BILATU
KULTURA
HASIERA
Gipuzkoako
Foru
Aldundia
ESPAÑOL
Historia
Gipuzkoako Artxibo Orokorra (AGG-GAO) Gipuzkoako foru erakundeen artxibo historikoa da, hau da, Gipuzkoako Batzarre Nagusien eta Foru Aldundiaren artxiboa. Bere jatorria Batzarre eta Aldundien artxiboan dago; geroztik, XX. mendean barrena jatorrizko artxiboari erantsi zitzaizkion Gipuzkoako Korregimenduaren artxiboa, Tolosako notari barrutiko protokoloak, eta beste zenbait artxibo eta agiri bilduma, publiko nahiz pribatuak. Horrela, gaur egun esan genezake artxiboen artxibo izatera heldu dela.Batzarre eta Aldundien artxiboa XIV. mendean sortu zen,
Gipuzkoako Hermandadearekin batera. Ez zuen egoitza finkorik izan, 1530eko
maiatzaren 4an Batzarre Nagusiek Zumaian bildurik artxiboa Tolosako Santa
Maria elizara eramatea erabaki zuten arte. Bertan iraun zuen 1904. urtean
Aldundiak San Frantzisko ibiltokiko artxibo etxea egin zuen arte.
 |
LekuaAGG-GAO 1904. urtean eraikitako etxe horretan dago gaur egun. Etxea berritu eta zabaltzeko 1986-1990 bitartean egindako lanen ondotik, bete-betean artxibo modernoen itxura hartu duela esan genezake. Berezirik ditugu jendearentzako gunea (irakurgela, inbentario gela eta areto balioaniztuna), lan gunea (agiriak jasotzeko gela, sailkatu eta ordenatzeko gelak, zaharberrikuntza laborategia, etab.), eta gordailuak.Gordailuetan girotze sistema dago jarrita, eta agiriak apal trinkotuetan gordetzen dira. Guztira, 7.100 m luze ditugu agiriak gordetzeko, eta oraingoz ia erdi bat dago hartuta. Artxiboak segurtasun sistema aurreratuak dauzka, bertan gordetzen den agiri ondarea ondo zainduta dagoela ziurtatzeko. |
Artxiboaren aurkezpena | Fondoak eta tresna deskribatzaileak | Zerbitzuak eta jarduerak
Argitalpenak | Ordutegia eta garraioak
Eguneratua: 2002-02-07
http://www.gipuzkoa.net/kultura/agg/euskara/02histoe.htm
Kultura, Euskara, Gazteria eta Kirol Departamentua
GIPUZKOAKO ARTXIBO OROKORRA
San Frantzisko ibiltokia 2. 20400 Tolosa (Gipuzkoa)
Tel.: +34 943 650868
Fax: +34 943 650174
AGG-GAO@kultura.gipuzkoa.net