Helburuak
Asmoa da, balizko erabiltzaileei, hau da, ikasleei, artxibo historiko baten funtzionamendua erakustea, dokumentuekin harremanetan jartzea, historiaren irakaskuntza hornitzeko eta gure dokumentu-ondarearen ezagutza eta zaintzaren gain interesa pizteko.
 

Hartzaileak Hartzaileak, batez ere, DBHko 2. zikloko ikasleak, batxilergokoak (LOGSE), eta Lanbide Heziketakoak dira, nahiz eta irekita egon artxibo prestakuntzako eta gizarte nahiz kultura prestakuntzako ikastaroak egiten dituztenentzat ere. Ikasturtearen hasieran gutun bat bidaltzen dugu Gipuzkoako Erdi Mailako Irakaskuntzako ikastetxe guztietara, programa honi buruzko informazio eguneratua emateko.

Egitura

• Bideo bat ikusten dugu gauza hauek azaltzeko: dokumentu fondoak zer diren, artxiboko instalazioak nolakoak diren, eta, azken batean, artxibo historiko bat zertarako den.
• Aurkezpen bat egiten dugu, diapositibez hornituta, honako hauek azaltzeko: AGG-GAOren eginkizunak, jarduerak, instalazioak, eta fondoak. 
• Bisitaldi bat egiten dugu atal hauetara: gordailuetara, dokumentazioa zaharberritzeko laborategira —klase praktiko bat ematen diegu dokumentazioa zaharberritzeari buruz—, inbentario gelara, eta irakurgelara.
• XVI. mendetik XX.era bitarteko jatorrizko dokumentuen erakusketa, areto balioaniztuneko beira-arasetan egoten dena.
• Ikasleei dokumentuen fotokopiak ematen dizkiegu —irakasleak interesgarritzat jotzen duen garai bat, pertsonaia bat, edo gai bat kontuan hartuta aukeratzen ditugu— artxiboan bertan edo ikasgelan landu ditzaten.

Informazioa
Informaziorik nahi baduzu bisitaren iraupenari buruz, komenigarria den ikasle kopuruari buruz, eta abarri buruz; edota bisita eguna hitzartu nahi baduzu, jar zaitez harremanetan artxiboarekin, telefonoz edo Internet bidez.

Partaideak

1992-1993ko ikasturtetik gaur arte, partaide kopuru hauek izan ditu programak: Erdi Mailako Irakaskuntzako ikasleak: 3035 Artxibo prestakuntzako eta gizarte nahiz kultura prestakuntzako ikastaroetako ikasleak:  384  Unibertsitateko ikasleak: 273  Helduentzako Hezkuntzako ikasleak: 251 Euskara ikastaroetako ikasleak: 100 Guztira, partaideak 4043 ikasle izan dira.

Bestelako jarduerak
Artxibora bisita gidatuak egiteko programa honetan parte hartu ez ezik, heziketa eta kulturako beste ekintza batzuk ere egin daitezke irakasleekin batera, bai artxiboan bertan bai ikastetxeetan: gai jakin batzuei buruzko mintegiak eta klaseak antolatu, dokumentu iturriak erabiliz; dokumentuei buruzko praktikak; dokumentu erakusketak; eta abar.

---

Artxiboaren aurkezpena  |  Historia eta lekua  |  Fondoak eta tresna deskribatzaileak
  Zerbitzuak eta jarduerak  | Argitalpenak  | Ordutegia eta garraioak

---

Eguneratua: 2002-08-20
http://www.gipuzkoa.net/kultura/agg/euskara/03visite.htm
Kultura, Euskara, Gazteria eta Kirol Departamentua
GIPUZKOAKO ARTXIBO OROKORRA
San Frantzisko ibiltokia 2. 20400 Tolosa (Gipuzkoa)
Tel.: +34 943 650868
Fax: +34 943 650174

AGG-GAO@kultura.gipuzkoa.net