| Familiaren Egoera Ekonomikoa eta Administratutako Dirua |
|
Azkenik, familiaren gaurko egoera ekonomikoari buruzko eta epe laburrean izan dezakeen bilakaerari buruzko iritzia oso positiboa da. Gazteen erdiek baino gehiagok erantzun hau aukeratu dute: diru aldetik ondotxo gabiltza, eta badirudi hala segituko dugula; ia laurdenak ez daude pozik familiaren egoera ekonomikoarekin, baina, diotenez, litekeena da egoerak hobera egitea. Oro har, iritzi horiek Estatu osoan atzemandakoen oso antzekoak dira, ia berdinak.
| Diru aldetik ondotxo gabiltza, eta badirudi hala segituko dugula |
| |
| Diru aldetik ondotxo gabiltza, baina litekeena da egoera okerrera egitea | ||
| Diru aldetik ez gabiltza ondo, baina litekeena da egoerak hobera egitea | ||
| Diru aldetik ez gabiltza ondo, eta ez dirudi egoerak hobera egingo duenik | ||
| ED/EDE | ||
Bestetik, gazteen %12 inguruk ez dute uste familiaren egoera ekonomikoak hobera egingo duenik epe laburrean, egungo egoera ona (%8) zein txarra (%4) izanik ere.
Beste galdera bat egin genuen jakiteko gutxi gorabehera zenbatekoa den, guztira, norberak edo bikotearekin batera (baldin eta ekonomia bikotearekin konpartiturik badute) administratzen duen diru-kopurua. Agian, parametro horrek agerrarazten du beste edozeinek baino hobeto gazte askoren egoera dual hori. Ikerlanak -balio koantitatibo hutsari ihes egin nahirik- hiru erantzun hauek proposatu zizkien elkarrizketatuei: neure poltsiko-gastuak bakarrik administratzen ditut, familiaren zenbait gastu garrantzitsu ere administratzen ditut (baina ez guztiak) eta, azkenik, neure gastu guztiak administratzen ditut erabateko autonomiaz. Bada, %24,4k bakarrik erantzun dute beren gastu guztiak administratzen dituztela. Normala denez, horietako gehienak 24 urtetik gorakoak dira (%45) eta independentetzat jotzen dute beren burua (%52).
Nolanahi ere, administratzen dituzten diru-kopuruak oso adierazgarriak dira. Galdera nola egin den kontuan izanik, ulertu beharra dago aitortutako kopuruan honako hauek sartzen direla: bikotearekin konpartitutako dirua, norberaren gastuak eta familiaren gastu garrantzitsu batzuen zati bat. Halatan, bildutako datuen arabera, Gipuzkoako gazteek, batez beste, 49.846 pezeta administratzen dituzte hilean. Diru-kopuru hori Estatu osoko gazteek aitortutakoaren berdina da ia (50.382 pta)42. Esan beharrik ez dago diru-kopuru hori oso modu esanguratsuan aldatzen dela hainbat irizpideren arabera. Esaterako: 20 urtetik beherakoek 13.000 pezeta baino pixka bat gehiago administratzen dituzte; 20tik 24ra bitartekoek, berriz, 44.000 pezeta administratzen dituzte; eta 24tik gorakoek, azkenik, 89.000 pta. Logikoa denez, independentzia da eraginik handiena duen aldagaia: beren burua independentetzat daukatenek hilean 115.000 pezeta inguru administratzen dituzte; oraindik ere jatorrizko familiarekin bizi diren gazteek, ordea, 38.000 pezeta bakarrik administratzen dituzte batez beste.
Azken ohar bat egin beharra dago: administratutako diru-kopuruak ez dira asko aldatzen inkestatuaren sexuaren arabera, eta oso gutxi aldatzen dira familiaren gizarte-mailaren arabera.
(41) INJUVE (1996), op. aip.
(42) INJUVE (1996), op. aip.