XEDATU DUT

2000. urterako xedatu diren diru laguntza hauen alor desberdinetako deialdiak bereiztearren eranskin hauen arabera sailkatuko dira:

—I. eranskina: Euskarazko ikasmateriala ekoizten duten argitaletxeen oinegiturari diru laguntzak emateko lehiaketa irekia arautzen duten oinarriak (EIMA 2000).

—II. eranskina: Gipuzkoako Lurralde Historikoko ikastetxeetan zabaltzearren euskaraz argitaratutako liburuak hautatzea arautzen duten oinarriak (EULI 2000).

—III. eranskina: Gipuzkoako Lurralde Historikoko udaletan zabaltzearren euskaraz argitaratutako ikus-entzunezko materialak hautatzea arautzen duten oinarriak (EUBI 2000).

Kultura, Euskara, Gazteria eta Kirol Departamentuko foru diputatuari ahalmena ematen zaio Foru Dekretu hau garatzeko beharrezkotzat jotzen dituen xedapen guztiak eman ditzan.

Deialdia Kultura, Euskara, Gazteria eta Kirol Departamentuko organo eskudunak ebatzi beharko du sei hilabeteko epean, indarrean jartzen denetik, amaierako xedapenean ezarritakoaren arabera. Ebazpen epe hori azaroaren 26ko 30/1992 legeko 42.5 artikuluan ezarritakoa eragotzi gabe ulertu behar da. Epaimahaiaren proposamenak entzun ondoren ematen den ebazpenean azalduko da nori eman zaizkion diru laguntzak, diru laguntzaren zenbatekoa, eta diru laguntza emateko gainerako baldintzak. Halaber, diru laguntza eman gabe uztea ere erabaki dezake.

Interesaturikoei ebazpena jakinarazteaz gain, Gipuzkoako Aldizkari Ofizialean diru laguntza emandakoen izena eta kopuruen esleipen laburpena argitaratuko da.

Aurkeztutako eskaera guztiei buruz berariazko ebazpena emateko organo eskudunak daukan derrigortasunaren kalterik gabe, eta azaroaren 26ko 30/1992 Legeak, Herri Administrazio Guztien Zuzenbide Arauen eta Administrazio Jardunbidearenak, 71.1 artikuluan xedatutakoa baztertu gabe, ebazpena emateko epea amaitzen denean organo eskudunak berariazko ebazpenik emango ez balu, eskaera ezetsitzat joko litzateke, aipatutako legeak 44. artikuluan ezarritako isiltasun administratiboa medio.

Amaierako xedapena.

Foru Dekretu hau Gipuzkoako Aldizkari Ofizialean argitaratzen den egun berean jarriko da indarrean.

Donostia, 2000ko martxoaren 28a.

I. ERANSKINA

Oinegitura gastuen atalean, deialdi honetan parte hartu ahal izateko bete behar den eskaera orri normalizatuan azaltzen diren kontzeptuak hartuko dira kontuan, oinarri hauetako 4. puntuan adierazten den neurbideaz.

Euskal ikasmaterialgintzan jardun eta beren egoitza sozial eta fiskala Gipuzkoako Lurraldean duten argitaletxeak izan daitezke, langintza horretarako legezko baimena izanik eta Eusko Jaurlaritzako Hezkuntza, Unibertsitate eta Ikerketa Sailaren 1999ko EIMA 1 programan sartuta egonik, nor bere neurrian, deialdi honetan ezarritako diru laguntzetan partaide.

Diru laguntza hauek jaso nahi dituzten argitaletxeek agiri hauek bidali behar dituzte Kultura, Euskara, Gazteria eta Kirol Departamentura:

a)Eskaera orri eredua: Eskaera orri honetan jaso behar diren datuak 1999. urteari buruzkoak izango dira. Bereziki kontuan hartuko dira oinegitura gastuen izaera eta kopurua, eta produktibitate maila.

b)Eskatzailearen nortasunaren egiaztagiria (nortasun agiria, dagokion erregistroan inskribatutako eraketa eskriturak, eta abar).

c)Zerga betebeharrak eta Gizarte Segurantzarekikoak egunean dituela egiaztatzen duten aurtengo ziurtagiriak.

d)Eskatzaileak irekitako kontu korronte baten jabetasuna ziurtatuko duen agiria, diru etxe batek emana.

e)Jarduera Ekonomikoen gaineko Zergari buruzko ordainketak eguneraturik dituela egiaztatzen duen agiria.

f)1999ko Sozietateen gaineko Zerga aitorpenaren fotokopia edo urte horretako balantzeak aipatutako aitorpena aurkeztu gabe baldin badago, hori egiteko epea amaiturik ez dagoelako.

g)Enpresak 1999. urtean egindako jarduerei buruzko memoria, bereziki produktu mota bakoitzaz (euskarazko liburuak, erdarazkoak, diskoak) eginiko salmentak (pezetatan)aipatuz.

h)Deialdi honi dagokion jarduerari egotzitako gastuen portzentajezko estimazioa, 4.1 puntuan adierazitako kontzeptuen arabera zehazturik, erakundearen jarduera orokorrarekiko erlazioan.

i)Eusko Jaurlaritzako Hezkuntza, Unibertsitate eta Ikerketa Sailaren 1999ko EIMA 1 programan sartutako tituluen zerrenda.

j)1999an argitaratutako testu liburu bakoitzeko ale bana. Ale horiek Gipuzkoako Foru Aldundiaren esku geldituko dira.

Baldin galdatzen diren agirietakoren bat administrazio jardulearen organoren batera ordurako iritsita badago, eskatzaileak erabil dezake 30/1992 Legeak, Herri Administrazio Guztien Zuzenbide Arauen eta Administrazio Jardunbidearenak, 35. artikuluko f) paragrafoan agintzen duena, baina agiriak zein egun, organo edo bulegotan jaso edo nondik bidali diren adierazita, eta horien prozedura bukatu zela bost urte baino gehiago igaro ez bada.

Agiria eskuratu ezin denean, organo eskudunak eskatzaileari esan diezaioke berak aurkez dezala, edo agiri hori ezin bada, agirian dauden beharkizunak beste nolabait ziurta ditzala, ebazpen proposamena egin baino lehen.

Diru laguntza deialdi honetan eskaerak aurkezteko epea oinarri hauek Gipuzkoako Aldizkari Ofizialean argitaratu eta biharamunean hasi, eta 2000ko maiatzaren 22an amaituko da.

Eskaerak aurkeztu beharreko ereduak Kultura, Euskara, Gazteria eta Kirol Departamentuko bulegoetan eskura daitezke, eta Gipuzkoako Foru Aldundiaren erregistro bulego propio nahiz itunduetan aurkeztu behar dira, azaroaren 26ko 30/1992 Legeak, Herri Administrazio Guztien Zuzenbide Arauen eta Administrazio Jardunbidearenak, 38.4 artikuluan xedatutako beste edozein bide baztertu gabe.

Eskatzaileak aurkeztutako agiriak osatu gabe daudela edota oinarri hauek exijitutako beharkizunak betetzen ez dituztela egiaztatzen denean, interesatuari hamar eguneko epean akatsak zuzendu edo behar diren agiriak ekar ditzala eskatuko zaio. Horrela egiten ez badu, bere eskaerari uko egin diola iritziko zaio, aurrez azaroaren 26ko 30/1992 Legeak, Herri Administrazio Guztien Zuzenbide Arauen eta Administrazio Jardunbidearenak, 42.1 artikuluan xedatutako eran idatzitako ebazpena emanik.

Eskaera orrian bildutako datuen arabera, argitaletxe bakoitzari dagokion diru laguntzaren kopurua finkatzeko irizpide hauek hartuko dira kontuan:

4.1.  Oinegitura gastuak Z1.

Oinegitura gastuetan ondoko kontzeptuak sartuko dira:

—1.1.  Langileria gastuak:

11.  Langile finkoak (V1).

12.  Langile ez-finkoak (V2).

—1.2.  Funtzionamendu gastuak (V3):

21.  Bulego gastu arruntak.

22.  Higiezin gastuak.

23.  Komunikazioak.

24.  Joan-etorriak, bidaiak, egonaldi gastuak.

25.  Funtzionamendu gastu bereziak.

26.  Inbertsioen mantenu eta konponketa arrunta.

—1.3.  Inbertsioak (V4):

31.  Orubeak.

32.  Eraikuntzak.

33.  Makineria (teknologia berriak).

34.  Altzariak.

35.  Garraiobideak.

Kontzeptu hauek ondoko eran baloratuko dira Z1 parametroa finkatzeko:

Z1 = B1V1 + B2V2 + B3V3 + B4V4

B horiek ponderazio indizeak dira, eta kasuan kasuko balio hauek izango dituzte:

11 1

12 0,8

21etik 26ra 0,3

31 0,1

32 0,1

33 1,2

34 0,4

35 0,1

Dena dela, 2. kontzeptuan (funtzionamendu gastuak), ez da pertsonal finkoaren kontzeptuan jasotako kopuruaren %35 baino handiagokorik onartuko.

4.2.  Lan etekina Z2.

Parametro honek argitaletxe bakoitzak oinegitura gastu jakin batez, zenbateko ikasmaterialgintza ekoiztu duen neurtzen du. Parametro hau baloratzeko formula hau erabiliko da:

PBi

Zi1

PB1+PB2+PB3+ ... +PBn

Zi2 =

Z11+Z21+Z31+ ... +Zn1

PB: Produkzio bolumena; balioa finkatzeko Eusko Jaurlaritzako Hezkuntza, Unibertsitate eta Ikerketa Sailak euskal ikasmaterialgintzaren produkziorako laguntza planean erabilitako irizpideen arabera egingo da.

Formularen izendatzaileak hauxe adierazi nahi du: Argitaletxe guztiek beren batez bestekoan oinegitura gastu unitate bakoitzeko zenbateko produkzio bolumena sortu duten.

Beraz, Z2 parametro honek zuzenketa indize gisan jokatzen du, oinegitura gastu berdinarekin produkzio handiagoa bultzatzen duen argitaletxea lehenetsiz.

Formula osoaren baitan, Z2 parametro honek 0,5 balioko ponderazio indizea izango du. (ikus 5. oinarria).

4.3.  Lehentasun indizea Z3.

Eusko Jaurlaritzako Hezkuntza, Unibertsitate eta Ikerketa Sailak euskal ikasmaterialgintzaren produkziorako laguntza planean finkatutako irizpideak kontuan izanik, 1, 0,9, 0,8 eta 0,7 balioak har ditzake parametro honek. Formula osoaren baitan Z3 parametro honek 0,5 balioko ponderazio indizea izango du (ikus 5. oinarria).

Argitaletxe bakoitzari dagokion diru laguntzazko kopuru zatia (KZ) finkatzeko formula hau erabiliko da:

KZi = Zi1 (0,5Zi2 + 0,5Zi3)

Diru laguntza zehatza (DL), azkenik, Gipuzkoako Foru Aldundiko Kultura, Euskara, Gazteria eta Kirol Departamentuak xede honetarako ezarria duen 0720.200.770.00.00.00 aurrekontu sailetik (AK) 18.550.000 pezetako (111.487,75 euro) kreditua diruz laguntzekoak izan daitezkeen proposamen guztien artean proportzionalki banatuz erabakiko da:

KZi

DLi = AK

Dena dela, deialdi hau burutzeko hasiera batean xedatutako kopuruak aurrekontu erabileren arabera gehitu eta kredituen lotespen nahiz transferentzien erregimena erregulatzen duen araudiaren arabera aldatu ahal izango dira.

Diru laguntzak lehiakortasun printzipioan oinarritutako erregimenean emango dira, aurreko puntuetan adierazitako baldintzen arabera, eta eskaera orrietan nahiz gainerako agirietan aurkeztutakoaren arabera. Horretarako, eskaerak aztertu eta ebaluatuko dituen epaimahaia izango da, kide hauek osaturik: Euskararen Normalkuntzako zuzendari nagusia, Eusko Jaurlaritzako Hezkuntza, Unibertsitate eta Ikerketa Sailak izendatutako teknikari bat, Euskararen Normalkuntza eta Sustapeneko atalburua, eta Kultura, Euskara, Gazteria eta Kirol Departamentuko teknikari bat. Epaimahai horrek egoki irizten badio, agiri osagarri gehiago aurkez ditzatela galdegin diezaieke eskatzaileei.

Deialdiaren ebazpenean esleipendunak, diru laguntzaren zenbatekoa eta laguntzaren gainerako baldintzak zehaztuko dira, eta behar diren administrazio izapideak egin ondoren ordainduko da diru laguntza.

Diru laguntza hauen onuradunak beharkizun hauek izango ditu:

a)Diru laguntza emateko oinarri den ekintza burutzea edo jokabidea hartzea.

b)Kultura, Euskara, Gazteria eta Kirol Departamentuak egingo dituen ikuskapen lanetara, Gipuzkoako Lurralde Historikoko Finantza eta Aurrekontu Arauei buruzko Foru Arauak 105. artikuluan agindutako finantzaren kontrol lanetara eta Euskal Kontuen Epaitegiko legeek ikusitako lanetara meneratzea.

c)Edozein herri administraziok edo erakunde publikok nahiz pribatuk helburu berarekin emandako diru laguntzen berri ematea Kultura, Euskara, Gazteria eta Kirol Departamentuari.

Diru laguntza emateko kontuan hartu diren baldintzetan edozein aldaketa gertatzeak, eta nolanahi ere, subentzio hauekin batera beste herri administrazio edo erakunde publiko nahiz pribatuek emandako laguntzak jasotzeak diru laguntza emateari buruzko ebazpena aldatzea ekar lezake.

Onuradunek jaso duten diru zenbatekoa itzuli eta, hala behar denean, berandutza interesak diru laguntza jaso denetik ordaindu beharko dituzte kasu hauetan:

a)Jasotako diru kopurua zuritzeko beharkizuna betetzen ez dutenean.

b)Diru laguntza eskuratzeko behar diren baldintzak betetzen ez dituztenean.

c)Diruz lagundutako jardueraren xedea betetzen ez dutenean.

Onuradunek itzuli behar lituzketen diru zenbatekoak zuzenbide publikoko diru sarreratzat hartuko dira.

Oinarri hauen interpretazioari buruz sor litekeen edozein zalantza Kultura, Euskara, Gazteria eta Kirol Departamentuak ebatziko du.

II. ERANSKINA

Oinarri hauetan arautzen den hautapena 1999ko urtarrilaren 1etik abenduaren 31ra bitarteko epean argitaratutako euskarazko liburuei dagokie, 5. oinarrian azaltzen diren baldintza eta mugen barruan.

Oinarri hauek arautzen duten hautespenean parte izateko eskaera egin ahal izango dute euskarazko liburuak argitaratzen dituzten pertsona fisiko eta juridikoek, horretarako behar diren lege eskakizunak betetzen baldin badituzte.

Deialdi honetan parte hartu ahal izateko, liburu guztiek Jabetza Intelektualari buruzko Legearen testu baterabildua onartu zuen apirilaren 12ko 1/1996 Errege Dekretu Legegileak ezarritako beharkizunak, bai eta ISBN eta lege gordailua jasotzeko legezko tramiteak ere bete beharko dituzte.

Ezin izango dira deialdi honetan sartu jarraian adierazten diren ataletan dauden liburuak:

a)Liburuzaleen liburuak.

b)Ente publikoek edo horiek finantzatzen dituzten erakundeen argitaratutako argitalpenak.

c)Banketxe edo aurrezki kutxek argitaratutakoak.

d)Dohain banatzen direnak.

e)Liburu klub edo antzekoek beren bazkideentzat argitaratzen dituztenak.

f)Epeka saltzen diren liburuak.

g)Ia testurik gabeko haurrentzako liburuak.

h)Ebakitzeko diren liburuak.

i)Ikasgai arautu eta jakinei lotutako testuliburuak; entziklopediak eta hiztegiak.

j)Eguneratu edota handitu ez diren berrargitarapenak.

Deialdi honetan aurreikusita dauden laguntzak bateragarriak izango dira beste edozein erakunde publiko edo pribatuk xede berarekin emandako laguntzekin.

Deialdi honetan parte hartu nahi duten interesatuek agiri hauek aurkeztu beharko dituzte Gipuzkoako Foru Aldundiko Kultura, Euskara, Gazteria eta Kirol Departamentuan:

a)Eskaera orri eredua.

b)Identifikazio Fiskaleko Kodearen fotokopia.

c)Zerga betebeharrak eta Gizarte Segurantzarekikoak egunean dituela egiaztatzen duten aurtengo ziurtagiriak.

d)Eskatzaileak irekitako kontu korronte baten jabetasuna ziurtatuko duen aurtengo agiria, diru etxe batek emana.

e)Liburu bakoitzeko ale bana; ale horiek Gipuzkoako Foru Aldundiaren esku geldituko dira.

Baldin galdatzen diren agirietakoren bat administrazio jardulearen organoren batera ordurako iritsita badago, eskatzaileak erabil dezake 30/1992 Legeak, Herri Administrazio Guztien Zuzenbide Arauen eta Administrazio Jardunbidearenak, 35. artikuluko f) paragrafoan agintzen duena, baina agiriak zein egun, organo edo bulegotan jaso edo nondik bidali diren adierazita, eta horien prozedura bukatu zela bost urte baino gehiago igaro ez bada.

Agiria eskuratu ezin denean, organo eskudunak eskatzaileari esan diezaioke berak aurkez dezala, edo agiri hori ezin bada, agirian dauden beharkizunak beste nolabait ziurta ditzala, ebazpen proposamena egin baino lehen.

Deialdi honetan eskaerak aurkezteko epea oinarri hauek Gipuzkoako Aldizkari Ofizialean argitaratu eta biharamunean hasi, eta 2000ko maiatzaren 22an amaituko da.

Eskaerak aurkeztu beharreko ereduak Kultura, Euskara, Gazteria eta Kirol Departamentuko bulegoetan eskura daitezke, eta Gipuzkoako Foru Aldundiaren erregistro bulego propio nahiz itunduetan aurkeztu behar dira, azaroaren 26ko 30/1992 Legeak, Herri Administrazio Guztien Zuzenbide Arauen eta Administrazio Jardunbidearenak, 38.4 artikuluan xedatutako beste edozein bide baztertu gabe.

Eskatzaileak aurkeztutako agiriak osatu gabe daudela edota oinarri hauek exijitutako beharkizunak betetzen ez dituztela egiaztatzen denean, interesatuari hamar eguneko epean akatsak zuzendu edo behar diren agiriak ekar ditzala eskatuko zaio. Horrela egiten ez badu, bere eskaerari uko egin diola iritziko zaio, aurrez azaroaren 26ko 30/1992 Legeak, Herri Administrazio Guztien Zuzenbide Arauen eta Administrazio Jardunbidearenak, 42.1 artikuluan xedatutako eran idatzitako ebazpena emanik.

Eskaerak aztertu eta ebaluatuko dituen epaimahaia izango da, kide hauek osaturik: Euskararen Normalkuntzako zuzendari nagusia, Eusko Jaurlaritzako Hezkuntza, Unibertsitate eta Ikerketa Sailak izendatutako teknikari bat, liburuaren hedakuntza eta kritika esparruko hiru aditu, Euskararen Normalkuntza eta Sustapeneko atalburua eta Kultura, Euskara, Gazteria eta Kirol Departamentuko teknikari bat. Epaimahaiak egoki irizten badio, agiri osagarri gehiago aurkez ditzatela galdegin diezaieke eskatzaileei. Horren ondoren, epaimahaiak proposatuko dio Kultura, Euskara, Gazteria eta Kirol Departamentuko organo eskumendunari zein liburu eskuratu, bai eta liburu horiek zein eskoletara bidali beharko diren ere.

Ebazpenean azalduko da nori eman zaizkion diru laguntzak, diru laguntzaren zenbatekoa, eta diru laguntza emateko gainerako baldintzak

Epaimahaiak bere hautapena egiterakoan liburuen ezaugarri hauek baloratuko ditu:

a)Kultura, Euskara, Gazteria eta Kirol Departamentuak irakurtzaletasuna sustatzeko dituen programa eta ekitaldien helburuekiko egokitasuna; 40 puntu bitarte.

b)Maila bakoitzeko ikastetxeetako liburutegiak hornitzeko egokitasuna; 30 puntu bitarte.

c)Hizkuntzaren eta irudien trataera zuzen eta egokia; 15 puntu bitarte.

d)Irakurleen adin talde bakoitzerako egokitasuna; 15 puntu bitarte.

Azaldutako balorazio irizpide horien arabera, 50 puntu baino gehiagoko balorazioa lortzen duten liburuak bakarrik sartuko dira epaimahaiaren hautespenean, beti ere kontuan izanik Kultura, Euskara, Gazteria eta Kirol Departamentuaren esku gelditzen dela hautatutako liburu bakoitzeko ale kopurua erabakitzea.

Programa honetako onuradunen beharkizunak dira:

a)Epaimahaiaren hautespenean ageri diren liburuen aleak adieraziko zaizkion ikastetxeetara bidaltzea, 2000ko urriaren 12a baino lehenago.

b)Programa honetan barne hartzen diren liburu guztiei eranskailu bana jartzea, Gipuzkoako Foru Aldundiko Kultura, Euskara, Gazteria eta Kirol Departamentuak emandako ereduaren arabera.

c)Banatutako liburu guztien izenean faktura bakarra egitea eta Gipuzkoako Foru Aldundiko Kultura, Euskara, Gazteria eta Kirol Departamentura bidaltzea, 2000ko urriaren 27a baino lehenago. Liburu bakoitzak kalean duen salneurria erabiliko da fakturazioan, zerga eta gastu guztiak barruan dituela.

d)Esleipendun bakoitzak ikastetxe bakoitzeko albaran bat aurkeztu beharko du fakturarekin batera. Honako datuok jasoko dira albaranean:

—Ikastetxearen izena.

—Emandako liburuen izenburuak.

—Data.

—Liburuak jaso dituen pertsonaren izena, kargua eta sinadura, eta ikastetxearen zigilua.

Arestian aipatutako obligazioren bat betetzen ez bada, Gipuzkoako Foru Aldundiko Kultura, Euskara, Gazteria eta Kirol Departamentuak ordaindu gabe utz lezake esleitu den zenbateko osoa edo horren zati bat.

Oinarri hauen interpretazioari buruz sor daitekeen edozein zalantza Kultura, Euskara, Gazteria eta Kirol Departamentuak ebatziko du.

Deialdi hau burutzeko hasiera batean xedatutako kopuruak aurrekontu erabileren arabera aldatu ahal izango dira, kredituen lotespen nahiz transferentzien erregimena erregulatzen duen araudiaren arabera, eta 0720.200.770.00.00.00 aurrekontu sailari egotziko zaizkio 12.000.000 pezetako (72.121,45 euro)zenbatekoz.

III. ERANSKINA

Oinarri hauetan 1999ko urtarrilaren 1etik abenduaren 31ra bitarteko epean euskaraz ekoiztutako material mota hauek sartzen dira:

a)Bideokaseteak.

b)Diskoak.

c)Audio kaseteak.

d)CD euskarriak.

e)CD-ROM euskarriak.

f)DVD euskarriak.

Oinarri hauek arautzen duten programan sartzeko eskaera egin ahal izango dute bigarren oinarrian aipatutako materialak euskaraz ekoizten dituzten pertsona fisiko eta juridikoek, horretarako behar diren lege eskakizunak betetzen baldin badituzte.

Deialdi honetan sartu ahal izateko, material guztiek Jabetza Intelektualari buruzko Legearen testu baterabildua onartu zuen apirilaren 12ko 1/1996 Errege Dekretu Legegileak ezarritako beharkizunak, bai eta legeetan ezarritako gainerako beharkizunak ere bete beharko dituzte.

Ezin izango dira deialdi honetan sartu jarraian adierazten diren ataletakoren batean barne hartuta dauden materialak:

a)Ente publikoek edo horiek finantzatzen dituzten erakundeek ekoiztu edota argitaratutako materialak.

b)Banketxe edo aurrezki kutxek ekoiztu edota argitaratutako materialak.

c)Epeka saltzen diren material bildumak.

d)Dohain banatzen direnak.

e)Entziklopedia, bilduma, aldizkari edo egunkariekin batera saldu edo banatzen direnak.

f)Irudi edo musika hutsez eta hitzik gabeko materialak, disko eta CDetan izan ezik.

g)Ikasgai arautu jakinen bati lotutakoak eta berariaz hezkuntzaren alorrean helburu didaktiko soilez erabiltzeko ekoiztutako materialak.

Literatur liburuekin batera saltzen diren ikus-entzunezko materialak deialdiaren barruan sar daitezke, 8. oinarrian aipatzen den epaimahaiaren proposamenen arabera.

Deialdi honetan aurreikusita dauden laguntzak bateragarriak izango dira beste edozein erakunde publiko edo pribatuk xede berarekin emandako laguntzekin.

Deialdi honetan parte hartu nahi duten interesatuek agiri hauek aurkeztu beharko dituzte Gipuzkoako Foru Aldundiko Kultura, Euskara, Gazteria eta Kirol Departamentuan:

a)Eskaera orri eredua.

b)Identifikazio Fiskaleko Kodearen fotokopia.

c)Zerga betebeharrak eta Gizarte Segurantzarekikoak egunean dituela egiaztatzen duten aurtengo ziurtagiriak.

d)Eskatzaileak irekitako kontu korronte baten jabetasuna ziurtatuko duen aurtengo agiria, diru etxe batek emana.

e)Ikus-entzunezko material bakoitzeko ale bana; ale horiek Gipuzkoako Foru Aldundiaren esku geldituko dira.

Baldin galdatzen diren agirietakoren bat administrazio jardulearen organoren batera ordurako iritsita badago, eskatzaileak erabil dezake 30/1992 Legeak, Herri Administrazio Guztien Zuzenbide Arauen eta Administrazio Jardunbidearenak, 35. artikuluko f) paragrafoan agintzen duena, baina agiriak zein egun, organo edo bulegotan jaso edo nondik bidali diren adierazita, eta horien prozedura bukatu zela bost urte baino gehiago igaro ez bada.

Agiria eskuratu ezin denean, organo eskudunak eskatzaileari esan diezaioke berak aurkez dezala, edo agiri hori ezin bada, agirian dauden beharkizunak beste nolabait ziurta ditzala, ebazpen proposamena egin baino lehen.

Deialdi honetan eskaerak aurkezteko epea oinarri hauek Gipuzkoako Aldizkari Ofizialean argitaratu eta biharamunean hasi, eta 2000ko maiatzaren 22an amaituko da.

Eskaerak aurkeztu beharreko ereduak Kultura, Euskara, Gazteria eta Kirol Departamentuko bulegoetan eskura daitezke, eta Gipuzkoako Foru Aldundiaren erregistro bulego propio nahiz itunduetan aurkeztu behar dira, azaroaren 26ko 30/1992 Legeak, Herri Administrazio Guztien Zuzenbide Arauen eta Administrazio Jardunbidearenak, 38.4 artikuluan xedatutako beste edozein bide baztertu gabe.

Eskatzaileak aurkeztutako agiriak osatu gabe daudela edota oinarri hauek exijitutako beharkizunak betetzen ez dituztela egiaztatzen denean, interesatuari hamar eguneko epean akatsak zuzendu edo behar diren agiriak ekar ditzala eskatuko zaio. Horrela egiten ez badu, bere eskaerari uko egin diola iritziko zaio, aurrez azaroaren 26ko 30/1992 Legeak, Herri Administrazio Guztien Zuzenbide Arauen eta Administrazio Jardunbidearenak, 42.1 artikuluan xedatutako eran idatzitako ebazpena emanik.

Eskaerak aztertu eta ebaluatuko dituen epaimahaia izango da, kide hauek osaturik: Euskararen Normalkuntzako zuzendari nagusia, Euskararen Normalkuntza eta Sustapeneko atalburua, Kultura, Euskara, Gazteria eta Kirol Departamentuko teknikari bat, eta ikus-entzunezkoen alorreko aditu bat. Epaimahaiak egoki irizten badio, agiri osagarri gehiago aurkez ditzatela galdegin diezaieke eskatzaileei. Horren ondoren, epaimahaiak proposatuko dio Kultura, Euskara, Gazteria eta Kirol Departamentuko organo eskumendunari zein material eskuratu, bai eta material horiek zein udaletara bidali beharko diren ere.

Ebazpenean azalduko da nori eman zaizkion diru laguntzak, diru laguntzaren zenbatekoa, eta diru laguntza emateko gainerako baldintzak

Hautapena egiteko epaimahaiak irizpide hauek baloratuko ditu:

a)Ikus-entzunezko material bakoitzak euskararen erabilera hedatu eta sustatzeko duen egokitasuna; 40 puntu bitarte.

b)Gipuzkoar sortzaileen (idazle, musikari, bertsolari, kantari, eta abar) berri ematen duen materiala izatea; 20 puntu bitarte.

c)Gipuzkoako historia edo kulturaren alderdiren bat azaldu edo nabarmentzen duen materiala izatea; 20 puntu bitarte.

d)Musikazko materialen kasuan (CD, kaseteak eta diskoak), euskarazko hitzekin batera izatea; euskal musika tresna tradizionalez osatutakoak izatea, eta, oro har, Euskal Herrian sortutako musikaren hedapen lanean laguntzaile izatea; 20 puntu bitarte.

Azaldutako balorazio irizpide horien arabera, 50 puntu baino gehiagoko balorazioa lortzen duten ikus-entzunezko materialak bakarrik sartuko dira epaimahaiaren hautespenean, beti ere kontuan izanik Kultura, Euskara, Gazteria eta Kirol Departamentuaren esku gelditzen dela hautatutako material bakoitzeko ale kopurua erabakitzea.

Programa honetako onuradunen beharkizunak dira:

a)Aukeratu den material bakoitzeko ale bana adieraziko zaizkion udaletara bidaltzea, 2000ko urriaren 12a baino lehenago.

b)Programa honetan barne hartzen diren material guztiei eranskailua jartzea, Kultura, Euskara, Gazteria eta Kirol Departamentuak emandako ereduaren arabera.

c)Banatutako material guztien izenean faktura bakarra egitea eta Gipuzkoako Foru Aldundiko Kultura, Euskara, Gazteria eta Kirol Departamentura bidaltzea, 2000ko urriaren 27a baino lehenago. Material bakoitzak kalean duen salneurria erabiliko da fakturazioan, zerga eta gastu guztiak barruan dituela.

d)Esleipendun bakoitzak udal bakoitzeko emate-agiri bat aurkeztu beharko du fakturarekin batera. Honako datuok jasoko dira emate-agirian:

—Udalaren izena.

—Emandako materialen izenburuak.

—Data.

—Materialak jaso dituen pertsonaren izena, kargua eta sinadura, eta udalaren zigilua.

Arestian aipatutako obligazioren bat betetzen ez bada, Gipuzkoako Foru Aldundiko Kultura, Euskara, Gazteria eta Kirol Departamentuak ordaindu gabe utz lezake esleitu den zenbateko osoa edo horren zati bat.

Oinarri hauen interpretazioari buruz sor daitekeen edozein zalantza Kultura, Euskara, Gazteria eta Kirol Departamentuak ebatziko du.

Deialdi hau burutzeko hasiera batean xedatutako kopuruak aurrekontu erabileren arabera gehitu eta kredituen lotespen nahiz transferentzien erregimena erregulatzen duen araudiaren arabera aldatu ahal izango dira, eta 0720.200.770.00.00.00 aurrekontu sailari egotziko zaizkio 4.000.000 pezetako (24.040,48 euro) zenbatekoz.