Gipuzkoako Aldizkari Ofiziala
|
23. zenbakia
|
Data 1996-02-01
|
1326 orria
|
4 GIPUZKOAKO LURRALDE HISTORIKOKO ADMINISTRAZIOA
Gipuzkoako Foru Aldundia
Legazpiko Udalaren eta Gipuzkoako Foru Aldundiaren arteko Lankidetza eta Eskuordetza Hitzarmenak onartzea, Udalak Ondasun Higiezinen Gaineko Zerga eta Iharduera Ekonomikoen
OGASUN ETA FINANTZA DEPARTAMENTUA Legazpiko Udalaren eta Gipuzkoako Foru
Aldundiaren arteko Lankidetza eta Eskuordetza Hitzarmenak onartzea, Udalak Ondasun Higiezinen
Gaineko Zerga eta Iharduera Ekonomikoen Gaineko Zerga Kudeatzeko. 1994ko urriaren
18an Diputatuen Kontseiluak hitzarmen eredu batzuk erabaki zituen, Gipuzkoako udalek eskuordetza
edota lankidetza-maila desberdinak aukeratzeko asmoz, borondatezko epean nahiz derrigorrezko epean,
Iharduera Ekonomikoen gaineko Zerga eta Ondasun Higiezinen gaineko Zerga kudeatzean.
Udalek eta Aldundiak hitzarmen horiek sinatu ondoren, ereduak argitara eman ziren oso-osorik,
horietako bakoitza aukeratu zuten udalen zerrendarekin batera. 1995ean ondorioak izateko
sinatu ziren hitzarmen guztiak aurtengo urterako luzatutzat hartzen dira, Legazpiko Udalarekin
hitzartutakoak izan ezik. Udal horrek, hain zuzen ere, hitzarmenaren salaketa jakinarazi zuen,
Udalbatzarrak 1995eko abenduaren 27an erabaki hori hartu ondoren. Aitzitik, 1996. urterako ondoko
hitzarmenak izenpetu ditu Gipuzkoako Foru Aldundiarekin: -Lankidetza eta eskuordetza
hitzarmena, Udalak Ondasun Higiezinen gaineko Zerga kudeatzeko (Gipuzkoako Foru Aldundiaren eta
udalen arteko hitzarmenari buruzko iragarkiaren I. eraskin moduan argitaratu zen testu hori, 1995eko
otsailaren 28ko 40 zk.ko Gipuzkoako ALDIZKARI OFIZIALEAN). -Lankidetza eta
eskuordetza hitzarmena, Udalak Iharduera Ekonomikoen gaineko Zerga kudeatzeko (aurreko parrafoan
aipatutako iragarkiaren V. eraskin moduan argitaratu zen testu hori). Hau guztia jakinarazten
da uztailaren 5eko 12/1989 Foru Arauak, Ondasun Higiezinen gaineko Zergarenak, bigarren xedapen
gehigarrian eta apirilaren 20ko 1/1993 Foru Dekretu Arauemaleak, Iharduera Ekonomikoen gaineko
Zergaren Testu Bateratua onartzekoak, bigarren xedapen gehigarrian jasotakoa betez.
Donostia, 1996ko urtarrilak 22.-M.ª Jesús Pérez, Idazkari Teknikoak. (1145)(978)