XEDATU DUT

Deialdi honi aurre egiteko xedatutako aurrekontu sailen zenbatekoa aldatua izan daiteke aurrekontuen erabilgarritasunaren arabera, Diputatuen Kontseiluaren erabaki bidez edota Kultura eta Euskara Departamentuko foru diputatuaren foru aginduz, esleituak dauzkan eskumenen arabera.

Ahalmena ematen zaio Kultura eta Euskara Departamentuko foru diputatuari foru dekretu hau bete dadin behar diren xedapenak eman ditzan

Foru Dekretu hau Gipuzkoako Aldizkari Ofizialean argitaratzen den egun berean jarriko da indarrean.

Donostia, 1999ko urtarrilaren 26a.

Diputatu Nagusia,

Roman Sudupe Olaizola.

Kultura eta Euskara

Departamentuko

Foru Diputatua,

Koruko Aizarna Rementeria. (975)

ERANSKINA

Diru laguntza hauetan euskara hutsezko aldizkako argitalpenak sustatu eta bultzatzen dituzten pertsona fisiko nahiz juridikoak sar daitezke, beren egoitza sozial eta fiskala Gipuzkoako Lurralde Historikoan izanik.

Bi eratako aldizkariak izan daitezke deialdi honetan araututako diru laguntzen eskatzaile:

a)Herri izaera duten aldizkariak: herri jakin batean edota, gehienez ere, inguruko eskualdean banatzen diren aldizkariak.

b)Hedapen orokorreko aldizkariak: Gipuzkoako Lurralde Historiko osoan barrena banatzen diren aldizkariak.

Diru laguntza hauen eskatzaileek baldintza hauek bete beharko dituzte, argitaratzen duten aldizkariaren izaeraren arabera:

a)Herri izaera duten aldizkako argitalpenak:

—euskara hutsean izatea;

—herri nahiz eskualde mailako gai anitzeko informazioa ematea;

—udal nahiz eskualde mailako zabalpena edukitzea;

—gutxienez urteko 10 zenbaki argitaratzea,

—gutxienez urtean 160 orrialde argitaratzea;

—aldizkariaren zenbaki bakoitzeko gutxienez 500 ale argitaratu eta banatzea;

—publizitatearen eta, hala dagokionean, harpidetza edo salmentaren bitartez aldizkariak duen kostuaren %25 gutxienez lortzea;

—lege-gordailua eta ISSN edukitzea edo, hauek ezean, eskabidea bideratua edukitzea.

b)Hedapen orokorreko aldizkako argitalpenak:

—euskara hutsean izatea;

—gutxienez 40 orrialde edukitzea;

—izenburu berarekin argitaratzea, jarraikako seriean, numerazio korrelatiboarekin eta argitalpen datarekin;

—gutxienez urte beteko antzinatasuna edukitzea eskaera epearen amaiera datan;

—aldizkarian inprimategi oina sartzea, indarrean dagoen legeriak eskatzen dituen beharkizun guztiekin;

—beste argitalpen baten gehigarri gisa edo harekin batera ez banatzea;

—gutxienez 1.000 ale argitaratu eta banatzea.

Diru laguntza hauez kanpo daude 3. oinarrian adierazten diren baldintzak bete arren ondorengo ezaugarrietakoren bat duten komunikabideak:

—Eusko Jaurlaritza eta foru aldundienak, edota hauen menpe dauden sozietate publiko eta organismo autonomo edo antzekoen jabetzakoak.

—Alderdi politiko, sindikatu edo lanbide elkargoen jabetzakoak.

—Elkarte, fundazio edo antzekoen jabetzakoak, beti ere hauetako kide edo bazkideak onuradun bakar eta esklusibo badira.

—Hezkuntzaren alorrari zuzenki loturiko argitalpenak.

—Eskoletako argitalpenak, kultur buletinak, kirol aldizkariak, ikuskizunen gidak, denbora-pasakoak eta antzekoak.

—Aldizkari tekniko edo espezializatuak, gai monografikoak lantzen dituztenak, edo gizarteko sektore mugatu bati begira egindakoak.

—Informazio orokorrekoak edota gai anitzekoak ez diren herri argitalpenak.

—Egunkariak.

—Eskaerak aurkezteko epea amaitzerakoan proiektu soil direnak.

Diru laguntza hauek jaso nahi dituztenek agiri hauek bidali behar dituzte Kultura eta Euskara Departamentura:

a)Eskaera orria behar bezala beterik, non deialdia arautzen duten baldintza guztiak onartuko dituzten. Eskaera orrian nahitaez jaso beharko dira argitasun hauek guztiak:

—Aldizkariaren ezaugarriak: maiztasuna, ale kopurua, banaketa, argitaratzen daraman denbora eta abar.

—Gastu eta sarreren aurrekontua.

b)  Eskatzailearen nortasunaren egiaztagiria (nortasun agiria, dagokion erregistroan inskribatutako eraketa eskriturak, eta abar).

c)  Identifikazio Fiskaleko Zenbakiaren fotokopia.

d)  Zerga betebeharrak eta Gizarte Segurantzarekikoak egunean dituela egiaztatzen duten aurtengo ziurtagiriak.

e)  Eskatzaileak irekitako kontu korronte baten jabetasuna ziurtatuko duen aurtengo agiria, diruetxe batek emana.

f)  Urteko jarduera programa: asmoak, berriztapenak, proiektuak, eta abar.

g)  Lehendik argitaratutako lau zenbakiren ale bana.

Baldin galdatzen diren agirietakoren bat administrazio jardulearen organoren batera ordurako iritsita badago, eskatzaileak erabil dezake 30/1992 Legeak, Herri Administrazio Guztien Zuzenbide Arauen eta Administrazio Jardunbidearenak, 35. artikuluko f) paragrafoan agintzen duena, baina agiriak zein egun, organo edo bulegotan jaso edo nondik bidali diren adierazita, eta horien prozedura bukatu zela bost urte baino gehiago igaro ez bada.

Agiria eskuratu ezin denean, organo eskudunak eskatzaileari esan diezaioke berak aurkez dezala, edo agiri hori ezin bada, agirian dauden beharkizunak beste nolabait ziurta ditzala, ebazpen proposamena egin baino lehen.

Deialdi honetan eskabideak aurkezteko epea oinarri hauek Gipuzkoako Aldizkari Ofizialean argitaratu eta biharamunean hasi, eta 1999ko martxoaren 12an amaituko da.

Eskabideak aurkeztu beharreko ereduak Kultura eta Euskara Departamentuko bulegoetan eskura daitezke, eta Gipuzkoako Foru Aldundiaren erregistro bulego propio nahiz itunduetan aurkeztu behar dira, azaroaren 26ko 30/1992 Legeak, Herri Administrazio Guztien Zuzenbide Arauen eta Administrazio Jardunbidearenak, 38.4 artikuluan xedatutako beste edozein bide baztertu gabe.

Eskatzaileak aurkeztutako agiriak osatu gabe daudela edota oinarri hauek exigitutako beharkizunak betetzen ez dituztela egiaztatzen denean, interesatuari hamar eguneko epean akatsak zuzendu edo behar diren agiriak ekar ditzala eskatuko zaio. Horrela egiten ez badu, bere eskaerari uko egin diola iritziko zaio eta eskabidea besterik gabe artxibatuko da, Herri Administrazio Guztien Zuzenbide Arauen eta Administrazio Jardunbidearen Legeak 42.1 artikuluan jasotako ondorioekin.

Diru laguntzak lehiakortasun printzipioan oinarritutako erregimenean emango dira. Horretarako, eskabideak aztertu eta ebaluatuko dituen epaimahaia izango da, kide hauek osaturik: Euskararen Normalkuntzako zuzendari nagusia, Euskararen Normalkuntza eta Sustapeneko atalburua, eta atal horretan lanean ari den teknikari bat. Ondorenean, Epaimahaiak ebazpen proposamenak emango ditu eskaerei buruz eta organo eskudunari aurkeztuko dizkio, ebazpena eman dezan.

Ebazpen horretan, aldekoa balitz, diru laguntzaren zenbatekoa, ordaintzeko era eta diruz lagundutako erakundeak bete behar dituen baldintzak azalduko dira, bai eta programaren barnean diru laguntzaren xedetzat hartzen diren ekintzak ere. Interesaturikoei ebazpena jakinarazteaz gain, Gipuzkoako Aldizkari Ofizialean diru laguntza emandakoen izena eta kopuruen esleipen laburpena argitaratuko da.

Diru laguntza emateko eta zenbatekoa erabakitzeko alderdi hauek baloratuko dira, beti ere eskaera orrian 1999ko ekitaldirako azaldutako datuen oinarrian:

a)  Laguntza eskaeraren xede den proiektuaren bideragarritasun eta egokitasun tekniko nahiz ekonomikoa; erakundeak dituen finantza baliabideak eta beste erakundeetatik jasotako ekarpenak.

b)  Publizitate, harpidetza edo salmentaren bidez eskuratutako diru sarreren proportzioa.

c)  Orrialde kopurua eta inprimaketaren kalitatea argitalpenetan.

d)  Zenbat ale argitaratu eta banatzen diren, helburutzat duen herriko nahiz eskualdeko biztanleen arabera.

e)  Erakunde eskatzaileak erakutsitako bidea, jarraitasuna, egonkortasuna eta dedikazioa, baita talde teknikoaren heziketa teorikoa eta soslai profesionala.

f)  Argitalpenaren gizarte eta kultur interesa, bai eta bere eragineko ingurunean euskararen presentzia eta kalitatea zabaltzeko lagungarria izatea.

Deialdia ebazteko epea sei hilabetekoa izango da, eskaerak aurkezteko epea amaitu eta biharamunetik aurrera. Epe horretan diru laguntza esleitzeari buruz inolako jakinarazpenik jasotzen ez duten eskatzaileek eskaera ezetsia izan dela ulertu behar dute.

Aurkeztutako eskaera guztiei buruz berariazko ebazpena emateko organo eskudunak daukan derrigortasunaren kalterik gabe eta 30/1992 Legeak, Herri Administrazio Guztien Zuzenbide Arauen eta Administrazio Jardunbidearenak, 71.1 artikuluan agindutakoa izan ezik, ebazpena emateko epea amaitzen denean organo eskudunak berariazko ebazpenik emango ez balu, eskaera ezetsitzat joko litzateke, aipatutako Legeak 43. eta 44. artikuluetan ezarritako ustezko egintzei buruzko arauak betearaziz.

Aurreko paragrafoak adierazitako ustezko ebazpenak eraginkorrak izatearren, 30/1992 Legeak, Herri Administrazio Guztien Zuzenbide Arauen eta Administrazio Jardunbidearenak, 44. artikuluan jasotako ziurtapena eman behar da 20 eguneko epean, ziurtapen eskaera egin zenetik edo, ziurtapena emateko eskatu delarik, aipatu epea bukatu ondoren hori ez ematea.

Ziurtapena emateko epean zehar eskabidearen mamiaz ebatzi daiteke espresuki, diru laguntzaren arau erregulatzaileari jarraiki, eta ziurtapena jaso behar duen ebazpenari eman zaizkion ondorioei lotuta egon gabe.

Deialdi honetan araututako diru laguntzak aldizkako komunikabide idatzien ustiapen defizita konpentsatzera xedatuko dira. Diru laguntzaren gehienezko zenbatekoak hauek izango dira:

—Herri izaera duten aldizkako argitalpenen kasuan, ekitaldi osorako aurrikusten den defizitaren %70, eta gehienez ere 4.000.000 pezeta edo 24.040,48 euro.

—Hedapen orokorreko aldizkako argitalpenen kasuan, aurrikusitako urteko defizitaren %50, eta gehienez ere 3.000.000 pezeta edo 18.030,36 euro.

Diru laguntza, beti ere aldez aurretik dagozkion tramite administratiboak burutzen badira, bi zatitan ordainduko da:

—zenbateko osoaren %60 diru laguntza ematen den unean, aurrerakin gisa;

—gainerako %40deialdi honetako 9. oinarrian zehaztuko diren agiriak aurkeztutakoan.

Diru laguntza hauen hartzaileek laguntzaren bigarren zatia jasotzeko eskaera aurkeztu beharra daukate, segidan zehazten diren agiriekin batera:

a)  Aurrera eramandako jarduerari buruzko txosten zehatza.

b)  Izandako gastu eta sarreren balantze orokorra.

c)  Diruz lagundutako jardueraren osotasuna frogatuko duten gastuen jatorrizko fakturak, zeinak, egiaztatu eta zigilatu ondoren, erakunde jasotzaileari itzuliko zaizkion.

d)  Egindako lanaren ziurtapen eta lekuko gisa baliagarri izango den dokumentazio grafiko edo ikus-entzunezkoa (argitaratutako aleak).

Aurreko ataletan adierazitako dokumentazioa aurkezteko epea 2000ko martxoaren 1ean amaituko da.

Aurrekoez gain, onuradunek betebehar hauek izango dituzte:

—Diru laguntza emateko arrazoia oinarritzen duen jarduera burutzea edo jarrera azaltzea.

—Erakunde emaileak egingo dituen ikuskapen lanetara, Gipuzkoako Lurralde Historikoko Finantza eta Aurrekontu Arauei buruzko Foru Arauak 105. artikuluan agindutako finantzaren kontrol lanetara eta Kontuen Epaitegiko legeek ikusitako lanetara meneratzea.

—Estatuko nahiz estatutik kanpoko edozein herri administraziok edo erakunde publikok helburu berarekin emandako subentzio edo diru laguntzen berri ematea Kultura eta Euskara Departamentuari.

—Administrazioak eskatzen dion edozein argibide ematea.

Diru laguntza eman ondoren argitaratzen den material orotan eta jendaurreko agerpen guztietan Gipuzkoako Foru Aldundiko Kultura eta Euskara Departamentuaren babesa agertarazi beharko da. Publizitate hori Gipuzkoako Foru Aldundiaren irudi korporatiboak ezarritako elementuak baliatuz egin beharko da ezinbestean, eta logotipoaren aldamenean esaldi hau agertuko da hitzez hitz: «Aldizkari honek Gipuzkoako Foru Aldundiko Kultura eta Euskara Departamentuaren laguntza jaso du».

Diruz lagundutako erakundearen kanpoko publizitate eta jakinarazpen oro gutxienez euskaraz egin beharko da.

Diru laguntza emateko kontuan hartu diren baldintzetan edozein aldaketa gertatzeak, eta nolanahi ere, subentzio hauekin batera beste herri administrazio edo erakunde publiko nahiz pribatuek emandako laguntzak jasotzeak diru laguntza emateari buruzko ebazpena aldatzea ekar lezake.

Oinarri hauetan araututako diru laguntzen zenbatekoak ezin izango dira, ez jarduerak ematen dituen diru emaitzekin ez bakarka, ez beste herri administrazioen edo erakunde publiko nahiz pribatuen diru laguntzekin batera, onuradunak aurrera eraman beharreko jardueraren kostua baino handiagokoak izan.

Onuradunek jaso duten diru zenbatekoa itzuli eta, hala behar denean, berandutza interesak diru laguntza jaso denetik ordaindu beharko dituzte kasu hauetan:

a)  Jasotako diru kopurua zuritzeko beharkizuna betetzen ez dutenean.

b)  Diru laguntza eskuratzeko behar diren baldintzak betetzen ez dituztenean.

c)  Diruz lagundutako jardueraren xedea betetzen ez dutenean.

Halaber, aurreko oinarrian jasotakoa gertatuz gero, burututako jardueraren kostutik gorako soberakina itzuli beharko dute.

Onuradunek itzuli behar lituzketen diru zenbatekoak zuzenbide publikoko dirusarreratzat hartuko dira.

Oinarri hauen interpretazioari buruz sor litekeen edozein zalantza Kultura eta Euskara Departamentuak argituko du.

Deialdi hau burutzeko hasiera batean xedatutako kopuruak aurrekontu erabileren arabera aldatu ahal izango dira, kredituen lotespen nahiz transferentzien erregimena erregulatzen duen araudiaren arabera, eta jarraian aipatzen diren aurrekontu sailei multzoan egotziko zaizkie:

0920.200.481.00.07.00 24.000.000 144.242,91

0920.200.470.00.01.00 10.000.000 60.101,21

0920.200.461.01.01.00 500.000 3.005,06