Gipuzkoako Foru Aldundia

Hizkuntzak

• es
• eu

• ERREPIDE ZUZENDARITZA NAGUSIA.
  • Proiektuak, Obrak eta Araugintza Teknikoa Gainbegiratzeko Zuzendariordetza.
  • Errepideen Proiektuetako eta Eraikuntzako A Zerbitzua.
  • Errepideen Proiektuetako eta Eraikuntzako A Zerbitzua.
  • Errepideak Artatzeko Zerbitzua.
• KUDEAKETA ETA PLANGINTZA ZUZENDARITZA NAGUSIA.
  • Kontratazioko eta Aurrekontu Kudeaketako Zerbitzua.
  • Plangintza eta Ustiaketa Unitatea.
• IDAZKARITZA TEKNIKOA.

2004ko ekainaren 15eko 59/2004 FORU DEKRETUA, Bide Azpiegituretarako Departamentuaren egitura organiko eta funtzionalari buruzkoa.

---

DEPARTAMENTUAREN EGINKIZUNAK ETA ESKUMENAK.

Bide Azpiegituretarako Departamentuari eginkizun eta jarduera esparru hauek dagozkio:

1. Errepide sarearen plangintza.
2. Lurraldeko errepide sarearen eraikuntza, artapena eta ustiapena.
3. Araudi aplikagarrian esleitzen zaizkion gainerako eskumenak.
4. Era berean, Departamentuari dagokio Bidegi Gipuzkoako Azpiegituren Agentzia SA foru sozietate publikoarekin harremanak izatea.

Departamentuaren egitura organikora itzuli

ERREPIDE ZUZENDARITZA NAGUSIAren eginkizunak:

Titularraren buruzagitza eta erantzukizunpean, Errepide Zuzendaritza Nagusiaren eginkizunak honako hauek dira:

• Gipuzkoako errepide sarea proiektatu, eraiki eta artatzea, foru dekretu honen 1. artikuluan aipatutako eskumenen barruan.
• Errepide sarearen plangintza orokorrean parte hartzea, Euskadiko Errepideen Egitasmo Orokorra prestatu eta jarraipena egiteko lanetan parte hartuz.
• Gipuzkoako Errepideen Lurralde Plana prestatu eta jarraipena egiteko lanetan parte hartzea.

Departamentuaren egitura organikora itzuli

Proiektuak, Obrak eta Araugintza Teknikoa Gainbegiratzeko Zuzendariordetzaren eginkizunak:

Titularraren ardurapean, Proiektuak, Obrak eta Araugintza Teknikoa Gainbegiratzeko Zuzendariordetzaren eginkizunak honako hauek dira:

1. Errepide Zuzendaritzako gaiei dagokien arautegi teknikoa garatzea.
2. Proiektuak eta obrak gainbegiratzea.
3. Errepideetako zuzendari nagusiari laguntzea.
4. Eskumena duen organoak agintzen dizkion proiektuak idatzi eta obrak zuzendu eta kontrolatzea.

Departamentuaren egitura organikora itzuli

Errepideen Proiektuetako eta Eraikuntzako A eta B zerbitzuen eginkizunak:

Zerbitzuburuaren ardurapean, Errepideen Proiektuetako eta Eraikuntzako zerbitzuen eginkizunak honako hauek dira:

1. Lurraldeko errepideak egin edo hobetzeko aldez aurreko azterlan, informazio azterlan eta proiektuak idatzi edo zuzentzea.
2. Eskumena duen organoak agintzen dizkion obrak zuzendu eta kontrolatzea.

Departamentuaren egitura organikora itzuli

Artapen Zerbitzuaren eginkizunak:

Zerbitzuburuaren erantzukizunpean, Artapen Zerbitzuari dagokio Gipuzkoako Foru Aldundiaren errepide sarea zaintzea eta artatzea, dagozkion planak eta proiektuak idatziz, eta bide azpiegitura artapen eta segurtasun baldintza onetan mantentzeko obrak egitea, seinaleak, balizamendua eta instalazioak barne direlarik.

Departamentuaren egitura organikora itzuli

KUDEAKETA ETA PLANGINTZA ZUZENDARITZA NAGUSIAren eginkizunak:

Titularraren burutzagitza eta erantzukizunpean, Kudeaketa eta Plangintza Zuzendaritza Nagusiaren eginkizunak honako hauek dira:

• Zuzendaritza Nagusiko unitate organikoaren egitekoak zuzendu eta kontrolatzea, Zuzendaritzari dagozkion gaietan Departamentuak dituen helburuak lortzearren.
• Errepide sarearen plangintza egitea, Euskal Herriko Errepideen Egitasmo Orokorra prestatu eta jarraipena egiteko lanetan parte hartuz.
• Gipuzkoako Errepideen Lurralde Plana prestatu eta jarraipena egitea.
• Bide azpiegituretako inbertsioak programatzea.
• Kontratazioari buruzko gaiak prestatu eta horien jarraipena egitea eta aurrekontuko plan eta programen jarraipen ekonomiko-finantzarioa egitea.

Departamentuaren egitura organikora itzuli

Kontratazioko eta Aurrekontu Kudeaketako Zerbitzuaren eginkizunak:

Zerbitzuburuaren zuzeneko gainbegiradapean, Kontratazioko eta Aurrekontu Kudeaketako Zerbitzuaren eginkizunak honako hauek dira:

1. Azpiegituren inbertsioak programatzea, egindako plangintzaren esparruaren barruan, eta Departamentuaren eskumenekoak diren azpiegituren inbertsioak koordinatu eta sustatzea, kontratazio eta kudeaketa prozeduren eraginkortasuna bermatuz.
2. Departamentuaren jarduera zehaztuko duten programak eta azpiprogramak proposatzea eta aurrekontuko baliabideen esleipena edo aldaketak proposatzea.
3. Kontratazio, prestaketa eta kontratuen espedienteen jarraipenarekin zerikusia duten gaiak kudeatzea.
4. Departamentuko aurrekontuko plan eta programa ekonomiko-finantzarioen jarraipena egitea.

Departamentuaren egitura organikora itzuli

Plangintza eta Ustiaketa Unitatearen eginkizunak:

Plangintza eta Ustiaketa Unitateko buruaren zuzeneko gainbegiradapean, Unitatearen eginkizunak honako hauek dira:

1. Errepide sarearen plangintza orokorrean esku hartzea, Euskadiko Errepideen Plan Orokorra eta Gipuzkoako Errepideen Lurralde Plana prestatzen eta gainbegiratzen parte hartuz.
2. Departamentuari aholku eta laguntza teknikoa ematea, plangintza, errepideetarako azterlanak eta proiektuak lurralde eta hiri antolaketa planekin eta bestelako alorreko planekin koordinatzeko.
3. 1994ko azaroaren 25eko 17/94 Foru Arauak, Gipuzkoako Errepide eta Bideenak, xedatutakoa aplikatzearen ondorio diren udal plan eta hirigintzako beste baliabideekin koordinatzeko ahalmena praktikan erabiltzea.
4. Errepideen eta babesguneen erabilera kontrolatzea.

Departamentuaren egitura organikora itzuli

IDAZKARITZA TEKNIKOA:

Departamentuko Idazkaritza Teknikoa foru diputatuaren mendean egongo da hierarkikoki eta zuzendarienean funtzionalki, eta 1984ko maiatzaren 30eko 3/1984 Foru Arauak^[1], Gipuzkoako Lurralde Historikoaren Gobernu eta Administrazioari buruzkoak, 34. artikuluan aipatzen dituen eginkizunak beteko ditu.

Bereziki, Departamentuak dituen eskumenen barruan, eginkizun hauek izango ditu Idazkaritzak:

1. Departamentuko sistema informatikoa zerbitzuekin eta unitateekin koordinatzea eta, halaber, Departamentu osoarentzat interesa duten programa berriak jartzea eta garatzea.
2. Erabakiak hartu behar dituzten organoetara tramitatuko diren egintza eta ebazpen guztien legezkotasuna kontrolatzea, bai eta administrazio publikoen kontratuen legeriaren mendeko espedienteena ere.
3. Departamentuaren eskumen diren xedapen arau emaileen azterketa, prestaketa eta jarraipena gidatzea, bultzatzea eta gainbegiratzea.
4. Departamentuaren eskumeneko gaietan, foru diputatuak edo zuzendari nagusiek emandako norabideei jarraituz prestatzea xedapen orokorren proiektuak eta beste administrazio publikoekin eta erakunde publiko nahiz pribatuekin egingo diren lankidetza hitzarmen eta protokoloak.
5. Foru diputatuari eta Departamentuko gainerako organoei lege aholkularitza eskaintzea, eta eskatzen dizkioten irizpenak ematea eta kontsultei erantzutea.
6. Departamentuko Erregistro Orokorra, Agiritegia eta Fede Publikoa.
7. Departamentuaren aurrekontuetako aurreproiektua egitea, zerbitzuak eta zuzendaritzak koordinatuta.
8. Departamentuaren jarduera ekonomikoa kudeatzea, tramitatzea eta kontabilitatez kontrolatzea.
9. Foru Administrazioaren Kalitaterako Departamentuarekin lankidetzan, pertsona eta prozeduren antolaketa, hobekuntza eta kudeaketaren razionalizazioa koordinatu eta sustatzea: Prestakuntza, giza baliabideen planak, kalitate planak, lan arriskuen prebentzioa eta osasuna, eta produktibitatea, aipatutako departamentuaren eskumenak alde batera utzi gabe.
10. Bere lan esparruan, egozten edo eskuordetzen zaizkion gainerako eginkizunak.

Departamentuaren egitura organikora itzuli

1. oharra: 3/1984 Foru Araua indargabetua dago. Foru Arau horren 34. artikuluaren ordezkoa 2005eko uztailaren 12ko 6/2005 Foru Arauaren, Gipuzkoako Lurralde Historikoaren Erakunde Antolaketari, Gobernuari eta Administrazioari buruzkoaren. 64.3 artikulua da (137 zk. GAO, 2005eko uztailaren 20koa).

Informazio legala

• © 2004 Gipuzkoako Foru Aldundia
• Lege-informazioa