	59-9-5/10/11/12/12/13
Le Monde	Parise	59-09-16
De Nieuwe Gids	Antwerpen(?)	59-09-23
La Libre Belgique	Bruxelles	59-09-25
Le Figaro	Parise	59-09-09/12/13

Laukiok Idazkaritzak eskura izan zituen berriemateen aipuak bakarrik jasotzen dituzte, eta guztiak ere, esan bezala, urte bakar batekoak dira; hala ere, berri-hedapenerako egin ohi zenaren zantzu bat bederen badago hor.

Gehienbat kazetari profesionalen eskutik zetozen eguneroko albistari hegalarien ondoan egon zen bestelako ihardunik ere: kazetari izanik, solas-lagun bezala deituena, alegia.

Kazetari solas-lagunak
Idazkaritzak solas-lagun gisa deitutako kazetari asko izan zen Donostian; normalean, Prentsa katolikoko lankideak izan ohi ziren, sarritan etxe horietako zuzendariak. Solasaldiei eman zekiekeen zabalkundearen mesedetan egiten ziren dei horiek.

Hona, lehenengo begiratu batean, artxiboko paperetan aurkitu ditugun argitalpenen bati lotutako kazetari eta idazleak. Aldizkari eta argitalpen guztiok banan-banan ikusterik izan ez dugunez, aurkezten dugun sailkapena ez da erabat segurua, baina, sailkapena sailkapen, aipuek beren osoan balio dute. Lau multzotan banatu ditugu: egunerokoak, informazio orokorreko astekari eta hilabetekariak, kultur aldizkari orokorrak eta kultur aldizkari berezituak.