.|
|
.
Arrieritos konpainia 1996an sortu zen, Pradillo antzokiaren proposamen batetik abiatuta, <Flamenkoaren beste begirada> proiektuaren barruan ikuskari bat egiteko proposamenetik, alegia.
Konpainiaren muina osatzen dutenak sei dantzari-koreografo hauek dira: Teresa Nieto, Florencio Campo, Elena Santonja, Patricia Torrero, Tacha González eta Kelian Jiménez.
Arrieritos somos... (1996) lehen ikuskariak plazara
irteteko balio izan zion konpainiari, eta arrakasta handia lortu zuen ikusle
nahiz kritikarien aldetik hura eman zuten hiri guztietan. Bigarren ikuskaria,
Ande yo caliente... (1997), Madrilgo udazkeneko jaialdian estreinatu zen,
eta zenbait herri bisitatu ditu, hainbat jaialditan parte hartuz, hala
nola, New Moves izenekoan (Glasgow). Arrieritos konpainiak bere ibilbideari
jarraitzen dio ikuskari bakoitza talde lanean sortuz, eta beste laguntzaile
batzuen ekarpenaz aberastuz. Amankomun egindako lana da, sortze lan bakoitzetik
haruntzago doana, berezko nortasunaz.
Berriro ere talde sorkuntzaren erronkak ideia komun bat du abiaburu, gaua, koreografo bakoitzari inspiraziotzat balio diona, nork bere ikuskeratik ager dezan une liluragarri eta iradokitzaile hori, kontrakotasunez betea, isilune ozenez egina. “Bedeinkatua Jauna, isiltasuna asmatu zuelako!” (José Hierro). Ikuskariaren egiturak sei agerraldi ditu, sei giro, sei ikuspegi, une bakar bat ardatz dutela: gaua. Hasi umea loarazteko ahaleginetik, eta aldi berean, gu ere umearekin batera ametsen munduan sartzeko une horretatik, eta bukatzeko, espazio itxi bateko giroa, kez betea, berotasunez betea, gorputz limurtuez betea, bakardade konpartitua... Dantzariak / Koreografoak: Florencio Campo, Tacha
González, Kelian Jiménez, Teresa Nieto
Jatorrizko soinu grabatua: <Echegaray street
band> perkutsio taldea, Luis Barbería,
Nahasketen ingeniari teknikoa: Patrick Ghislain Beste soinu batzuk: Manuel de Falla, Pau Casals, Tino
Di Geraldo, Goran Bregovic,
Argien diseinua: Sergio Spinelli Jantzien diseinua: Arrieritos Agertokiko osagaiak: Quentin Garel, Enrique Rodriguez Jantzien zuzendaritza: Josep Ahumada Soinu teknikaria: Pedro Galan Argi teknikaria: Enrique Rodriguez Ekoizpena: David Garcia, María Permanyer Banaketa: La Strada
|
“Espainiar dantzan fusiogile gisa norbaitetaz zuzentasunez hitz egitekotan, Arrieritos konpainiaz hitz egin beharra dago.” Roger Salas (El País)
“Arrieritos somos... formaz miragarria ez ezik, edukiz ere aurkikuntza bat da, frogatzen diguna irudimena eta sormena bitartekoen oso gainetik daudela.” Victor Burell (El Punto de las Artes)
“Horra zer lortu duen Arrieritos-ek: frogatzea badagoela toki komun bat, adierazpenena eta formena; zera bakarrik behar dela: toki komun hari dei egiten jakitea haiek bizi eta konpartitzen duten hartatik, sortzaileak izatea eta agertokiko legeak ondo erabiltzen jakitea. Flamenkoa izan edo egungo dantza izan, bost axola, beren dantza da.” Julia Martín (El Mundo)
“...koreografiaren ikuspegitik begiratuta bost dantzari ditugu, nor bere inspiraziotik abiatu arren, makineria bateko engranajeen perfekzioarekin funtzionatzen dutenak, eta horri esker beren egitura onirikoek talde sorkuntzako esker oneko doinua ematen diote.” Manuel Martin Martin (El Mundo - Andalucia)
“Arrieritos-en proposamenak No me quiero dormir
zuen izentzat... Teresa Nietok aipamen berezi bat jaso zuen... Erabakia
ez zuten aho batez hartu, gehiengoz baizik. Zergatik? Segur aski lurralde
askoz ere mugakoagoa izango delako, egungo dantzaren, antzerkiaren eta
jondoaren artekoa. Zeinen ederra, hala ere!” J.J. Téllez
(Diario de Jerez)
|
|
