2005eko abenduaren 13an emandako dekretu bitartez Bergarako Udaleko Alkate J.ak ondorengo lanpostuen deialdiak arautuko dituzten oinarriak onartzea erabaki zuen:

—Udaleko obra eta zerbitzuburua.

—Udaleko obra eta zerbitzuetako lorategietako arduraduna.

Honen bitartez argitara ematen dira.

Bergara, 2005eko abenduaren 23a.—Alkatea.

(5133) (12487)

Deialdi honen helburua, Obra eta Zerbitzuburu plaza bat txanda irekian oposizio-lehiaketaren bidez hornitzea da, Bergarako Udaleko funtzionarioen plantilako Administrazio Bereziko Azpieskala Teknikoko B sailkapen taldeari atxikia.

Hautatutako izangaia, Obra eta Zerbitzuburu lanpostura atxikia izango da.

Deialdi honen bidez betetzekoa den lanpostuak euskarazko 4. hizkuntz eskakizuna du atxikia, derrigortasun-datarekin.

Deialdi honen bidez betetzekoa den lanpostuak Udal honetako Balorazio Taularen 20 mailari dagokion urteko lansari gordina jasoko du.

Lanpostuaren oinarrizko funtzioak ondorengoak dira:

—Obra eta Zerbitzuetako brigadetako lanak eta plantilak antolatu eta kontrola eraman.

—Brigadetako obra eta lanen proiektu eta aurrekontuak egin eta gestionatu.

—Udal-departamentu eta eraikinen garbitasuna eta mantentze-lanak zuzendu eta ikuskatu.

—Ur-zikinen sarea, lorategiak, parkeak, mendiak eta abarren mantentze-lanak.

—Kale-garbiketa, kale-seinalizazioa eta argiteria publikoaren mantentze-lanak, antolaketa eta hobetze-proiektuak egin eta zuzendaritza-lana aurrera eraman.

—Fakturak ikuskatu, publikoari harrera egin.

—Kontratazioa: Mantentze-lanetako ekipoak, kontrola eta maniobra. Materialak erosteko kudeaketa-lanak. Biltegiaren kontrola.

—Kontrola: Bere menpeko zerbitzuen azken ikuskaritza-lanak egitea.

—Kanposantuaren gestio teknikoa eta bertako langileen buru-lanak.

—Eskola publikoen mantentze-lanen ardura eta ikuskapena.

—Urbanizazio berrien kontrola eraman eta zaharren berritze-proiektuak egin eta guztien ikuskapen zuzenaren azken ardura.

—Bere kategoriari dagozkion agindutako beste lanak.

Lehiaketa-oposizioan onartua izan eta parte hartu ahal izateko, bete beharreko baldintzak ondoko hauek dira:

a)  Europar Batasuneko kide diren estatuetako bateko herritartasuna izatea, edo, Europar Batasunak egindako eta Espainiako Estatuak berretsitako Nazioarteko Itunei jarraiki, langileen zirkulazio askea aplikatzen zaion estaturen bateko herritarra izatea.

Parte hartu ahal izango dute, era berean, Europar Batasuneko kide diren estatuetako herritarren ezkontideek, betiere zuzenbideko banaketarik gabekoak badira; halaber bere ondorengoak eta bere ezkontidearenak, baldin eta zuzenbideko banaketarik gabekoak badira, eta ondorengo horiek hogeita bat (21) urte baino gutxiagokoak badira, edo adin horretatik gorakoak, baina bere pentzuan bizi direnak.

Era berean, parte hartu ahal izango dute Espainiako estatuan bizi eta aurreko paragrafoetan sartu gabe dauden atzerritarrek. Horiek aukeratuak izango balira, kontratuaren objektu den jarduera burutzeko administrazioaren baimena dutela frogatu beharko dute, aipatutako kontratua egin baino lehen.

b)  18 urte izatea.

c)  Aparejadore edo Arkitektu Teknikoa, edo Obra Publikoetako Ingeniari Teknikoa titulua izatea edo titulua lortzeko eskubideak ordainduak izatea.

d)  Diziplinazko espedientearen bidez inongo Administrazio Publikoren Zerbitzutik baztertua ez izatea, eta funtzio publikoak betetzeko ezgaiturik ez egotea.

e)  Lanpostuen eginkizunak normaltasunez betetzea galaraziko dion gaixotasunik nahiz muga fisiko edo psikikorik ez izatea.

Dagokion unean egiaztatu behar da hori, epaimahaiak onartutzat jotzen duen hautagaiari egingo zaion proba eta azterketen bitartez. Azterketa horiek beti izendapena egin aurretik egingo dira, hau da, praktikaldiko funtzionario izendatu aurretik. Azterketak Bergarako Udalak erabakitako zerbitzuetan egingo dira.

f)  Bateraezintasunik edo ezgaitasun legalik ez izatea, Herri Administrazioaren Zerbitzuan dagoen pertsonalaren bateraezintasuna arautzen duen abenduaren 26ko 53/1984 Legean xedatutakoaren arabera. Dena den, kargu publiko edo jarduera pribatu bateraezina burutzen ari direnek aukeratzeko eskubidea erabili ahal izango dute, aipatutako legearekin bat etorriz.

g)  4. hizkuntz eskakizunari dagokion euskara maila, derrigorrezkoa. Hala ere 1990eko uztailaren 24ko Udal Osoko Bilkuraren erabakiari jarraituz, 3. hizkuntz eskakizuna dutenak ere onartuak izango dira, eta plaza ateratzen duenak urte eta erdiko epea izango du 4. hizkuntz eskakizuna egiaztatzeko. Horrela egingo ez balu, izendapena indargabetu eta eskubide guztiak galduko lituzke.

Oinarri honetan zerrendatutako baldintzak, eskabideak aurkezteko epea bukatzen den egunean bete eta karrerako funtzionario plaza jabetzan hartu arte bere horretan jarraitu beharko dute. e) eta f) azpiataletan ezartzen diren baldintzak bere unean kreditatu beharko dira.

Lehiaketa-oposizioan onartua izateko eskatuz egindako eskabideak Bergarako Alkate-udalburuari zuzenduko zaizkio, deialdi honen laburpena Estatuko Aldizkari Ofizialean argitaratu eta biharamunetik aurrera 20 egun naturaleko epean. Onartuak izateko ondoko baldintza hauek bete behar dira:

a)  Izangaiek, eskabideak aurkezteko epearen amaiera datan, 2. Oinarrian jasotako baldintza guztiak eta bakoitza betetzen dituztela agerrarazi beharko dute. g) azpiatalean ezartzen diren baldintzak bere unean akreditatu beharko dira, halere.

b)  Era berean, lehiaketaldian baloratuko diren merituei buruzko datuak agertu eta jatorrizko agiri edo kopia konpultsatuen bidez ziurtatu egin beharko dituzte. Eskabidean agertu arren, eskabidearekin egiaztatzen ez diren meritu-datuak ez dira baloratuko.

c)  Merituak zerbitzuak egin direneko Administrazioek edo enpresek emandako ziurtagirien bidez akreditatu beharko dira, betetako funtzioak eta lan-harremanaren iraupena ondo zehaztuz. Arlo pribatuan izandako lan-esperientzia egiaztatzeko, Gizarte Segurantzako Institutu Nazionalak emandako ziurtagiriak ere aurkeztu beharko dira. Halaber, 7. oinarrian zehaztutakoari jarraituz ziurtatu beharko da.

d)  Merezimendu bezala alegatzen diren ikastaro eta jardunaldiak, titulu ofizial eta homologatuen bidez egiaztatu beharko dira, ikastaroa zein ikastetxek eman dituen eta zenbateko iraupena izan duten azalduz.

e)  Hizkuntz eskakizunaren ziurtagiria, 7. oinarrian ezarritakoaren arabera, euskarazko azterketa ez egiteko.

f)  Eskabidean adierazi behar da Euskal Autonomi Erkidegoko zein hizkuntza ofizialetan egin nahi den azterketa.

g)  Eragozpen fisikoak dituzten izangaiek, eskabidean zehaztu beharko dute azterketak egin ahal izateko denbora eta baliabide aldetik nolako egokitzapenak egin beharko diren eta premia hori ziurtatu. Ondoren, Epaimahaiak aztertu egingo ditu baldintza horiek.

h)  Ondorengo dokumentazioa ere aurkeztu beharko da:

a.  2. oinarriko c) azpiatalean eskatzen den titulu akademikoaren fotokopia konpultsatua.

b.  Funtzio publikoak betetzeko ezgaiturik ez egotea, eta diziplinazko espedientearen bidez Estatuko, Autonomi Erkidegoko edo Udal Administrazioetako zerbitzutik baztertua ez izanaren agiria edo zinpeko aitorpena. Halaber, bateraezintasunik edo ezgaitasun legalik ez duela egiaztatzen duen agiriren bat edo zinpeko aitorpena.

Behar bezala betetako eskabideak, NANaren egiaztatutako fotokopiarekin, Udal honetako Erregistro Nagusian edo Herri Administrazioen Araubide Juridikoaren eta Administrazio Prozedura Erkidearen Legearen 38.4 artikuluak ezartzen duen moduan aurkeztu behar dira deialdi honen laburpena Estatuko Aldizkari Ofizialean argitaratu eta biharamunetik aurrera 20 egun naturaleko epean; eta eskabideak aurkezteko epe barruan, kasuan kasuko, funtzionarioak datatu eta zigilatu beharko ditu. Lehiaketa-oposizioan onartua izateko eskatuz egindako eskabideak Bergarako Alkate-udalburuari zuzenduko zaizkio.

Eskabideak aurkezteko epea amaitu ondoren, Alkate-udalburuak onartutako eta baztertutako izangaien behin-behineko zerrenda onetsiko du. Gipuzkoako Aldizkari Ofizialean eta Udaleko Iragarki-taulan argitaratuko da zerrenda hori, Epai-mahaiaren kideen izendapenarekin batera eta 10 laneguneko epea izango dute izangaiek erreklamazioak egin ahal izateko.

Erreklamaziorik izango ez balitz, izangaien zerrenda behin betikotzat hartuko da. Erreklamaziorik balego, horiek onartu edo ezetsi egingo lirateke, behin betiko zerrenda onesten duen beste ebazpen baten bidez. Ebazpen hori Udaleko iragarki taulan argitaratuko da.

Epaimahai kalifikatzailea honela osatuko da:

Mahaiburua:

—Udal honetako Alkate-udalburua, edo berak izendatzen duen zinegotzia.

Mahaikideak:

—Herri Arduralaritzaren Euskal Erakundeko ordezkari bat.

—Herri Arduralaritzaren Euskal Erakundeko ordezkari bat euskara frogarako.

—Udaleko langile batzordearen ordezkari bat.

—Udaleko talde politiko guztien ordezkari bana.

—Beste udal bateko aparejadorea.

—Pareko lanpostua betetzen duen beste udal bateko langilea.

Idazkaria:

—Udal Idazkaria edo honek izendatzen duen funtzionarioa.

Epaimahairako titularrekin batera ordezko epaimahaikideak ere izendatuko dira. Epaimahaikideek izendapenari uko egin beharko diote edo ezetsi ahal izango dira, baldin eta Herri Administrazioen Araubide Juridikoaren eta Administrazio Prozedura Erkidearen Legeko 28 eta 29 ataletan xedatutako gorabeherak gertatzen badira.

Epaimahaiak, osatze-batzarraldian, hautaketa-probak ondo joateko behar diren erabaki guztiak hartuko ditu. Legez jardun ahal izateko, epaimahaikideen gehiengoa beharko da, titularrak edo ordezkoak.

Arau hauen aplikazioan ager daitezkeen zalantza guztiak erabakiko ditu Epaimahaiak, baita aldez aurretik aurreikusi gabeko kasuetan egin behar dena ere.

Herri Administrazioen Araubide Juridikoaren eta Administrazio Prozedura Erkidearen Legeari egokitu beharko zaio momenturo Epaimahaiaren jarduera.

Egoki iritzitako probetarako Epaimahaiak aholkulari adituen laguntza eskatu ahal izango du, baina hauen egitekoa beren espezialitate teknikora mugatua egongo da.

Ezintasunen bat duten pertsonek probak egiteko eskatutako egokitzapenak ontzat ematea ala ez erabaki beharko du Epaimahaiak. Izangaiek eskatutako egokitzapenak aztertu eta baloratu ondoren erabakiko du Epaimahaiak, arrazoizko irizpideak erabiliz. Eskatutakoaren bidezkotasunari buruzko zalantzak sortuko balira, Epaimahaiak interesatuari entzun ahal izango dio, eta era berean, aholkuak eskatu edo, hala dagokionean, eskudun organo teknikoen laguntza ere eskatu ahal izango du.

Deialdi honetako azterketa guztiak Euskal Autonomi Erkidegoko bi hizkuntza ofizialetako batean egin ahal izango dira, izangai bakoitzak eskabidean azaldutakoaren arabera.

Ariketa bakoitzerako deialdi bakarra egingo da. Epaimahaiak azterketak egiteko finkatutako toki, egun eta orduan agertzen ez diren izangaiak hautaketa-prozeduratik baztertuta geldituko dira behin betiko, ez agertzeko arrazoia egiaztatuko balute ere.

Idatzizko ariketak egiterakoan, ahal bada, izangaien anonimatua bermatuko da.

Epaimahaiak erabaki ahal izango du ariketa bat baino gehiago egun berdinean egitea.

Oposizioaldiak ondoko ariketa hauek izango ditu:

1.  Derrigorrezkoa eta baztertzailea. I. Eranskinean ezarritako gai espezifikoei buruzko test eratako galderei erantzutean datza. Gehienez 15 punturekin baloratuko da, eta gutxienez 7,5 puntu lortu behar dira hurrengo frogara pasatzeko.

2.  Derrigorrezkoa eta baztertzailea. Lanpostuaren funtzioak kontuan hartuz proposatutako gaiari/ei buruz aurrez idatzitako txostenaren ahozko aurkezpena egitean datza. Epaimahaiak ariketa hau ahoz azaltzea edo defendatzea eskatu ahal izango die izangaiei. Gehienez 25 punturekin baloratuko da, eta gutxienez 12,5 puntu lortu behar dira hurrengo frogara pasatzeko.

3.-  Derrigorrezkoa eta baztertzailea. Deialdi honen bidez betetzekoa den lanpostuari dagozkion funtzioei buruzko zenbait ariketa praktiko egitean datza. Epaimahaiak ariketa horiek ahoz azaltzea edo defendatzea eskatu ahal izango die izangaiei. Gehienez 15 punturekin baloratuko da, eta gutxienez 7,5 puntu lortu behar dira hurrengo frogara pasatzeko.

4.  Derrigorrezkoa eta baztertzailea. 3. eta 4. hizkuntza eskakizuna egiaztatzeko probak. Izangaiek zein hizkuntza eskakizuni dagokion azterketa egin nahi duten aukeratu beharko dute eskaera-orrian. Aukeratuko ez balute, 4. hizkuntza eskakizunari dagokiona aukeratu dutela ulertuko du Udalak.

Gai/Ez gai baloratuko da.

Apirilaren 15eko 86/1997 Dekretuak, Euskal Autonomia Elkarteko herri-administrazioetan euskararen erabilera normalizatzeko prozesua arautzen duenak, zehaztutakoari jarraituz, Herri Arduralaritzaren Euskal Erakundeak emandako egiaztagiria aurkezten dutenek ez dute ariketa hau egin beharrik izango.

5.  Derrigorrezkoa eta baztertzailea. II. eranskinean ezarritako gai komunei buruz Epaimahaiak prestatuko test eratako galdera-sorta erantzutean datza. Gehienez 5 punturekin baloratuko da, eta gutxienez 2,5 puntu lortu behar dira azterketa gainditzeko.

6.  Derrigorrezkoa eta baztertzailea. Lanpostuaren profilari egokitzen den jakiteko ariketa/k egin beharko da/dira: Test psikoteknikoak, elkarrizketa eta abarrek osatuko dute ariketa hau. Epaimahaiak erabakiko du zelakoak eta bakoitzaren puntuazioa.

Ariketa honek gehienez ere 20 puntu izango ditu, eta 10 puntu lortzen ez duten izangaiak baztertuak izango dira.

Baloratuko diren merezimenduak ondoko hauek izango dira:

a)  Administrazio Publiko batean edo enpresa pribatuan deitutako lanpostuari dagozkion betebeharrekin zerbitzuak eman izana, gehienez ere 15 punturekin baloratuko da, hilabeteko 0,20 puntu.

b)  Lanen zuzendaritzan izandako lan esperientzia gehienez ere 7,5 punturekin baloratuko da, hilabeteko 0,15 puntu.

c)  Betetzekoa den lanpostuarekin zerikusia duten ikastaro, jardunaldi eta titulu akademikoak, 20 ordu baino gehiagoko iraupena eta edukiaren arabera kontuan hartuko direnak, gehienez 3 punturekin baloratuko dira:

—20 eta 50 ordu bitarteko ikastaro bakoitzarengatik: 0,25 puntu.

—51 eta 100 ordu bitarteko ikastaro bakoitzarengatik: 0,5 puntu.

—101 eta 200 ordu bitarteko ikastaro bakoitzarengatik: Puntu 1.

—201 eta 300 ordu bitarteko ikastaro bakoitzarengatik: 2 puntu.

—300 eta gorako ikastaro bakoitzarengatik: 3 puntu.

Epaimahaiak, izangaien kopuruaren arabera, azkartasuna eta eraginkortasunaren mesedetan, merezimenduen balorazioa atzeratu eta oposizioaldia hasi ondoren burutu ahal izango du. Edozein kasutan, lehiaketaldia bukatuta egon beharko da oposizioaren azken azterketa zuzendu baino lehen.

Autonomo izaerarekin egindako zuzendaritza lanak ziurtatzeko ezinbestekoa izango da honako dokumentazio hau aurkeztea, instantziarekin batera:

1.Dagokion kolegio profesionalak luzatutako ziurtagiria. Bertan adierazi beharko da zein obraren zuzendaritza eraman duen eta obraren kostua.

2.Egindako lanak aurreikusten eta deskribatzen dituen kontratua eta faktura.

3.Autonomoetan altan egon izanaren agiria (egiaztatu nahi diren lanen garaiari dagokiona).

Puntuazioari dagokionean, atal bakoitzean honako irizpidea erabiliko da:

Faktura bakoitzaren kopurua izango da kontuan, eta 3.000 €-ko tarte bakoitza, hilabete bati dagokiola kontsideratuko da; hau da, hilabeteko lana egin dela kontsideratuko da fakturetan azaltzen den 3.000 €-ko zati bakoitza. Zenbat hilabete lan egin den bihurtzeko faktura osoa (BEZ kanpo) 3000rekin zatitu eta ateratzen diren frakzio osoak hilabeteak direla ulertuko da.

Proba baztertzaileak gainditu ondoren, oposizio-aldiko eta lehiaketa-aldiko puntuak batuta aterako da eta kalifikazio horrek behin betiko puntuazio hurrenkera erabakiko du.

Hautaketa-probetan Epaimahaiak ezin izango du deitutako plazak baino izangai-kopuru handiagorik gainditutzat eman. Aurretik esandakoaren kontra doan bestelako edozein proposamen erabat deusezkoa izango da.

Epaimahaiak, merezimenduak baloratu eta ariketak kalifikatu ondoren, lehiaketa-oposizioa gainditu duen izangaiaren izena argitaratuko du. Era berean, hautaketa-prozedura gainditu duten izangai bakoitzaren behin betiko puntuazioa argitaratuko du, 9. oinarrian ezarritakoa betetzeko.

Izangaiek, behin betiko emaitzak argitaratu ondoren, 10 eguneko epea izango dute Epaimahaiaren aurrean erreklamazioak egiteko. Epe hau bukatu eta gero, Epaimahaiak puntu gehien lortu duen izangaiaren behin betiko izendapen-proposamena egingo dio Alkatetzari.

Izangaietako inork ariketa baztertzaileak gaindituko ez balu, epaimahaiak plaza hutsik laga dezake.

Proposatutako izangaia praktikaldiko funtzionario izendatuko da. Praktikaldiak 6 hilabete iraungo du.

Aipatutako praktikaldia bukatu aurretik, praktikaldian dagoen funtzionarioaren buruak txosten bat egingo du. Bertan, ondoko gaitasunak hartuko ditu kontuan: Lanerako eta aginterako erakutsitako gaitasuna eta errendimendu profesionala; ardura eta trebezia; lanean erakutsitako interesa, jarrera eta ekimena. Era berean, lan-taldean integratzeko erakutsitako gaitasuna ere kontuan hartuko da.

Gobernazio batzordeak, txostena azterturik eta, hala dagokionean, beharrezkotzat jotzen dituzten osagarrizko jarduketen ondoren, kasuan kasuko izendapen-proposamena egingo dio Alkate-udalburuari. Edozein kasutan, egindako txostena kontrakoa baldin bada, beharrezkotzat jotzen dituen alegazioak egiteko aukera emango zaio interesatuari.

Praktikaldia egin duen funtzionarioak praktikaldia gaindituko ez balu, karrerako funtzionario izendatzeko eskubide guztiak galduko lituzke.

Prozesu honetan argitaratu beharrekoak (onartuen eta baztertuen zerrenda, oposizioaldiko emaitzak, lehiaketaldiaren emaitzak) Bergarako Udaleko Web orrian ere argitaratuko dira (www.bergara.net).

Argitarapen honek osagarri izaera du eta eragin guztietarako balio izango duenak Udaleko iragarki taulan argitaratutakoak izango dira.

Datu pertsonalen babeserako araudiari jarraituz, edozein izangai edo partehartzailek izango du bere datuak eskuratu, zuzendu edo ezabatzeko eskubidea, horretarako eskaera aurkeztu beharko du helbide honetara bidalitako idatziaren bitartez: Bergarako Udala, San Martin de Agirre plaza 1, 20570 Bergara.

Epaimahai kalifikatzaileak eskumena dauka sor daitezkeen zalantzak argitzeko eta lehiaketa-oposizioaren martxa ona zaintzeko beharrezko diren erabakiak hartzeko, oinarri hauetan eta hemen aplika daitekeen arautegi osagarrian xedatu ez den kasuetarako.

Deialdi hau, honen oinarriak eta horietatik eta epaimahaiaren jardueratik erator daitezkeen egintza administratiboak inpugnatu ahal izango dituzte interesatuek, Herri Administrazioen Araubide Juridikoaren eta Administrazio Prozedura Erkidearen Legean ezarritako epe eta moduan.

Instantziarekin batera aurkeztu den dokumentazioa jasotzeko eskubidea izango dute aurkeztu diren izangaiek, kontratatuko denak izan ezik.

Hautaketa-prozesua bukatu eta 3 hilabeteko epean jasotzen ez den dokumentazioa txikitu eta bota egingo du Udalak.

Deialdi honen xedea da lorategietako arduradun lanpostua betetzea, deialdi librean, eta lehiaketa-oposizioaren bidez.