Departamentuko foru diputatuak, 2002ko irailaren 23an, ondoko agindua eman du:

2002ko abuztuaren 23an emandako eta Gipuzkoako Aldizkari Ofizialean 2002ko irailaren 3an argitaratutako Foru Aginduaren bidez 2001eko Enplegu Publikorako Eskaintzaren 2garren faseko deialdi guztietan onartu eta baztertutako izangaien behin-behineko zerrendak onartu ziren.

Agindu hartan 10 laneguneko epea eman zen behin-behineko zerrenda horien kontrako erreklamazioak aurkezteko.

Erreklamazioak aztertu ondoren bidezkoa da eranskinean jasotzen diren izangai onartu eta baztertuen zerrenda onartzea.

Gainerako deialdietan erreklamaziorik aurkeztu ez denez, behin-behineko zerrendak behin betiko bihurtu dira, automatikoki.

Foru agindu hau behin betikoa da eta amaiera ematen dio administrazio bideari. Interesatuek foru agindu honen aurka zuzenean Administrazioarekiko Auzi Errekurtsoa aurkez dezakete Euskadiko Justiziako Auzitegi Nagusiak Bilbon duen Administrazioarekiko Auzietako Salan, jakinarazpenaren biharamunetik hasita bi hilabeteko epean.

Hala ere, partikularrek aukera dute horren aurretik Berraztertzeko Hautazko Errekurtsoa aurkezteko foru diputatu honi, jakinarazpenaren biharamunetik hasita hilabeteko epean. Hori eginez gero, ezingo da administrazioarekiko auzi errekurtsorik aurkeztu harik eta berraztertzekoaren berariazko ebazpena eman edo ustezko ezespena gertatu arte. Dena dela, egoki iritzitako beste edozein errekurtso aurkez daiteke.

Hau guztia denen jakinaren aurrean jartzen da.

Donostia, 2002ko irailaren 25a.—Jorge Balerdi, Departamentuko Idazkari Teknikoa.

(6004) (10120)