2005eko abenduaren 21ean emandako dekretu bitartez Bergarako Udaleko Alkate jaunak erabaki zuen udaltzain plaza bat betetzeko prozesua arautuko duten oinarriak onartzea. Honen bitartez argitara ematen dira.

Bergara, 2006ko urtarrilaren 5a.—Alkatea.

(111) (246)

Udalaren funtzionarioen plantilan bete gabe dagoen udaltzain plaza bat oposizio irekiaren bidez hornitzeko eta hautapen prozesua gainditu baina plaza lortzen ez duten izangaiekin lan-poltsa bat osatzeko hautaketa probak deitzen dira. Bete beharreko plazak lau arte gehitu ahal izango dira hautaketa prozesua bukatu baino lehen Udalak erabakiko balu.

Administrazio Bereziaren eskalan, Zerbitzu Berezien azpieskalan, D sailkapen-mailan daude sartuta lanpostu horiek.

ARCEPAFEko 10. mailari dagokiona izango da jaso beharreko ordainsaria.

2. hizkuntz eskakizuna dagokio (derrigorrezkoa).

Eratuko den lan poltsa hau hiru udaltzain plaza hornitzeko egin zen deialdian eratutako eta 2005ean emandako erabakiaren bitartez onartukoaren osagarria izango da. Bi urterako izango da, baina bere iraupena urtez urte luzatu ahal izango da Tokiko Gobernu Batzarraren akordioz. Lan poltsa honen funtzionamendua hamargarren oinarrian azaltzen da.

Abuztuaren 2ko 30/1984 legea, Euskal Funtzio Publikoaren uztailaren 6ko 6/1989 Legea, urriaren 17ko 224/1989 Dekretua, Euskal Herriko Poliziaren uztailaren 17ko 4/1992 Legea, martxoaren 10eko 364/1995 Errege Dekretua, Euskal Herriko Poliziaren hautespen eta prestakuntza araudia onartzen duen uztailaren 19ko 315/1994 Dekretua, otsailaren 17ko 36/2004 Dekretua eta deialdi honetan xedatutakoa aplikatu ahal izango zaizkie hautaketa proba hauei.

Udaltzain-agente lanpostuaren berariazko egitekoez gain, udal plantilaren lanpostuen zereginen deskripzioan aldian-aldian agertzen direnak eta, lanpostuari dagokionez, udal bulegoetako edozeinetan emateko esleitzen zaizkionak.

Hautaketa probetarako onartuak izateko baldintza hauek bete beharko dituzte hautagaiek:

a)18 urte beterik izatea eta 32 urte bete gabe izatea. Hala ere, adin mugarik altuena Udal Administrazioan egindako zerbitzuekin –Udal Polizia Kidegoetan– konpentsatu ahal izango da.

b)Eskola Graduatua, lehen mailako Lanbide Heziketa edo baliokide den tituluaren jabe izatea.

c)2. hizkuntz eskakizunari dagokion euskara maila, derrigorrezkoa.

d)Gutxieneko garaiera: Gizonezkoek 1,65 eta emakumezkoek 1,60.

e)Deialdi honetako II. eranskinean aipatzen diren Medikuntzako Bazterketen koadroan sarturik ez egotea.

f)Engainuzko delituagatik kondenatu ez izatea, Herri Administrazioaren zerbitzutik bereizturik ez egon izana, eta egiteko publikoak burutzeko ezgaiturik ez izatea. Hala ere, birgaitzearen onura aplikagarri izango da arau penal eta administratiboekin bat etorriz, baldin eta hautagaiak dagokion agiri ofizialaren bidez egiaztatzen badu.

g)A, BTP eta B+E motako gida-baimenaren jabe izatea.

h)Nazionalitate espainiarra izatea.

i)Hutsegite larria edo oso larria egin izanagatik Euskal Herriko Polizi Kidegoren batean sartzeko hautespen-prozesutik baztertutakoa ez izatea, non eta baztertzea aitortu zenetik zigorraren iraungipen-epea adinako aldia ez den igaro.

Eske-orriak aurkezteko epea amaitzen den egunean bertan izan beharko dira lehen aipatu diren baldintza guztiak. Dena den g) puntuan jasotako karnetak dituela egiaztatu beharko du bederatzigarren oinarrian jasotako epean eta deialdian parte hartzeko nahikoa izango da ziurtatzea B motako karneta duela.

Oposizioan parte hartzeko eskabide-orriak Alkate jaunari bidaliko zaizkio eta udaletxeko erregistroan edo Herri Administrazioen Araubidearen eta Guztientzako Administrazio Jardunbidearen Legearen 38.4 c) artikuluak adierazten dituen erregistroetako edozeinetan aurkeztu ahal izango dira eske-orriak, 20 egun naturaleko epean, deialdiaren iragarkia Estatuko Aldizkari Ofizialean argitaratzen den hurrengo egunetik kontatzen hasita.

Posta-etxean aurkeztutako eske-orriak, Herri Administrazioen Araubidearen eta Guztientzako Administrazio Jardunbidearen Legearen 38.4 c) artikuluan aurreikusitakoaren arabera, kartazal irekian aurkeztuko dira Posta-etxeko funtzionarioak, zertifikatu aurretik, eguna eta zigilua jartzeko; betiere, eske-orriak aurkezteko epearen barruan. Kasu horretan bakarrik ulertuko da eske-orri horiek sarrera izan dutela Bergarako Udaletxeko erregistro orokorrean Posta-etxean entregatu ziren egunean bertan, baina horretarako, zigilatuta egon beharko du eske-orriak.

Eskabide-orriarekin batera aurkeztu beharko dira Nortasun Agiriaren fotokopia, curriculum vitaea, eskatutako ikasketa-titulazioaren fotokopia konpultsatua eta 7. oinarrian a) atalean zehaztutako dokumentazioa, eta gidatzeko B motako karnetaren fotokopia.

Aurkezten diren fotokopia guztiak konpultsatuak izango dira.

Eske-orriak aurkezteko epea amaitutakoan, onartutako eta baztertutako hautagaien behin-behineko zerrenda onartuko du Udalbatzako Lehendakariak. Gipuzkoako Aldizkari Ofizialean argitaratuko da, 10 eguneko epean, erreklamazioak egin ahal izateko. Zerrenda honekin batera lehen azterketaren eguna eta ordua eta Epaimahaikideen izendapena argitaratuko da.

Erreklamaziorik egin ezean, behin-betiko izaera hartuko du zerrenda horrek, eta erreklamaziorik egonez gero, onartu edo baztertu egingo dira, behin-behineko zerrenda onartzen duen erabakiaren bidez, eta Udaleko iragarki taulan argitaratuko da.

Honela eratuko da epaimahai kalifikatzailea:

Epaimahaiburua:

—Alkatea edo berak delegatzen duen zinegotzia.

Epaimahaikideak:

—Udalbatzako talde politiko bakoitzeko ordezkari bana.

—Ertzaintzaren Akademiako ordezkari bat.

—HAEEko ordezkari bat, euskara proba egiteko.

—Bergarako Udaleko Udaltzainburua.

—Enpresa Komiteko ordezkari bat.

—Beste Udal bateko Udaltzainburua.

Idazkaria:

—Udaleko idazkaria edo hark delegatutako funtzionarioa.

Titularrekin batera izendatu behar diren ordezkoek ere osatuko dute epaimahaia.

Iritzia ematea eta botoa ematea izango dute epaimahaiko kide guztiek, epaimahairen idazkariak izan ezik, honek ez baitu botatzeko ahalmenik. Bertaratutako botodunen gehiengoaz erabakiko du epaimahaiak, eta parra eginez gero, epaimahaiburu diharduenaren botoak erabakiko du.

Epaimahaia osatu eta jardunari ekin ahal izateko, epaimahaiburua eta idazkaria eta, gutxienez, epaimahaiko kide titular edo ordezkoen erdia bertaratu beharko da.

Arau hauek aplikatzean sor litezkeen zalantza guztiak erabakiko ditu epaimahaiak, eta aurreikusi ez diren kasuetan zer egin erabakiko du.

Egoki iritzitako probetan, aholkulari adituak ekarri ahal izango ditu epaimahaiak. Euren espezialitate teknikoetan baino ez dute lagunduko aholkulari horiek.

Dagozkion neurriak hartuko ditu epaimahaiburuak, epai-mahaiaren aurrean idatzizkoak izan eta irakurri behar ez diren Oposizioaren ariketak hautagaien izena jakin gabe zuzenduko direla bermatzeko.

Proba hauek egingo dira oposizioaldian:

a)Ezaguera teorikoak.

Derrigorrezkoa eta baztertzailea. I eranskinean agertzen diren gaietatik ateratako test motako galdera sorta bati idatziz erantzutean datza. Gehienez ere 30 puntuz baloratuko da, eta hautaketa prozesutik kanpo geratuko dira gutxienez 15 puntu lortzen ez duten hautagaiak.

b)Gaitasun fisikoa.

Derrigorrezkoa eta baztertzailea. III. eranskinean deskribatzen diren probak egin beharko dituzte izangaiek. Gehienez ere 30 puntuz baloratuko da, eta hautaketa prozesutik kanpo geratuko dira gutxienez 10 puntu lortzen ez duten hautagaiak.

c)Euskara jakitea.

Derrigorrezkoa eta baztertzailea. Egiaztagiria aurkeztuta edo dagozkion probak eginez egiaztatu beharko dute hautagaiek 2. hizkuntz eskakizuna dutela. Gai edo ez gai kalifikatuko da. EGA edo baliokidea den titulu edo agiria, Hizkuntza Eskola Ofizialeko 4. maila gainditu izanaren agiria, Hizkuntza Eskola Ofizialeko gaitasun egiaztagiria edo Labayru institutuak emandako parekoa, Hezkuntza Sistemako 1 edo 2 HE, nahiz IVAP-HAEEak luzatutako egiaztagiria (2.a edo goragoko H.E duela egiaztatzen duena) aurkezten duten hautagaiek ez dute ariketa hau egin beharrik.

d)Ezaguera praktikoak.

Derrigorrezkoa eta baztertzailea. Lanpostuaren egitekoekin lotutako kasu praktiko batzuk idatziz garatu beharko dituzte. Gehienez ere 30 punturekin baloratuko da eta hautaketa prozesutik kanpo geratuko dira gutxienez 15 puntu lortzen ez duten hautagaiak.

e)Froga Psikoteknikoa.

Derrigorrezkoa eta baztertzailea. Gaitasun intelektual eta pertsonalitatearen gaitasunei buruzko test bat egin beharko da, Udaltzaingoaren agente kategoriako funtzioak betetzeko bariable potentzialak ebaluatu ahal izateko. Gehienez ere 30 puntuz baloratuko da eta hautaketa prozesutik kanpo geratuko dira gutxienez 15 puntu lortzen ez duten hautagaiak.

f)Elkarrizketa pertsonala.

Borondatezkoa eta ez baztertzailea. Ezaugarri pertsonalak ebaluatuko ditu epaimahaiak, hala nola, trebetasun sozialak, egoeretan zelan jardun, arrazoitzeko gaitasuna, e.a. Gehienez ere 10 puntuz baloratuko da.

Oposizioaldiko b) ariketari ekin aurretik, 3. oinarriak d) atalean jasotako baldintza betetzen dutela izangaiek egiaztatuko du epaimahaiak.

Epaimahaiak, oposizioaldiko froga bat baino gehiago egun berean egitea eta jarritako ordena aldatzea erabaki ahal izango du.

Epaimahaiak bere proposamena egiterakoan ezin izango du deklaratu deitu diren plazak baino hautagai gehiagok gainditu dituztela hautaketa-probak.

Oposizioaldian lortu diren kopuruak batu eta huraxe izango da hautagai bakoitzaren azken kalifikazioa, eta horrek zehaztuko du behin-betiko puntuazio-ordena.

Ariketa kalifikazioa amaitutakoan, proposatu diren hautagaien izenak eta lan poltsa osatuko duten beste hautagaien izenak Udaletxeko iragarki-taulan kaleratuko ditu epaimahaiak.

Dagokion akta eta izendapen-proposamenak bidaliko dizkio Epaimahaiak Alkate-Udalburuari.

Izendatzeko proposamena Udaleko iragarki taulan argitaratzen den egunetik 15 egun naturaleko epean, Oposizioan parte hartzeko 3. oinarri-arauan eskatzen diren baldintzen egiaztagiriak aurkeztu behar ditu proposatu den hautagaiak, e) puntukoa ezik. Ez du egiaztatu beharko ere A, BTP eta B+E gida baimenak dituela.

Plaza betetzeko gai dela eta II. eranskinean aipatzen diren medikuntzako bazterketen koadroan sarturik ez dagoela ziurtatzeko azterketa medikua egingo zaio.

Aukeratutako hautagaiak, ezinbesteko arrazoirik gabe, aipatutako epean behar den dokumentazioa aurkezten ez badu eta eskatutako baldintza guztiak egiaztatzen ez baditu, ezin izango da praktiketako funtzionario izendatu, eta indargabeturik geratuko dira haren jardun guztiak, eskabide-orrian gezurretan aritzeagatik izan zezakeen erantzukizunaren kalterik gabe.

Alkateak praktiketako funtzionario izendatuko du Epaimahaiak proposaturiko hautagaia.

Praktiketako funtzionario izendatutako hautagaia egoera horretan egongo da prestakuntza ikastaroa hasten denetik karrerako funtzionario izendatu arte edo hautaketa-prozesutik baztertu arte.

Prestakuntza ikastaroak eta praktika-aldiak Euskal Herriko Polizia Ikastegiak antolatu eta garatuko ditu, eta haien azken ebaluazioa ere bere esku egongo da. Hala ere, prestakuntza ikastaro eta praktika-aldi horien antolaketa eta garapena udalen prestakuntza zentroen esku ahal izango ditu, udal erakundeek hala eskatuz gero.

Prestakuntza ikastaroa eta praktika-aldia ezingo dira batera egin, eta biak batutako iraupena ere 12 hilabetekoa izango da. Epe honetan ere A, BTP eta B+E gida baimenak dituela ziurtatu beharko dute hautaketa-prozesutik kanpo geldituko direlarik lortuko ez balute.

Prestakuntza ikastaroa eta praktika-aldia, derrigorrezkoak eta baztertzaileak izango dira eta gainditzen ez badira, automatikoki kanporatuta geratuko da izangaia eta deialdi honetako udaltzain kategorian sartzeko zituen eskubide guztiak galduko ditu.

Prestakuntza ikastaroaren ebaluazioa egin eta berau gainditzeko une horretan indarrean dagoen ikasketa planak agindutakoari jarraituko zaio, eta bertan zehaztutakoari jarraituz prestakuntza ikastaroa, praktika-aldia eta ezarritako baldintzak gainditzen ez dituen izangaia ez-gai izendatu eta hautaketa prozesutik kanpo geratuko da.

a)  Prestakuntza ikastaroa.

Euskal Herriko Polizia Ikastegian edo bere zuzendari andreak erabakitzen duen prestakuntza zentroan, garatuko den prestakuntza ikastaroa Udaltzaingoaren Oinarrizko Eskalako Udaltzain kategoriara sartzeko oinarrizko ikastaroaren ikasketa planak agindutakoari jarraituz burutuko da. Hautaketa izaera izango du ezarritako Ikasketa Planaren araberakoa izango da, bertan aurreikusitako erregimen eta iraupenarekin, eta hasiera eguna udal Iragarki Taulan argitaratuko da Euskal Herriko Polizia Ikastegiko zuzendari andrearen ebazpenaren arabera ezarriko delarik.

Prestakuntza ikastaroaren amaierako kalifikazioa Euskal Herriko Polizia Ikastegiko iragarki taulan adieraziko du Prestakuntzako arloburuak. Amaierako kalifikazio horiek Euskal Herriko Polizia Ikastegiko zuzendari andreak adieraziko dizkio Alkateari.

b)  Praktika-aldia.

Praktika-aldia Prestakuntza ikastaroa amaitu duten izangaiek egingo dute, 12 hilabeteko epealdia erabat osatzeko falta zaien iraupenarekin erabat prestatu eta, bereziki, Udaltzaingoaren zerbitzuen egitura eta funtzionamendua ezagutzeko egokien diren zentro edo egoitzetan, jarduera arloaren arabera.

Ebaluazioa, Udaltzaingoaren agente oinarrizko eskalako agente kategoriaren berezko funtzioak betetzeko erakutsitako egokitasunari buruzkoa izango da eta zereginak betetzeari lotutako lanbide eraginkortasuna eta zehazki, ondokoa hartuko da kontutan; zerbitzuarekiko jarrera, nagusiekiko harremana eta disziplina, lankidetza eta laguntza, errendimendua eta erantzukizuna, egoeraren zentzua eta oreka emozionala eta egokitzeko ahalmena, behatzeko errazak diren eta zehatz deskribatutako jarrerak baloratuz.

Euskal Herriko Polizia Ikastegiko Zuzendari A.ak zehaztuko ditu praktika-aldia baloratzeko tresnak eta prozedura, praktika-aldia hasi baino lehen horretarako egin eta Bergarako udaletxeko iragarki taulan argitaratuko den ebazpenaren bidez.

Praktika-aldiko azken balorazioa gai/ez-gai izango da eta udal Iragarki Taulan argitaratuko da.

Hautespen prozesutik baztertu eta udaltzain kategorian sartzeko hartutako eskubide guztiak galtzeko arrazoia izango dira prestakuntza ikastaroa edo praktika-aldia ez gainditzea edo ez-gai izendatu izana eta larritzat edo oso larritzat jotzen den arau-haustea egiteagatik zigorra jasotzea.

Prestakuntza ikastarora edo praktika-aldian ez joateak, hautaketa prozesutik kanporatzea ekarriko du automatikoki, ezinbesteko arrazoia izan ezik.

Praktika-aldia eta prestakuntza ikastaroa gainditu ondoren, karrerako funtzionari izendatuko da izangaia, Udaltzaingoaren udaltzain lanpostua jabetzan hartuz.

Plaza ez eskuratu baina oposizioa gainditzen duten hautagaiekin Udaltzainen lan poltsa osatuko da.

Lan poltsa, prozesuan atera duten puntuazio totala kontuan izanda osatuko da, lehentasuna puntuazioak emango duelarik. Lan poltsaren balioa bi urteetarako izango da, eta Udal Gobernu Batzordeak horrela erabakiko balu, bere iraupena urtez urte luzatzen joan daiteke.

Eratuko den lan poltsa hau hiru udaltzain plaza hornitzeko egin zen deialdian eratuta eta 2005ean emandako erabakiaren bitartez onartutakoaren osagarria izango da.

Lan poltsa hau etorkizunean sortzen diren aldibaterako Udaltzain premiak betetzeko erabiliko da.

Izendapena bakoitzerako deitzeko sistema hauxe izango da: Izangaiari emandako telefonora deituko zaio goizean goiz eta hurrengo eguneko 13:00ak baino lehen erantzun ez badu zerrendako hurrengoari deituko zaio.

Izangai bati deitu eta ezetz erantzun edo erantzunik ematen ez badu, zerrendatik kanpo lagako da eta zerrenda horrek indarrean jarraitzen duen bitartean ez zaio gehiago deituko, ezintasuna justifikatzen duen ziurtagiriren bat aurkezten ez bada.

Gaixorik dagoela ziurtatzen duen mediku agiria edo kontratuarekin lanean diharduela ziurtatzen duen agiria aurkeztuz gero, zerrendan dagoen postuan lagako da, baina sendatu edo kontratua amaitu zaiola abisatu arte ez zaio deituko, egoera horretan jarraitzen duela ulertuko baitu Udalak.

Izendapena sinatu aurretik Udalak azterketa medikua egin ahal izango die ikusteko gaixo eta lesiorik ez dutela eta lanpostua betetzeko gai direla.

Oinarri-arau hauetan aurreikusten ez den guztian, Oposizioa behar bezala egiteko, izan litezkeen zalantzak argitzeko eta behar diren akordioak hartzeko ahalmena izango du epaimahaiak.

Deialdia, haren oinarri-arauak eta horietatik eta epaimahaiaren jardunetik sortzen diren administrazio-egintzak, Herri Administrazioen Araubidearen eta Guztientzako Administrazio Jardunbidearen azaroaren 26ko 30/92 Legean aurreikusitako epeetan eta moduan inpugnatu ahal izango dira.

Instantziarekin batera aurkeztu den dokumentazioa jasotzeko eskubidea izango dute aurkeztu diren izangaiek, lan poltsa osatuko dutenek izan ezik.

Hautaketa prozesua bukatu eta 3 hilabeteko epean jasotzen ez den dokumentazioa txikitu eta bota egingo du Udalak.

Prozesu honetan argitaratu beharrekoak (onartuen eta baztertuen zerrenda, oposizioaldiko emaitzak, lehiaketaldiaren emaitzak) Bergarako Udaleko Web orrian ere argitaratuko dira www.bergara.net.

Argitarapen honek osagarri izaera du eta eragin guztietarako balio izango duenak Udaleko iragarki taulan argitaratutakoak izango dira.

Datu pertsonalen babeserako araudiari jarraituz, edozein izangai edo partehartzailek izango du bere datuak eskuratu, zuzendu edo ezabatzeko eskubidea, horretarako eskaera aurkeztu beharko du helbide honetara bidalitako idatziaren bitartez: Bergarako Udala, San Martin de Agirre plaza 1, 20570 Bergara.

Belarri batean galdutako entzumenaren % = (· galerak dB-tan, 500,1000, 2000 eta 3000 /4 x 25) x 1,5