Gipuzkoako Foru Aldundia

Gipuzkoako Atari Instituzionalaren logotipoa eta orri nagusirako esteka

Hizkuntzak

Giza eskubideak, enplegua eta gizarteratzerako departamentuaren egitura organikoa eta funtzionala

Maiatzaren 25eko 49/2004 Foru Dekretua, Giza Eskubideetarako, Enplegurako eta Gizarteratzeko Departamentuaren egitura organiko eta funtzionalari buruzkoa.

DEPARTAMENTUAREN EGINKIZUNAK ETA ESKUMENAK.

Giza Eskubideetarako, Enplegurako eta Gizarteratzeko Departamentuari eginkizun eta jarduera esparru hauek dagozkio:

  1. Gazteria eta garapen komunitarioa.
  2. Gazte egoitzak eta aterpetxeak.
  3. Babesik gabe dauden haurrak.
  4. Nazioarteko elkartasuna eta garapenerako lankidetza.
  5. Boluntarioen partehartzea.
  6. Gizartean baztertuta dauden pertsonen gizarteratzea.
  7. Kolektibo behartsuak lan munduan sartzea.
  8. Berdintasun politika.
  9. Giza eskubideen politika.
  10. Araudi aplikagarrian esleitzen zaizkion gainerako eskumenak.

Departamentuaren egitura organikora itzuli

GAZTERIA ETA KOMUNITATE EKINTZAKO ZUZENDARITZA NAGUSIAren eginkizunak eta jardun esparruak:

Departamentuaren egitura organikora itzuli

Haurren, Gazteen eta Garapenereako Lankidetzaren Zerbitzuaren eginkizunak:

  1. Ekintza osagarri eta beren artean koherenteak eta gizarte agenteekin batera koordinatuak egitea, gaztetxoei hezten eta gazte guztiak heldutasunera jokamolde aktiboan, osasungarrian, parte hartzaile eta elkartasunezkoan iristen lagunduko dietenak.
  2. Gipuzkoako haur eta gazteentzat zuzendutako gizarte, heziketa eta kultur zerbitzu eta ekipamenduen sare koherente eta zabala garatzea.
  3. Herrietako udalei eta mankomunitateei eta babesik gabe dauden haurrekin eta gazteekin lan egiten duten elkarteei baliabide ekonomikoak eta azpiegiturak ematea, azterketak eta argitalpenak egitea, informazio eta dokumentazioa ematea, hasierako prestakuntzan laguntzea, programei eta kudeaketari buruzko aholkua ematea, etengabeko prestakuntza eskaintzea eta lanen ebaluazio eta kontrola egitea, beharrezko baliabideak emateko proposatuz.
  4. Herrietako udalekin koordinazio ona edukitzea, udal tipologia ezberdinetarako eta eskualdeko lan ereduetarako estrategia ezberdinak giltzatuz eta, era berean, eskualdeetan lan ereduak ezarriz.
  5. Gipuzkoako gizartearen kultura eta heziketa ez formala sustatzea eta demokrazian sakontzen eta komunitate gisa garatzen laguntzea.
  6. Foru Aldundiaren aterpetxeak zaintzea.
  7. Haur eta gazteen egonaldietarako aterpetxe eta instalazioei dagokienez, Autonomia Erkidegoko arautegiak ematen dizkion ikuskatu eta kontrolatzeko zereginak betetzea.
  8. Haurren babesik gabeko egoeren jakinarazpenak ebaluatzea eta horien inguruan erabakiak hartzea. Sistemaren bat giltzatzea babesik gabeko egoeran edo egoteko arriskuan dauden adingabe guztiak aurkitzeko eta zer egin erabaki ahalik eta bermerik handienarekin egiteko.
  9. Adingabea bere ingurunean bizitzen jarrai dezan ahalegintzea, babesik gabeko egoera guztietatik irteten eta ezagutza, emozio eta gizarte mailako beharrak asetzen saiatuz.
  10. Prebentzio ekintzak egitea, Gipuzkoako haur eta gazteei sortzen zaizkien arrisku egoera eta beharrei erantzuten laguntzeko.
  11. Garapen lankidetzarako programa gauzatzea, gipuzkoarren elkartasun aktiboa eta bestelako kultur eta gizarte errealitateak ikuskatzeko balioko duena.
  12. Boluntarioak bultzatzea.
  13. Zerbitzuko kudeaketa sortzen ari diren beharrei egokitzea.

Departamentuaren egitura organikora itzuli

GIZARTERATZE ETA ENPLEGUKO ZUZENDARITZA NAGUSIAren eginkizunak eta jardun esparruak:

Departamentuaren egitura organikora itzuli

Gizarteratze eta Enpleguko Zerbitzuaren eginkizunak:

  1. Departamentuak ematen dituen prestazio ekonomikoak kudeatzea, kasuan kasu arautuko dituzten xedapen eta arautegiari jarraituz.
  2. Gizartetik kanporatuta edo kanporatzeko arriskuan dauden pertsonen eskaerak eta beharrak antzeman eta ebaluatzea.
  3. Gizartetik kanporatuta edo kanporatzeko arriskuan dauden pertsonentzako ekintzak eta programak diseinatu, gauzatu eta kudeatzea.
  4. Lan merkatuan txertatzeko zailtasun handienak dituzten taldeentzako enplegua sustatzeko ekintzak eta programak diseinatu, gauzatu eta kudeatzea.
  5. Gizarteratzeko eta lan munduan sartzeko zerbitzuak udalekin eta elkarte lankideekin kontzertatzeko programa diseinatu, koordinatu eta ebaluatzea.
  6. Aukeren berdintasuna bultzatzeko ekintzak eta programak diseinatu, gauzatu eta kudeatzea.
  7. Giza eskubideez sentsibilizatzeko ekintzak eta programak diseinatu, gauzatu eta kudeatzea.
  8. Ezintasunen bat duten pertsonak gizarteratzen behar diren baliabideak diseinatu, gauzatu eta kudeatzea.
  9. Familiari arreta eta laguntza emateko programak diseinatu, gauzatu eta kudeatzea.
  10. Zerbitzuari emandako eskumenen barruan, oinarrizko gizarte zerbitzuentzako laguntza teknikoa kudeatzea.
  11. Udalekin batera gizarte zerbitzuen mapa landu eta eguneratzea, zerbitzuak dituen eskumenen barruan.
  12. Departamentuak atxikita dituen Foru Aldundiaren ekipamenduak kudeatzea, haiek erabiltzen dituztenei behar bezalako arreta eskainiz.
  13. Kulturen arteko harremana eta inmigranteak gizarteratzea sustatzeko ekintza eta programak diseinatu, gauzatu eta kudeatzea.
  14. Arriskuan edo baztertuta geratzeko egoera dauden pertsonei banakako dirulaguntzen planak programatu eta kudeatzea, eskaerak aztertuz eta erabakitzeko proposamenak eginez.

Departamentuaren egitura organikora itzuli

IDAZKARITZA TEKNIKOA:

Departamentuko Idazkaritza Teknikoa foru diputatuaren menpean egongo da hierarkikoki eta zuzendarienean funtzionalki, eta 1984ko maiatzaren 30eko 3/84 Foru Arauak[1], Gipuzkoako lurralde historikoaren Gobernu eta Administrazioari buruzkoak, 34. artikuluan aipatzen dituen eginkizunak beteko ditu.

Bereziki, eta departamentuak dituen eskumenen barruan, eginkizun hauek ditu Idazkaritzak:

  1. Departamentuko sistema informatikoa zerbitzuekin koordinatzea eta, halaber, departamentu osoarentzat interesa duten programa berriak jartzea eta gauzatzea.
  2. Ebatzi behar dituzten organoetara helarazten diren egintza eta ebazpen guztien legezko kontrola eta Herri Administrazioen Kontratuen Legeriaren mendean dauden espedienteen kudeaketa ere.
  3. Departamentuaren eskumeneko diren arauzko xedapenak aztertu, egin eta jarraitzeko lana zuzentzea, sustatzea eta gainbegiratzea.
  4. Departamenduaren eskumeneko gaietan eta foru diputatu andrearen edo zuzendari nagusien zuzendaritzapean, xedapen orokorrei buruzko proiektuak eta beste herri administrazioekin eta erakunde publiko edo pribatuekin hitzartu behar diren lankidetza hitzarmenak eta/edo protokoloak egitea.
  5. Foru diputatuari eta departamentuko gainerako organoei lege aholkularitza eskaintzea, eskatzen dizkioten txostenak egin eta kontsultei erantzunez.
  6. Departamentuko Erregistro Orokorra, Agiritegia eta Fede Publikoa.
  7. Departamentuaren aurrekontuetako aurreproiektua egitea, zerbitzuak eta zuzendaritzak koordinatuta.
  8. Departamentuaren jarduera ekonomikoa kudeatzea, tramitatzea eta kontabilitatez kontrolatzea.
  9. Foru Administrazioaren Kalitaterako Departamentuarekiko elkarlanean, pertsonen eta prozeduren kudeaketaren antolaketa, hobekuntza eta arrazionalizazioa koordinatu eta bultzatzea: Prestakuntza, giza baliabideei buruzko planak, kalitate planak, prebentzioa eta laneko osasuna, produktibitatea, departamentu harenak diren eskumenak baztertu gabe.
  10. Bere lan esparruan, egotziko edo eskuordetuta emango dizkioten gainerako eginkizunak.

Departamentuaren egitura organikora itzuli


1. oharra: 3/1984 Foru Araua indargabetua dago. Foru Arau horren 34. artikuluaren ordezkoa 2005eko uztailaren 12ko 6/2005 Foru Arauaren, Gipuzkoako Lurralde Historikoaren Erakunde Antolaketari, Gobernuari eta Administrazioari buruzkoaren. 64.3 artikulua da (137 zk. GAO, 2005eko uztailaren 20koa).

Informazio legala

Gipuzkoako Atariko logotipoa eta orri nagusirako lotura