| 68. zenbakia | Data 1999-04-15 | 5763 orria |
SAN MARKOSEKO MANKOMUNITATEA
Iragarkia
Aizmendiko Industri Hondakin Solido Inerteen Zabortegiko zerbitzuaren Ordenantza Arautzailea jende aurrean agerian egoteko arauzko epea igaro ondoren, erreklamazio edo oharrik aurkeztu gabe, aipatutako Ordenantza behin-betirako onetsi da.
Gipuzkoako Ondasun Lokalak erregulatzen dituen uztailaren 5eko 11/1989 Foru Araueko 16.4 artikuluan xedatutakoa beteaz, aipatutako Ordenantza oso-osorik ezartzen da Gipuzkoako Aldizkari Ofizialean, argitaratu eta hurrengo egunean indarrean sartuko delarik.
AIZMENDI INDUSTRI HONDAKIN SOLIDO INERTEEN ZABORTEGIKO ZERBITZUAREN ORDENANTZA ARAUTZAILEAK
1. ATALA. ZERBITZUAREN ZEHAZTEA
1. Art. Zerbitzuaren xedea.
Donostialdeako eskualdearen barruan dauden Udaletan sortzen diren hondakin ez organiko eta ez toxiko ez arriskutsuen harrera eta tratamendurako sortutako Aizmendi industri hondakin solido inerteen zabortegiko zerbitzua arautzea da Ordenantza hauen xedea.
2. Art. Hondakin onargarriak.
Donostiako Aizmendi industri hondakin solido inerteen zabortegian onargarriak izango dira ondorengo hondakinak:
Zabortegian utzitakoan eraldatze fisiko-kimiko edo biologiko nabarmenik jasaten ez duten hondakin solido inerteak, eta ekainaren 20ko 952/1997 Errege Dekretuarekin bat, Hondakin Toxiko eta Arriskutsuen Oinarrizko maiatzaren 14ko 20/1986 Legea gauzatzeko Araudia aldatzen duena, uztailaren 20ko 833/1988 Errege Dekretuz onartua, eta bat datorren gainerako araudiaren arabera ez direnak «hondakin toxiko edo arriskutsuak» bezala jotzen
Hondakin solido inerteak honela sailkatuko dira:
—Fabrika edo industri prozesuetan sortutako industri hondakin solido inerteak, eta era berean mota I eta mota II banatzen direnak, Azaroaren 2ko 423/1994 Dekretuaren I. Eranskinean zatitzen diren arabera, hondakin inerte edo inertizatuei buruzkoa (E.H.A.A 239. zka, 1994ko Abenduaren 19koa).
—Eraikitze, errausketa, hondeaketa edo lur-mugimenduetan sortutako eraikuntza hondakin solido inerteak, 423/1994 Dekreatuaren II. Eranskinean zehazten direnak.
—Aurreko taldeetan sartuta ez dauden hondakin inerteak beti ere San Markoseko Mankomunitatearen eritziz ez badute zabortegiaren funtzionamendua arriskuan jartzen.
Hondeaketa, inausketa, lur-mugimendu, eta abarretik etorritako lurren kasuan, bakarrik onartuko dira San Markoseko Mankomunitatearen eritziz ez badute zabortegiko funtzionamendu egokia arriskutan jartzen edo beharrezkotzat jotzen badira zabortegiko hondakinek osatzen dituzten terrazen sigilatze eta itxitze lanak egiteko.
3. Art. Hondakin onartezinak.
Aizmendi hondakin inerteen zabortegi kontrolatuan onartezinak izango dira:
—Hondakin organikoak
—Une bakoitzean indarrean dagoen ingurugiro legerian «toxiko eta arriskutsu» bezala tipifikatuta dauden hondakinak, edo bere izaera inertea zehazteko «hondakinen onarpenerako aurretiko baldintzak» atalean azaltzen diren probak egin ondoren onartezinak gertatu direnak.
—Bere izaera inertea zehazteko probak gainditu arren, Mankomunitatearen ustez zabortegiaren funtzionamendu egokia konpromezuan jartzen duten hondakin guztiak, eta bereziki ondorengo ezaugarriak dituzten hondakin batzuk:
*
Ignizio egoeran aurkezten direnak.*
Zabortegiko funtzionamendu baldintzetan lehegarri, oxidatzaile edo sukoi direnak.*
350 Z. gaineko tenperaturarekin aurkezten direnak.*
%65 gaineko hezetasuna dutenak.*
Bolumen trinkoetan aurkezten direnak edo zabortegian dauden baliabideekin trinkotzeko hauskaitzak direnak.*
Hustuketa garaian zabortegiko azpiegitura edo pertsonentzako arriskua, eta bere ohizko funtzionamenduan arazo larriak sortu dezaketen hondakinak.Hondakin hauek onartu ahal izateko egokitu egin beharko dira, egokitze lanak bere jabearen kontura izango direlarik.
4. Art. Zabortegiaren erabiltzaileak.
Aizmendi zabortegia Mankomunitatearen lurralde esparruan onargarritzat jotzen diren hondakinak sortzen dituzten pertsona fisiko edo juridikoentzako bakarrik izango da.
Erabiltzaile hauek mota hauetan sailkatu daitezke:
—Erabiltzaile publikoak, hau da, San Markos Mankomunitatea osatzen duten Udalak eta elkartutako udalen lurralde esparrua lanak egiteagatik behar duen beste edozein Erakunde Publiko.
—Erabiltzaile pribatuak, hau da, Mankomunitatearen aurretiko baimen zehatzarekin Zabortegia maiz erabiltzen duten eta hondakin inerteen sortzaileak diren industriariak eta lan-kontratistak.
—Ezohizko erabiltzaileak, hustuketa bakoitzarentzako Mankomunitateak aldez aurretik emandako baimena beharko dutenak.
Ohizkoak ez diren arrazoiagatik eta San Markos Manko-munitatearen aldez aurreko baimenarekin bakarrik utzi ahal izango dira Aizmendiko zabortegian Mankomunitateko kide ez diren beste udaletan sortutako industri hondakin solido inerteak.
5. Art. Tasak.
Mankomunitateak zerbitzu hau emateagatik erabiltzaileei Tasen ordainketa eskatuko die, berak dagokion Ordenantza fiskalaren aurretiko lege-izapidearekin finkatuko dituenak
6. Art. Zabortegiko ustiapenaren arduraduna.
Mankomunitateak, dagokion prozedura adminsitratiboaren bidez, zabortegiaren ustiapen zerbitzuaren enpresa emakidaduna izendatuko du.
7. Art. Erabiltzaile eta garraiolarien eskubide eta betebeharrak.
Erabiltzaileen eta hauek laguntzen dituzten garraiolarien eskubide eta betebeharrak ondorengoak izango dira:
Eskubideak:
—Ordenantza honetan zehazten den bezala zabortegian utzi daitezken hondakinen isurketa beti ere aldez aurretik baimena lortuz.
—Langilego arduradunari baskularen kalibraketa Ziurtagiria eskatu eta lortzea.
—Berreskuratu beharreko hondakinentzako hustuketa toki berezi bat izatea eta hauengatik tasa berezia ordaintzea.
Betebeharrak:
—Zerbitzuaren funtzionamendu baldintzei errespetua (ordutegiak, sarrera-baldintzak).
—Hondakinen emate-baldintzak errespetatzea.
—Isurketa egiteko dagokion baimena lortzea.
—Isurketak zehazki baimendutako hondakinekin bat etortzea.
—Zabortegiko langilegoak ematen dituen jarraibideak errespetatzea.
—Eusko Jaurlaritzako Ingurugiroko Sailordetzaren sortzaileen Erregistroan izen ematea eta Mankomunitateari honi buruz edo enpresa garraiolariari buruzko edozein aldaketaren berri ematea.
—Mankomunitateari eta enpresa ustiatzaileari informazioa, inspekzioa, laginen hartzea eta ikuskapena erraztu eta ematea.
—Bere iharduerak sortzen tasak ordaintzea.
—Zigor, kalte-ordainketa eta hautsitako ordenaren lehengoratzearen zenbatekoa ordaintzea, Mankomunitateak zenbatekoa aldez aurretik zehaztuko duelarik.
2. ATALA. ZERBITZUAK EMATEKO ERA
8. Art. Hondakinen harrera-ordutegia.
Mankomunitateak zabortegira sartzen diren hondakinen sarrera arautzeko harrera-ordutegi finko bat ezarriko du. Ordutegi hau erabiltzaileen beharretara egokitzen saiatuko delarik.
Ezarritako ordutegiaz kanpo ezin izango da hustuketarik egin, Mankomunitateak aldez aurretik baimendutako ezohizko egoeratan izan ezik.
9. Art. Sarbide-kontrola.
Zabortegiaren sarreran informazio-taula bat jarriko da, non zehaztuko diren:
—Zabortegiaren izena, Erakunde publiko jabea, zein motakoa den eta ze baimen daukan.
—Erakunde ustiatzailearen izena.
—Funtzionamendu orduak.
—Harremanetarako telefonoa.
Guztiz debekatuta dago Zabortegira sartzea baimenduta ez dagoen edozein pertsona edo enpresaretzat, zigorgarri izan daitekelarik.
Zabortegira sartzen den kanpoko edozein pertsonak bertako ustiapenaren ardurana den langilegoak emandako aginduak jarraitu beharko ditu.
Zabortegira sartzen diren bisitariak bertako langilego gaituak lagunduta egon beharko dute.
10. Art. Hondakinen isurketarako baimenaren eskaera.
Hondakinaren sortzaileak San Markoseko Mankomunitatearen aurrean idatzi bat aurkeztu beharko du non hondakin mota bakoitzagatik dagokion baimena eskatuko duen hau isurtzeko. Aaipatutako dokumentuan utzi beharreko hondakin bakoitzaren ezaugarriak argi eta garbi zehaztu beharko dira.
San Markos Mankomunitateak eskatutako hondakinaren isurketarako baimena emango du bakarrik bere hustuketa baino lehen hondakinen sortzaileak egokiak diren agirien bidez frogatu badu hondakinak zabortegian onartu daitezkela, hondakin motari eta onartzeko zehaztutako baldintzei dagokionez.
Hondakinen «inerte» izaeraren ebaluaketa hondakin hori sortzen duen industri-prozesuan, bere ezaugarri fisiko-kimiko eta hondakinetatik lortutako lixibiatuen analisietan oinarrituta egingo da.
Laginen hartzea hondakina sortzen duen enpresaz kanpoko teknikari batek egin beharko du eta homologatutako laborategi batek analizatuko du. Analitikaren kostu osoa isurketa baimenaren eskatzailearen kontura izango da.
Aizmendi industri hondakin solido inerteen zabortegian tratatagarri den edozein industri jatorriko hondakin solido inerteri bere ezaugarrien aurretiko analisi oso bat egin beharko zaio, analisi hauek egiteko beharraz kanpo egongo diren hondakin bakarrak ondorengoak dira:
*
Eraikuntzetako hondakin solido inerteak.*
II motako industri hondakin solido inerteak.Hondakinen ezaugarriak eta konposaketa argi zehaztuta ez dauden kasuetan (zenbait industri hondakin solido inerteen nahasketa), San Markos Mankomunitateak aipatutako hondakinen sortzaileei tratatu beharreko hondakinen izaera «inertea» ziurtatzeko bidezkotzat jotzen dituen proba analitikoak egiteko eskatu ahal izango die.
11. Art. Hondakinaren onarpen agiria.
Hondakinaren isurketa baimena jasotakoan, eta dagokion analitika aurkeztutakoan, San Markoseko Mankomunitateak eskaera eta, hala badagokio, analitika jasotako egunetik hasi eta gehienez ere 30 eguneko epean hau onartzen duen ala ez esango du, lehen aipatutako hondakinen onarpen baldintzen arabera.
Hondakinek bere izaera inertea zehazteko ezarritako analisiak arrakastarekin gainditzen badituzte, Mankomunitateak baimendu egingo ditu horretarako hondakinen onarpen agiria gauzatuz (423/1994 Dekretuaren V Eraskinean zehazten den bezala), bi aldeek (hondakinen sortzaile eta kudeatzaileak) laukoiztuta sinatu eta sigilatuko dutena. Onarpen agiri honi kode bat emango zaio gerora hondakinen emate bakoitza lagunduko duen arta eta jarraipen agirian adieraziko dena. Enpresa batek hondakin inerte mota batzuk sortzen baditu, onarpen agiri bat eduki beharko du kode desberdinekin hondakin mota bakoitzarentzako.
Onarpen agirian hondakinen garraioa eta hustuketa egingo duen enpresa garraiolaria zehaztuko da.
Lehen aipatutako lau aleetatik, bi sortzailearen esku geratuko dira eta beste biak Mankomuniatearen esku. Ondoren, bai sortzaileak eta bai Mankomunitateak Eusko Jaurlaritzako Ingurugiroko Sailordetzara bidaliko dute bere esku dituzten bi onarpen agirien aleetako bat. Bai hondakinen kudeatzaileak eta bai sortzaileak aipatutako agiriaren ale bat gorde beharko dute gutxienez 5 urteko epean.
12. Art. Arta eta harraipen agiria.
San Markos Mankomunitateak, hondakinaren sortzaileak eta hau garraiatzen duenak arta eta jarraipen agiri bat bete beharko dute zabortegira hondakinak eramaten diren bakoitzean. Agiri honek hondakinak sortzaileak garraiolariari eta honek Mankomunitateari ematen dizkiola erregistratuko du eta zabortegira iristen diren hondakinen eguneroko kontrola eramateko balioko du.
Agirian sortzailearen, garraiolariaren eta kudeatzailearen datuak adieraziko dira, baita eramaten den hondakinari buruzkoak ere. Agiri honek ematen duen informazio guztia Mankomunitateak zuzenean prozesatu eta artxibatuko du.
Sortzaileak hondakina Aizmendi industri hondakin inerteen zabortegian entregatzen duen bakoitzean, emateaz arduratzen den garraiolariak dagokion arta eta jarraipen agiria eraman beharko du, non behar den bezela beteta egon beharko dute bai sortzaileari bai garraiolariari dagokion atala. Errefusatu egingo da arta eta jarraipen agiria behar den bezala betea eta bere bost aletan sinatu eta sigilatuta ez dakarren hondakin guztien sarrera.
Zabortegiko sarbide-kontrolean, bertako langilegoak arta eta jarraipen agirian idatziko ditu —kudeatzailearentzako gordetako atalean— honen datuak, hondakinaren harrera eguna, ordua eta kopurua eta sinatu eta sigilatu egingo dute. Gainera Kudeatzaileak bere aleari pisatze baskulak emandako tiketa erantsiko dio.
Arta eta jarraipen agiria bost alez osatuta dago, hauetatik bat sortzailearentzako izango da, bestea kudeatzailearentzako, beste bi Ingurugiroko Sailordetzarentzako eta bestea garraiolariarentzako. Zabortegian hondakinak hartzen diren garaian, aipatutako agiriaren bi ale Mankomunitatearen esku geratuko dira, beste hirurak zabortegiko langilegoak garraiolariari emango dizkiolarik, honek hondakinaren sortzaileari kudeatzaileak emandako hiru aleetako bi eman beharko dizkiolarik.
Ondoren bai hondakinen kudeatzaileak bai sortzaileak ere Eusko Jaurlaritzako Ingurugiroko Sailordetzara bidaliko dute bere esku dituzten arta eta jarraipen agiriaren bi aleetako bat.
Sortzaileak, garraiolariak eta kudeatzaileak aipatutako agiria gorde beharko dute kudeatzaileari hondakinak eman zitzaizkion egunetik hasita gutxienez 5 urteko epean.
13. Art. Sortzaileen erregistroa.
Jasoko ditu, besteak beste, sortzaileak eta hondakina sortzen duten iharduerak identifikatzeko datuak.
Halaber, industri hondakin solido inerteen sortzailea behartuta dago Eusko Jaurlaritzako Ingurugiroko Sailordetzak eratu duen sortzaileen Erregistroan bere izen ematea eskatzera. Aipatutako erregistroan izen ematea, Mankomunitatearekin lehenengo onarpen agiria sinatu aurretik egin beharko da.
14. Art. Garraiolarien erregistroa.
Garraio ibilgailuen eta hauen jabeen kontrolerako balioko du, hondakin solido inerteen emate-katean honek duen garrantzia dela eta. Garraiolari guztiak izen eman beharko dute erregistro honetan, ohizkoak izan ala ez.
Era berean, 423/1994 Dekretuaren 20. artikuluari jarraiki, industri hondakin solido inerteen sortzaileak izendatzen duen garraio ihardueraren jabe dena behartuta dago Eusko Jaurlaritzako Ingurugiroko Sailordetzak sortu duen garraiolarien Erregistroan izen ematera.
15. Art. Hondakinen emate eta hustuketa baldintzak.
Ez da baimenduko edozein motako hondakinen ematea hauen garraiorako bereziki egokitutako ibilgailuetan aurkezten ez bada, hondakinak olana baten bidez behar bezala isolatuta egon beharko dutelarik zabortegira iritsi aurretik isuri ez daitezen.
Behin zabortegiko esparruaren barruan, garraiolariak garraioaren baldintza kaxkarren ondorioz hirugarrenei eragin diezaieken edozein istripu edo erasanen erantzule izango da, eta subsidiarioki hondakinaren sortzailea.
Zabortegiaren sarbideetan edo barruan hondakinen isurketak gertatuko balira, garraiolaria hauek berehala kentzera behartuta egongo litzateke. Garraiolaria bere erruz isuritako hondakinak kentzeko ezezkoa emango balu, lan hori San Markoseko Mankomunitateak egingo luke eragiketa horren kostu guztia bere osotasunean garraiolariari egotziko litzaiokelarik, edo subsidiarioki hondakinaren sortzaileari.
Hondakinen hustuketari ekiteko, ibilgailuen gidariek zabortegiko langilegoak emandako argibideak zehatz-mehatz jarraitu beharko dituzte.
Hustuketa lanak ahal den eragozpen gutxien sortzeko adostuko dira, bereziki hautsa eta soinua sortzeari dagokionez.
Hondakina entregatzeko garaian honek zabortegiko langilegoaren gain edozein zalantza sorraraziko balu, arta eta jarraipen eta/edo onarpen agirian identifikatutakoarekin benetan bat ote datorren ala ez, hondakinak hustu behar dituen ibilgailuaren itxarotea eskatu ahal izango da, bere gidariak aukeratu beharko duelarik itxaronaldia horretarako gordetako tokian ibilgailua aparkatuz edo zabortegiko esparrutik atereaz egingo duen. Dena den, azken kasu hau ematen bada, zabortegiko langilegoak garraiatzen duten hondakinaren laginak hartzeko baimena ematera behartuta daude.
Era berean, hondakinen hustuketa garaian zabortegiko langilegoak egiaztatuko balu hustutako materialen artean arta eta jarraipen eta/edo onarpen agirian aipatzen direnekin bat ez datozen hondakinak daudela, hustuketa osoa errefusatu ahal izango da eta garraiolariak emandako hondakin guztiak sortzaileari itzuli beharko dizkio aldez aurretik zabortegian dagoen makineriaren bidez kargatuko zaizkiolarik, lan hauen kostua enpresa sortzailearen kontura izando delarik.
Gertaera hau garraiolaria zabortegiko esparrutik atera ondoren detektatuko balitz, isurketaren arduraduna den enpresari emango zaio gertaeraren berri eta isuritako baimengabeko hondakinak berehala kendu beharko ditu.
Bi kasutan zabortegiko arduradunak erreportai fotografiko bat eta txosten bat egingo ditu, dagokion espediente zigortzaileari hasiera emanez.
Zabortegiaren Erakunde kudeatzaileak erabiltzaileen eskura jarriko du hustuketa toki berezi bat berreskuratu daitezken hondakinentzako, eta hauen berziklaketa bultzatzeko asmoz Tasa bereziak aplikatuko ditu.
16. Art. Hondakinen sarrera-kontrola.
Hondakinen harreran hauen zorizko laginketa batzuk egingo dira non analitika azkar baten bidez zehaztuko diren aipatutako hondakinak baimendutakoekin bat datozen ala ez. Aipatutako analitika produkzio prozesuaren eta, horrenbestez, sortutako hondakinaren arabera egingo da, maiz kontrolatu beharreko parametroak PH-a, hezetasuna, ekotoxikotasuna, lixibiatuan arazo gehien ematen duten metalen konzentrazioaren analisia eta olio eta koipeak direlarik.
Analizatutakoa ez bada bat etortzen aitortutakoarekin, analitika sakonago bat egingo zaio non egiaztatuko den hondakina kudeatzaileak baimendutako den ala ez. Aipatutako desberdintasuna egiaztatzen bada, hondakinak sortzaileari itzuliko zaizkio. Laginketak arazo gehien sortu ditzaketen hondakinei zuzenduak izango dira gehien bat, edo enpresa sortzaileak izaera toxiko edo arriskutsuko hondakinak ere sortuko balitu kontutan hartuta.
17. Art. Pisatze kontrola.
Bere hondakinak uztera zabortegira joaten diren ibilgailu guztiak pisatze kontrola egin beharko dute, horretan oinarrituta egingo bait da fakturazioa. Erabiltzaileek pisatzearen arduraduna den langilegoari homologatutako enpresa batek egindako baskularen kalibraketa Ziurtagiria eskatu ahal izango diote.
18. Art. Betebeharrak eta erantzunkizunak.
Hondakinaren sortzailea da honen erantzulea, sortzaile eta bere jatorriaren ezagutzaile den aldetik.
Ordenantza hauen testuan zehar biltzen diren betebeharrez gain, industri hondakinak sortu eta garraiatzen dituzten pertsona fisiko edo juridikoak mankomunitateari hondakinen garraio eta tratamendurako hartutako aurrikuspenak betetzen direla ziurtatzeko honek bidezkotzak jotzen duen informazioa, inspekzioa, laginen hartzea eta ikuskapena erraztera behartuta daude.
3. ATALA. ARAU-HAUSTE ETA ZIGORRAK
19. Art. Arau-hausteak.
Ondoren tipifikatzen diren arau-hausteren bat egingo balitz, bai sortzailearen aldetik bai garraiolariaren aldetik, dagokion zigorrak jarriko dira Ordenantza hauetan aurrikusitako era eta zenbatekoan.
1. Arau-hauste oso larriak dira:
Onarpen Agiria lortzeko isurketa baimenaren eskaerarentzako emandako datuen ezkutatzea edo aldaketa maleziatsua.
Hondakin toxiko edo arriskutsuen, edo izaera hortakoak ez diren beste batzuekin egindako nahasketaren isurketa, beti ere horren ondorioz ingurugiroarentzako kalte edo narriadura larria eragin badu edo pertsonen osasuna arrisku larrian jarri bada.
Hondakinen onarpen agiria, arta eta jarraipen agiria, hondakinen analitika edo antzekoen manipulazio edo faltsifikazioa.
Arau-hausketa larriak berriro egitea edo pilatzea.
2. Arau-hauste larraiak dira:
Informazio, ikuskapen edo laginen hartze lanak oztopatzea.
Hondakin toxiko edo arriskutsuen, edo izaera hortakoak ez diren beste batzuekin egindako nahasketaren isurketa, beti ere ez bada horren ondorioz ingurugiroarentzako kalte edo narriadura larria eragin edo pertsonen osasuna arrisku larrian jarri.
Toxiko edo arriskutsu bezala hartzen ez diren arren, Aizmendiko zabortegian uzteko behar den baimen administratiboa ez duten hondakinen isurketa.
Izaera organikoa duten hondakinen isurketa, beti ere ez bada horren ondorioz ingurugiroarentzako kalte edo narriadura eragin edo pertsonen osasuna arriskuan jarri.
Oker isuritako hondakinak kentzeko ezezkoa ematea.
Arau-hausketa arinak berriro egitea edo pilatzea.
3. Arau-hauste arinak dira:
Zabortegiko langilego arduraduna iraintzea.
Orokorrean, Ordenantza hauen ondorio diren betebeharrak ez betetzea eta baita ere ustiapenaren funtzioamendu ona eragozten duten ekintza edo ez-egiteak.
20. Art. Preskipzioa.
Ordenantza hauetan aipatzen diren arau-hausteak ekintza burutu zenetik kontatzen hasi eta ondorengo epeetan preskribituko dute:
a) Arau-hauste oso larriak 12 hilabete igaro ondoren.
b) Arau-hauste larriak 8 hilabete igaro ondoren.
d) Arau-hauste arinak 6 hilabete igaro ondoren.
21. Art. Zigorrak.
1. Zigorrak ezartzeko eskumena Mankomunitateko Batzarraren Lehendakariarena izango da.
2. Aurreko artikuluan jasotzen den arau-hauste bakoitza ondorengo zigor guztiak edo bakar batzuk ezartzeko bidea eman dezake:
Arau-hauste arinak Mankomunitateko Lehendakariak zigortuko ditu 15.000 pezetarainoko isun baten ezarpenarekin, zenbatekoa arau-haustearen garrantziaren arabera jarriko delarik.
Arau-hauste larriak Mankomunitateko Lehendakariak zigortuko ditu 15.001 eta 1.000.000 pezeta arteko isun baten ezarpenarekin, zenbatekoa arau-haustearen garrantziaren arabera jarriko delarik.
Arau-hauste oso larriak Mankomunitateko Batzarrak zigortuko ditu 1.000.001 eta 10.000.000 pezeta arteko isun baten ezarpenarekin, zenbatekoa arau-haustearen garrantziaren arabera jarriko delarik.
3. Zigorrak arduradunaren zirkunstantzi, errurrundutasun, berriro egite, partaidetza eta lortutako onura, eta ingurugiroari eragindako kaltearen edo pertsonen osasuna jarri den arrisku graduaren arabera ezarriko dira.
4. Zigorrak ezartzeak ez du baztertzen Administrazioari eskubidezkoak dituen kalte-galeren ordainketa.
5. Arau-hauste oso larriengatik ezarritako zigorrak 12 hilabete igaro ondoren preskribituko dute, arau-hauste larriengatik ezarritakoak 8 hilabete igaro ondoren eta 6 hilabete igaro ondoren arau-hauste arinengatik ezarritakoak. Prezkripzio-epea zigorra ezartzen duen ebazpenak indarra hartzen duen hurrengo egunetik hasiko da kontatzen.
6. Ahalmen zigortzailea preskribitu izanak ez dio San Markoseko Mankomunitateari arduradunei gauzen lehengoratzea eta bere lehengo egoerara itzultzea eskatzea eragotziko, pasatako denbora edozein dela ere.
22. Art. Baimenaren bertan behera uztea edo kentzea.
Ezarritako zigorrak kontutan hartu gabe, erabiltzaileak bere betebeharrak ez betetzeak edo edozein arau-hauste egiteak baimena bertan behera uzteko edo kentzeko bidea eman dezake.
23. Art. Zergazko arau-hausteak.
Zergazko arau-hausteak Zerga Foru Arauan ezarritakoaren arabera zigortuko dira.
24. Art. Derrigorrezko betearazteak.
1. San Markos Mankomunitateak ezarritako lehengoratze neurrien betearazte ordezkatzaileari ekin diezaioke, arau-hauslearen kontura.
2. Isunen, kalte-ordainen eta hautsitako ordenaren koste ekonomikoaren zenbatekoak premiamendu administratiboaren bidez eskatu ahal izango dira, dagokion ebazpenak aipatutako bidean indarra hartzen duenean.
25. Art. Erantzunkizuna beste administrazioen aurrean.
Arau-hausleak egindako ekintzak beste Administrazio publiko baten aurrean hutsegite administratiboa suposatuko baluke, San Markoseko Mankomunitateak jakinaren gainean jarriko du epe laburrenean.
26. Art. Erantzunkizun penala. Agente judizialaren eskuhartzea.
1. Arau-hausleak egindako ekintzak delitu edo hutsegite balira, San Markos Mankomunitateak aginte judizialari jakinerazi beharko dizkio.
2. Ekintza horiengatik arau-hauste espedientea irekiko balitz, eta iharduerak aginte judizialari adierazita, Mankomunitateak prozedura zigortzailea geldiarazi egingo du agintea mintzatu artean. Prozedura zigortzailea geldiarazteak ez du galeraziko Mankomunitateak aldatutako egoeraren lehengoratzerako behar diren neurriak hartzea.
3. Ebazpen judiziala egindakoan, eta hau absoluziozkoa balitz ere, Mankomunitateak espediente zigortzailearen izapidearekin jarraitu ahal izango du, Epaitegiek probatutzat jo dituzten ekintzak errespetatuz. Ez da inolaz ere ordea aginte judizialak zigortutako arrazoiengatik zigorrik ezarriko.
27. Art. Argitalpenak.
Aginte zigortzailea duen organoak arau-hauste larri eta oso larriak egiteagatik ezarritako zigorrak dagokion aldizkari ofizialean eta bidezkotzat jotzen dituen gizarte komunikazio baliabideen bitartez argitaratzeko akordioa hartu dezake, baita arduradunak diren pertsona fisiko edo juridikoen izen-deiturak edo enpresa-izenak ere, aipatutako zigorrak behin irmoak izan eta gero.
Donostia, 1999ko apirilaren 6a.—Lehendakaria.
(3569)