Etxetik Kanpoko Jarduerak
Aurrekoa Argibidea Hurrengoa
Etxe barruko jarduerekin gertatzen den bezala, gaztea gizonezkoa edo emakumezkoa izateak eragin handia du etxetik kanpoko jarduera jakin batzuk nahiago izatean ere. Nola edo hala kirolarekin loturik dauden jarduerak dira gizonezkoen zaletasunik handienetako bat. Hala ere, zaletasun hori moteldu egiten da kontuan hartutako adinean gora egin ahala: 23 urtetik aurrera eta, oso bereziki, beren burua independentetzat daukaten gazteen artean.

Bestetik, gizarte-maila zenbat eta altuagoa izan, orduan eta zabalduago dago kirola egiteko ohitura.

Etxe kanpoko jarduerarik gogokoena
Sexua
Adina
Guztira
Gizonak
Emakumeak
22 arte
22tik gora
Oinarria
501
254
247
280
221
Lagunekin ibiltzea
53,7
46,1
61,5
52,3
55,8
Kirola egitea
34,0
48,6
19,0
38,4
28,1
Zinera/antzerkira joatea
8,2
4,3
12,1
6,4
10,4
Mendira joatea
6,8
5,9
7,7
5,4
8,6
Bestelakoak
12,0
9,6
14,4
11,2
13,4
Bat ere ez
0,2
0,0
0,4
0,0
0,5
ED/EDE
1,2
1,2
1,2
1,8
0,5

Ikus daitekeenez, elkarrizketatutako gazte gehienek lagunekin ibiltzea dute gogokoen, batez ere emakumezkoek. Kirol-jarduerek ere oso harrera ona dute, batez ere mutilen artean. Gutxiago dira kirola egitea gustatzen zaien neskak, baina, bestetik, mutilek baino gogokoago dute zinera eta bestelako ikuskizunetara joatea.

Nolanahi ere, telebista aurrean denbora asko ematen dutela kontuan harturik, ez da oso handia etxetik kanpoko jarduera horietarako geratzen zaien denbora. Eta horrek erlatibizatu egiten du jarduera gogoko horien guztien pisua.