Ikasketak

Azken urteotan irakaskuntza orokortu eta unibertsalizatu egin denez, eskolara derrigorrez joan beharreko adinean dauden ia gazte gipuzkoar guztiak adin horri dagozkion ikasketak egiten ari dira. Aztertutako lagina orokorrean hartuta, Gipuzkoako gazteek honako ikasketa-maila hauek aitortu dituzte:

Amaitutako ikasketak
		Adina
	Guztira	15-19	20-24	25-29
Oinarria	501	171	165	165
Ikasketarik ez	0,5	0,8	0,7	-
Lehen ikasketak bukatu gabe	0,5	1,6	-	-
OHOko lehen maila	1,7	3,3	0,5	1,8
2. maila, 1 zikloa²²	25,1	34,5	16,6	26,5
2. maila, 2 zikloa²³	53,1	56,0	59,7	44,1
Unib. erdi-mailakoak²⁴	9,8	3,8	14,8	9,2
Unib. lizentziaturak²⁵	9,4	-	7,7	18,4
Guztira	100	100	100	100

Argi dago analfabetismoa ia erabat desagertu dela aztertutako unibertsoan. Gainera, 15 urtetik 19 urtera bitartekoen artean %6k bakarrik ez dute bukatu OHOko lehen etapa gutxienez. Badago aipamen berezia merezi duen beste datu bat ere: heldutzat (25-29 urte) jotzen diren gazteen ia %19k unibertsitateko goi-mailako ikasketak amaitu dituzte.

Gainera, erdiko adin-tarteko (20-24 urte) gazteen %8k ere goi-mailako tituluak dauzkate. Hezkuntza-egoera horri dagokionez, kontuan izan behar dugu eskolatzea neurri berean zabaldu dela nesken eta mutilen artean, hainbesteraino, non emakumezkoak -apurka bada ere- gizonezkoei nagusitzen ari baitzaizkie unibertsitateko tituluren bat daukan populazioan.

Halaber, aipatu beharrekoa da gazteen baikortasuna etorkizunean unibertsitate ikasketak egiteko aukeren inguruan. Izan ere, %80aren iritziz, bost urte barru gazteek egungo aukera berberak edo hobeak izango dituzte unibertsitate ikasketak egiteko²⁶.

Horren guztiaren ondorio gisa, ondorengo koadroko zifrek argi erakusten dutenez, gauzak ikaragarri aldatu dira belaunaldi batetik bestera: 30 bat urteko epean %23,3tik %1,8ra gutxitu da OHOko lehen maila edo hortik beherako ikasketak dituen 23 urte edo gehiagoko populazioa; beste muturrean, gora egin du unibertsitateko tituluren bat daukatenen kopuruak: %5,4 bakarrik gurasoen belaunaldian eta %18,4 egungo gazte helduen artean.

Ikasketa-mailen alderaketa (% bertikalak)
	23-29 urteko gazteak	Haien gurasoak
Ikasketarik ez	-	1,2
Lehen ikasketak bukatu gabe	-	2,4
OHOko lehen maila	1,8	19,7
2. maila, 1. zikloa	26,5	35,2
2. maila, 2. zikloa	44,1	27,5
Unib. erdi-mailakoak	9,2	6,3
Unib. lizentziatura	18,4	5,4

(22) O.H.O. 2. etapa, Batxilergoa 4. maila, Eskola Graduatua, Administrari Laguntzailea, Kultura Orokorra, etab., edo 14 urte arte ikasi zuen.
(23) BBB, UBI, LH1, LH2, PREU, Goi Batxilergoa, Unibertsiterako Sarrera Ikastaroa, Hizkuntza Eskola, etab.
(24) Unibertsitate Eskolak, Injinerutza Tekniko/Peritajeak, Diplomatuak, OLT, Gizarte Graduatua, Maisutza, edo Karrerako hiru urte eginik, etab.
(25) Fakultateak, Goi mailako Eskola Teknikoak, Lizentziatuak, etab, ikasturte guztiak eginik.
(26) "Retratos de juventud 1996". Soziologi Prospekziorako Kabinetea. Eusko Jaurlaritzaren Lehendaka-ritza, 1997.