| Ekologi Ohiturak |
|
Gazteen ekologi ohiturak argitzeko erabili diren 6 galdera desberdinen azterketa globaletik, zera ondoriozta dezakegu, portaera ekologiko samarra erakusten dutela. Izan ere, ekologikotzat harturiko portaerekin zerikusirik duten galderetako hirutan (paperontzien erabilera, birziklatzeko edukiontziena, eta garraio publikoena) gipuzkoar gazteen ehuneko handi batek (%62-85) baiezko erantzuna eman du.
Beste hiru kasutan (ur kontsumoa txikiagotzea, ingurunea kaltetzen ez duten produktuak erostea, eta paper birziklatua erabiltzea) oso txikia da ekologi praktika horiek sarri gauzatzen dituztela aitortzen duten gazteen ehunekoa (%20-27).
Gipuzkoar gazteen ohiturak E.A.E.ko beren adinkideenekin eta biztanle helduenekin alderatzen baditugu, ekologikoxeagotzat har ditzakegu, puntuazioak handixeagoak baitira bi kasutan izan ezik (paperontzien erabilera eta ur kontsumoa murriztea).
| Gipuzkoa | E.A.E. 15-29 urte |
E.A.E. 30 urte |
|
| KALEKO PAPERONTZIAK ERABILTZEN DITUZUN PAPERAK BOTATZEKO? | |||
| Maiz | 84 | 85 | 93 |
| Batzuetan | 14 | 13 | 6 |
| Inoiz ez | 1 | 2 | 1 |
| EDUKIONTZIAK ERABILTZEN DITUZUN HONDAR BATZUK BOTATZEKO (BEIRA, PAPERA, KARTOIA...)? | |||
| Maiz | 85 | 78 | 82 |
| Batzuetan | 13 | 16 | 12 |
| Inoiz ez | 2 | 6 | 6 |
| GARRAIO PUBLIKOAK ERABILTZEN DITUZUN? | |||
| Maiz | 62 | 60 | 42 |
| Batzuetan | 21 | 24 | |
| Inoiz ez | 17 | 16 | 26 |
| ETXEAN HAINBAT NEURRI EZARRI DUZUN UR KONTSUMOA TXIKIAGOTZEKO? | |||
| Maiz | 20 | 32 | 44 |
| Batzuetan | 32 | 29 | 29 |
| Inoiz ez | 48 | 38 | 27 |
| INGURUNEA KALTETZEN EZ DUTEN PRODUKTUAK EROSTEN DITUZUN? | |||
| Maiz | 27 | 25 | 26 |
| Batzuetan | 35 | 39 | 39 |
| Inoiz ez | 38 | 36 | 35 |
| PAPER BIRZIKLATUA ERABILTZEN DUZUN? | |||
| Maiz | 26 | 23 | 18 |
| Batzuetan | 31 | 34 | 26 |
| Inoiz ez | 43 | 43 | 56 |
Kopuru hauen argitan, pozik egon gaitezke, zeren eta gipuzkoar gazteek, orokorrean, euskal biztanleria helduaren eta euskal gazteen portaera baino ekologikoagoa baitute. Baina, hala ere, ingurugiroaren onerako ohiturak bazter guztietan, eta urte gutxi barru gure herriko helduak izango direnen artean, zabal daitezen aurrean dugun bide luzea ere begibistan geratu da.
(52) Soziologi Prospekziorako Kabinetea (1997), op. aip