Zein izan daiteke hartzaile?

Familia harreraren eskaintza egiteko, ondorengo hauek dira funtsezko baldintzak:

· Familiako guztiek erabat ados egotea, guztien artean gogoeta egin eta erabaki bateratu eta arduratsua hartu ondoren.

· Familian hartzea, eta ez adoptatzea, nahi izatea.

· Haurra den bezala hartzeko prest egotea: bere historiarekin, ohiturekin, familiarekin eta izaerarekin.

· Familian hartu aurretik prestakuntza aldi bat egitea eta emango zaizkien aholkuak onartzea, haurra familian dagoen bitartean sor daitezkeen arazoak gainditzeko.

Familiak edo pertsonak ondoko era honetakoak dira:

· Elkartasuna erakutsi nahi duten familiak, horretarako astia daukatenak eta uste dutenak une egokia dela haurren bat edo anai-arreba batzuk beren etxeetan hartzeko.

· Ez dutenak beren gurasotasun nahia asetu nahi, aldi batean haurren bati lagundu baizik, bere familiarekin berriro ere bizitzera joan arte.

· Hobe seme-alabak dituztenak eta jaso nahi duten adingabearekin edukiko duten belaunaldi diferentzia nahikoa dutenak.

· Aurrean izango dituzten arazoak ez direla beti errazak izango ulertzen dutenak, baina Gipuzkoan eta hortik kanpo ere famili harreretan dauden esperientzia ugariek arazoak ez direla gaindiezinak erakusten dutela jakin badakitenak.

· Familia biologikoak haurrarentzat duen garrantzia ulertzen dutenak, eta horregatik prest daudenak horren berri izatera eta onartzera.