METODOLOGIA

Metodologia, mintegian landuko diren gai nagusien inguruko lanaldietan oinarrituko da, honako gai hauek aztertuko direlarik: aisia betetzeko erak, europar testuinguruneaz jabetzea, ingurumenaren babesa, kultur-trukaketa eta lurralde ondarea.

"Gazteria" Programaren aplikazioa ikusteak aparteko garrantzia izango du bai gazteen elkartrukerako politiken garapenean baita gazte horiek Europako hiritar berriaren sorkuntzan izango duten mugikortasunean ere.
 

Lanaldi horiek gauzatzeko, gaia aurkeztuko da eztabaidagairako proposamenaren irakurketa eginez, lan tresnak ipiniko dira, partehartzaileen ekarpenak aintzat hartuko eta azkenean denen arteko eztabaida egin ondoren, behin betiko ondorioak aterako dira. Metodologia hori, proposatzen diren gai nagusi guztietan aplikatuko da. Guztietan ere mintegiaren helbururik nagusienak agerian egongo dira beti, hala nola, elkartasuna, elkar ulertzea eta ezagutzea, kultur-trukaketa, ingurumenaren babesa, gazteek beren jarduerak segurtasunez burutzea, eta abar.Lanaldien eduki teorikoak osatzeko, lanaldi horietako bakoitzarekin lotutako jarduera praktikoak gauzatuko dira; hau da, garatu diren kontzeptu teorikoak praktikara eramango dira ingurune naturaleko kirola sustatuz eta eskualde jakin bateko ingurune fisiko, kultural eta etnografikoa ezagutuz.
 
Metodologiaren faseak

a) Sektorez sektoreko bilera nazionalak (partehartzaile talde bakoitzak bere herrialdean garatuko ditu proiektu honen edukiak).
b) Europar bilera (Segurako topaketen edukia praktikan jartzea).
Lan tresnak

Adituen ahozko azalpenak jardueren kokalekuari buruz (Akitaniako eta Euskal Herriko Soin Hezkuntzako Fakultateetako adituak eta Akitaniako Jeunesse et Sport-eko zein Gipuzkoako Foru Aldundiko ordezkariak).

Ingurunea ezagutzea (Goierriko ibarretako ingurune naturalean eta etnografikoan murgiltzeko jarduerak, buztingintza eta artzaintzaren arloan, zona horietako kultur parkeen kudeaketaz arduratzen diren zerbitzu enpresetako animazio-teknikariek parte hartuko dutelarik).
 

Erakusketetan aurkezten diren gaiei buruzko eztabaidak, mintegikide guztien partaidetzaz.
Kirol jarduerekin eta ingurumenarekin lotutako gaien inguruko ikus-entzunezkoak aurkeztea.
Gazteen parte hartzea eta proiektu trukaketa bultzatzeko ekintzen inguruan erakundeen eta gazteen artean dauden lankidetza-harremanei buruzko aurkezpena eta eztabaida.
 

Proiektuan garatu beharreko jarduerekin lotutako galdesortak egitea eta hedatzea (jardueren kokalekuari buruzko galdesortak, ingurune naturalean burutzen diren kirol jardueren segurtasun neurriei eta arautegiari buruzkoak eta gai horren inguruko arautegi nazionalei buruzkoak).
 
TOPAKETAREN DIMENTSIO INTERKULTURALA

Proiektuan zehar ikasketa interkulturala bultzatuko da etengabe:

- Partehartzaileen aurkezpenen bidez.
- guneroko zereginetan elkarri lagunduz, hizkuntzak eta ohitura desberdinek sortzen dituzten oztopoak gainditzeko.
- Ondokoarekiko eta ingurumenarekiko errespetua erakutsiz.
- Ingurune naturalean burutzen diren kirol jardueren segurtasunarekin lotuta dauden esparru.
 

Herrialde bakoitzak, hemen proposatu diren lau ikasgaiei buruz duen informazioa eta proposamen propioak aurkeztu beharko ditu, gai horren inguruko lehentasun nazionalak adieraziz.

- Elkar ulertzea,eta elkarrenganako tolerantzia garatuko dira, arrazismoaren aurkako borroka bezalaxe.
- Oinarrizko hiztegia egingo da, ingurune fisikoan burutzen diren kiroletan euskaraz eta gazteleraz gehien erabiltzen diren hitzez osatua (eskalada, hipika, BTT).
 

JARRAIPENA ETA EBALUAKETA

Proiektuan zehar: Akitaniako Jeunesse et Sport-eko Lurralde eta Departamentu Zuzendaritzako eta Gipuzkoako Foru Aldundiko Kirol Zerbitzuko ordezkariek osatuko duten Gida Batzordearen berariazko ekintzen bidez. Batzorde horrek prestakuntza bilerak egingo ditu, herrialde partehartzaileetako ordezkariekin harremanetan egongo da, hasierako lan txostenak egin, eta abar.

Bukatu ondoren (bilerak, aurkezpenak, materialak egitea, eta abar)

- lan jardunaldi bakoitzaren ebaluaketa egiteko galdesorta.
- jardunaldien azken ebaluaketa egiteko galdesorta.
- Gidari Batzordearen ebaluaketa bilera.
- azken txostena egitea.
- proiektuko jarduerei dagozkien berariazko materialak egitea eta partehartzaileen zein interesatuta dauden kirol eragileen artean zabaltzea.

Jarraipena

- 2003ko topaketari begira, partehartzaileekin harreman zuzena izatea.
- 2003ko topaketari buruz, Web orria zabaltzea.