es|eu 
i-gipuzkoa2010:Enpresak
ASP ereduko aplikazioak ezartzeko diru laguntzak.
Azalpena
ASP (Aplication Service Providers) aplikazio zerbitzuen hornitzailea softwareko negozio eredu bat da, bezeroei enpresa anitzentzako aplikazioetara (ERP sistemak, CRM irtenbideak, merkataritza elektronikoko aplikazioak, dokumentuen kudeaketa, aplikazio ofimatikoak, etab.) sartzeko aukera ematen dietena, erabiltzeko lagapen gisa. Aplikazio horiekin, enpresak hornitzaile beraz eta hardware eta softwareko azpiegitura berez baliatzen dira, eta Internet erabiltzen dute banaketarako kanal modura; ASP arduratzen da aplikazio horiek biltegiratzeaz (Application Hosting), bai eta bezero den enpresa horren informazio edo datuen administrazio, euskarri, mantenimendu eta segurtasunaz ere.
Hartzaileak
-
Onuradun izan daitezke egoitza soziala eta fiskala Gipuzkoan daukaten enpresa txikiak (<50 pertsona)
- Plan honen aplikazio eremutik kanpo gelditzen dira sozietate publikoak, zuzenbide publikoko entitateak eta teknologia zentroak.
Betebeharrak
- Proiektuek 2007ko irailaren 12etik aurrera hasiak behar dute izan.
- Diruz lagundutako ekintzek bat etorri beharko dute entitate onuradunaren jarduerarekin, eta enpresa eskatzailearekin inolako zerikusirik ez duten entitate edo enpresek egin beharko dituzte.
- Eskatzaileek Foru Ogasunarekiko eta Gizarte Segurantzarekiko betebeharretan egunean egon beharko dute.
- Gainera, entitate onuradunak i-gipuzkoa2010:Enpresak programako oinarri arautzaileen 4. artikuluko betebeharrei jaramon egin beharko die
Eskaeren aurkezpena
Eskaerak aurkezteko epea 2008ko apirilak 30ean bukatzen da.
Eskaerak telematika bidetik aurkez behar dira, baina sinadura elektronikoaren sistema ezartzen ez den bitartean, kopia sinatua bidali beharra dago Berrikuntzarako eta Jakintzaren Gizarterako Departamentura.
Eskaeren Atarian sartu baino lehen, eskaera egiteko argibideak imprimatzea gomendatzen dizuegu “Eskaera nola egin” esteka erabiliz.
Eskaerari erantsi behar zaizkion agiriak
Eskaera-orria bete ondoren, “Agiriak” atalea erabiliz, nahitaezkoa da aurkeztutako proiektuaren eskaintza ekonomikoa eranstea.
Eskatzen den dokumentazio osagarria (Ogasuna eta Gizarte Segurantzaren ziurtagiriak, ordainketak eguneratuta daudela adieraziz) aurkez daiteke:
- “Agiriak” atalean sartuta, fitxategi elektronikoetan erantsi
- Edo, eskaera kopia sinatuari erantsita korreo postalaren bidez bidali
Diru laguntzen zenbatekoa:
Emango diren diru laguntzak lehenengo urteko kostuei buruzkoak izango dira, eta enpresa bakoitzeko gehienez ere 5.000 eurokoak , enpresen tamainaren arabera honako muga hauek jarrita :
- Enpresa txikiak: kostuen %50 arte
- Mikroenpresak: kostuen %75 arte
Proeiktuen egiaztapena
- Enpresa onuradunek 12 hilabeterako gutxienez kontratatu beharko dituzte ASP zerbitzuak.
- ASP zerbitzuak kontratatzea, laguntza ematen deneko hurrengo hilean egin behar da, luzeenera jota .
- Proiektua bukatu dela egiaztatzeko, aski izango da urteko kontratuari dagokion faktura eta osorik ordaindu dela egiaztatzen duen agiria aurkeztea.
- Kasu guztietan entitate onuradunak bere Web ataria izan behar du diru laguntza ordaintzen den unean.
Araudia
2006ko uztailaren 18ko 32/2006 Foru Dekretua i-gipuzkoa2010:Enpresak diru laguntza programako oinarriak arautzen dituena.
i-gipuzkoa2010:Enpresak diru laguntza programako 2007ko deialdia
Oharrak
Eskaerak elkarrekiko lehiarik gabe ebatziko dira, aurrekontuko baliabideak
agortu arte. Ebazpenak eskaeren sarrera hurrenkeraren arabera emango dira
eta eskatzen zaien informazio guztia betetzen duten kontuan hartuta.
Harremana Aldundian:
Jesús Mari Eizagirre 943 113 989 (jeizagirre@gipuzkoa.net)
Ana Arbosa 943 113 190 ( aarbosa@gipuzkoa.net)
