Gipuzkoako Aldizkari Ofiziala

186. zenbakia Data 2005-09-30 19387 orria
4 GIPUZKOAKO LURRALDE HISTORIKOKO ADMINISTRAZIOA
GFA - FISKALITATEA ETA FINANTZAK
Jarduera ekonomikoen gaineko zergaren ordainaldia.

GIPUZKOAKO FORU ALDUNDIA

FISKALITATERAKO ETA FINANTZETARAKO DEPARTAMENTUA

Zergabilketako eta Zerga Bulegoetako
Zuzendariordetza

Ediktua

Zergabilketako eta Zerga Bulegoetako Zuzendariordea, honako ebazpen hau eman du:

Donostian, gaurko datan, eta indarrean dagoen araudiarekin bat etorriz, ondoko hau,

EBATZI DUT

Zergadunei eta gainerako interesatuei jakinaraztea 2005ko Iharduera Ekonomikoen Gaineko Zerga 2005ko urriaren 1ean hasiko dela borondatezko epealdian kobratzen eta, era berean, epea urte bereko azaroaren 10ean amaituko dela, biak barne.

Aurtengo irailaren 4a baino lehen helbideratutako ordainagiriak bankuaren edo aurrezki kutxaren kontu korrontetik kobratuko dira zuzenean, ordaintzeko borondatezko epea amaitzen den egunean.

Helbideratu gabeko ordainagiriak zergadunak adierazitako zerga helbidera bidaliko dira urrian zehar. Ordainketa edozein bankutan edo aurrezki kutxatan egin beharko da, eta horretarako ordainagiria aurkeztu beharko da.

Urriaren 20a iritsi eta zergadunak ez badu ordainagiria etxean jaso, hurrengo bulego hauetako edozeinetan eskatu beharko du:

—Donostiako Zerga Bulegoa: Okendo, 20.

—Donostiako Zerga Bulegoa: Sekundino Esnaola, 10-12.

—Irungo Agentzia Exekutiboa: Geltokia, 5-7.

—Eibarko Zerga Bulegoa: Arragueta kalea, 2.

—Azpeitiko Zerga Bulegoa: Julian Elortza Etorbidea, 3.

—Tolosako Zerga Bulegoa: San Frantzisko, 45.

—Bergarako Zerga Bulegoa: Toki Eder, 5.

Jendearentzako ordutegia, larunbatetan eta jaiegunetan ezik, honako hau izango da: 8:30etatik 14:00etara Donostiako Zerga Bulegoetan eta 8:30etatik 13:30tara beste Zerga Bulego guztietan.

Borondatezko kobrantza epealdia amaitu eta zergadunek zorrak ordaindu ez badituzte, %20ko premiamenduzko errekarguan sartuko dira eta kobrantza premiamenduzko bidetik egingo zaie.

Andoain, Arrasate, Astigarraga, Azkoitia, Beasain, Bergara, Deba, Donostia. Eibar, Elgoibar, Errenteria, Hernani, Hondarribia, Ibarra, Irun, Lasarte-Oria, Legazpi, Lezo, Mutriku, Oiartzun, Oñati, Ordizia, Pasaia, Tolosa, Urnieta, Urretxu, Usurbil, Zarautz, Zumaia eta Zumarragako udalek beren gain hartua dute, uztailaren 5eko 11/1989 Foru Arauaren indarrez, bertako Iharduera Ekonomikoen gaineko Zerga borondatezko epealdian kobratzeko eskumena.

Donostia, 2005eko irailaren 27a.—Andrés Gómez Garrido, Zergabilketa eta Zerga Bulegoetako zuzendariordea.

(6742) (9224)