Gipuzkoako Aldizkari Ofiziala
|
23. zenbakia
|
Data 1998-02-05
|
1377 orria
|
4 GIPUZKOAKO LURRALDE HISTORIKOKO ADMINISTRAZIOA
ALDUNDIA - OGASUNA ETA FINANTZAK
Zumaiako Udalaren eta Aldundiaren arteko lankidetza/eskuordespen hitzarmena, ondasun higiezinen eta jarduera ekonomikoen zergen kudeaketari buruzkoa
OGASUN ETA FINANTZA DEPARTAMENTUA Zumaiako Udalaren eta Gipuzkoako
Foru Aldundiaren arteko lankidetza eta delegazio hitzarmenak onartzea, udalak
Ondasun Higiezinen gaineko Zerga eta Jarduera Ekonomikoen gaineko Zerga
kudeatzeko. 1994ko urriaren 18an Diputatuen Kontseiluak hitzarmen eredu
batzuk onartu zituen, Gipuzkoako Lurralde Historikoko udalek delegazio edota
lankidetza maila desberdinen artean aukeratu ahal izan zezaten ordaintzeko
borondatezko epean nola epe exekutiboan, Jarduera Ekonomikoen gaineko Zerga eta
Ondasun Higiezinen gaineko Zerga kudeatzeko. Udalek eta Aldundiak
hitzarmen horiek sinatu ondoren, ereduak oso-osorik eman ziren argitara, aukera egin
zuten udalen zerrendarekin batera. 1997an ondorioak izateko sinatu ziren
hitzarmen guztiak 1998. urterako luzatutzat hartzen dira, Zumaiako Udalarekin
hitzartutakoak izan ezik. Udal horrek, izan ere, hitzarmenaren salaketa jakinarazi zuen
eta, Udalbatzarrak 1997ko abenduaren 23an hala erabaki eta gero, honako hitzarmen
hauek izenpetu ditu Gipuzkoako Foru Aldundiarekin 1998. urterako: -
Lankidetza eta delegazio hitzarmena, Udalak Ondasun Higiezinen gaineko Zerga
kudeatzekoa (testua Gipuzkoako Foru Aldundiaren eta udalen arteko hitzarmenak
onartzeari buruzko iragarkiaren I. eraskin moduan argitaratu zen. 1995eko otsailaren
28ko Gipuzkoako ALDIZKARI OFIZIALEAN, 40 zki.a). -Lankidetza eta
delegazio hitzarmena, Udalak Jarduera Ekonomikoen gaineko Zerga kudeatzekoa
(testua aurreko parrafoan aipatu den iragarkiaren V. eraskin moduan argitaratu zen).
Hau guztia jakinarazten da uztailaren 5eko 12/1989 Foru Arauak, Ondasun
Higiezinen gaineko Zergarenak, bigarren xedapen gehigarrian esandakoa eta
apirilaren 20ko 1/1993 Foru Dekretu Arauemaileak, Jarduera Ekonomikoen gaineko
Zergaren Testu Bateratua onartzekoak, bigarren xedapen gehigarrian jasotakoa betez.
Donostia, 1998ko urtarrilak 22.-M.ª Jesús Pérez, Idazkari
Teknikoak. (1602)(843)