—«Herri gune historikoa» 10 zk. hirigintzako esku hartze area: 10.2 jardun unitatean San Juan kaleko 6 eta 8ko eraikinak aldatzeko aukera ematen da «Eskoriatzako Herri Gune Historikoa Birgaitzeko Plan Bereziaren Aldaketa» dokumentuan 3 zk. Hirigintzako Jardun Unitaterako ezarritako eraikitzeko profil eta garaiera berak ezarriz. 10.4 jardun unitatean baimena ematen da, eraikitzeko gehieneko aprobetxamendua gainditu gabe, Eskoriatzako Herri Gune Historikoa Birgaitzeko Plan Bereziaren Aldaketan «38 etxebizitza kopurua, ezarritako eredu eta batez bestekoa aldatuz, %15ean igotzea», 1, 2 eta 3 lur sailetarako aurreikusitako antolaketa, jabari eta erabilera baldintzak ere berrikusiz.

Udal fasean, jendaurrean erakutsi zen dokumentua 2001eko abenduaren 27ko udal batzarraren erabakia betez, eta ez zen alegaziorik aurkeztu. Ondoren, 2002ko otsailaren 28an udal batzarrak onartu egin zuen.

Espedientea behin betiko onartzeko Foru Aldundian jaso ondoren, Euskal Herriko Lurralde Antolaketaren Batzordeari bidali zitzaion eta batzorde horrek edukiari aldeko iritzia eman zion, baina adieraziz monumentu multzo gisa herrigune historikoaren kalifikazio espedientea babesteko erregimenean ezarritako xedapenak berariaz aipatu behar zirela.

Azkenik, Foru Aldundiko Hirigintzako eta Lurralde Antolaketako zerbitzuak dokumentua aztertu ondoren, adierazi du dokumentu berri horrekin konponduta geratu direla hautemandako akatsak eta, onartutako xedapenei dagokienez, zuzenak direla eta zurituta daudela, beraz bidezko da behin betiko onarpena ematea.

Horren ondorioz, eta tramitatzerakoan indarrean dagoen hirigintzako legerian aurreikusitako jardunbidea jarraitu denez, Diputatuen Kontseiluak, aplikagarri den legeria ikusirik, Obra Hidraulikoetako eta Hirigintzako foru diputatu andrearen proposamenez eta eztabaidatu ondoren,

ERABAKI DU

Onartzea Eskoriatzako Hiri Antolaketako Arauen Testu Bateratua.

Onarpena behin betikoa da dokumentuan sastutako xedapen berriei dagokienez.

Ohartarazten da Eskoriatzako herrigune historikoak espediente bat irekita duela Monumentu Multzo gisa kalifikatzeko, eta beraz kalifikazio horrek berarekin daraman babes erregimenean ezarritako xedapenak kontuan eduki behar direla.

Erabaki hau behin betikoa da eta administrazio bidea amaitzen du. Nahi izanez gero, administrazioarekiko auzi errekurtsoa aurkez dezake interesatuak Euskadiko Justiziako Auzitegi Nagusiak Bilbon duen Administrazioarekiko Auzietako Salan, erabaki hau argitaratu edo, kasu bada, jakinarazi eta biharamunetik bi hilabeteko epean».

Hala ere, partikularrek aukera dute horren aurretik berraztertzeko hautazko errekurtsoa aurkezteko Diputatuen Kontseiluari, argitaratu edo, kasua bada, jakinarazi eta biharamunetik hasita hilabeteko epean. Hori eginez gero, ezingo da administrazioarekiko auzi errekurtsorik aurkeztu harik eta berraztertzekoaren berariazko ebazpena eman edo ustezko ezespena gertatu arte.

Eraskina: Aipatutako dokumentuan dagoen Hirigintza Arautegiaren testua.

Donostia, 2002ko uztailaren 23a.—Javier Capdevila Mayoral, Idazkari Teknikoa.

(3638) (10121)

Eskoriatzako Plangintza-Arau Subsidiarioak

B Dokumentua. «HIRIGINTZA-ARAUAK»

ATARIKO IZENBURUA

ARAU SUBSIDIARIOAK EZARTZEARI
DAGOZKION IZAERA OROKORREKO
XEDAPENAK

Plangintza-Arau Subsidiario hauek indarrean jartzen direnetik, Eskoriatzako udalerri osoan dira ezartzekoak.

1982ko martxoaren 12an behin-betiko onetsitako Eskoriatzako Plangintza-Arau Subsidiarioen zehaztapenak –1983ko martxoan berretsitako Testu Berritua– ordezkatu eta indargabetzen dituzte honako Arau hauek, hala nola berauen geroagoko aldakiak, osagarriak eta garapenak (honako proiektu honen bidez aldatuta).

Arau hauetako zehaztapenen bat baliogabetu, deuseztu edo aldatzeak ez du gainerakoetan eraginik izango (baldin-eta, harekiko erlazio- edota menpekotasun-arrazoiengatik, baten bat ezartezina ez bada).

1.  Honako proiektu hau ondoko dokumentuez osaturik dago:

«A. Memoria» Dokumentua.

«B. Hirigintza-Arauak» Dokumentua.

«C. Ondarearen Katalogoa» Dokumentua.

«D. Planoak» Dokumentua.

2.  Arau Subsidiarioen edukia, oro har, dokumentu guztietan hartutako zehaztapenen multzoaz osaturik dago; hala ere, «B. Hirigintza-Arauak» eta «C. Ondarearen Katalogoa» dokumentuetan eta «D. Planoak» dokumentuaren «II. Ordenazioa» planoetan azaltzen diren zehaztapenak dira, batez ere, hirigintzako jardueraren arau-izaera izan eta arautzen dutenak; gainerako dokumentuek, berriz, izaera adierazgarria edota erreferentziala dute.

3.  Eskala desberdinetan egindako arau-izaerako planoen artean hirigintza-zehaztapen zehatz bati buruzko gorabeherarik gertatzen bada, eskala zabalagoa duten planoetan ezarritakoa nagusituko da, azken hauen edukian agerian dagoen akats materiala ez bada.

1.Honako Arau Subsidiario hauetan jasotako zehaztapenak aldatzekotan, berauen maila eta lotespen erregulatzaileak eskatzen duten prozedurazko izapideak izan beharko dira kontuan, honako proiektuan horri buruz ezarrita dagoen izaeratik eta sistematizaziotik ondorioztatzen direnak.

2.«Plangintza Orokorrari» berez dagozkion maila eta lotespena duten zehaztapenak ondokoak dira:

—«Arau Orokorrak» dokumentuaren barruan sartuta dauden zehaztapenak eta «B. Hirigintza-Arauak» dokumentuan jasotako «Hirigintza-Interbentziorako Areei buruzko Arau Partikularrak» delakoen «II. Hirigintza Erregimen Orokorra» epigrafearen barruan sartuta dauden zehaztapenak.

—«D. Planoak» dokumentuaren «II. Ordenazioa» planoen barruan sartuta dauden zehaztapenak.

Zehaztapen horiek aldatu edo osatu ahal izateko –honako dokumentu honetan bereziki arauturiko tolerantziekin bat datozenak izan ezik–, Arau Subsidiarioen elementuak aldatzeko espediente espezifiko baten azalpena eta onespena beharrezkoak izango dira helburu horretxekin.

3.Gainerako zehaztapenek bai Garapen-Plangintzari (Plan Bereziari edo Plan Partzialari) bai definizio horrentzat egokia den espedienteari berez dagokien maila eta izaera izango dituzte.

Zehaztapenik aldatu edo osatu ahal izateko, kasu batean zein bestean, beharko da lege-izaera bereko dokumentu edo espedientea azaldu eta onestea.

4.Eraikinen eta urbanizazioaren osakera fisikoari dagozkion zehaztapenak berriz zehaztu, aldatu edo osatzeko, xehekapen-azterlanen bidez egin ahal izango da, bai hirigintza-legerian bai honako Hirigintza-Arau hauetan bai –bere kasuan–

garapen-plangintzan indarrean dagoen legeriak ezartzen dituen mugak kontuan harturik.

5.Exekuzio-esparru eta unitateak zehaztu eta jarduketa-sistema zehaztu ahal izateko, indarrean dagoen legerian ezarritako prozedura eta mekanismoen bidez azaldu edo aldatu beharko dira, plangintzan ezarritako aurkako xedapenik egon ez badago –kasu horretan, hortik ondorioztatuko dena egingo baita.

1.Aldaketen justifikazioa.

Aldaketak interes orokorreko arrazoietan funtsatu beharko dira, eta beharrezkoa izango da horiek zehatz justifikatzea; era berean, aldaketaren entitate edota garrantziaren arabera beharrezkotzat edo egokitzat joz gero, ondoko puntuak aurreikusten dituzten Arauen ondorioak baloratuko dira: Biztanleria, enplegua, komunitate- eta tokiko ekipamendu orokorra, espazio libreak, bideak eta aparkalekuak, eta azpiegiturak.

2.Bolumen eraikigarriaren handipena.

—Industri zonetan aipaturiko gehikuntza gauzatutzat joko da, berauen zona-azalera handitzen denean; kasu horretan, aipaturiko dotazioa gehituriko azaleraren %10 gehituko da.

Zonaren edo lurzatiaren erabilera zein den aintzat hartu gabe, aipaturiko gehikuntza gertatzen denean, aparkaleku edo garaje-dotazio minimo osagarri bat izan beharko da, ezarritako dotazio-eskakizunen arabera halaxe ezarrita baitago bai honako Arau Subsidiario hauetan bai dagokion garapen-plangintzan, aipaturiko gehikuntzak behar dituen erabileretarako; aipaturiko dotazio osagarritik, gutxienez plazen %50, bide publikoetan kokatuko da.

Arau Subsidiarioak berrikusteko, Udalbatzak har litzakeen neurriak kontuan hartu gabe ere, ondoko kasuetan ekingo zaio horietxek berrikusteari:

—Eskoriatzako biztanleriak proiektu honetan jasotako hazkuntza-aurreikuspenak gaindituz gero.

—Planifikaturiko etxebizitza berrien %75ri eraikitzeko baimena emanez gero.

—Hutsik dauden etxebizitzen %75etik gora okupatuz gero.

—Kalifikaturiko industria-lurzoru hutsaren %75en okupazioa gertatuz gero.

LEHEN IZENBURUA

LURZORUAREN KALIFIKAZIOA

1. ATALBURUA.«HIRIGINTZA-ERABILERAK»

1.Hirigintza-erabileren oinarrizko sistematizazioa.

Sistematizazioaren ondorioetarako, ondoko erabilerak bereizten dira:

—Egoitza-erabilerak.

—Industria-erabilerak.

—Hirugarren sektoreko erabilerak.

—Landa-erabilerak.

—Komunikabide-erabilerak.

—Espazio libreen erabilera.

—Ekipamendu komunitariorako erabilerak.

—Ibai-ibilguetako erabilerak.

—Zerbitzu-azpiegituretarako erabilerak.

2.Hirigintza-erabilerei buruzko karakterizazioa, horren ezarpena arautzeko ondorioetarako.

Horren ezarpena arautzeari dagokionez –egokitzapena edo desegokitzapena zehazteko ondorioetarako–, hirigintza-erabilerak honela zehaztuta edo kategorizatuta daude:

—Errazturiko erabilerak.

—Baimenduriko erabilerak.

—Debekaturiko erabilerak.

Zona bateko erabilera orokor edo erabilera xehekatu baten erabilera erraztua hauxe da: Zona horretan garatzen den ikuspuntu funtzionaletik eta eraikuntza-tipologiaren konfiguraziotik baloratuta, bertan nagusi den erabilera.

Orobat ere jotzen dira erabilera jakin bati atxikitako erabileratzat hurrengo artikuluan horrelaxe identifikatzen direnak, baldin-eta ingurunean dauzkaten «erabilerei» buruzko ezarpen-baldintzak eta eraginak erreferentziazkoen erabilerarenak bezalakoak badira. Hori dela eta, besteak dauzkan baldintza berberekin ezarri ohi dira; esaterako, etxebizitza baten titularraren bulego profesionala (etxebizitza-erabilerari dagokio- nez), edota ekipamendu komunitariorako erabilerak (merkataritza-erabilerei dagokienez).

Zentzu berean, erabilera lagungarritzat jotzen dira aurrekoei zerbitzu ematen dietenak —erabilera nagusiarekin bat egiten duen lurzati berean ezarriak badira.

Aitzitik, loturarik gabeko erabilerari buruz autonomoa dela esango dugu. Beraz, erabilera orokor edo lurzati jakin batean, beste erabilera batzuen lagungarria den erabilera legezkotzat jo daiteke, erabilera autonomo gisa debekaturik egon arren; esaterako, etxebizitza-erabilera ekipamendu-zonetan.

Esparru jakin bateko erabilera erraztutzat edo onargarritzat jotzeak zera ekarriko du: Erabilera asimilatutzat eta lagungarritzat jotzen dituen definizioaren barruan sartzen diren aipaturiko erabileren esparruan, horien ezarpena inplizituki baimentzea, zenbait erabilera lagungarri izan ezik –lurzatia eraikigarri desberdinetako erabilera arautzen duen erregimenean, aurkakoa espreski espezifikatzen ez denean.

Gainera, erabilera globaleko zonetan, eta izenburu honetako «Kalifikazio Globala» 2. atalburuan aurkakorik adierazten ez bada, onargarritzat joko dira –zertzelada hori espreski adierazteko beharrik gabe– oinarrizko zerbitzu-erabilerak delakoak.

Hurrengo artikuluan zerrendatu eta zehazten diren erregimen publikoko dotazio- eta azpiegitura-erabilerak berdin kontsideratuak izango dira, salbuespenak salbuespen.

Besteak beste, honako hauek aipatzen dira:

—Ibilgailuen eta oinezkoen zirkulazioa.

—Aparkalekuak.

—Espazio libreak.

—Ekipamendu komunitarioa.

—Zerbitzu-azpiegitura.

3.Baimenduriko erabilerei aplikatzekoak diren baldintzak.

Hirigintza-erabileraren bat erraztutzat edo onargarritzat jo arren, ez du zenbait kasutan salbuesten –dagokion sektore-legerian hala ezarrita dagoenean–, ezarpena legezkotuko duen udal baimena eman aurretik, txosten espezifikoak izapidetzea edota aurretiazko baimen-agiriak exijitzea.

«J.G.O.K.A» Erregelamenduaren menpeko jarduketek, honako Arau hauetan ezarritako ezarpen-baldintza orokorrak ezezik, aipaturiko erregelamenduaren eskakizunak ere bete beharko dituzte.

Udal Zerbitzu Teknikoek justifikaturiko txostena aurretik aurkezturik, posible izango da hainbat instalazioren ezarpena eragoztea: Beren tamainagatik edo ezaugarri funtzionalengatik, indarreango plangintzan ezarritako ordenazio xehakatuaren barruan egoki konpondu ezin diren beharrizan bereziak planteatzen dituztenak; eskakizunek, berriz, helburu hauexek izango dituzte: Ibilgailu eta oinezkoen sarbideak, dotazioak eta aparkalekuen ezaugarriak, karga eta deskargarako espazio osagarrien antolaera, edota, ezarri behar diren eremuan, plangintzak zehazten dituen ordenazio-baldintzekin bat etortzerik ez duten beste edozein helburu –izaera generikoaz, bederen–, aipaturiko plangintzan espreski baimenduak izan arren.

Alternatiba gisa –kasuan kasu–, dagokien baimen-ematean, obligazio-inposaketak edo limitazio bereziak jasan ahal izango dituzte, aipaturiko gatazkak konpontzeari begira.

4.Aurreikusigabeko erabilerak.

Lehen aipaturiko sistematizazioa, hala nola hurrengo artikuluan beretaz egingo den garapena, zehaztapen irekitzat eta ezbaztertzailetzat hartuko da; beraz, hirigintza-ondorioekin duten antzekotasunagatik espresuki barruan sartu ez diren erabilerak, Udalak tipifikatu ahal izango ditu aipaturiko beste erabilera batzuen ordez.

Era berean, antzeko irizpidea aplikaturik, espresuki ez baimenduta ez debekatuta dagoen erabileraren ezarpena baimendu edo debekatu ahal izango du zona edo lurzati jakin batean.

1.  EGOITZA-ERABILERAK

Egoitza-erabilerak batez ere etxebizitza-erabilerarekin erlazionatzen dira, hau da, pertsonen edo mota guztietako kolektiboen alojamendua da, gehienez 12 pertsonako kopururaino okupaturiko lokal bakoitzeko, famili unitateen kasuan kopuru horretatik gora egitea zilegi delarik.

Etxebizitzako erabileraren erabilera lagungarritzat jotzen dira ondoko hauek: Portalak, trastelekuak, instalazio-gelak, esekitokiak, lorategi pribatuak eta antzeko beste batzuk.

Egoitzetako erabilera lagungarri berberak izango dituzte: Garaje-erabilerak edo ibilgailu-zaintzak (kategoria guzti-guztietan), kirol instalazioek eta etxebizitza-eraikuntzetako erabilera pribatua duten likuaturiko gas-deposituek, nahiz eta azken kasu hauetan etxebizitza-erabilerarako destinaturiko azalera erabilgarria plangintzak berak arautu ahal izango du.

Familiarrak ez diren edozein kolektiboren alojamendua 12 pertsonatik gorakoa bada okupaturiko lokal bakoitzeko, titulartasun pribatuko erregimenaren pean egina bada, etxebizitza-erabilerari asimilaturiko erabileratzat joko da, baldin-eta, izaera asistentziala ez izateaz gain, hirugarren sektoreko erabileratzat jotzeko behar diren baldintzak betetzen ez baditu, hau da: Zahartegia, unibertsitate-ostatuak, kolegio nagusiak, aterpeak edo antzekoak.

2.  INDUSTRIA-ERABILERAK

Halakotzat jotzen dira ondoko jarduerak:

—Mota guztietako produktuak lortu eta eraldatzeko lantegiak.

—Xehekari, handizkari, instalatzaile, fabrikatzaile edota banatzaileei hornitzen zaizkien produktuak zaindu, gorde eta banatzen dituzten biltegiak, jendaurreko salmenta –oro har– debekaturik geratzen delarik.

—Mota guztietako produkzio- eta ikerkuntza-laborategiak; produktu kaltegarririk erabiltzen ez duten eta inolako eragozpenik sortzen ez duten jarduerekin jarduten duten laborategiak izan ezik, bulego-erabilerarekin parekatzeko modukoak baitira.

—Ibilgailuak, tresneria eta mota guztietako aparatuak konpontzen dituzten tailerrak.

—Hornitegiak, erregaiz hornitzeko unitateak eta ibilgailu-ikuztegiak.

—Salmenta helburu duten mota guztietako erregai-depositu eta biltegiak.

—Errepide-garraioen agentziak eta kamioiak, autobusak eta beste edozein ibilgailu edo tresneria ibilgarri gordetzea helburu duten garajeak.

—Makineria, txatarra, ibilgailuak edo materialak estalperik gabe gortzen dituzten biltegi eta deposituak.

Nekazaritza-lantegiak; hau da, jardueraren oinarria den lurra zuzenean erabiltzen ez duten nekazaritza-produkzio-jarduerak, euren kokapen-ezaugarri eta baldintzengatik Lurzoru Ez-Urbanizagarrian ezinbestez kokatu behar direnak.

Horien artean, azaldu ditugun baldintzekin bat datozen nekazaritza eta abeltzaintzako lantegiak daude, hala nola zerrategiak eta landare eta loreen produkziorako mintegiak, baldin-eta eraikuntza finko eta egonkorra badute –metalezko profileria-egitura zimentaziodun, beirazko itxieradun eta zolarriduna–, landaketa lurrean bertan hazten ez den kasuetan, alegia bata bestearekiko loturarik gabeak.

—Mota guztietako erauzketa- eta meatzaritza-jarduerak; bidezko izanez gero, Lurzoru Ez-Urbanizagarrian kokatu ahal izango direnak.

—Erabili, manipulatu edo despatxaturiko produktuengatik, edota erabiltzen diren elementu teknikoengatik, pertsonei eragozpenak, arriskuak eta trabak eragin edota ondasunei kalte egiten dizkieten produktuak fabrikatu eta eraldatzeko jarduerak.

—Industria erabilera nagusiaren erabilera lagungarriak, esaterako: Bulegoak, laborategiak eta kalkulu-zentroak, zerbitzu-instalazioak –ura ponpatu edo saneatzeko depositu eta instalazioak, hondakinak arazteko instalazioak–, garajeak eta ibilgailu- eta makina-parkeak, eta antzeko beste batzuk, hala nola jagolearen edo zaindariaren etxea (honen ezarpena, ordea, «plangintzak» espresuki baimendua beharko badu ere).

Oro har, merkataritza-izaerako edo hirugarren sektore-izaerako zereginak betetzen dituzten industria-jarduerak –industria-erabilera arrunteko lokal edo lurzatietan kokatzeko ondorioetarako–, jarduera bakartzat joko dira, aipaturiko erabilerak modu espezifikoan helburu dituzten azaleren kontsiderazio askeen kalterako izan gabe –halakoak arautu beharreko xedeekin.

Baimenduriko beste erabilera batzuen jarduerari lotuta –edo ingurugiroari, oro har, lotuta– sor ditzaketen deserosotasunak, kalteak, osasun-gaitzak eta arriskuak kontuan hartuta, industria-erabilerak hainbat kategoriatan sailkatzen dira:

—1. Kategoria

Banakako- edo famili-izaerako produkzio-jarduerak sarturik daude hor barruan, potentzia tinkorik instalaturik ez dutenak, inolako trabarik edota arriskurik gabeak, eta beraz, «J.G.O.K.A.» izeneko Jarduera-Erregelamenduaren pean ez daudenak.

—2. Kategoria

2. kategoriako industria-erabilerak merkataritza-erabilerekin parekatutzat jotzen dira, eta horientzat bereziki zabalduriko lurzatietan eta lokaletan jar daitezke.

—3. kategoria

Kategoria honen barruan, hain zuzen, halakoak sartuko dira: Estalperik gabeko biltegi eta deposituak, txapa eta pintura-tailerrak, ibilgailu astunak edo ibilgailuen makineria konpontzen dituztenak, hornitegiak, erregaiz hornitzen duten unitateak, eta estalperik gabeko ibilgailu-ikuztegiak; azken hauek, garajeetako erabilera lagungarriko izaera dutenean, edota 2. kategoriako konponketa-tailerrak direnean (eta erabilera horiek helburu dituzten lokalen barruan badaude), 2. kategoriako industria-erabileratzat jo ahal izango dira.

3.kategoriako industria-erabilerak, berariaz adierazten diren kasuetan izan ezik, industria-erabilerarako zonetan soil-soilik jarri ahal izango dira.

Ezarrita dauden baldintza espezifikoak betetzen dituzten nekazaritza-industriak, baimenduko diren landa-zonetan jarri ahal izango dira.

Hornitegien barianteak –kotxeak garbitzeko instalazioak asimilaturiko erabileratzat hartzen direla kontuan harturik– eta erregaiz hornitzeko unitateen barianteak, ordea, posible izango da Lurzoru Urbanizaezin gisa sailkaturiko lurretan –bide-sistema orokor moduan sailkaturikoetan edota horien aldamenean– jartzea.

—4. kategoria

Aldameneko espazioetan egin beharreko maniobra, karga eta deskarga, biltegiratze edo aparkamendu-jarduera lagungarri-kopuru handia duten jarduera produktiboak kategoria honen barruan sartuta egongo dira, 3. kategoriako industrientzat ezarritako lurzati-azalera okupagarriaren eta sabai-azaleraren mugak gaindituko ez balituzte ere.

Kategoria honen barruan sartuta dauden industriak industria-erabilerarako zonetan soil-soilik jarriko dira; eta nekazaritzako industrien kasuan, baimenduriko zonetan, eta batez ere erabilera horixe helburu duten lurzatietan; eta esparru horretan bertan eraman beharko da aurrera jarduera, erabilera lagungarriak barne, besteak beste: Estalperik gabeko biltegiratzea, karga eta deskarga, maniobra, aparkamendua eta antzeko beste batzuk, kasu bakoitzean aplikatzekoak diren baldintzekin.

Instalazioa zaintzen duen jagolearen etxea industria mota horien erabilera lagungarritzat jo ahal izango da, gehienez jota etxe bat lurzati bakoitzeko, eta dagokion Hirigintza-Arau Partikularrean edo xehekaturiko plangintzan berariaz baimenduta azaldu beharko da.

—5. Kategoria

Industria-zona espezifikoetan jarriko dira; eta nekazaritzako industrien kasuan, baimenduriko landa-zonetan.

4. kategoriako industrientzat ezarritako baldintza-berberak bete beharko dituzte; edozein modutan ere, aplikatu beharreko neurri zuzentzaileak hartu beharko dira.

Instalazioa zaintzen duen jagolearen etxea industria mota horien erabilera lagungarritzat jo ahal izango da, gehienez jota etxe bat lurzati bakoitzeko, eta dagokion Hirigintza-Arau Partikularrean edo xehekaturiko plangintzan berariaz baimenduta azaltzea ez da beharrezkoa izango.

Industria-jarduera bat industria-erabilerako kategoria jakin bati atxikitzeko, izaera orokorraz, jarraian zerrendatzen diren ondorioak baloratuko dira, hala nola instalaturiko potentzia maximoaren mugak:

Eragozpenak:

—Zaratak sortzea.

—Beroa sortzea.

—Bibrazioak sortzea.

—Hautsa sortzea.

—Hondakin-urak sortzea.

—Industria-hondakinak sortzea.

—Salgaiak kargatu eta deskargatzeko lan-bolumena.

—Aparkamendu-premiak.

—Ageriko instalazioak edo biltegiratzeak.

—Pertsonal-pilaketa.

Kaltegarritasuna eta osasungaiztasuna:

—Gas kutsagarri, toxiko edo osasunerako kaltegarriak jaulkitzea.

—Ondorio kutsagarri, toxiko edo osasunerako kaltegarriak diren hondakin-urak produzitzea.

—Gai toxikoen manipulazioa.

—Erradiazioak sortzea.

—Hondakin solido kutsagarriak, toxikoak edo osasunerako kaltegarriak produzitzea.

Arriskugarritasuna:

—Gai erregarri, sukoi edo lehergarriak manipulatzea.

—Presiozko prozesu eta edukiontzi arriskutsuak erabiltzea.

—Gai kimiko oldarkorrak isuri edo jariatzeko arriskua izatea.

Jarduera batean instalaturiko potentziaz zera ulertzen da: Elementu mekaniko mugikorrak dauzkaten instalazio mekaniko guztien potentzia, Cv-tan batuta; aire-erauzgailuak, igogailuak eta antzekoak batuketa horretatik kanpo geratzen dira, jarduerarekin zerikusirik ez duten guztiak alegia, halakoek helburu baitute lokalaren giro- eta funtzionaltasun-egokitzapena hobetzea, bertan ari direnen edota kanpoko jendearen erabilerarako.

Zaratak sortzeko mugak edo limitazioak, kasuan kasu, administrazio eskudunek ezarriko dituzte.

Industria-erabilerak kategoria jakin bati atxikitzeko ondorioei begira, kontuan hartuko dira, gehienez, zeregin hauek betetzen dituzten leku estaliak: Karga eta deskarga, eta mota horretako konponketa-tailerretan sartzen diren ibilgailuak. Aitzitik, garajeko erabilera lagungarriak helburu dituzten lokalen azalera ez da kontuan hartuko.

3.  HIRUGARREN SEKTOREKO ERABILERAK

Hirugarren sektoreko erabilera-modalitate hauek ezartzen dira:

—Ostatu-erabilera.

—Merkataritza-erabilera.

—Bulego-erabilera.

—Atseden-erabilera.

—Osasun- eta sorospen-erabilera.

—Hirugarren sektoreko hainbat erabilera.

—Turismo-kanpaleku erabilera.

A)Ostatu-erabilera.

Ostatu-erabileraz ulertzen da pertsonei ostatu ematea diru-irabaziak lortzeko asmoz, modalitateak edozein izanik ere: Hotelak, ostatuak, hotelak/egoitzak, motelak, gau-ostatuak eta apart-hotelak.

Ostatu-erabilerari atxikitako eta gehitutako erabileren artean, honako hauek izango dira: Etxebizitza-lokala ostatu-instalaziorako eta garajearen erabilera; azken kasu honetan, modu espezifikoan arautu ahal izango da, kasuan kasu.

Akura-erregimenpean ustiatzen diren apartamentu-multzoek, dagokion sektoreko legeriak ezarritako baldintzak betetzen ez dituztenean (apart-hoteltzat jo ahal izan daitezen), baimena emateko ondorioetarako, etxebizitza-erabileratzat joko dira, eta beraz, baita egoitza-erabileratzat ere.

B)Merkataritza erabilera.

Merkataritza-erabileren barruan egongo diren jarduerak hauek dira: Jendaurrean mota guztietako salerosgaiak eta produktuak saltzea, handizka nahiz xeheka; ostalaritza-negozioak (tabernak, kafetegiak, pubak eta jatetxeak), eta jendaurreko zerbitzuak ematen dituztenak (ileapaindegiak, edertasun-aretoak, tindategiak eta antzeko beste batzuk), hala nola dagozkion erabilera lagungarriak. Aldiz, izaera hori daukaten garajeak, merkataritza-erabileren lagungarriak alegia, merkataritza-erabilerek izan ohi ez dituzten erabilerak helburu dituztenean, beste modu batean arautu beharko dira, besteei lotu gabe alegia.

Jendearentzako sarbideak, bertoko aparkaleku-zerbitzua, maniobratzeko espazioa eta salerosgaiak kargatu eta deskargatzeko leku-eskaerak kontuan harturik, merkataritza-erabilerak ondoko kategorietan sailkaturik daude:

—1. kategoria:

—2. kategoria:

—3. kategoria:

—4. kategoria:

—5. kategoria:

2., 3. eta 4. kategoriako merkataritza-erabilerekin berdindutzat jotzen dira 1. edo 2. kategoriako industria-erabilerak, bulegoak, aisialdiko edo sukaldaritzako elkarteen egoitzak, zorizko jokoen aretoak, lokal itxietan dauden kirol-instalazioak, sendagile eta albaitarien kontsultategiak, hainbat hirugarren sektoreko erabilera, eta irakaskuntza-, erakunde-, osasun-, sorospen-, gizarte-kultur, aisialdi- eta erlijio-ekipamenduak (titulartasun publikoko zein pribatukoak). Beraz, merkataritza-erabileretarako nagusiki destinatzen diren lurzati eta lokaletan finka daitezen baimena ematen da (besteentzat eskaturiko baldintza berberetan), zertzelada horren zehaztapena espreski azaldu beharrik ez dagoela, eta, kasuan kasu bete beharko diren baldintza partikularren kalterako izan gabe.

Beren ezaugarriengatik, materialengatik edota usaturiko, manipulaturiko eta bilduriko baliabideengatik pertsonen edota gauzen segurtasun eta osasunerako eragozpen adierazgarriak eragin edo arriskuak sortzen dituzten merkataritza-erabilerek, industria-erabileretan aplikatzekoak diren ezarpen-arauak bete beharko dituzte, «J.G.O.K.A» delako Erregelamenduaren menpean egon ala ez.

Merkataritza-erabilerak kategoria jakin bati atxikitzeko ondorioei begira, ondokoak jarduera bakartzat joko dira: Funtzionalki bateratuta dauden saltoki-elkartuak (esaterako, galeriak eta salerosketa-guneak) eta baimenduriko mugen barruan industria-jarduerak eskaintzen dituzten merkataritza-erabilerak, azken erabilera horientzat nagusiki eskainita dauden azalerei buruzko kontsiderazio independentearen kalterako izan gabe –horientzat aplikagarria den araubidea betetzeari dagokionez.

Aipaturiko xedeetarako, jarduerari atxikitako espazio estalkidun guztiak kontuan hartuko dira, besteak beste: Galeriak eta oinezkoentzako espazioak, bulego laguntzaileak, biltegi-guneak, tailer laguntzaileak, edota karga eta deskargarako leku estaliak. Aitzitik, garaje laguntzaileetako erabilerak helburu dituzten azalerak ez dira kontuan hartuko.

C)Bulego-erabilera.

Bulego-erabileraren barruan, titulartasun pribatua duten administrazio-jarduerak sarturik daude, besteak beste: Mota guztietako enpresen administrazio-egoitzak eta delegazioak; banketxeen, burtsaren eta aseguru-etxeen bulegoak, langela eta bulego profesionalak, aipaturikoekin bateragarri eta atxikigarriak diren kalkulu-zentroak eta laborategiak, eta antzeko beste batzuk, hala nola dagozkien erabilera lagungarriak.

D)Atseden-erabilera.

Aisialdi-erabileren barruan hainbat komunitate-adierazpen daude, titulartasun pribatuko atseden- eta olgeta-denbora helburu dituztenak; baina bai helburuengatik bai irabazien erregimenagatik, ezin direnak ekipamendu komunitariotzat jo. Horien artean, honako hauek aipa ditzakegu: Aisialdiko eta sukaldaritzako elkarteak, zinemak eta antzerkiak, dantzalekuak, zorizko joko-aretoak, kasinoak, eta lokal itxietan dauden kirol instalazioak (gimnasioak, igerilekuak) eta beste hainbat, aire zabaleko jolaslekuak eta kirol-instalazioak, kasu.

E)Osasun- eta sorospen-erabilera.

Gaixoak tratatu eta hartzea eta beste antzeko erabilerak dituzten osasun- eta sorospen-erabilerak, batez ere irabaziak lortzeko asmoz aurrera eramaten direnean, merkataritza-erabileraren edo hirugarren sektoreko erabileraren barruan baleude bezala kontsideratuko dira; horien artean, besteak beste, hauek daude: Ospitaleak, klinikak eta geriatrikoak, eta sendagileen eta albaitarien kontsultategiak.

F)Hirugarren sektoreko hainbat erabilera.

Hirugarren sektoreko hainbat erabileren barruan titulartasun pribatuko jarduera hauek sarturik daude: Jarduera sozio-politikoak, kultur jarduerak, irakaskuntza eta antzeko beste batzuk, baldin-eta herritar-multzoari zerbitzu bat eskaintzeko helbururik ez izateagatik edota beren diru-irabazizko-helburu espezifikoengatik ekipamendu komunitarioaren barruan sailkatuta ez badaude; alderdi politikoen egoitzak, elkarteak edo sindikatuak, erakusketa-areto pribatuak, akademia pribatuak eta beste batzuk sartuko dira hor barruan.

G)Turismo-kanpaleku-erabilera.

Turismo-kanpaleku-erabileraren barruan pertsonei –diru-irabaziak lortzeko asmoz– aldi baterako ostatua ematea sartzen da; jardueraren baliabideak ez dira behin-betikoak, behin-behinekoak baizik, adibidez: Kanpin-dendak, egokituriko ibilgailuak, karabanak eta beste batzuk.

Erabilera lagungarriak ere hor barruan sartuta egongo dira, besteak beste: Zerbitzuko pertsonalaren etxea, bulegoak, ostalaritza-zerbitzuak, oinarrizko saltokiak, eta ostatuz dagoen jendearentzako kirol- eta aisialdi-instalazioak –eraikuntza finko eta egonkorretan ezarri ahal izango direnak–. Horretatik kanpo, besteak beste, etxolak, bungalowak eta beste edozein eraikuntza egonkor daude –hotel-erabileren barruan sartuta daudela ulertuko baita.

4.  LANDA-ERABILERAK

Lurraldearen ustiapen produktiboa helburu nagusi duten jarduera guztiak sarturik daude sailkapen honen barruan. Bi modalitate bereizi behar dira:

—Erauzketa-erabilerak.

—Nekazaritza-ustiapen-erabilerak.

A)Erauzketa-erabilerak.

Erauzketa-erabileren barruan honako hauek daude sartuta: Atari zabaleko nahiz lurpeko harrobiak eta meatzeak, hala nola dagozkien erabilera lagungarriak; aldiz, zaindariaren edo jagolearen etxea ez da hor barruan sartuta egongo, ezta hormigoia edota asfalto-produktuak produzitzen dituzten zentralak ere, kokalekutzat hartu nahi duten harrobitiko agregakinak erabili arren –halakoak, edozelan ere, 5. kategoriako industria-erabileratzat hartuko baitira.

B)Nekazaritza-ustiapen-erabilerak.

«Nekazaritza-ustiategiaz» hauxe ulertu behar da: Nekazaritza produkziorako –eta batez ere, merkatu-helburuekin–, titularrak eta titularkideek enpresa-moduan antolaturiko ondasun- eta eskubide-multzoa (produkzio-baliabide berdinak eta kudeaketa bakarra erabiltzeagatik karakterizatu ohi den unitate tekniko-ekonomikoa berez osatzen duena).

Xede horretarako, ustiategi bat ekonomikoki bideragarria izateko, beharrezkoak diren gutxieneko dimentsio- produkzio-baldintzak betetzen dituzten ustiategiek osatuko dituzte nekazaritza-ustiapen-erabilerak; gai horretan eskuduna den Gipuzkoako Foru-Aldundiko Sailak egiaztatu egin beharko du alderdi hori, ezarpenerako lizentzia-eskaera eman baino lehen.

Nekazaritzako produkzio-jarduerak dira:

—Nekazaritza-jarduerak.

Nekazaritza-erabileren barruan berez sartzen diren jarduerak; batez ere, mota guztietako landaketak eta landare-produkzioak helburu dituztenak dira, hala nola lorazaintza, mintegi- eta perretxiko-landaketak eta landaketa hidroponikoak –lursailak ez dauzkaten baina nekazaritza-produkzioan parte hartzen duten enpresa lagungarriak izan ezik, esaterako, nekazaritza-makinak lagatzen dituztenak edota nekazaritza-ustiategietan maiz erabili beharreko beste edozein prestazio eskaintzen dituztenak.

—Abeltzaintza-jarduerak.

Abeltzaintza- eta abere-produkzioari berez dagozkion jarduerak dira, mota guztietako abereak hazi eta zaintzeari lotuta (hegazki-hazkuntza, untxi-hazkuntza eta erlezaintza barne). Egun bateko txitaldiekin soilik lan egiten duten etxaldeak, larrugintzarako animaliak hazten dituztenak eta espezie zinegetikoak produzitzen dituztenak ere hor barruan sarturik daude, ondokoak izan ezik: Zela- eta lasterketa-zaldiak, gurdi-abereak eta zamariak –baldin-eta horien hazkuntzarekin lanean ari ez badira–, txakurtegiak, animalia-saltokiak, hiltegiak edo antzekoak, mota guztietako parke zoologikoen ustiapena (aske nahiz gatibu bizi diren animaliena), eta lagun egiteko animalia-haztegiak.

—Baso-jarduerak.

Baso-erabilerei berez dagozkien jarduerak dira, zura eta beste hainbat produktu lortzea helburu dutenak; hainbat mota daude: Basoak zuzen ustiatzea, zura eta egurra erauztea, basoko landare, fruta eta haziak produzitu edota biltzea eta mendiaren gainazala oinarritzat duten erauzketa-jarduerak –meatzaritza eta hidrologia-jarduerak izan ezik–, hala nola hortik lortutako produktuen lehen eraldakuntzarako jarduerak –baldin-eta jarduera, bere ezaugarriengatik, industria-erabileraren batekin parekagarria ez balitz.

Nekazaritza-ustiapenetarako erabileren barruan, dagozkion erabilera lagungarriak ere sarturik egongo dira, besteak beste, etxebizitza, ustiategiarenak diren ibilgailu eta makinen zaintza, ustiategiko produktuen biltegiratzea eta horien salmenta zuzena jatorrizko lekuan bertan.

Turismo-baserria izeneko jardueraren ezarpena baimendu egingo da, baldin-eta gaiari buruz indarrean dagoen sektoreko legerian eskatzen diren baldintza guztiak betetzeaz gain (maiatzaren 28ko 128/96 Dekretuak eta irailaren 23ko 210/97 Dekretuak araututa), nekazaritza-ustiategiaren izaera lagungarria ere baldin badu, jarduera nagusia inolaz ere ezin baita izan; bestalde, Nekazaritza-arlo horretan eskumena duen Foru-Sailaren aurretiazko egiaztagiria lortzea beharrezkoa izango da, titularrak jarduneango nekazariak direla egiaztatzeko.

5.  KOMUNIKABIDE-ERABILERAK

Honako Komunikabide-erabilera mota hauek ezartzen dira:

—Ibilgailuen zirkulazio-erabilera.

—Aparkaleku-erabilera.

—Garaje-erabilera.

—Oinezkoentzako zirkulazio-erabilera.

—Bizikleten zirkulazio-erabilera.

—Trenbide-erabilera.

Ibilgailuen zirkulazio- eta aparkaleku-erabilerek –zonan onartu eta errazturiko gainerako erabileren zerbitzu zuzen eta esklusiborako– eta oinezkoen zirkulazio- eta bizikleten zirkulazio-erabilerek, edozein kasutan ere, oinarrizko zerbitzuen erabilera-izaera izango dute eta erabilera globaleko zona guzti-guztietan baimendutzat joko dira, hori espreski adierazteko premiarik ez dagoelarik.

Aparkalekutzat ulertzen da ibilgailuak esparru publikoko edo pribatuko espazioetan estalperik gabe aparkatzea.

Garajetzat ulertzen da ibilgailuak leku estali eta itxietan gordetzea. Okupaturiko lokalaren azaleraren arabera, garaje-erabileran bi kategoria bereizten dira:

Halaber, garaje-erabileraren barruan erabilera pribatuko eta erabilera publikoko garajeak delako barianteak sartuta daude: Erabilera pribatuko garajetzat hartuko dira jabeek edo berauek zuzenean baimendutako pertsonek erabiltzen dituztenak; eta erabilera publikoko garajetzat hartuko dira publikoak, oro har, erabili ahal izango dituenak (sarbide libreko baldintzapean, dohainik nahiz kostu jakinean).

Erabilera honen barruan –erabilera lagungarri gisa– komunak, instalazio-gelak eta antzeko beste batzuk sarturik daude, hala nola ibilgailuak garbitzeko instalazioak eta konponketa azkarrak egiten dituzten tailerrak; aitzitik, erregai-hornidura-unitateak, hornitegiak eta beste konponketa-tailer mota batzuk erabilera honetatik kanpo geratuko dira.

Garaje- eta aparkaleku-erabilerak, izaera orokorraz, egoitza- industria- hirurgarren sektoreko eta ekipamendu komunitariorako erabileren erabilera lagungarritzat joko dira; baina, kasu horretan, dagokion lurzatian garatu beharreko aparkaleku- edo garaje-kopuru maximoa egokitu beharko da zerbitzu ematen dion erabilera nagusiaren dotazio beharrizanetara, berauek gainditu ezin dituelarik.

Trenbide-erabileraren barruan burdinbideak eta tren-geltokia sartuko dira, baita dagozkion erabilera lagungarriak ere.

6.  ESPAZIO LIBREEN ERABILERA

Espazio libreen erabilera esparru publikoko eta sarbide libreko espazioei bereziki dagokiena da, eta herritarren aisialdi eta olgetarako eskainita daude. Eraikuntza-garapenak, salbuespenak salbuespen, erabilera horretatik kanpo geratzen dira, hala nola «Komunikabide» sareen elementuen ezarpena –errepideak, aparkalekuak, espaloiak eta antzeko beste batzuk.

Ondoko modalitateak bereizten dira:

—Hiriko espazio libreen erabilera.

—Landako espazio libreen erabilera.

—Lurraldeko elementuen erabilera.

A)Hiriko espazio libreen erabilera.

Espazio libreen erabilera hiri-eremuan kokaturiko gune ez-eraikigarriei bereziki dagokiena da; herritarren aisialdi eta olgetarako eta zuhaitz eta landare-landaketetarako eskainita daude, esaterako: Plazak eta enparantzak, oinezkoentzako lekuak, jolastokiak, ibilbideak, lorategi eta parkeak; hala nola eraikuntzak edo azpiegiturak babesteko zeregina dutenak, edota duten egoitza-izaeragatik eraikigarriak ez diren espazioena.

Halaber, bertan sartuta egongo dira lorazaintza-mantenimendurako erabilera lagungarriak –makineria, lanabesak, materialak eta antzeko beste batzuk– eta erabiltzaileentzako zerbitzu-erabilerak –komun publikoak eta antzeko beste batzuk, kasu.

Edozein modutan ere, hiriko espazio libreen erabilerak oinarrizko zerbitzu-izaera izango du eta erabilera globaleko zona guzti-guztietan zuzenean baimendutzat joko da, hori espreski adierazteko premiarik ez dagoelarik.

B)Landako espazio libreen erabilera.

Landako espazio libreen erabilera eremu publikoko lurrei dagokiena da, landa-inguruneko herritarren aisialdi eta olgetarako eskainita.

C)Lurraldeko elementuen erabilera.

Lurraldeko elementuen erabilera lurraldeko elementu naturalei dagokiena da, izaera hori giza-jardueren eraginaren gainetik nagusi izanik; esaterako: Mendi-gainak eta mendi altuetako zonak, natura interesgarria duten lekuak eta beste batzuk, jarduera produktibo bati edota beste giza-erabilera mota garrantzitsu bati lotu gabe.

7.  EKIPAMENDU KOMUNITARIORAKO ERABILERAK

Ekipamendu komunitariorako erabilerak herritarrei zerbitzu ematen dietenak dira, erakunde publikoek zein pribatuek burutuak diru-irabaziak lortzeko asmorik gabe.

Zentzu horretan, erakunde pribatu baten jarduera jakina ekipamendu komunitariotzat jo ahal izango du Udaletxeak, eta horretarako, hainbat alderdi izango ditu kontuan, batez ere jarduera horren «laguntza», «zerbitzu publiko» eta «irabazi-asmorik eza» izaeraren balorazioa.

Irabazi-asmoa dagoela iritziz gero, hirugarren sektoreko erabileratzat edo, kasuan kasu, egoitza-erabileratzat joko da.

Ekipamendu komunitariorako erabilera mota hauek ezartzen dira:

—Irakaskuntza-ekipamendurako erabilera.

—Kirol ekipamendurako erabilera.

—Erakunde-ekipamendurako erabilera.

—Osasun-ekipamendurako erabilera.

—Sorospen-ekipamendurako erabilera.

—Gizarte- eta kultur ekipamendurako erabilera.

—Gizarte eta aisialdi-ekipamendurako erabilera.

—Erlijio-ekipamendurako erabilera.

—Zerbitzu publikoen ekipamendurako erabilera / Anitza.

A)Irakaskuntza-ekipamendurako erabilera.

Irakaskuntza-ekipamendurako erabileraren barruan irakaskuntza mota guztiak sarturik daude, bai titulartasun publikokoak bai titulartasun pribatukoak, hala nola berez dagozkien erabilera lagungarriak.

B)Kirol ekipamendurako erabilera.

Kirol ekipamendurako erabileraren barruan kirol jarduera eta kultura fisiko mota guztiak sarturik daude, hala nola horien irakaskuntza ere, bai eraikinetan bai horretarako egokituriko espazio libreetan; berez dagozkion erabilera lagungarriak ere hor barruan sartzen dira, diru-irabaziak lortzeko asmorik ez badago.

C)Erakunde-ekipamendurako erabilera.

Erakunde-ekipamendurako erabileraren barruan izaera publikoko erakunde- eta administrazio-erabilerak sarturik daude; horien artean, berez dagozkien erabilera lagungarriak eta beste erabilera batzuen aldamenekotasunagatik edota hurbiltasunagatik bateraezintasunik sortzen ez duten polizia-etxeak eta postetxeak ere egongo dira.

D)Osasun ekipamendurako erabilera.

Horra zer dagoen sarturik osasun-ekipamendurako erabileraren barruan: Gaixoei tratamendu eta ostatu ematea ospitale, anbulatorio, klinika, kontsultategi eta antzekoetan.

E)Sorospen-ekipamendurako erabilera.

Sorospen-ekipamendurako erabileraren barruan, besteak beste, herriko sektore babesgabeei ematen zaizkien alojamendua eta sorospena sarturik daude, esaterako, zahar-etxeak eta zahartegiak.

F)Gizarte- eta kultur ekipamendurako erabilera.

Gizarte- eta kultur-ekipamendurako erabileraren barruan, kultura eta arte-sorkuntza sustatzeko jarduerak sarturik daude, besteak beste: Liburutegiak, museoak, erakusketa-aretoak, hitzaldi- edo biltzar-aretoak, musika-auditorioak eta beste batzuk, diru-irabaziak lortzeko asmorik gabekoak denak.

G)Gizarte- eta atseden-ekipamendurako erabilera.

Horra zer dagoen sarturik gizarte- eta atseden-ekipamendurako erabileraren barruan: Antzokiak, Eliz atarietako auzo-etxeak, jolas- eta olgeta-parkeak, eta diru-irabazi-asmorik gabeko beste atseden-erabilera batzuk.

H)Erlijio-ekipamendurako erabilera.

Elizetan edo erlijio-zentroetan garatzen diren kultur- edo erlijio-prestakuntza-jarduerak sarturik daude erlijio-ekipamendurako erabileraren barruan, hala nola berez dagozkion erabilera lagungarriak.

I)Zerbitzu publikoen ekipamendurako erabilera / Anitza.

Aurreko modalitateetan sartzen ez diren eta herritar guztiei, oro har, eskainita dauden zerbitzu-erabilerak (izaera anitzeko eta ez espreski administrazio-izaerakoak) sarturik daude zerbitzu publikoen ekipamendurako erabileraren barruan, besteak beste: Suhiltzaileak, polizia, merkatuak, posta, kanposantuak, aterpeak, turismo-kanpalekuak, eta beste batzuk, hala nola berez dagozkien erabilera lagungarriak, Administrazio Publikoko erakundeek garatuta, euren ezaugarri funtzionalengatik bateraezinak gerta daitezkeenak beste erabilera batzuk bereziki helburu dituzten zona edo lurzatiekin, eta hargatik araubide espezifikoa behar dutenak kasu bakoitzean.

Egoitza-, industria- edo hirugarren sektoreko erabilerak nagusi diren erabilera globaleko zonentzat indarreango Plangintza-Arautegiak derrigorrezko dotaziotzat jotzen dituen ekipamendu komunitariorako erabilerak izaera orokorrekotzat hartuko dira aipaturiko zona guztietan, nahiz-eta berauek plangintza partziala helburu ez izan –oinarrizko zerbitzu-erabilerak kasu–, eta ondorioz, horiek ezartzeko ez da beharrezkoa izango plangintzan espreski baimenduta egotea.

8.IBAI-IBILGUETAKO ERABILERAK

Isurketetatik edo iturrietatik datozen lurgaineko urak jasotzen dituzten ibilgu edo ubide naturaletarako erabilerak sarturik daude hor barruan, hala nola horien ertzak eta bazterrak.

9.  ZERBITZU-AZPIEGITURETARAKO ERABILERAK

Zerbitzu-azpiegituretarako erabilera mota hauek ezartzen dira:

—Urez hornitzeko azpiegitura-erabilera.

—Hondakin-urak saneatu eta arazteko azpiegitura-erabilera.

—Elektrizitatez hornitzeko azpiegitura-erabilera.

—Telefonia-, telekomunikazio- eta seinaleztapen-azpiegitura-erabilera.

—Erregaiz hornitzeko azpiegitura-erabilera.

A)Urez hornitzeko azpiegitura-erabilera.

Horra zer dagoen sarturik urez hornitzeko azpiegitura-erabileraren barruan: Urtegiak, araztegi-estazioak, hornidurarako bide nagusiak eta biltegiratze eta banaketa-deposituak, hala nola berez dagozkien erabilera lagungarriak eta banaketa-sareak.

B)Hondakin-urak saneatu eta arazteko azpiegitura-erabilera.

Horra zer dagoen sarturik hondakin-urak saneatu eta arazteko azpiegitura-erabileraren barruan: Ura tratatu eta arazteko estazioak eta saneamendu-sareak (euri- eta hondakin-urak jasotzeko kolektoreez osatuta) eta berauen elementu lagungarriak, besteak beste, ponpaketa-estazioak, gainezkabideak eta beste batzuk.

C)Elektrizitatez hornitzeko azpiegitura-erabilera.

Elektrizitatez hornitzeko azpiegitura-erabileraren barruan, energia produzitzeko zentroak sarturik daude, esaterako: Parke eolikoak, banaketa-estazioak eta azpiestazioak, transformazio-zentroak eta aireko eta lurpeko hornidura- eta banaketa-sareak, herriko argiak barne.

D)Telefonia-, telekomunikazio- eta seinaleztapen-azpiegitura-erabilera.

Horra zer dagoen sartuta telefonia-, telekomunikazio- eta seinaleztapen-azpiegitura-erabileraren barruan: Telefonoguneak, irrati- eta telebista-emisore eta zentroak, mota guztietako antenak, eta beste batzuk, hala nola erabilera lagungarriak eta berez dagozkien sareak.

E)Erregaiz hornitzeko azpiegitura-erabilera.

Horra zer egongo den sarturik erregaiz hornitzeko azpiegitura-erabileraren barruan:

—Gasbideak eta jendartean gas-hornidura zuzenean banatzen duten sareak.

—Berauei atxikitako produkzio, tratamendu- eta biltegiratze-instalazioak.

—Zuzeneko erabiltzaileen erregai-biltegiak; horien artean honako bereizketa egingo da: Petrolioaren deribatu astunen deposituak –gas-olioa edo fuel-olioa–, eta likidoturiko gas-deposituak.

Mota guztietako erregaiak produzitu eta biltegiratzeko instalazioak –edozein motatako salmenta helburu dutenak–, industria-erabileratzat joko baitira ondorio guztietarako.

Mota guztietako zerbitzuen banaketa-sareak –ura, saneamendua, argindarra, telefono-sarea, gasa eta beste batzuk–, urez hornitzeko edota hondakin-urak eroateko ponpaketa-estazioak, energia elektrikoa eraldatzeko zentroak eta petrolio, gas-olio edo fuel-olioaren deribatuen deposituak –erabiltzaileari zuzeneko zerbitzua ematen diotenak– oinarrizko zerbitzu-erabileratzat joko dira, eta erabilera globaleko zona guzti-guztietan baimenduta geratzen dira, alderdi hori espreski definitu beharrik izan gabe.

Aitzitik, likidoturiko gas erregarrien deposituak –beste erabilera batzuen lagungarriak–, plangintzak espreski baimendu egin beharko ditu.

Zerbitzu-azpiegitura-sareen elementuak ondoko bi kasuotan soil-soilik islatu beharko dira zonifikazioan: Lurzorua modu nagusian okupatu behar dutenean, eta, okupazio horrek beste erabilera batzuk birgainjartzea baztertzen duenean.

2. ATALBURUA.«KALIFIKAZIO GLOBALA»

Honako proiektu honetan ordenaturiko eremua Kalifikazio Globaleko erregimenaren pean dago, hau da:

—«Kalifikazio Globala» delako 2. atalburu hau eta «II.1 Hirigintza-Interbentziorako Areei buruzko Arau Partikularren Kalifikazio globala» delako apartadua, biak «B. Hirigintza-Arauak» dokumentuarenak.

—«II.2.1 Zonakatze Globala (Udalerria)» eta «II.2.2. Zonakatze Globala (Hiri-barrutia)» delako planoak, «D. Planoak» dokumentuarenak.

1.  Kalifikazio Globala erabilera globaleko zona mota hauen arabera sistematizaturik dago:

A.  Egoitza-zonak.

B.  Industria-zonak.

D.  Landa-zonak.

E.  Komunikabideen Sistema Orokorra.

F.  Espazio libreen Sistema Orokorra.

G.  Ekipamendu Komunitariorako Zonak.

H.  Ibai-Ibilguen Sistema Orokorra.

I.  Zerbitzu-Azpiegituren Sistema Orokorra.

2.  Honako arau hauetan ordenaturiko esparruan, erabilera globaleko zonak eta hauetariko bakoitzean bereizten diren barianteak, zehatz-mehatz ondoko hauek dira:

A.  Egoitza-zonak.

—A.10.Hirigune historikoaren Egoitza-zona.

—A.20.Eraikuntza Ireki Intentsiboko Egoitza-zona.

—A.30.Garapen Baxuko Egoitza-zona.

B.  Industria-Zonak.

—B.10.Industria-Zona Arrunta.

—B.20.Industria-Zona Berezia.

D.  Landa-Zonak.

—D.10.Landa-Zona Arrunta.

—D.20.Babeseko Landa-Zonak.

—D.210.Babeseko Nekazaritza-Zona.

—D.220.Interes Geologiko-Geomorfologikoa duten Zonak.

—D.230.Interes Hidrologikoa/Akuiferoak dituzten Zonak.

—D.240.Babes Bereziko Zona (Aizkorriko Parke Naturala - Babesturiko Natur Ingurunea).

—D.250.Babeseko Baso-Zona.

—D.30.Sakabanaturiko Landa-Auzunea.

E.  Komunikabideen Sistema Orokorra.

—E.10.Hiriarteko errepideak.

—E.20.Toki-errepideak.

—E.30.Hiri-bide nagusiak.

—E.40.Landa-bideak.

—E-50.Bidesare berezia (Bidegorri).

—E-60.Trenbide-sarea.

F.  Espazio Libreen Sistema Orokorra.

—F.10.Hiri-Parkea.

—F-20.Hiri-Espazio Libreak.

G.Ekipamendu Komunitariorako Zonak.

—G.10.Ekipamendu komunitarioa.

H.Ibai-Ibilguen Sistema Orokorra.

—H.10.Ibai-ibilguak.

I.Zerbitzu Azpiegituren Sistema Orokorra.

—I.10.Parke Eolikoa.

—I.20.Gasbidea.

—I.30.Urez Hornitzeko Deposituak.

—I.40.Energia Elektrikorako Azpiestazioa.

3.Hona hemen zerk zehazten dituen eraikuntzaren erregimen orokorra eta zona desberdinen erabilera:

—Hurrengo artikuluan zona horietariko bakoitzerako ezarritako zehaztapenek.

—II.1 Hirigintza-Interbentziorako Areei buruzko Arau Partikularretako epigrafean ezarritako kalifikazio globalari buruzko zehaztapenek.

Izaera orokorraz, beti ulertu behar da, ezen, zehaztapen baten definizioa Areako Hirigintza-Arau Partikular egokiari lotzen zaion bakoitzean, berau espresuki ezarri beharko dela aipaturiko Hirigintza-Arau Partikularreko «II. Hirigintza Erregimen Orokorra» izeneko epigrafean; izan ere, plangintza orokor-mailako zehaztapena izango baitu.

A.EGOITZA-ERABILERARAKO ZONAK

A.10.Egoitza-Zonak: Hirigune Historikoa.

Egoitza-asentamendu zaharrez osaturiko zona honek Hirigune Historikoaren hiri-bilbea osatzen du; bertako historia, arkitektura eta kultur balio bereziengatik, babespen- eta zaintza-helburua da nagusi. Hiri-morfologiaren eta arkitektura-tipologiaren mantenimendua dela-eta, zaharberritze-lanek lehentasuna izan behar dute ordezkapen-lanen eta planta berriko lanen aurrean, garrantzi handiko balioa duen ondare eraikiaren eta urbanizatuaren balioa nabarmentzeko.

Aipaturiko eraikuntza-erregimena, 92/05/13an behin-betiko onetsitakoa eta indarrean dagoen «Eskoriatzako Hirigune Historikoa Birgaitzeko Plan Berezian» ezarritakoa izango da; hala nola, kasuan kasu, geroago izapidetu eta onar litezkeen horri buruzko aldaketak, eta baita «Hirigune Historikoa» 10. Areari dagokion Hirigintza-Arau Partikularretan ezarritakoa ere, aipaturiko Plan Berezia aldatu edo osatzen den kasuetan.

Izaera orokorraz, «A.20» zonetan ezarritako erabilera-erregimena ezarri beharko da zona hauetan; 1. kategoriako industria-erabilerak soilik ezarri ahal izatea da mugapen bakarra, «Eskoriatzako Hirigune Historikoa Birgaitzeko Plan Berezian» eta HIA delako «Hirigune Historikoa» 10. Areako Hirigintza-Arau partikularrean ezarritako mugapenen eta xehekaturiko erregulazioaren kalterako izan gabe.

A.20.  Eraikuntza Intentsiboko Egoitza-Zonak.

Egoitza-eraikuntzak ezartzea helburu duten zonak; egoitza-eraikuntzak, berriz, dentsitate ertain edo handiko blokeez konfiguraturik daude, antolaera zabalean; eta kasuan kasu, eraikigabeko espazio atxikiak eduki ahal izango dituzte; izan ere, «a.20» lurzatietako eraikuntza karakteristikoak dira.

Eraikuntzaren forma arautzen duten oinarrizko baldintzatzaileak modu osagarrian zehazturik daude Hirigintza-Arau hauetako 1. eta 2. atalburuetako Hirugarren Izenburuan eta «Hirigintza-Interbentziorako Areei buruzko Arau Partikularretako «II.1 Kalifikazio Globala» apartaduan.

—Errazturiko erabilerak: Egoitza-erabilerak.

—Erabilera onargarriak:

*  «a.20» lurzatietan izaera orokorraz baimenduta daudenak, «Hirigintza-Arau» hauetako «Lurzati Eraikigarrien Eraikuntzari eta Erabilerari buruzko Ordenantza Erregulatzaileak» Hirugarren Izenburuko 2. atalburuko 2. sekzioan eta 1.9 artikuluan ezarritako baldintzetan.

*  Beste espazio eta lurzati batzuetan:

–Hirugarren sektoreko erabilerak.

Bai dagokion Arau Partikularrean bai xehekaturiko plangintzan, erabilera horiek helburu nagusi dituzten lurzatietan.

–Garajea.

–Ekipamendu komunitarioa.

Errazturiko erabilerekin bateragarriak diren modalitateetan.

—Debekaturiko erabilerak: Aurreko modalitateen barruan sarturik ez daudenak.

A.30.  Garapen Baxuko Eraikuntzako Egoitza-Zonak.

Egoitza-eraikuntzak ezartzea helburu duten zonak; egoitza-eraikuntzak, berriz, dentsitate baxukoak dira eta antolaera irekiko eraikuntzaz konfiguraturik daude. Kasuan kasu, eraikigabeko espazio atxikiak eduki ahal izango dituzte; izan ere, «a.20» lurzatietako eraikuntza karakteristikoak dira.

Eraikuntzaren forma arautzen duten oinarrizko baldintzatzaileak modu osagarrian zehazturik daude Hirigintza-Arau hauetako 1. eta 2. atalburuetako Hirugarren Izenburuan eta «Hirigintza-Interbentziorako Areei buruzko Arau Partikularretako «II.1 Kalifikazio Globala» apartaduan.

«A.20» zonetarako ezarritako erabilera-erregimena aplikatu beharko da zona hauetan; 1. kategoriako industria-erabilerak soil-soilik finkatu ahal direlarik.

B.  INDUSTRIA-ERABILERARAKO ZONAK

«B.10.  Industria-Zona Arrunta».

Eraikuntza-zona hauetan industria erabilera da nagusi, eta era horretako jarduerak helburu dituzten eraikuntzaz osatuta daude –funtzionalki eta juridikoki bateratuta edo bereizita.

Eraikuntzaren forma arautzen duten oinarrizko baldintzatzaileak «Hirigintza-Interbentziorako Areei buruzko Arau Partikularretako «II.1 Kalifikazio Globala» epigrafean zehazturik daude.

—Errazturiko erabilerak:

*  Industria, kategoria guztietan.

—Erabilera onargarriak:

*  «b» lurzatietan izaera orokorraz baimendutakoak, honako «Hirigintza-Arau» hauetako Hirugarren Izenburuko 3. atalburuan eta 1.9 artikuluan ezarritako baldintzetan.

*  Beste espazio eta lurzati batzuetan:

–Etxebizitza autonomoak.

Honako Arau hauek onartu baino lehenago, erabilera horrekin jada eraikita zeuden eraikinak baino ez.

–Hirugarren sektoreko erabilerak.

Bai dagokion Arau Partikularrean bai xehakaturiko plangintzan, erabilera horiek helburu nagusi dituzten lurzatietan.

–Garajea.

–Ekipamendu komunitarioa.

Errazturiko erabilerekin bateragarriak diren modalitateetan.

—Debekaturiko erabilerak: Aurreko modalitateen barruan sarturik ez daudenak.

«B.20.  Industria-Zona Berezia».

Eraikintza-zona hauetan industria-erabilera da nagusi, eta dituzten ezaugarriengatik hiri-eta ingurugiro-kalitate-maila handia eskaintzen duten jarduerak eta erabilerak helburu dituzten eraikuntzaz osaturik daude –eraikuntza hauek, berez, bateragarriak dira hirugarren sektoreko jarduerekin.

Eraikuntzaren forma arautzen duten oinarrizko baldintzatzaileak «Hirigintza-Interbentziorako Areei buruzko Arau Partikularretako «II.1 Kalifikazio globala» epigrafean zehazturik daude.

—Errazturiko erabilerak:

*  Industrialak.

Maila teknologikoa eta jarduerari berez dagozkion ezaugarriak kontuan hartuta, jaulkipen kutsagarririk ezagatik eta salerosgaiak garraiatu eta biltegiratzeko operazioen garrantzia eskasagatik, hiri- eta ingurugiro-kalitate-maila handia eskaintzen duten modalitateak eta barianteak, hirugarren sektoreko zerbitzu-jarduerekin berez bateragarriak direnak.

*  Hirugarren sektorekoak.

*  Ekipamendu komunitarioa.

—Erabilera onargarriak:

*  Egoitza-erabilerak.

Errazturiko erabileren lagungarri-izaerakoak –dagokion Areako Arau Partikularrean edo garapen-plangintzan arauturiko baldintzetan.

—Debekaturiko erabilerak: Aurreko modalitateen barruan sarturik ez daudenak.

D.  LANDA-ZONAK

«D.10  Landa-Zona Arrunta».

Izaera orokorraz, baimendurik dauden zonak –ordenamendutik kanpo izendatutakoak izan ezik–; eta kasuan kasu, jada existitzen diren eraikuntzak zabaltzeko, hala nola eraikuntza berriak eraikitzeko (baimenduriko landa-erabilerekin edo landa-erabilerarik gabe erabiltzekoak direnak), honako Hirigintza-Arau hauetako Hirugarren Izenburuko 4. eta 5. atalburuetan ezarritako baldintzetan.

—Errazturiko erabilerak:

*  Nekazaritza-ustiategiak.

*  Espazio libreak, landa-espazio libreen modalitatean eta lurralde-elementuen modalitatean.

—Erabilera onargarriak:

*  Egoitza-erabilerak.

Baimendutako beste erabilera batzuen erabilera lagungarri gisa baimentzen den kasuetan; aurrez baziren eraikuntzetan nahiz eraikuntza berrietan ezarri daitezke.

Erabilera autonomo gisa soil-soilik ezarri ahal izango dira Arau hauek onartu baino lehen baziren etxebizitza-eraikuntzetan.

*  Nekazaritza-industriak.

*  Hirugarren sektorekoak.

Hotel-, ostatu-, olgeta-, kirol-, osasun- eta sorospen-modalitateetan, soil-soilik aurrez baziren eraikuntzetan eta baldin-eta landa-ingurunean horiek finkatzea egokia bada eta onura publikoko edo interes sozialeko arrazoiengatik justifikaturik badago.

*  Erauzketa-erabilerak.

Erakunde eskudunek eman beharreko aurretiazko baimenarekin.

*  Ekipamendu komunitarioa.

Landa-ingurunearekin bateragarriak diren modalitateetan, baldin-eta hura bertan finkatzea egoki bada eta onura publikoko edo interes sozialeko arrazoiengatik justifikaturik badago.

*  Zerbitzu-azpiegiturak.

Landa-ingurunean horiek finkatzea egoki denean, eta kasuan kasu, onura publikoko edo interes sozialeko arrazoiengatik justifikaturik badago.

*  Interes publikoko eta sozialeko erabilerak.

Dagokion Plan Berezia aurretiaz eta aginduz emanda –entitatez edo izaeraz halakoaren beharrik ez dagoenean salbu–, interes publikoko eta sozialeko erabilerak helburu dituzten eraikuntza berriak finkatzeari ekin ahal izango zaio, besteak beste: Ekipamenduak, lehen aipaturiko hirugarren sektoreko erabilerak, kanpinak edo turismo-kanpalekuak eta beste batzuk, nahitaez landa-ingurunean kokatu beharrekoak.

Plan Bereziak dagozkion probetxamendu-, eraikitze- eta erabilera-baldintza espezifikoak zehaztuko ditu testuinguru horretan, eta etxebizitza lagungarri berri baten ezarpena baimendurik egongo da.

—Debekaturiko erabilerak: Aurreko modalitateen barruan sarturik ez daudenak.

«D.20.  Babeseko Landa-Zonak».

Beren balio agrologiko eta hidrologikoagatik, natur garrantziagatik, paisajeagatik eta ingurugiroagatik, babes erregimen berezia eta aparteko zaintza-erregimena eskatzen dituzten landa-zonak.

Zona hauetan jada existitzen diren eraikuntzen mantenimendua eta eraberritze-lana baimendurik daude, baldin-eta eraikuntzak ordenaziotik kanpo ez badaude; nekazaritza-ustiapena helburu duten egungo eraikuntzak zabaltzeko lanak ere baimendu egingo dira, hala nola eraikuntza berrien ezarpena ere (landa-ingurunearekin bat etortzeaz gain, finkatzen diren zona espezifikoari dagozkion zaintza- eta babes-helburuei zuzen loturik egonez gero).

—Errazturiko erabilerak:

*Nekazaritza-ustiategiak.

*Espazio libreak, landak-espazio libreen modalitatean eta lurralde-elementuen modalitatean.

—Erabilera onargarriak:

*Egoitza-erabilerak.

Honako Arau hauek onartu aurretik, jada existitzen ziren eraikuntzetan soil-soilik.

*Hirugarren sektorekoak.

Hotel-, ostatu-, olgeta-, kirol-, osasun-, sorospen- eta turismo-kanpaleku-modalitateetan, baldin-eta landa-ingurunean horiek finkatzea egoki bada eta onura publikoko edo interes sozialeko arrazoiengatik justifikaturik badago.

Edozein modutan, erabilera horiek soil-soilik finkatu ahal izango dira honako Arau hauek onartu baino lehen jada existitzen ziren eraikuntzetan.

*Ekipamendu komunitarioa.

Soil-soilik honako Arau hauek onartu baino lehen jada existitzen ziren eraikuntzetan, landa-ingurunearekin bateragarriak diren modalitateetan, baldin-eta hura bertan finkatzea egoki bada eta onura publikoko edo interes sozialeko arrazoiengatik justifikaturik badago.

—Debekaturiko erabilerak: Aurreko modalitateen barruan sarturik ez daudenak.

Babeseko Nekazaritza-Zonetan nekazaritza-jarduerei dagozkien nekazaritza-ustiapen-erabileren ezarpena bultzatuko da abeltzaintza- edo baso-jardueren aurrean; azken horien izaera intentsiboa mugaturik egongo da lurzoru mota honetan egiten diren nekazarita-jarduerak zaindu eta ustiatzera.

Babeseko Baso-Zonetan ere ez da egokitzat hartuko baso-baliabideak zentzuz ustiatu eta zaintzea helburu ez duen beste edozein erabileraren ezarpena.

Interes Hidrologikoa –Akuiferoak– dituzten zonetan, lurpeko urak kutsatzeko arriskua daukaten isurpenak produzitzen dituzten erabilerak edo jarduerak debekaturik daude; baimengarriak diren erabileren kasuan, beharrezkoa izango da –kutsadura-arriskuari aurre egiteko– neurri zuzentzaileen eraginkortasuna bermatuko duen azterketa hidrologikoa aurkeztea.

Udalerrian, Aizkorri Mendietako lurraldearen barruan sartzen den Babes Bereziko Espazio Natural Interesgarrien barruan dauden lurrei dagokienez, honako erregimen honek aldi baterako izaera izango du, harik-eta multzo moduan Parke Natural izendatu eta Aizkorri Inguruetako Natur Baliabideen Ordenazio-Planari dagokion onespena eman arte, bertan ezarriko baita dagokion erregimena, xehetasunez azalduta.

D.30.  Sakabanaturiko Landa-Auzunea.

Dagokion eraikuntza- eta erabilera-erregimenaren ezarpena, izapidetu beharreko Plan Bereziari egokitu beharko zaio –Legebiltzarreko 5/98 Legearen xedapenei atxikita dagoenez–; Landa-Zona Arruntari dagokion erabilera-erregimenak, berriz, aldi baterako aplikazioa izango du aipaturiko lurzoruan.

E.  KOMUNIKABIDEEN SISTEMA OROKORRA

«E.10.  Hiriarteko Errepideak».

Ez dago baimenduta zona hauetan eraikitzea –funtzio-elementuen ezarpena eta errepideei berez dagozkien erabilera lagungarriak helburu dituzten eraikinak izan ezik–, sektorean indarrean dagoen legeriaren arabera.

—Errazturiko erabilerak: Ibilgailu-zirkulazioa.

—Erabilera onargarriak:

*Errazturiko erabileren erabilera lagungarriak, bide bakoitzarentzat (autopista, autobia edo errepidea) indarrean dagoen sektoreko legeriaren araberakoak, esaterako: Atseden- eta zerbitzu-guneak, kontserbazio- eta ustiapen-zonak, laguntza-lekuak, hornitegiak, erregaiz hornitzeko unitateak eta antzeko beste batzuk.

*Zerbitzu-azpiegiturak: Sestra azpikoak soil-soilik.

—Debekaturiko erabilerak: Aurreko modalitateen barruan sarturik ez daudenak.

«E.20.  Toki-Errepideak».

Ez dago baimenduta zona hauetan eraikitzea –funtzio-elementuen ezarpena eta errepide hauei berez dagozkien erabilera lagungarriak helburu dituzten eraikinak izan ezik–, sektorean indarrean dagoen legeriaren arabera.

—Errazturiko erabilerak: Ibilgailuen eta oinezkoen zirkulazioa.

—Erabilera onargarriak:

*Errazturiko erabileren erabilera lagungarriak, bide mota honentzat indarrean dagoen sektoreko legeriaren arabera.

*Zerbitzu-azpiegiturak: Sestra azpikoak soil-soilik.

—Debekaturiko erabilerak: Aurreko modalitateen barruan sarturik ez daudenak.

«E.30.  Hiri Barruko Bide Nagusiak».

Ez dago baimenduta zona hauetan eraikitzea –baldintza horietan baimenduriko erabilerak helburu dituzten sestra azpiko eraikuntzak eta hiri barruko bideei berez dagozkien sestra-gaineko funtzio-elementuak izan ezik.

—Errazturiko erabilerak:

*Ibilgailuen eta oinezkoen zirkulazioa.

*Aparkamendu publikoa.

—Erabilera onargarriak:

*Errazturiko erabileren erabilera lagungarriak, esaterako, autobus-geltokiak eta antzeko beste batzuk.

*Zerbitzu-azpiegiturak: Sestra azpikoak soil-soilik.

—Debekaturiko erabilerak: Aurreko modalitateen barruan sarturik ez daudenak.

«E.40.  Landa-Bideak».

Ez dago baimenduta zona hauetan eraikitzea –horrelako bideei berez dagozkien funtzio-elementuen ezarpena izan ezik–, indarrean dagoen sektoreko legerian ezarritakoaren arabera, eta kasuan kasu, Udal Ordenantzetan ezarritakoari jarraituz.

—Errazturiko erabilerak: Ibilgailuen eta oinezkoen zirkulazioa.

*Erabilera onargarriak:

*Errazturiko erabileren erabilera lagungarriak.

*Zerbitzu-azpiegiturak, sestra azpikoak soil-soilik.

—Debekaturiko erabilerak: Aurreko modalitateen barruan sarturik ez daudenak.

«E.50.  Bidesare Bereziak».

Ez dago baimenduta zona hauetan eraikitzea –errazturiko erabileraren erabilera lagungarriak edukiko dituzten eraikinen ezarpena izan ezik–, esaterako, atseden- eta aisialdi-lekuak, eta horrelako bideei berez dagozkien funtzio-elementuak, plangintza bereziak ezartzen dituen terminoetan.

—Errazturiko erabilerak: Bizikleten eta oinezkoen zirkulazioa.

—Erabilera onargarriak:

*Errazturiko erabileren erabilera lagungarriak.

*Zerbitzu-azpiegiturak.

*Baso-bide-erabilera.

Urbanizagarria ez den gaur egungo lurzoru-zatietan –baso-ustiapenari dagokion aipaturiko izaera osagarriaz–; izapidetu beharreko Plan Bereziak ezarritakoaren arabera, huraxe arautu eta errazturiko erabilerekin bateratzeko.

—Debekaturiko erabilerak: Aurreko modalitateen barruan sarturik ez daudenak.

«E.60.  Trenbide-Sarea».

Trenbide-erabilerei eta hauei dagozkien beste erabilera lagungarri batzuei loturik, baimenduta dago zona hauetan eraikitzea –aplikatzekoa den sektoreko legeriak ezarritako baldintzen arabera.

—Errazturiko erabilerak: Trenbidea.

—Erabilera onargarriak:

*Errazturiko erabileren erabilera lagungarriak, trenbide-erabilerarekin parekatuta –indarrean dagoen sektoreko legeriaren arabera.

—Debekaturiko erabilerak: Aurreko modalitateen barruan sarturik ez daudenak.

F.ESPAZIO LIBREEN SISTEMA OROKORRA

«F.10.  «Hiri Parkea».

Eraikuntza edergarriak eta espazio libreen erabilera lagungarriak helburu dituzten behin-betiko eta behin-behineko eraikuntzak baino ez dira baimentzen, hala nola lurpean jarri beharreko azpiegitura egokien instalazioak.

Horien ordenazio eta garapena Plan Berezi bat izapidetzeari lotuta egonez gero, plan horrek beste eraikuntza batzuk baimendu ahal izango ditu, baldin-eta parkeak berez daukan aisialdi- eta olgeta-erabilerari zuzenean erlazionaturik badaude edota ekipamendu-erabilerei eta hirugarren sektoreko erabilerei –ostalaritza-modalitatearen pean– lotuta badaude; orobat ere baimendu ahal izango du beharrezkotzat jotzen den komunikabide-sareko elementuen ezarpena, esaterako, sarbideak eta aparkaleku publikoak.

—Errazturiko erabilerak: Espazio libreen erabilerak, horien lagungarriak barne.

—Erabilera onargarriak:

*Merkataritza-erabilerak:

–1. kategoriakoak, kioskoak eta antzekoak kasu, aldi baterako edo behin-behineko izaeraz.

–2. kategoriakoak, ostalaritza-modalitatean, Plan Bereziak ezartzen dituen baldintzen arabera.

*Ekipamendu-erabilerak, espazio librearekin bateragarriak diren modalitateetan.

—Debekaturiko erabilerak: Aurreko modalitateen barruan sarturik ez daudenak.

Plan Bereziak baimendu ditzakeen ostalaritza txikiko hirugarren sektoreko erabilerak, emate-erregimenean erabiliko dira.

«F.20.  «Hiriko Espazio Libreak».

Eraikuntza edergarriak eta espazio libreen erabilera lagungarriak helburu dituzten behin-betiko eta behin-behineko eraikuntzak soil-soilik baimentzen dira, hala nola lurpean jarri beharreko azpiegitura egokien instalazioak.

—Errazturiko erabilerak: Espazio libreen erabilerak, horien erabilera lagungarriak barne.

—Erabilera onargarriak:

*1. kategoriako merkataritza-erabilerak, kioskoak eta antzekoak kasu, aldi baterako edo behin-behineko izaeraz.

*Ekipamendu-erabilerak, espazio librearekin bateragarriak diren modalitateetan.

—Debekaturiko erabilerak: Aurreko modalitateen barruan sarturik ez daudenak.

G.  EKIPAMENDU KOMUNITARIORAKO SISTEMA OROKORRA

«G.10.Ekipamendu Komunitariorako Zonak».

Ekipamendu komunitarioak finkatzea helburu duten zonak; «Hirigintza-Arau Partikularrean» –edo, kasuan kasu, dagokion garapen-plangintzan– ezarritako eraikuntza-erregimen bereiziaren araberakoak.

—Errazturiko erabilerak:

—Ekipamendu komunitarioa.

Dagokion «Arau Partikularrean», bai generikoki bai espezifikoki, kasuan kasu ezarritako modalitateetan.

—Erabilera onargarriak:

*Etxebizitza.

Ekipamenduaren erabilera lagungarri gisa.

*Ekipamenduaren edota beroni bateraturiko beste erabilera lagungarri batzuk.

—Debekaturiko erabilerak: Aurreko modalitateen barruan sarturik ez daudenak.

H.  IBAI-IBILGUEN SISTEMA OROKORRA

Horri buruz indarrean dagoen sektoreko legeriak ontzat ematen dituen eraikuntzak baino ez, baimena duten jabari-zonetan.

—Errazturiko erabilerak: Ibai-ibilguak.

—Erabilera onargarriak: Indarrean dagoen sektoreko legeriak baimendutakoak.

—Debekaturiko erabilerak: Gainerako guztiak.

«I.  ZERBITZU-AZPIEGITUREN SISTEMA OROKORRA»

Dagozkien azpiegituren zerbitzurako dauden eraikuntza eta instalazioak besterik baimenduta ez daukaten zonak, horiek garatuko dituzten Proiektuek edo Plan Bereziek arauturiko baldintzen pean eta dagokion sektoreko legeriak ontzat ematen dituen baldintzen arabera.

—Errazturiko erabilerak: Zerbitzu-azpiegiturak.

—Erabilera onargarriak:

Erabilera nagusiaren lagungarriak –horiek kontsolidatzen diren baldintzetan–, eta haiek garatuko dituen plangintza berezian baimendutakoak, indarrean dagoen sektoreko legeriaren arabera.

—Debekaturiko erabilerak: Gainerako guztiak.

1.Interes orokorreko arrazoi objektiboetan oinarrituta –kasuan kasu, Udalbatzak ebaluatuko ditu-eta–, Lurzoru Urbanizagarrian formulatu beharreko garapen-plangintzak, Plan Partzialak alegia, hainbat doitze egin ahal izango dizkio, batetik, ordenaturiko erabilera globaleko zonei eta, bestetik, Urbanizagarria ez den Lurzoruaren arteko mugapenari, halako moldez non, kasu bakar batean ere, ez baita aipaturiko zonen azalera gehituko –ezta gutxituko ere– %5etik gorako portzentaian.

Bazterturiko azalerak –aipaturiko bazterketarako beharrezkoa izango da jabe afektatuen onarpen espresua agiri notarial bidez jasotzea– gehitu egingo zaizkio, edozein kasutan, aldameneko Lurzoru Urbanizaezinari dagokion «erabilera globaleko zonari».

Lurzoru Urbanizagarriaren barruan sarturiko Zonen kasuan –horien muga Ibai-Ibilguen Sistema Orokorrak osatzen baitu–, Plangintza Partzialak aipaturiko muga doitu egingo du jabari publiko hidraulikoaren mugabanaketa-lerroari dagokion heinean, Zonak jasango duen gehitze- edo gutxitze-portzentaia-erlazioa kontuan hartu gabe; bestalde, aipaturiko doitzeak ez du eraginik izango plangintza orokorrak berez duen zehaztapen-mailaren gainean.

2.Lurzoru Urbanizagarrian, xehekaturiko plangintzak egoitza-erabileretarako destinatuko diren erabilera globaleko zonen zati-afekzioak ezarri ahal izango ditu sistema orokorren elementuetan oinarrituta, baldin-eta okupaturiko azalerak mugaturiko zona-azaleraren %10 gainditzen ez badu.

Baldintza horietan, azalduriko okupazioak ez du exijituko afektaturiko zonari edo zonei izendatu zaien hirigintza-probetxamendua berriro doitzea.

Era berean, plangintza-exijentziarik gabe baina, Lurzoru Ez-Urbanizagarrian adostu ahal izango da –aipaturiko portzentaiaren azpitik– landa-zonen afekzioa, aipaturiko sistema orokorretan oinarrituta.

3.Aurreko apartaduan azalduriko irizpideari buruzko aplikazio espezifiko gisa, adierazitako lurzoru-motetan, funtzio-elementuak edo errepideen zerbitzurako dauden elementuak finkatu ahal izango dira –hornitegiak, sorospen-lekuak, autobus-geralekuak eta beste hainbat–, hala nola «sistema orokor» hauei atxikitako zerbitzu-elementuak (aipaturiko sistema moduan kalifikaturik dauden kanpoko lurzoruetan), aipaturiko lurzoruetan ezarpen hori espreski baimenduta ez egon arren.

Ondorio horretarako, azalduriko elementuen ezarpena sistema orokorretako afekzio-eremuaren zabalpentzat joko da, eta lehen adierazitako mugekin bat etorri beharko du.

Aipaturiko elementuek titulartasun pribatuko irabazi-probetxamendurako elementuak balituzte, eta erabilera globaleko zonarentzat probetxamendu-muga jakin bat –modu zuzen eta espresoan, eta arau-izaeraz– ezarrita balego, orduan konputatu egingo dira honi buruz eginiko kalkuluen ondorioetarako. Erabilerek dotazio-izaera izanez gero, ez da irizpide hau erabiliko, ezta lurzoru publikoetan finkatuko balira ere.

4.Berauen bidez, proposaturiko helburua lortuko dela bermatzen baldin bada, Hiri-Lurzoru eta Lurzoru Urbanizagarrietan formulatu beharreko garapen-plangintzak berriz doitu ahal izango du puntualki xehekaturiko ordenazio-izendapenen lurralde-eragina –proiektu honetan plangintza orokor mailaz ezarrita.

5.Lurzoru Ez-Urbanizagarrian plangintza bereziak eta obra-proiektuek Komunikabideen eta zerbitzu-Azpiegituren sistema orokorretan jasotako elementuen zonifikazioa aldatu ahal izango dute, trazaketan eta elementuen xehetasun-konfigurazioan doitze-lanak egin ahal izateko.

Trenbide zaharraren plataformari buruzko kasu espezifikoari dagokionez –gaur egun, ibilbide berezikoa baita edo bizikleta eta oinezkoen zirkulaziorako funtzionatzen baitu–, planoetan jasota dagoen zonifikazioak orientatzeko baino ez du balio trazaketa-eskema-mailan, gehien-gehiena «errodadura» zona mugaturik baitago –era berean, garatzeko eta doitzeko behar diren babes-zonak eta aldameneko lurzorua zehatz mugatu gabe daude–; zentzu horretan, Plan Bereziari edota izapidetu beharreko Urbanizazio-Proiektuari egokituko zaie udalerriko trazaketa osoan eremua zehatz mugatzea –aldaketa edo zuzenketa puntualak egiteko, Arau hauek aldatzea nahitaezkoa izango ez bada ere.

6.Proiektu honen barruan ezarritako zonakatze globalari buruzko doitze-lanak, aurreko epigrafeetan azalduriko mugen barruan aurkitzen ez badira, Arau Subsidiarioen aldatzailetzat joko dira ondorio guztietarako, eta ezaugarri horiek jasoko dituen txosten batean aurretik formulatzeko exijentzia ekarriko dute ondorioz.

7.Lurzoru Urbanizagarritzat jotako erabilera globaleko zonetan eta Hiri-Lurtzat jotakoetan, espreski halaxe ezarrita dagoenetan, izendaturiko eraikigarritasun-indizea/k zehaztapen erregulatzailetzat hartuko da/dira –ordenaturiko eraikuntza-probetxamendua mugatzeko ondorioetarako.

Aipaturiko eraikuntza-probetxamendua, edozein kasutan, emaitzazko zona-azalerak adierazitako eraikigarritasun-indizeen produktua izango da —honako artikulu honen aurreko apartatuetan baimendutako zonak mugatzeko doitzeak kasuan kasu eginda.

8.«Hirigintza-Interbentziorako Areei buruzko Arau Partikularrek», erabilera globaleko zonari dagozkion eraikuntza-erregimenarekin eta berezko erabilerekin bat ez datozen eraikuntzak –bertan kokaturikoak– finkatu ahal izango dituzte.

3. ATALBURUA.«XEHEKATURIKO KALIFIKAZIOA»

1.Hurrengo artikuluan bereizten diren xehekaturiko erabilerako zonei dagokien erregimen juridikoa, ondoko zehaztapen guztiak eta horietariko bakoitza aplikatzetik ondorioztatzen dena izango da:

a)Atalburu honexetako 1.9 artikuluan horietako bakoitzarentzat ezarritako eraikuntza- erabilera- eta jabari-erregimen orokorra.

b)«Ordenantza Erregulatzaileak», Dokumentu honexetako «Hirugarren Izenburua. Eraikuntzari eta Lurzati Eraikigarrien Erabilerari buruzko Ordenantza Erregulatzaileak» delakoetan jasota.

c)«Hiri-Lurzorua» sailkapenaren barruan sarturik dauden Hirigintza-Interbentziorako Areen kasuan, Arau Partikularretako «III. Xehekaturiko Kalifikazioa» epigrafean ezarritako zehaztapenak, hain zuzen.

Proiektu honetan planteaturiko zuzeneko aurreikuspen-exekuzioa baimendurik dago horietan guztietan.

d)Lurzoru Urbanizagarria sailkapenaren barruan sarturik dauden Hirigintza-Interbentziorako Zonen kasuan, formulatzekoa den garapen-plangintzak ezarriko dituen zehaztapenak.

2.Bai Arau Subsidiario hauen aginduz bai geroko aukerazko zehaztapenez, Lurzoru Urbanizagarrian edota, kasuan kasu, Hiri-Lurzoruan formulatzen den garapen-plangintza aurreko 1.a eta 1.b apartatuetan aipaturiko zehaztapenetara egokitu beharko da.

1.Xehekaturiko kalifikazioa jarraian aipatzen diren xehekaturiko oinarrizko erabilera-zonen edo eremuen arabera sistematizaturik dago:

«a».Egoitza-Lurzatiak.

«b».Industria-Lurzatiak.

«c».Hirugarren sektoreko erabileretarako Lurzatiak.

«e».Komunikabideen Sistemak.

«f».Espazio Libreak.

«g».Ekipamendu Komunitariorako Lurzatiak.

«h».Ibai-ibilguak.

«i».Zerbitzu-Azpiegiturak.

2.Aurreko epigrafean azaldutako xehekaturiko erabilera-zonak edo eremuak, jarraian zehazten diren barianteen arabera garaturik daude, horietariko bakoitza erabilera- eta eraikuntza-erregimen espezifiko baten bidez karakterizatzen delarik.

a.Egoitza-Lurzatiak.

a.10.Hirigune historikoko Egoitza-Lurzatiak.

a.20.Eraikuntza Intentsiboko Egoitza-Lurzatiak.

a.30.Garapen baxuko Eraikuntzako Egoitza-Lurzatiak.

b.Industria-Lurzatiak.

b.10.Industria-Lurzati Arruntak.

b.20.Industria Bereziko Lurzatiak.

c.Hirugarren Sektoreko Erabileretarako Lurzatiak.

c.10.Hirugarren Sektoreko Erabileretarako Lurzatiak.

e.Komunikabideen sistemak.

e.10.Hiriarteko Errepideak.

e.20.Toki-Errepideak.

e.30.Hiri-Bideak.

e.50.Bidesare Bereziak (Bidegorri).

e.60.Aparkamendu edo garajerako lurzatiak.

f.Espazio Libreak.

f.10.Hiri-Parkea.

f.20.Hiri-Espazio Libreak.

f.30.Hiri-Espazio Arruntak.

g.Ekipamendu Komunitariorako Lurzatiak.

g.10.Ekipamendu Komunitariorako Lurzatiak.

h.Ibai-Ibilguak.

h.10.Ibai-Ibilguak.

i.Zerbitzu-Azpiegituretarako Lurzatiak.

i.10.Zerbitzu-Azpiegituretarako Lurzatiak.

3.Garapen-plangintzak erabilera xehekatuko zona mota-bariante berriak zehaztu ahal izango ditu, berauei esleitutako eraikuntza- eta erabilera-baldintza partikularretan ezarritakoaren arabera.

Izaera orokorraz, Arau Partikularrei lotzen zaizkien zehaztapenak, kasuan kasu eta espreski, dagokion «Hirigintza-Erregimen Orokorreko» II. apartaduan ezarri beharko direla ulertzen da, eta plangintza orokorreko maila emango zaie.

Xehekaturiko plangintza edo ordenazioari lotzen zaizkienean, berriz, Arau Partikularretako «Xehekaturiko Ordenazioko» III. apartaduan zehaztu ahal izango dira, edo, kasuan kasu, xehekaturiko plangintzan, eta arautze-maila horixe emango zaie.

«a»EGOITZA-LURZATIAK

«a.10.Hirigune Historikoko Egoitza-Lurzatiak».

Hirigune historikoaren hiri-bilbea osatzen duten egoitza-asentamendu zaharrez konfiguraturiko lurzatiak; historia, arkitektura eta kultur ikuspegitik duten balio berezien garrantzia dela-eta, babes eta zaintza berezia dutenak. Hiri-morfologiari eta tipologia arkitektonikoari eustea nagusitu behar da ordezkapen eta oin berriko interbentzioen aurrean –birgaikuntza-prozesuen bidez, balio garrantzitsua duen ondare eraikiari eta urbanizatuari eutsi ahal izateko.

Aipaturiko babes-helburuek ez dute eraikuntza-unitateak –edo horietako zati batzuk– ordezkatzeko aukera baztertzen –bat ez etortzeagatik, eranskin degradagarria izateagatik edo aurri-egoeran egoteagatik–, ezta partzialki identifikaturiko lurzatiak okupatzea edo kolmatatzea ere, Eskoriatzako Hirigune Historikoa Birgaitzeko Plan Bereziak edota honako Arau hauetako 10. Areako Arau Partikularrak holaxe xedatzen dutenean.

Aipaturiko lurzatien eraikuntza-erregimena, 92/05/13an behin-betiko onetsitakoa eta indarrean dagoen «Eskoriatzako Hirigune Historikoa Birgaitzeko Plan Berezian» ezarritakoa izango da; hala nola, kasuan kasu, geroago izapidetu eta onar litezkeen horretxen aldaketak, baita «Hirigune Historikoa» 10. Areari dagokion Hirigintza-Arau Partikularretan ezarritakoa ere, aipaturiko Plan Berezia aldatu edo osatzen den kasuetan.

Izaera orokorraz, «A.20» zonetan ezarritako erabilera-erregimena ezarri beharko da inguruotan; 1. kategoriako industria-erabilerak soilik ezarri ahal izatea da mugapen bakarra, «Eskoriatzako Hirigune Historikoa Birgaitzeko Plan Berezian» eta HIA.10 «Hirigune Historikoa» Areako Hirigintza-Arau partikularrean ezarritako mugapen, doitze edo osaketen kalterako izan gabe.

«a.20.Eraikuntza Intentsiboko Egoitza-Lurzatiak».

Eraikin exentuek edo alboz-albo adosatuek okupatzen dituzten lurzatiak (edo okupagarriak direnak); sarbide bertikaleko gune komun baten gainean horizontal eta bertikalki pilaturiko etxebizitzak helburu dituztenak, eraikuntza-modulu bat edo batzuk osatuz. Behe-oineko lokalek egoitza-erabilerei loturik ez dauden erabilerak izan ditzakete helburu, baina kasu horretan, espazio publikoetatik sarbideak izan beharko dituzte, etxebizitzetako sarbideetatik kanpo egongo direnak.

Eraikuntzek, kasuan kasu, eraiki gabeko espazioak izan ahal izango dituzte erantsita.

Lurzati bakar batean eraikuntza bat baino gehiago kokatu ahal izango da; eta baimenduta egongo da erabilera arrunteko espazio eta elementuekin komunitateak osatzea.

Eraikuntzek izan beharreko profil- eta altuera-baldintzak, dagokion Arau Partikularrean kasuan kasu ezarritakoak izango dira.

Izaera orokorraz –dagokion Arau Partikularrean edota garapen-plangintzan baldintza murriztailegoak hartu ahal izango badira ere–, sestra azpiko bi oin eraikitzeko baimena ematen da.

Baimenduriko gehienezko profil gainetik ondorioztatzen diren espazioek, izaera orokorraz, etxebizitzen eta azpiko oinetako lokalen erabilera lagungarriak izango dituzte helburu; aipaturiko espazioak azpiko oinean dauden etxebizitzei ezinbestez loturiko egoitza-erabilerei zuzendu ahal izango zaizkie, eta erregistro-unitate zatiezina osatu beharko dute beste horiekin. Kasu honetan, ordea, azalera eraikigarri gisa konputatuko dira, baimenduriko sabai-azalerari buruzko kalkuluaren ondorioetarako.

Eraikuntza lurzatian finkatzeko baldintzak, dagokion Arau Partikularrean edo garapen-plangintzan ezarritakoak izango dira.

Eraikuntza arautzeko modua, sestra azpiko oinaren okupazioa barne, honela formulatu egingo da: Edo lurzatiko ordenantza orokorren bidez, edo haietariko bakoitzarentzat zehazturiko ordenantzaren bidez –dagokion Arau Partikularrean edota xehekaturiko plangintzan definituko den bezala–. Aipaturiko ordenantzak, aurkako adierazpenik izan ezik, xehekapen-azterlanek berez duten arautze-maila berbera izango du; beraz, posible da plangintzako figura honen bidez hura aldatzea.

Okupatzen dituzten eraikinetan ibilgailuentzako sarbide-zereginak bete behar dituzten sestra gaineko espazio eraikigabeak izanez gero, dagozkion urbanizazio-elementuen ordenazioak bai indarreango legerian bai honako Arau hauetan ezarritako ezaugarriak eta dimentsio-baldintzak bete beharko ditu.

Errazturiko erabilerak eta erabilera onargarriak finkatzeko, Hirigintza-Arau hauetako hirugarren Izenburuko 2. Atalburuko 2. Sekzioan ezarritako baldintzak izan beharko dira kontuan.

—Errazturiko erabilerak:

*  Egoitza-erabilerak.

Eraikigabeko espazioetan egoitza-erabileraren lagungarriak diratekeen erabilerak finkatzea baimendurik dago, besteak beste: Sarbideak, aparkamendua, lorategiak, kirol instalazioak, likidoturiko gas-deposituak eta antzekoak.

—Erabilera onargarriak:

*  Hirugarren sektoreko erabilerak.

Ondoko modalitate hauek: Bulegoak, ostalaritza, 1. eta 2. kategoriak, goi-mailako ostalaritza-erabilerak, hirugarren sektoreko erabilera anitzak eta osasun- eta laguntza-erabilerak.

Erabilera horien baimena, kasuan kasu, egoitza-erabilerekin bateratzeko justifikazioak baldintzatuko duela ulertzen da.

Aipaturiko kategorien gaineko merkataritza-erabilerak finkatzeak, espreski aurreikusita egon beharko du dagokion Arau Partikularrean zein Arau hauen garapena formulatzen duen plangintzan.

*  Industria-erabilerak.

1. kategoria: Etxebizitza-erabilerarekin parekaturiko erabilera gisa.

2. kategoria: Soil-soilik horren ezarpena baimentzen denean dagokion Arau Partikularrean edo garapen-plangintzan.

Salbuespen-izaeraz, eta dagokion Areako Arau Partikularrean espreski baimentzen den guztietan, 3. kategoriako industria-erabilerak finkatu ahal izango dira, aipaturiko Arauan ezarritako modalitate eta baldintza zehatzetan; gainera, halako ezarpenak egin ahal izateko, hartu beharreko neurri zuzentzaileak ere aplikatu beharko dira, dagokion eraikuntzako gainerako etxebizitzetan eta baimenduriko erabileretan gerta litezkeen eragozpen eta gaitzak saihesteko.

*  Garajea.

*  Ekipamendu komunitarioa.

Aldameneko egoitza-erabilerekin bateragarriak diren modalitateetan.

—Debekaturiko erabilerak: Aurreko modalitateen barruan sarturik ez daudenak.

«a.30.Garapen Baxuko Egoitza- Lurzatiak».

Lurzati hauetan altxaturiko eraikuntzen tipologia bloke exentu, isolatu edo etxebizitza bakarreko eraikuntza-moduluena –alboz-albo atxikita– izan beharko da; sartzeko, sarbide bertikaleko espazio arrunten bidezko sarrerak izango dituzte; edo bestela, banan-banako eran konfiguratuta. Edozein kasutan, lorategiak edo atxikitako espazio eraikigabeak edukiko dituzte.

Gehienez jota, eraikin edo eraikuntza-bloke bakarraren ezarpena baimentzen da lurzati bakoitzeko; sestra azpiko hainbat bloke pilatzea, ordea, baimendu egiten da –eraikuntza bakarra osatzeko.

Izaera orokorraz, sei etxebizitza gehienez finkatzea baimentzen da lurzati bakoitzeko; eraikuntza-profila, berriz, hiru plantakoa izango da sestra gainetik eta beste bi plantakoa sestra azpitik; hala ere, dagokion Arau Partikularrean baliteke baldintza zorrotzagoak ezartzea, edota horiek gaindituko dituzten eraikuntzak finkatzea.

Izaera orokorraz, baimenduriko gehienezko profil gainetik ondorioztatzen diren espazioek azpiko oinetan dauden etxebizitza eta lokalen erabilera lagungarriak izango dituzte helburu; aipaturiko espazioek azpiko oinean dauden etxebizitzei nahitaez loturiko egoitza-erabilerak izan ahalko dituzte helburu, eta erregistro-unitate zatiezina osatuko beharko dute beste horiekin. Kasu honetan, ordea, azalera eraikigarri moduan konputatuko dira, baimenduriko sabai-azalerari buruzko kalkuluaren ondorioetarako.

Eraikuntza lurzatian finkatzeko baldintzak, dagokion Arau Partikularrean edo garapen-plangintzan ezarritakoak izango dira.

Eraikuntza arautzeko modua –sestra azpiko oinaren okupazioa barne– honela formulatuko da: Edo lurzatiko ordenantza orokorren bidez, edo haietariko bakoitzarentzat zehazturiko ordenantzaren bidez (dagokion Arau Partikularrean edo xehekaturiko plangintzan definituta dagoenez). Aipaturiko ordenantzak –aurkako adierazpenik egon izan ezik– xehekapen-azterlanek berez duten arautze-maila berbera izango du; beraz, plangintzako figura honen bidez aldatu ahal izango da.

Okupatzen dituzten eraikinetan ibilgailuentzako sarbide-zereginak bete behar dituzten sestra gaineko espazio eraikigabeak baldin badituzte, dagozkion urbanizazio-elementuen ordenazioak bai indarreango legerian bai honako Arau hauetan ezarritako ezaugarriak eta dimentsio-baldintzak bete beharko ditu.

Errazturiko erabilerak eta erabilera onargarriak finkatzeko, Hirigintza-Arau hauetako hirugarren Izenburuko 2. Atalburuko 2. Sekzioan ezarritako baldintzak izan beharko dira kontuan.

—Errazturiko erabilerak:

*Egoitza-erabilerak.

Eraikigabeko espazioetan egoitza-erabileraren lagungarriak diren erabilerak finkatzea baimendu egiten da, besteak beste: Sarbideak, aparkamendua, lorategiak, kirol instalazioak, jolas- eta egonaldi-lekuak, likidoturiko gas-deposituak eta lurzatia okupatzen duten etxebizitzen izaera pribatuko beste erabilera antzeko batzuk.

—Erabilera onargarriak:

*Hirugarren sektoreko erabilerak.

Ondoko modalitate hauek: Bulegoak, ostalaritza (jatetxe motako ostalaritza-modalitatean soil-soilik), hirugarren sektoreko erabilera anitzak eta osasun- eta laguntza-erabilerak

Erabilera horien baimena, kasuan kasu, egoitza-erabilerekin bateratzeko justifikazioak baldintzatuko duela ulertzen da.

Aipaturiko kategorien gaineko merkataritza-erabileren ezarpenak espreski aurreikusita egon beharko du dagokion Arau Partikularrean zein Arau hauen garapena formulatzen duen plangintzan.

*Industria-erabilerak.

1.kategoría: Etxebizitza-erabilerarekin parekaturiko erabilera gisa.

*Garajea.

Erabilera lagungarri gisa, behe-oinean edo sestra-azpian.

*Ekipamendu komunitarioa.

Aldameneko egoitza-erabilerekin bateragarriak diren modalitateetan.

—Debekaturiko erabilerak: Aurreko modalitateen barruan sarturik ez daudenak.

«b»  INDUSTRIA-LURZATIAK

b.10.Industria Arrunteko Lurzatiak.

—Lurzati hauek industria-eraikuntza arruntak finkatzea dute helburu, tipologia intentsibokoak edo isolatukoak izan, eta funtzionalki eta juridikoki enpresa bat edo batzuk osatzea izango dute helburu.

Lurzatiketaren baldintzei dagokienez, hala nola eraikuntzen zatiketa posibleari dagokionez –zatiketa horizontala eta jarduera desberdinen okupazioa barne–, dagozkien Arau Partikularretan ezarritakoa hartuko da kontuan, edo bestela, formulatu beharreko garapen-plangintzari egingo zaio kasu.

—Lurzati bakoitzak ibilgailuentzako zuzeneko sarbidea eduki beharko du inguruko bide publikoetatik edo eraikigabeko espazio pribatuetatik zuzenduta –horien jabetza, kasuan kasu, aurrean dituzten lurzatietako edo lokaletako titularrek erdibanatu ahal izango dute elkarrekin–; horrez gain, dagokion karga eta deskargarako espazioa ere izan beharko du –honako Arau hauetan ezarritako baldintzak bete egin beharko dituztenak.

—Baimenduriko gehienezko profil eta altuera-baldintzak dagokion Arau Partikularrean ezarritakoak izango dira, Area bakoitzean finkatu beharreko industria motaren ezaugarriak eta funtzio-premiak kontuan hartuta.

—Eraikuntza lurzatian finkatzeko baldintzak, hala nola okupazio- eta erretiro-baldintzak, besteak beste, dagokion Arau Partikularrean ezarritakoak izango dira.

—Eraikuntza arautzeko modua, sestra azpiko oinaren okupazioa barne, honela formulatuko da: Edo lurzatiko ordenantza orokorren bidez, edo haietariko bakoitzarentzat zehazturiko ordenantzaren bidez –dagokion Arau Partikularrean edo xehekaturiko plangintzan definituta dagoenez.

—Okupatzen dituzten eraikinetan ibilgailuentzako sarbide moduan balio duten sestra gaineko espazio eraikigabeak dituzten lurzatien kasuan, dagozkien urbanizazio-elementuen ordenazioak bai indarreango legerian bai honako Arau hauetan ezarritako ezaugarriak eta dimentsio-baldintzak bete beharko ditu.

—Errazturiko erabilerak: Industria-erabilerak.

—Erabilera onargarriak:

*Egoitza-erabilerak.

Lurzatia okupatzen duen industriaren erabilera lagungarri moduan soil-soilik, honi erregistro-bidez loturik egongo baita –gehienez, etxebizitza bat lurzati bakoitzeko.

*Hirugarren sektoreko erabilerak.

–Merkataritza-erabilerak.

–Bulegoak.

Industria erabilerei loturik ez egon arren, kanpotiko jendearen joan-etorria modu garrantzitsuan areagotu dezaketen erabilerak izan ezik.

–Hotel- eta ostatu-erabilerak.

Dagokion Arau Partikularrak zein xehekaturiko plangintzak espreski baimentzen dutenean.

–Olgeta-erabilerak.

*Garajea.

*Ekipamendu komunitarioa.

Industria-erabilerei loturik ez dagoen jendetza ugariren etorrerari bide ematen dioten modalitate guztietan.

—Debekaturiko erabilerak: Aurreko modalitateen barruan sarturik ez daudenak.

b.20.Industria Bereziko Lurzatiak.

—Izaera orokorraz, industria-eraikuntza desberdinak finkatzea helburu duten lurzatiak, euren ezaugarri teknologikoengatik eta jardueraren beraren ezaugarriengatik, hiri- eta ingurugiro-kalitate-maila handia eskaintzen dutenak; hirugarren sektoreko erabilerekin bateragarriak dira.

Lurzati hauetako eraikuntzak bereiziriko erregimen arautzailearekin bat etorri beharko du; dagokion xehekaturiko erregulazioa, berriz, dagokion Arau Partikularrean edo garapen-plangintzan ezarrita dago, izendatu zaizkion erabilera-baldintza espezifikoen arabera.

—Baimenduriko gehienezko profil- eta altuera-baldintzak –hala nola eraikuntzak berez dituenak– lurzatian finkatu, lurzatia okupatu edo lurzatitik erretiratzeko, dagokion Arau Partikularrean ezarritakoak izango dira.

—Eraikuntza arautzeko modua, sestra azpiko oinaren okupazioa barne, honela formulatuko da: Edo lurzatiko ordenantza orokorren bidez, edo haietariko bakoitzarentzat zehazturiko ordenantzaren bidez –dagokion Arau Partikularrean edo xehekaturiko plangintzan definituta dagoenez.

—Okupatzen dituzten eraikinetan ibilgailuentzako sarbide moduan balio duten sestra gaineko espazio eraikigabeak dituzten lurzatien kasuan, dagozkion urbanizazio-elementuen ordenazioak bai indarreango legerian bai honako Arau hauetan ezarritako ezaugarriak eta dimentsio-baldintzak bete beharko ditu.

—Errazturiko erabilerak:

*Industria-erabilerak.

Maila teknologikoaren eta jarduerak berez dituen ezaugarrien arabera, jaulkipen kutsagarririk ezagatik eta salerosgaiak garraiatu eta biltegiratzeko operazio-mugimendu eskasengatik, hiri- eta ingurugiro-kalitate-maila handia eskaintzen duten modalitate eta barianteak, zonan baimenduriko hirugarren sektoreko erabilerekin edota zerbitzu-erabilerekin bateragarriak direnak.

*Hirugarren sektoreko erabilerak.

*Ekipamendu komunitarioa.

—Erabilera onargarriak:

*Etxebizitza.

Lurzatian errazturiko erabileren erabilera lagungarri moduan soil-soilik, erregistro-bidez hari loturiko egongo baita –etxebizitza bat, gehienez, lurzati bakoitzeko.

*Garajea.

—Debekaturiko erabilerak: Aurreko modalitateen barruan sarturik ez daudenak.

c.10.Hirugarren Sektoreko Erabileretarako Lurzatiak.

Lurzati hauetako eraikuntzak bereiziriko erregimen arautzailearekin bat etorri beharko du; horri buruzko araubidea, berriz, dagokion Arau Partikularrean edo, bestela, garapen-plangintzan ezarrita dago, izendatu zaizkion erabilera-baldintza espezifikoen arabera.

Okupatzen dituzten eraikinetan ibilgailuentzako sarbide moduan balio duten sestra gaineko espazio eraikigabeak dituzten lurzatien kasuan, dagozkion urbanizazio-elementuen ordenazioak bai indarreango legerian bai honako Arau hauetan ezarritako ezaugarriak eta dimentsio-baldintzak bete beharko ditu.

—Errazturiko erabilerak: Hirugarren sektoreko erabilerak.

—Erabilera onargarriak:

*Etxebizitza.

Lurzatian dagoen hirugarren sektoreko erabileraren erabilera lagungarri moduan soil-soilik, erregistro-bidez hari loturiko egongo baita –etxebizitza bat, gehienez, lurzati bakoitzeko.