| 24. zenbakia | Data 1999-02-08 | 2000 orria |
GIPUZKOAKO FORU ALDUNDIA
Urtarrilaren 26ko 11/1999 Foru Dekretua, euskarazko ikasmateriala ekoizten duten argitaletxeen oinegiturarako (EIMA 1999), Gipuzkoako Lurralde Historikoko ikastetxeetan zabaltzearren euskaraz argitaratutako liburuak hautatzea erregulatzeko (EULI 1999), eta Gipuzkoako Lurralde Historikoko udaletan zabaltzearren euskaraz argitaratutako ikus-entzunezko materialak hautatzea arautzeko (EUBI 1999) diru laguntzen deialdiak onesten dituena.
Abenduaren 21eko 7/1998 Foru Arauak, 1999rako Gipuzkoako Lurralde Historikoko Aurrekontu Orokorrak onesten dituenak, Kultura eta Euskara Departamentuari dagozkion gastu kredituen artean euskarazko ikasmateriala ekoizten duten argitaletxeen oinegiturarako (EIMA 1999), Gipuzkoako Lurralde Historikoko ikastetxeetan zabaltzearren euskaraz argitaratutako liburuak hautatzea erregulatzeko (EULI 1999) eta Gipuzkoako Lurralde Historikoko udaletan zabaltzearren euskaraz argitaratutako ikus-entzunezko materialak hautatzea arautzeko (EUBI 1999) diru laguntzak ematera xedatutako aurrekontu sailak barne hartzen ditu.
Diru laguntzak eta subentzioak emateko prozeduran aplika daitekeen eraentza orokorra arautzen duen apirilaren 6ko 27/1993 Foru Dekretuaren 7.1 artikuluak ezartzen duenaren arabera, bidezkoa da lehiakortasun, publizitate eta objetibotasun printzipioetan oinarrituta, diru laguntzak eta gainerako subentzioak emateko arau erregulatzaileak bilduko dituen foru dekretua onestea.
Horren indarrez, Kultura eta Euskara Departamentuko foru diputatuaren proposamenez, Diputatuen Kontseiluak egun bereko bilkuran erabakia hartu ondoren, honako hau,
XEDATU DUT
Lehenengo artikulua.
Euskarazko ikasmateriala ekoizten duten argitaletxeen oinegiturarako (EIMA 1999), Gipuzkoako Lurralde Historikoko ikastetxeetan zabaltzearren euskaraz argitaratutako liburuak hautatzea erregulatzeko (EULI 1999) eta Gipuzkoako Lurralde Historikoko udaletan zabaltzearren euskaraz argitaratutako ikus-entzunezko materialak hautatzea arautzeko (EUBI 1999) diru laguntzak ematea erregulatzen duten oinarriak onetsi dira.
Bigarren artikulua.
1999. urterako xedatu diren diru laguntza hauen alor desberdinetako deialdiak bereiztearren eranskin hauen arabera sailkatuko dira:
—I. eranskina: Euskarazko ikasmateriala ekoizten duten argitaletxeen oinegiturari diru laguntzak emateko lehiaketa irekia arautzen duten oinarriak (EIMA 1999).
—II. eranskina: Gipuzkoako Lurralde Historikoko ikastetxeetan zabaltzearren euskaraz argitaratutako liburuak hautatzea arautzen duten oinarriak (EULI 1999).
—III. eranskina: Gipuzkoako Lurralde Historikoko udaletan zabaltzearren euskaraz argitaratutako ikus-entzunezko materialak hautatzea arautzen duten oinarriak (EUBI 1999).
Hirugarren artikulua.
Kultura eta Euskara Departamentuko foru diputatuari ahalmena ematen zaio Foru Dekretu hau garatzeko beharrezkotzat jotzen dituen xedapen guztiak eman ditzan.
Amaierako xedapena.
Foru Dekretu hau Gipuzkoako Aldizkari Ofizialean argitaratzen den egunean jarriko da indarrean.
Donostia, 1999ko urtarrilaren 26a.
Diputatu Nagusia,
Roman Sudupe Olaizola.
Kultura eta Euskara
Departamentuko
Foru Diputatua,
Koruko Aizarna Rementeria. (972)
I. ERANSKINA
Euskarazko ikasmateriala ekoizten duten argitaletxeen oinegiturari diru laguntzak emateko lehiaketa irekia arautzen duten oinarriak (EIMA 1999).
1.Xedea.
Deialdi honen xedea da lehiaketa irekiaren bitartez euskal ikasmaterialgintzan diharduten argitaletxeen oinegitura gastuak berdintzeko diru laguntzak eskuratu eta emateko baldintzak arautzea. Diru laguntza hauek Eusko Jaurlaritzako Hezkuntza, Unibertsitate eta Ikerketa Sailak euskal ikasmaterial inprimatuaren produkzioa laguntzeko dituen programen osagarri dira.
Oinegitura gastuen atalean, deialdi honetan parte hartu ahal izateko bete behar den eskaera orri normalizatuan azaltzen diren kontzeptuak hartuko dira kontuan, oinarri hauetako 4. puntuan adierazten den neurpideaz.
2.Onuradunak.
Euskal ikasmaterialgintzan jardun eta beren egoitza sozial eta fiskala Gipuzkoako Lurraldean duten argitaletxeak izan daitezke, langintza horretarako legezko baimena izanik eta Eusko Jaurlaritzako Hezkuntza, Unibertsitate eta Ikerketa Sailaren 1998ko EIMA 1 programan sartuta egonik, nor bere neurrian, deialdi honetan ezarritako diru laguntzetan partaide.
3.Eskaera aurkeztea.
Diru laguntza hauek jaso nahi dituzten argitaletxeek agiri hauek bidali behar dituzte Kultura eta Euskara Departamentura:
a)Eskaera orri eredua: eskaera orri honetan jaso behar diren datuak 1998. urteari buruzkoak izango dira. Bereziki kontuan hartuko dira oinegitura gastuen izaera eta kopurua, eta produktibitate maila.
b)Eskatzailearen nortasunaren egiaztagiria (nortasun agiria, dagokion erregistroan inskribatutako eraketa eskriturak, eta abar).
c)Zerga betebeharrak eta Gizarte Segurantzarekikoak egunean dituela egiaztatzen duten aurtengo ziurtagiriak.
d)Eskatzaileak irekitako kontu korronte baten jabetasuna ziurtatuko duen agiria, diruetxe batek emana.
e)Jarduera Ekonomikoen gaineko Zergari buruzko ordainketak eguneraturik dituela egiaztatzen duen agiria.
f)1998ko Sozietateen gaineko Zerga aitorpenaren fotokopia edo urte horretako balantzeak.
g)Enpresak 1998. urtean egindako jarduerei buruzko memoria, bereziki produktu mota bakoitzaz (euskarazko liburuak, erdarazkoak, diskoak) eginiko salmentak (pezetatan) aipatuz.
h)Deialdi honi dagokion jarduerari egotzitako gastuen portzentaiazko estimazioa, 4.1 puntuan adierazitako kontzeptuen arabera zehazturik, erakundearen jarduera orokorrarekiko erlazioan.
i)Eusko Jaurlaritzako Hezkuntza, Unibertsitate eta Ikerketa Sailaren 1998ko EIMA 1 programan sartutako tituluen zerrenda.
j)1998an argitaratutako testu liburu bakoitzeko ale bana. Ale horiek Gipuzkoako Foru Aldundiaren esku geldituko dira.
Baldin galdatzen diren agirietakoren bat administrazio jardulearen organoren batera ordurako iritsita badago, eskatzaileak erabil dezake 30/1992 Legeak, Herri Administrazio Guztien Zuzenbide Arauen eta Administrazio Jardunbidearenak, 35. artikuluko f) paragrafoan agintzen duena, baina agiriak zein egun, organo edo bulegotan jaso edo nondik bidali diren adierazita, eta horien prozedura bukatu zela bost urte baino gehiago igaro ez bada.
Agiria eskuratu ezin denean, organo eskudunak eskatzaileari esan diezaioke berak aurkez dezala, edo agiri hori ezin bada, agirian dauden beharkizunak beste nolabait ziurta ditzala, ebazpen proposamena egin baino lehen.
Diru laguntza deialdi honetan eskabideak aurkezteko epea oinarri hauek Gipuzkoako Aldizkari Ofizialean argitaratu eta biharamunean hasi, eta 1999ko martxoaren 12an amaituko da.
Eskabideak aurkeztu beharreko ereduak Kultura eta Euskara Departamentuko bulegoetan eskura daitezke, eta Gipuzkoako Foru Aldundiaren erregistro bulego propio nahiz itunduetan aurkeztu behar dira, azaroaren 26ko 30/1992 Legeak, Herri Administrazio Guztien Zuzenbide Arauen eta Administrazio Jardunbidearenak, 38.4 artikuluan xedatutako beste edozein bide baztertu gabe.
Eskatzaileak aurkeztutako agiriak osatu gabe daudela edota oinarri hauek exigitutako beharkizunak betetzen ez dituztela egiaztatzen denean, interesatuari hamar eguneko epean akatsak zuzendu edo behar diren agiriak ekar ditzala eskatuko zaio. Horrela egiten ez badu, bere eskaerari uko egin diola iritziko zaio eta eskabidea besterik gabe artxibatuko da, Herri Administrazio Guztien Zuzenbide Arauen eta Administrazio Jardunbidearen Legeak 42.1 artikuluan jasotako ondorioekin.
4.Laguntza kopurua finkatzeko irizpideak.
Eskaera orrian bildutako datuen arabera, argitaletxe bakoitzari dagokion diru laguntzaren kopurua finkatzeko irizpide hauek hartuko dira kontuan:
4.1. Oinegitura gastuak Z1.
Oinegitura gastuetan ondoko kontzeptuak sartuko dira:
—1.1. Langileria gastuak:
11. Langile finkoak (V1).
12. Langile ez-finkoak (V2).
—1.2. Funtzionamendu gastuak (V3):
21. Bulego gastu arruntak.
22. Higiezin gastuak.
23. Komunikazioak.
24. Joan-etorriak, bidaiak, egonaldi gastuak.
25. Funtzionamendu gastu bereziak.
26. Inbertsioen mantenu eta konponketa arrunta.
—1.3. Inbertsioak (V4):
31. Orubeak.
32. Eraikuntzak.
33. Makineria (teknologia berriak).
34. Altzariak.
35. Garraiobideak.
Kontzeptu hauek ondoko eran baloratuko dira Z1 parametroa finkatzeko:
Z1 = B1V1 + B2V2 + B3V3 + B4V4
B horiek ponderazio indizeak dira, eta kasuan kasuko balio hauek izango dituzte:
Vi kontzeptua Bi indize balioa
11 1
12 0,8
21etik 26ra 0,3
31 0,1
32 0,1
33 1,2
34 0,4
35 0,1
Dena dela, 2. kontzeptuan (funtzionamendu gastuak), ez da pertsonal finkoaren kontzeptuan jasotako kopuruaren % 35 baino handiagokorik onartuko.
4.2. Lan etekina Z2.
Parametro honek argitaletxe bakoitzak oinegitura gastu jakin batez, zenbateko ikasmaterialgintza ekoiztu duen neurtzen du. Parametro hau baloratzeko formula hau erabiliko da:
PBi
Zi1
PB1+PB2+PB3+ ... +PBn
Zi2 =
Z11+Z21+Z31+ ... +Zn1
Oharrak:
PB: Produkzio bolumena; balioa finkatzeko Eusko Jaurlaritzako Hezkuntza, Unibertsitate eta Ikerketa Sailak euskal ikasmaterialgintzaren produkziorako laguntza planean erabilitako irizpideen arabera egingo da.
Formularen izendatzaileak hauxe adierazi nahi du: Argitaletxe guztiek beren batez bestekoan oinegitura gastu unitate bakoitzeko zenbateko produkzio bolumena sortu duten.
Beraz, Z2 parametro honek zuzenketa indize gisan jokatzen du, oinegitura gastu berdinarekin produkzio handiagoa bultzatzen duen argitaletxea lehenetsiz.
Formula osoaren baitan, Z2 parametro honek 0,5 balioko ponderazio indizea izango du. (ikus 5. oinarria).
4.3. Lehentasun indizea Z3.
Eusko Jaurlaritzako Hezkuntza, Unibertsitate eta Ikerketa Sailak euskal ikasmaterialgintzaren produkziorako laguntza planean finkatutako irizpideak kontuan izanik, 1, 0,9, 0,8 eta 0,7 balioak har ditzake parametro honek. Formula osoaren baitan Z3 parametro honek 0,5 balioko ponderazio indizea izango du (ikus 5. oinarria).
5.Laguntza kopurua finkatzea.
Argitaletxe bakoitzari dagokion diru laguntzazko kopuru zatia (KZ) finkatzeko formula hau erabiliko da:
KZi = Zi1 (0,5Zi2 + 0,5Zi3)
Diru laguntza zehatza (DL), azkenik, Gipuzkoako Foru Aldundiko Kultura eta Euskara Departamentuak xede honetarako ezarria duen 0920.200.770.00.00.00 aurrekontu sailetik (AK) gehienez hamabost milioi (15.000.000) pezetako (90.151,82 euro)kreditua diruz laguntzekoak izan daitezkeen proposamen guztien artean proportzionalki banatuz erabakiko da:
KZi
DLi = AK
SKZi
6.Laguntzak ematea.
Diru laguntzak lehiakortasun printzipioan oinarritutako erregimenean emango dira, aurreko puntuetan adierazitako baldintzen arabera, eta eskaera orrietann nahiz gainerako agirietan aurkeztutakoaren arabera. Horretarako, eskabideak aztertu eta ebaluatuko dituen epaimahaia izango da, kide hauek osaturik: Euskararen Normalkuntzako zuzendari nagusia, Eusko Jaurlaritzako Hezkuntza, Unibertsitate eta Ikerketa Sailak izendatutako teknikari bat, Euskararen Normalkuntza eta Sustapeneko atalburua, eta Kultura eta Euskara Departamentuko teknikari bat. Epaimahai horrek egoki irizten badio, agiri osagarri gehiago aurkez ditzatela galdegin diezaieke eskatzaileei.
Kultura eta Euskara Departamentuko organo eskudunak, epaimahaiaren proposamenak entzunez, deialdia ebatziko du eta hutsik dagoela ere erabaki dezake. Ebazpenean azalduko da nori eman zaizkion diru laguntzak, diru laguntzaren zenbatekoa, eta diru laguntza emateko gainerako baldintzak.
Interesaturikoei ebazpena jakinarazteaz gain, Gipuzkoako Aldizkari Ofizialean diru laguntza emandakoen izena eta kopuruen esleipen laburpena argitaratuko da.
Deialdia ebazteko epea sei hilabetekoa izango da, eskaerak aurkezteko epea amaitu eta biharamunetik aurrera
Aurkeztutako eskaera guztiei buruz berariazko ebazpena emateko organo eskudunak daukan derrigortasunaren kalterik gabe eta 30/1992 Legeak, Herri Administrazio Guztien Zuzenbide Arauen eta Administrazio Jardunbidearenak, 71.1 artikuluan agindutakoa izan ezik, ebazpena emateko epea amaitzen denean organo eskudunak berariazko ebazpenik emango ez balu, eskaera ezetsitzat joko litzateke, aipatutako Legeak 43. eta 44. artikuluetan ezarritako ustezko egintzei buruzko arauak betearaziz.
Aurreko paragrafoak adierazitako ustezko ebazpenak eraginkorrak izatearren, 30/1992 Legeak, Herri Administrazio Guztien Zuzenbide Arauen eta Administrazio Jardunbidearenak, 44. artikuluan jasotako ziurtapena eman behar da 20 eguneko epean, ziurtapen eskaera egin zenetik edo, ziurtapena emateko eskatu delarik, aipatu epea bukatu ondoren hori ez ematea.
Ziurtapena emateko epean zehar eskabidearen mamiaz ebatzi daiteke espresuki, diru laguntzaren arau erregulatzaileari jarraiki, eta ziurtapena jaso behar duen ebazpenari eman zaizkion ondorioei lotuta egon gabe.
7.Onuradunaren beharkizunak.
Diru laguntza hauen onuradunak beharkizun hauek izango ditu:
a)Diru laguntza emateko oinarri den ekintza burutzea edo jokabidea hartzea.
b)Kultura eta Euskara Departamentuak egingo dituen ikuskapen lanetara, Gipuzkoako Lurralde Historikoko Finantza eta Aurrekontu Arauei buruzko Foru Arauak 105. artikuluan agindutako finantzaren kontrol lanetara eta Euskal Kontuen Epaitegiko legeek ikusitako lanetara meneratzea.
c)Edozein herri administraziok edo erakunde publikok nahiz pribatuk helburu berarekin emandako diru laguntzen berri ematea Kultura eta Euskara Departamentuari.
8.Aldaketak.
Diru laguntza emateko kontuan hartu diren baldintzetan edozein aldaketa gertatzeak, eta nolanahi ere, subentzio hauekin batera beste herri administrazio edo erakunde publiko nahiz pribatuek emandako laguntzak jasotzeak diru laguntza emateari buruzko ebazpena aldatzea ekar lezake.
9.Araututakoa ez betetzea.
Onuradunek jaso duten diru zenbatekoa itzuli eta, hala behar denean, berandutza interesak diru laguntza jaso denetik ordaindu beharko dituzte kasu hauetan:
a)Jasotako diru kopurua zuritzeko beharkizuna betetzen ez dutenean.
b)Diru laguntza eskuratzeko behar diren baldintzak betetzen ez dituztenean.
c)Diruz lagundutako jardueraren xedea betetzen ez dutenean.
Onuradunek itzuli behar lituzketen diru zenbatekoak zuzenbide publikoko dirusarreratzat hartuko dira.
10.Interpretazioa.
Oinarri hauen interpretazioari buruz sor litekeen edozein zalantza Kultura eta Euskara Departamentuak ebatziko du.
II. ERANSKINA
Gipuzkoako Lurralde Historikoko ikastetxeetan zabaltzearren euskaraz argitaratutako liburuak hautatzea arautzen duten oinarriak (EULI 1999).
1.Xedea.
Deialdi honen xedea euskaraz argitaratutako liburuen hautespen prozedura arautzea da, gero liburu horiek Gipuzkoako Lurralde Historikoko ikastetxeei dohaintza gisa banatzeko, Gipuzkoan liburugintzan ari diren argitaletxeen jarduerari sustapen eta diru laguntza bideak eman nahirik.
2.Oinarri hauek arautzen duten gaia.
Oinarri hauetan arautzen den hautapena 1998ko urtarrilaren 1etik abenduaren 31ra bitarteko epean argitaratutako euskarazko liburuei dagokie.
3.Onuradunak.
Oinarri hauek arautzen duten programan sartzeko eskaera egin ahal izango dute helbide sozial eta fiskala Gipuzkoan izanik euskarazko liburuak argitaratzen dituzten pertsona fisiko eta juridikoek, horretarako behar diren lege eskakizunak betetzen baldin badituzte.
4.Oinarrizko beharkizunak.
Deialdi honetan sartu ahal izateko, liburu guztiek Jabetza Intelektualari buruzko Legearen testu baterabildua onartu zuen apirilaren 12ko 1/1996 Errege Dekretu Legegileak ezarritako beharkizunak, bai eta ISBN eta lege gordailua jasotzeko legezko tramiteak ere bete beharko dituzte.
5.Baztertzeak.
Ezin izango dira deialdi honetan sartu jarraian adierazten diren ataletakoren batean barne hartuta dauden liburuak:
a)Liburuzaleen liburuak.
b)Ente publikoek edo horiek finantziatzen dituzten entitateek argitaratutako argitarapenak.
c)Banketxe edo aurrezki kutxek argitaratutakoak.
d)Dohain banatzen direnak.
e)Liburu klub edo antzekoek beren bazkideentzat argitaratzen dituztenak.
f)Epeka saltzen diren liburuak.
g)Ia testurik gabeko haurrentzako liburuak.
h)Ebakitzeko diren liburuak.
i)Ikasgai arautu eta jakinei lotutako testuliburuak; entziklopediak eta hiztegiak.
j)Eguneratu edota handitu ez diren berrargitarapenak.
k)Itzulpenak, kultura unibertsalaren altxorrean sartzen direnak izan ezik.
6.Laguntzen bateragarritasuna.
Deialdi honetan aurrikusita dauden laguntzak bateragarriak izango dira beste edozein erakunde publiko edo pribatuk xede berarekin emandako laguntzekin.
7.Eskaerak aurkeztea.
Deialdi honetan parte hartu nahi duten interesatuek agiri hauek aurkeztu beharko dituzte Gipuzkoako Foru Aldundiko Kultura eta Euskara Departamentuan:
a)Eskaera orri eredua; bertan, proposatutako liburuak hezkuntza mailen arabera argi eta garbi azalduko dira sailkaturik, oinarri hauetako 8. puntuan xedatutakoari jarraituz.
b)Identifikazio Fiskaleko Kodearen fotokopia.
c)Zerga betebeharrak eta Gizarte Segurantzarekikoak egunean dituela egiaztatzen duten aurtengo ziurtagiriak.
d)Eskatzaileak irekitako kontu korronte baten jabetasuna ziurtatuko duen aurtengo agiria, diruetxe batek emana.
e)Liburu bakoitzeko ale bana; ale horiek Gipuzkoako Foru Aldundiaren esku geldituko dira.
Baldin galdatzen diren agirietakoren bat administrazio jardulearen organoren batera ordurako iritsita badago, eskatzaileak erabil dezake 30/1992 Legeak, Herri Administrazio Guztien Zuzenbide Arauen eta Administrazio Jardunbidearenak, 35. artikuluko f) paragrafoan agintzen duena, baina agiriak zein egun, organo edo bulegotan jaso edo nondik bidali diren adierazita, eta horien prozedura bukatu zela bost urte baino gehiago igaro ez bada.
Agiria eskuratu ezin denean, organo eskudunak eskatzaileari esan diezaioke berak aurkez dezala, edo agiri hori ezin bada, agirian dauden beharkizunak beste nolabait ziurta ditzala, ebazpen proposamena egin baino lehen.
Deialdi honetan eskabideak aurkezteko epea oinarri hauek Gipuzkoako Aldizkari Ofizialean argitaratu eta biharamunean hasi, eta 1999ko martxoaren 12an amaituko da.
Eskabideak aurkeztu beharreko ereduak Kultura eta Euskara Departamentuko bulegoetan eskura daitezke, eta Gipuzkoako Foru Aldundiaren erregistro bulego propio nahiz itunduetan aurkeztu behar dira, azaroaren 26ko 30/1992 Legeak, Herri Administrazio Guztien Zuzenbide Arauen eta Administrazio Jardunbidearenak, 38.4 artikuluan xedatutako beste edozein bide baztertu gabe.
Eskatzaileak aurkeztutako agiriak osatu gabe daudela edota oinarri hauek exigitutako beharkizunak betetzen ez dituztela egiaztatzen denean, interesatuari hamar eguneko epean akatsak zuzendu edo behar diren agiriak ekar ditzala eskatuko zaio. Horrela egiten ez badu, bere eskaerari uko egin diola iritziko zaio eta eskabidea besterik gabe artxibatuko da, Herri Administrazio Guztien Zuzenbide Arauen eta Administrazio Jardunbidearen Legeak 42.1 artikuluan jasotako ondorioekin.
8.Ebaluazioa eta ebazpena.
Eskabideak aztertu eta ebaluatuko dituen epaimahaia izango da, kide hauek osaturik: Euskararen Normalkuntzako zuzendari nagusia, Eusko Jaurlaritzako Hezkuntza, Unibertsitate eta Ikerketa Sailak izendatutako teknikari bat, Euskararen Normalkuntza eta Sustapeneko atalburua eta Kultura eta Euskara Departamentuko teknikari bat. Epaimahaiak egoki irizten badio, agiri osagarri gehiago aurkez ditzatela galdegin diezaieke eskatzaileei. Horren ondoren, epaimahaiak proposatuko dio Kultura eta Euskara Departamentuko organo eskumendunari zein liburu erosi, bai eta liburu horiek zein eskoletara bidali beharko diren ere.
Aukera hori egiterakoan liburu bakoitzak duen interesa kontuan hartu eta hiru taldetan sailkatuko dira:
a)Lehen hezkuntzako ikasleentzat egokiak direnak;
b)Bigarren hezkuntzako nahiz batxilergoko ikasleentzat egokiak direnak;
c)Unibertsitateko ikasleentzat egokiak direnak.
9.Onuradunen beharkizunak.
Programa honetako onuradunen beharkizunak dira:
a)Aukeratu den liburu bakoitzeko ale bana adieraziko zaizkion ikastetxeetara bidaltzea, 1999ko urriaren 8a baino lehenago.
b)Programa honetan barne hartzen diren liburu guztiei eranskailu bana jartzea, Gipuzkoako Foru Aldundiko Kultura eta Euskara Departamentuak emandako ereduaren arabera.
c)Banatutako liburu guztien izenean faktura bakarra egitea eta Gipuzkoako Foru Aldundiko Kultura eta Euskara Departamentura bidaltzea, 1999ko urriaren 22baino lehenago.
Liburu bakoitzak kalean duen salneurria erabiliko da fakturazioan, zerga eta gastu guztiak barruan dituela.
d)Esleipendun bakoitzak eskola bakoitzeko albaran bat aurkeztu beharko du fakturarekin batera. Honako datuok jasoko dira albaranean:
—Ikastetxearen izena.
—Emandako liburuen izenburuak.
—Data.
—Liburuak jaso dituen pertsonaren izena, kargua eta sinadura, eta ikastetxearen zigilua.
10.Araututakoa ez betetzea.
Arestian aipatutako obligazioren bat betetzen ez bada, Gipuzkoako Foru Aldundiko Kultura eta Euskara Departamentuak ordaindu gabe utz lezake esleitu den zenbateko osoa edo horren zati bat.
11.Interpretazioa.
Oinarri hauen interpretazioari buruz sor daitekeen edozein zalantza Kultura eta Euskara Departamentuak ebatziko du.
12.Aurrekontua, programa eta partida.
Deialdi hau burutzeko hasiera batean xedatutako kopuruak aurrekontu erabileren arabera aldatu ahal izango dira, kredituen lotespen nahiz transferentzien erregimena erregulatzen duen araudiaren arabera, eta 0920.200.770.00.00.00 aurrekontu sailari egotziko zaizkio 13.000.000 pezetako (78.131,57 euro) zenbatekoz.
III. ERANSKINA
Gipuzkoako Lurralde Historikoko udaletan zabaltzearren euskaraz argitaratutako ikus-entzunezko materialak hautatzea arautzen duten oinarriak (EUBI 1999).
1.Xedea.
Deialdi honen xedea euskaraz ekoiztutako ikus-entzunezko materialak hautatzeko prozedura arautzea da, gero material horiek Gipuzkoako Lurralde Historikoko kultur etxe, zentro eta gisakoei dohaintza gisa banatzeko, Gipuzkoan gisa horretako materialgintzan ari diren argitaletxeen jarduerari sustapen eta diru laguntza bideak eman nahirik.
2.Oinarri hauek arautzen duten gaia.
Oinarri hauetan 1998ko urtarrilaren 1etik abenduaren 31ra bitarteko epean euskaraz ekoiztutako material mota hauek sartzen dira:
a)Bideokasetak.
b)Diskoak.
c)Audio kasetak.
d)CD euskarriak.
e)CD-ROM euskarriak.
3.Onuradunak.
Oinarri hauek arautzen duten programan sartzeko eskaera egin ahal izango dute helbide sozial eta fiskala Gipuzkoako Lurralde Historikoan izanik bigarren oinarrian aipatutako materialak euskaraz ekoizten dituzten pertsona fisiko eta juridikoek, horretarako behar diren lege eskakizunak betetzen baldin badituzte.
4.Oinarrizko beharkizunak.
Deialdi honetan sartu ahal izateko, material guztiek Jabetza Intelektualari buruzko Legearen testu baterabildua onartu zuen apirilaren 12ko 1/1996 Errege Dekretu Legegileak ezarritako beharkizunak, bai eta legeetan ezarritako gainerako beharkizunak ere bete beharko dituzte.
5.Baztertzeak.
Ezin izango dira deialdi honetan sartu jarraian adierazten diren ataletakoren batean barne hartuta dauden materialak:
a)Ente publikoek edo horiek finantziatzen dituzten entitateek ekoiztu edota argitaratutako materialak.
b)Banketxe edo aurrezki kutxek ekoiztu edota argitaratutako materialak.
c)Epeka saltzen diren material bildumak.
d)Dohain banatzen direnak.
e)Entziklopedia, bilduma, aldizkari edo egunkariekin batera saldu edo banatzen direnak.
f)Irudi edo musika hutsez eta hitzik gabeko materialak, disko eta CDetan izan ezik.
g)Ikasgai arautu jakinen bati lotutakoak eta berariaz hezkuntzaren alorrean erabiltzeko ekoiztutako materialak.
Literatur liburuekin batera saltzen diren ikus-entzunezko materialak deialdiaren barruan gelditzen dira, 8. oinarrian aipatzen den epaimahaiaren proposamenen arabera.
6.Laguntzen bateragarritasuna.
Deialdi honetan aurrikusita dauden laguntzak bateragarriak izango dira beste edozein erakunde publiko edo pribatuk xede berarekin emandako laguntzekin.
7.Eskaerak aurkeztea.
Deialdi honetan parte hartu nahi duten interesatuek agiri hauek aurkeztu beharko dituzte Gipuzkoako Foru Aldundiko Kultura eta Euskara Departamentuan:
a)Eskaera orri eredua.
b)Identifikazio Fiskaleko Kodearen fotokopia.
c)Zerga betebeharrak eta Gizarte Segurantzarekikoak egunean dituela egiaztatzen duten aurtengo ziurtagiriak.
d)Eskatzaileak irekitako kontu korronte baten jabetasuna ziurtatuko duen aurtengo agiria, diruetxe batek emana.
e)Ikus-entzunezko material bakoitzeko ale bana; ale horiek Gipuzkoako Foru Aldundiaren esku geldituko dira.
Baldin galdatzen diren agirietakoren bat administrazio jardulearen organoren batera ordurako iritsita badago, eskatzaileak erabil dezake 30/1992 Legeak, Herri Administrazio Guztien Zuzenbide Arauen eta Administrazio Jardunbidearenak, 35. artikuluko f) paragrafoan agintzen duena, baina agiriak zein egun, organo edo bulegotan jaso edo nondik bidali diren adierazita, eta horien prozedura bukatu zela bost urte baino gehiago igaro ez bada.
Agiria eskuratu ezin denean, organo eskudunak eskatzaileari esan diezaioke berak aurkez dezala, edo agiri hori ezin bada, agirian dauden beharkizunak beste nolabait ziurta ditzala, ebazpen proposamena egin baino lehen.
Deialdi honetan eskabideak aurkezteko epea oinarri hauek Gipuzkoako Aldizkari Ofizialean argitaratu eta biharamunean hasi, eta 1999ko martxoaren 12an amaituko da.
Eskabideak aurkeztu beharreko ereduak Kultura eta Euskara Departamentuko bulegoetan eskura daitezke, eta Gipuzkoako Foru Aldundiaren erregistro bulego propio nahiz itunduetan aurkeztu behar dira, azaroaren 26ko 30/1992 Legeak, Herri Administrazio Guztien Zuzenbide Arauen eta Administrazio Jardunbidearenak, 38.4 artikuluan xedatutako beste edozein bide baztertu gabe.
Eskatzaileak aurkeztutako agiriak osatu gabe daudela edota oinarri hauek exigitutako beharkizunak betetzen ez dituztela egiaztatzen denean, interesatuari hamar eguneko epean akatsak zuzendu edo behar diren agiriak ekar ditzala eskatuko zaio. Horrela egiten ez badu, bere eskaerari uko egin diola iritziko zaio eta eskabidea besterik gabe artxibatuko da, Herri Administrazio Guztien Zuzenbide Arauen eta Administrazio Jardunbidearen Legeak 42.1 artikuluan jasotako ondorioekin.
8.Ebaluazioa eta ebazpena.
Eskabideak aztertu eta ebaluatuko dituen epaimahaia izango da, kide hauek osaturik: Euskararen Normalkuntzako zuzendari nagusia, Euskararen Normalkuntza eta Sustapeneko atalburua, Kultura eta Euskara Departamentuko teknikari bat, eta ikus-entzunezkoen alorreko aditu bat. Epaimahaiak egoki irizten badio, agiri osagarri gehiago aurkez ditzatela galdegin diezaieke eskatzaileei. Horren ondoren, epaimahaiak proposatuko dio Kultura eta Euskara Departamentuko organo eskumendunari zein material erosi, bai eta material horiek zein udaletara bidali beharko diren ere.
Hautapena egiteko ikus-entzunezko material bakoitzak euskararen erabilera hedatu eta sustatzeko duen egokitasuna izango da kontuan. Halaber, balio berezia emango zaie gipuzkoar sortzaileen (idazle, musikari, bertsolari, kantari, eta abar) berri ematen duten materialei, eta Gipuzkoako historia edo kulturaren alderdiren bat azaldu edo nabarmentzen duten materialei.
Musikazko materialen kasuan (CD, kasetak eta diskoak) berariaz baloratuko dira euskarazko hitzekin batera doazenak, euskal musika tresna tradizionalez osatutakoak eta, oro har, Euskal Herrian sortutako musikaren hedapen lanean laguntzaile diren materialak.
9.Onuradunen beharkizunak.
Programa honetako onuradunen beharkizunak dira:
a)Aukeratu den material bakoitzeko ale bana adieraziko zaizkion udaletara bidaltzea, 1999ko urriaren 8a baino lehenago.
b)Programa honetan barne hartzen diren material guztiei eranskailua jartzea, Kultura eta Euskara Departamentuak emandako ereduaren arabera.
c)Banatutako material guztien izenean faktura bakarra egitea eta Gipuzkoako Foru Aldundiko Kultura eta Euskara Departamentura bidaltzea, 1999ko urriaren 22a baino lehenago.
Material bakoitzak kalean duen salneurria erabiliko da fakturazioan, zerga eta gastu guztiak barruan dituela.
d)Esleipendun bakoitzak udal bakoitzeko emate-agiri bat aurkeztu beharko du fakturarekin batera. Honako datuok jasoko dira emate-agirian:
—Udalaren izena.
—Emandako materialen izenburuak.
—Data.
—Materialak jaso dituen pertsonaren izena, kargua eta sinadura, eta udalaren zigilua.
10.Araututakoa ez betetzea.
Arestian aipatutako obligazioren bat betetzen ez bada, Gipuzkoako Foru Aldundiko Kultura eta Euskara Departamentuak ordaindu gabe utz lezake esleitu den zenbateko osoa edo horren zati bat.
11.Interpretazioa.
Oinarri hauen interpretazioari buruz sor daitekeen edozein zalantza Kultura eta Euskara Departamentuak ebatziko du.
12.Aurrekontua, programa eta partida.
Deialdi hau burutzeko hasiera batean xedatutako kopuruak aurrekontu erabileren arabera gehitu eta kredituen lotespen nahiz transferentzien erregimena erregulatzen duen araudiaren arabera aldatu ahal izango dira, eta 0920.200.770.00.00.00 aurrekontu sailari egotziko zaizkio 3.000.000 pezetako (18.030,36 euro) zenbatekoz.