Fondoak

Batzarre eta Aldundiak

Gai eta mota ugariko agiriak dira, erakunde horiek mendez mende izan dituzten zereginak eta jarraitasuna ere halakoxeak izan baitira: aktak, ordenantzen koadernoak, foru bildumak, aurrekontu eta kontuak, probintzi-arielak, kaparetasunen irizpenak eta baita espedienteak ere. Azken horiek ongizate, probintzi-lan, nekazaritza eta basogintza, soldadutzarako salbuespen eta zenbait eskola eta kultur erakunderi emandako laguntzen gaineko espedienteak dira.

Gainera, fondo horretan bertan dago Irungo pasabideko kontrabandoa zaintzeko ardura zuen erakundearen dokumentazioa, Esportazio-Alkatearena alegia. Erakunde hori Probintziaren menpe zegoen 1475etik, betiko saria zela medio.
 

Korregimendua Artxibo hau korregidoreak gobernu eta justizi zereginetan sortu edo jasotako agiriez dago osaturik. Jakina denez, korregidorea erregeren ordezkaria zen Gipuzkoan. Agiriak XVI. mendean hasi eta, korregimendua kendu bitartean, 1841. urtean amaitzen dira.  Gipuzkoako Artxibo Orokorrera (AGG-GAO) 1907an ekarri zituzten; aurrez, Foru Aldundiaren jauregian, Donostian, eta Azkoitiko zenbait lekutan egon ziren sakabanatuta.

Justizi zereginen inguruko agiriak korregidoreak lehen edo bigarren instantzian aztertutakoak dira: auzi zibilak, ondasunen exekuzioak, hartzekodunen konkurtsoak eta auzi kriminalak.
Gobernu zereginei buruzko agiriak, berriz, korregidoreak Gipuzkoako udal ogasunen gain zeukan eginkizun fiskalizatzaileaz sortutako espedienteak dira: zentsura espedienteak, kontu likidazioak, etab.

Tolosako notari barrutiko protokoloak 

Protokolo horiek joan den mendearen hasieraz geroztik gordetzen dira AGG-GAOn. Gainerako notari-barrutietakoak (Azpeitia, Bergara eta Donostia) Gipuzkoako Protokoloen Artxibo Historikoan (AHPG-GPAH) gordetzen dira, Oñatin, 1942an artxibo hori sortu zenez geroztik.

Bestelako artxibo eta bildumak

• Karlista
• Fermin Lasala Collado, Mandaseko dukea
• Allende Salazar
• Zurbano Etxea (zati bat)
• Indalecio Ojanguren (argazkitegia)
• INEko Gipuzkoako Ordezkaritza (gordailuan)
• Urumea–Ibaiaren Mendarteko Udaleen Elkartea (zati bat, gordailuan)
• Gaztañaduy Etxea (Ignacio Ganuza y Lardizabal jaunaren dohaintza)
• Querejazu Etxea (1998an erosita)
• Udaletako kaparetasun-agiriak
• Erositako agiriak

Tresna deskribatzaileak

–  MUNITA, Juan José: Índice de los documentos y papeles del Archivo General de la M.N. y M.L. Provincia de Guipúzcoa existente en la Iglesia Parroquial de la M.N.L. y V. Villa de Tolosa. San Sebastián, 1887.
– Archivo del Antiguo Corregimiento de Guipúzcoa. 18--? (Ignacio José de Lecuonaren eskribautzako auziak bakarrik)
– AROCENA, Fausto: Los protocolos guipuzcoanos. San Sebastián, 1947. 

Gainera, gida gisa erabiltzen ditugu Jose Berruezoren Historia del Archivo General de Guipúzcoa (1953), eta 1530–1990: Batzarre eta Aldundietako Artxibategitik Gipuzkoako Artxibategi Orokorrera = 1530–1990: De Archivo de Juntas y Diputaciones a Archivo General de Gipuzkoa (1990), AGG-GAOko teknikoek egina.

Azken urte hauetan artxiboa zeharo murgilduta dago artxibozaintzako deskribapena normalizatzeko abian den nazioarteko prozesuan. Gaur egun, deskribapenak egokitzeko lana, ondoko arau hau betez egiten ari gara: ISAD(G): Norma Internacional General de Descripción Archivística, espainierazko behin betiko bertsioa, Hezkuntza, Kultura eta Kirol Ministerioak 2000. urtean argitaratua.

---

Artxiboaren aurkezpena  | Historia eta lekua  | Zerbitzuak eta jarduerak 
Argitalpenak | Ordutegia eta garraioak

---

Eguneratua: 2002-02-07
http://www.gipuzkoa.net/kultura/agg/euskara/02fondoe.htm
Kultura, Euskara, Gazteria eta Kirol Departamentua
GIPUZKOAKO ARTXIBO OROKORRA
San Frantzisko ibiltokia 2. 20400 Tolosa (Gipuzkoa)
Tel.: +34 943 650868
Fax: +34 943 650174

AGG-GAO@kultura.gipuzkoa.net