TRANSIT KONPAINIA DE DANSA
|
|
TRANSIT KONPAINIA DE DANSA
Transit konpainia Maria Rovirak sortu zuen 1986an. Harrezkero konpainiak hainbat ikuskizun eskaini ditu, besteak beste, aipatzekoak dira Transtorn (1989), Entre Asesinos (1990), El Pols de l´Angel (1992), Bienvenidas (1993), Arriba y Abajo (1994), El Punt de la Memoria (1995), Rugged Lines (1997), No mans Land eta Letargo de luna y delirio (1998).
Urte hauetan sortutako koreografiekin konpainia Espainia osoan zehar
ibili da eta jaialdi ugaritan parte hartu du Alemania, Italia, Belgika,
Kuba, Costa Rica eta abarretan.
Maria Roviraren eskutik, Transit azken urte hauetan nazioarteko ospea
duten konpainiekin elkar lanean aritu da, hala nola, Kubako Balet Nazionala,
New Yorkeko Balet Hispanikoa eta Karakaseko Nuevo Mundo baletekin. Horrek
balio izan dio konpainiari nazioarte mailan sendotzeko eta dantza garaikide
egonkorreko gaur egungo konpainiarik interesgarriena bihurtzeko, beti ere
bere lanetan islatzen den berezko identitatearen ezaugarri garbiarekin.
Zalantzarik gabe Maria Rovira dantza garaikideko koreografo interesgarrienetako bat eta estatu nahiz naziorte mailan ospe gehien duenetako bat da. Koreografoa eta dantzaria, Transit dantza konpainiaren sortzailea eta gaur egun zuzendaria. 1998an Maria Rovirak Kataluniako Generalitatek emandako dantzako Sari Nazionala jaso zuen.
Prestakuntzari dagokionez, Maria Rovirak Ramon Solerren eskolan ikasi
zuen eta Gerad Collinsek Tarragonan zuzenduriko Internacional Dance Workshop-en
parte hartu zuen. Laurogeiko hamarkadan Parisen ikasi zuen Peter Goosekin
Nazioarteko Dantza Zentroko ikasturte ofiziala eginez eta Arleseko Nazioarteko
Stagean parte hartuz Dantza Zentroak emandako bekari esker. Aurrerago New
Yorken Merce Cunninghamen eskolan eta Lyongo Maison de la Dance eskolan
ikasi zuen, Hans Zülling, L. Hoving eta Jean Cebron irakasleen eskutik.
|
Zenbait erritual eta meditazio modutan mandalak erabiltzen dira kontzentratzen laguntzeko. Mandalak diagrama esoterikotzat har daitezke, jainkotasunaren egoitza den erdigune misteriotsu bat inguratzen duten eremu borobil edo karratuak dira. Hitzez hitz mandalaren esanahia zirkulu da, baina “erdigune” edota “inguratzen duena” bezala uler daiteke. Esanahiaz at, mandalek bizitzaren labirintoak irudikatzen dituzte. Maria Roviraren eta konpainiako dantzarien bizitzaren une jakin batean ikuskizun hau labirinto horretan barneratzen da, erori eta altxatzean, eta bizitzan zeharreko guztien arteko topaketan. Dantzarien mugimendua eta erritmoa mundu materiala gainditzen duten eta geroz eta gehiago energiaren eta ezagutzaren erdigunera iritsi nahi duen erritual bateko elementuak dira. Transit konpainiak 8 dantzariz (5 gizonezko eta 3 emakumezko) osatutako talde berri batekin ekiten dio lan honi, eszenatokiaren eta ikusleen arteko oztoporik gabeko hizkuntza erabiliz, edertasunez betea, eta horrek zalantzarik gabe dantzarako ikusle berriak sortzea bultzatuko du. Koreografia honetan dantzarien maila tekniko handia eta Maria Roviraren heldutasuna antzematen dira. Honela Transitek, dantza egonkorreko konpainia gisa, etengabeko erronkari eusten dio. 1998ko dantzako Sari Nazionala, Kataluniako Generalitatek emandakoa Koreografia eta zuzendaritza: María
Rovira
|
|
|
