Ezkerra-Eskuina Kokapena
Aurrekoa Argibidea Hurrengoa
Orain arte hiru aldagai nagusi erabili ditugu gure ikerlan honetan: sexua, adina eta gizarte-klasea. Atal honetan, berriz, beste aldagai bat erantsi diogu aldagai argigarrien matrize hori: gazteek beren burua non kokatzen duten ezkerra-eskuina espektroan.

Eskuindarrak edo ezkertiarrak diren jakiteko, nork bere burua 0tik 10erako eskala batean kokatzeko eskatu genien. 0 ezker-muturrari dagokio eta 10, berriz, eskuin-muturrari.

Honako ondorio hauek atera ditzakegu emaitza horietatik:

  • Ia gazteen heren batek ez du erantzun edo ez du jakin bere burua non kokatu, eta honetan bat datoz E.A.E.ko bere adinkideekin68.
  • Geroago ikusiko dugunez, Gipuzkoako gazteek E.A.E.ko zein Espainiako gainerako gazteek adierazten dutena baino proportzio handiagoan jotzen dute ezkerrerantz.

  • Espektroaren erdiko balioa 5 izanik, erantzunen batez besteko balioa 3,9 da. Datu horrek erakusten du Gipuzkoako gazteen ezkerreranzko joera argia.
  • Espektroaren batez besteko balioa 5 izanik, azterketan erabilitako segmentuen batez besteko balio batek ere ez du balio hori berdintzen edo gainditzen. Datu hori gorabehera, emakumezkoek, helduenek eta erdiko klasekoek agertu dute kokapenik erdikoena.

Ezkerra-eskuina kokapena
Autokokapena
Abs.
%
0
11
2,2
1
26
5,2
2
44
8,8
3
54
10,8
4
45
9,0
5
138
27,5
6
11
2,2
7
5
1,0
8
3
0,6
9
0
0,0
10
6
1,2
ED/EDE
158
31,5
Guztira
501
100
Batez bestekoa
3,9
-

Ezkerra-eskuina kokapena

(taldeen arabera)
Gipuzkoa
Espainia69
Abs.
%
%
Oinarria
501
100
6000
Ezkerra (0-3)
135
26,9
23,0
Zentroa (4­6)
194
38,7
40,3
Eskuina (7-10)
14
2,8
10,2
ED/EDE
158
31,5
26,5

0tik 10erako eskalak eskaintzen zituen aukera guztiak hiru segmentu klasikoetara mugatuta, emaitzak aurrekoen berdin-berdinak izan dira. "Eskuina" segmentuan 14 indibiduo besterik ez dagoenez, segmentu horrek ez dauka behar adinako pisu estatistikorik horretan oinarrituta azterketarik egin ahal izateko. Gauzak horrela, ezkerra eta erdia kategoriak bakarrik erabiltzea erabaki dugu.

(68) Soziologi Prospekziorako Kabinetea (1997), op. aip.
(69) INJUVE (1996), op. aip.