Gipuzkoako Foru Aldundia

Hizkuntzak

• es
• eu

• ARAUBIDE JURIDIKOKO ZUZENDARITZA NAGUSIA.
  • Defentsa eta Aholkularitza Juridikoko A Zerbitzua.
  • Defentsa eta Aholkularitza Juridikoko B Zerbitzua.
  • Diputatuen Kontseiluko eta Udal Harremanetako Idazkaritza Unitatea.
• FUNTZIO PUBLIKOKO ETA ZERBITZUETAKO ZUZENDARITZA NAGUSIA.
  • Funtzio Publikoko Zerbitzua.
  • Zerbitzu Orokorretako Zerbitzua.
  • Foru Inprimategia.
• ZERBITZU PUBLIKOEN KALITATE ZUZENDARITZA NAGUSIA.
  • Kalitatearen Kontsultoretza Zerbitzua.
  • Plangintza eta Sistema Zerbitzua.
  • Suhiltzaile Zerbitzua.
• IDAZKARITZA TEKNIKOA.

2004ko ekainaren 8ko 55/2004 FORU DEKRETUA, Foru Administrazioaren Kalitaterako departamentuaren egitura organiko eta funtzionalari buruzkoa.

---

DEPARTAMENTUAREN EGINKIZUNAK ETA ESKUMENAK.

Foru Administrazioaren Kalitaterako Departamentuari eginkizun eta jarduera esparru hauek dagozkio:

1. Diputatuen Kontseiluko Idazkaritzarenak, Foru Aldundiaren nahiz haren organoen aholkularitza juridikoa eta auzietarako ordezkaritza eta defentsa.
2. Estatu mailako gaikuntza duten udal administrazioko funtzionarioen gaian Aldundiak dituen eskumenak erabiltzea eta, halaber, horrelako funtzionarioek dituzten eginkizun publikoak betetzen udalei laguntzea.
3. Gipuzkoako udalei aholkularitza ematea funtzio publikoaren gaian, antolaketarenean eta informazio sistemenean, pertsonalaren lege eta ordainsari araubidearenean eta estatu mailako gaikuntza duten udal administrazioko funtzionarioenean.
4. Aldundiak udal mugaketaren gaian dituen eskumenak, bereziki, Gipuzkoako Udal Barrutiak Erregulatzeko Foru Arauak eta udal araubideak gai horri dagokionez aitortzen dizkiotenak.
5. Departamentuak koordinatzea araudi egutegia prestatzeko.
6. Gipuzkoako Foru Aldundiko pertsonalaren legezko eta ordainsarien araubidea kudeatzea eta funtzio publikoari eta pertsonalari dagokionez zerbitzuen ikuskapen orokorra egitea.
7. Departamentu arteko zerbitzuen kudeaketa eta Aldundiaren funtzionamendu administratiboaren koordinazioa.
8. Zerbitzu Orokorren Kontratazio eta Homologazio Mahaiaren eskumenetik eratorritakoak, zentralizatutzat jotzen diren erosketei eta zerbitzu kudeaketari eta, halaber, horien kontabilitateari dagokienez.
9. Gipuzkoako Foru Aldundiari Babes Zibilean, Suteen Prebentzio eta Itzalketan eta Sorospenean esleitzen zaizkionak, indarrean dagoen arautegiak aitortutako eskumenetik etorriak.
10. Gipuzkoako Foru Aldundiko dokumentu fisiko nahiz telematikoen erregistroen koordinazioaz eta euskarri teknikoaz arduratzea eta, halaber, beste herri administrazio batzuekin erregistroei buruzko lankidetza hitzarmenak sinatzea, 1992ko azaroaren 26ko 30/92 Legeak, Herri Administrazioen Araubide Juridikoarenak eta Prozedura Administratibo Erkidearenak, 38.4 artikuluan ezarritakoaren bidetik.
11. Aldundiaren parke mugikorreko ibilgailu guztien antolamendua, erosketak eta mantenimendu orokorraz arduratzea, ibilgailu industrialena izan ezik.
12. Foru Inprimategia zuzentzea eta Gipuzkoako Aldizkari Ofiziala kudeatzea.
13. Argitalpen zentroa administratzea.
14. Foru Aldundian kalitate politikak ezartzea eta Aldundiaren informazio eta komunikazio sistema korporatiboak antolatzea, kudeatzea eta administratzea.
15. Administrazio eta gobernu elektronikoa eratzeko behar diren jarduerak zuzentzea eta koordinatzea.
16. Indarrean dauden arauek eta xedapenek ematen dizkioten bestelako guztiak.

Departamentuaren egitura organikora itzuli

ARAUBIDE JURIDIKOKO ZUZENDARITZA NAGUSIAren eginkizunak:

• Foru Aldundia ordezkatzea eta defendatzea edozein ordena jurisdikzionalen aurrean.
• Foru Aldundiaren kontsulta eta aholkularitza eginkizuna betetzea, Gipuzkoako Lurralde Historikoaren Aholkularitza Juridikoko Batzordearena eragotzi gabe.
• Diputatuen Kontseiluko foru diputatu idazkariari laguntza materiala eta pertsonala ematea haren eginkizunak betetzerakoan.
• Estatu mailako gaikuntza duten udal administrazioko funtzionarioen gaian Aldundiak dituen eskumenei dagozkionak eta, halaber, horrelako funtzionarioek berariaz dituzten eginkizun publikoak betetzen udalei laguntzea.
• Aldundiak udal mugaketaren gaian dituen eskumenei dagozkionak, bereziki, Gipuzkoako Udal Barrutiak Erregulatzeko Foru Arauak eta udal erregimeneko arautegiak gai horri dagokionez aitortzen dizkiotenetik eratorriak.
• Gipuzkoako udalei aholkularitza ematea funtzio publikoaren gaian, antolaketarenean eta informazio sistemenean, pertsonalaren lege eta ordainsari araubidearenean eta estatu mailako gaikuntza duten udal administrazioko funtzionarioenean.
• Gipuzkoako Lurralde Historikoko Batzar Nagusietarako hauteskundeen deia egiten duen administrazio legez Foru Aldundiak dituen eskumenei dagozkion eginkizunak.
• Foru Aldundiaren eta Batzar Nagusien eta Arartekoaren arteko harreman eta komunikazioen koordinazioa egitea.
• Gipuzkoako Lurralde Historikoaren Aholkularitza Juridikoko Batzordearen funtzionamendurako laguntza materiala eta pertsonala eskaintzea.

Departamentuaren egitura organikora itzuli

A eta B Defentsa eta Aholkularitza Juridikoko zerbitzuen eginkizunak:

1. Foru Aldundia organo jurisdikzionaletan ordezkatzea, legean aurreikusita dagoen eran.
2. Foru Aldundia epaietan defendatzea ordena jurisdikzional guztietan, edozein prozedura dela-eta.
3. Foru Aldundiaren izenean alegazio idatziak formalizatzea eta izenpetzea, Administrazioarekiko Auzitegian aurkeztutako errekurtsoetan eragindako pieza intzidentaletan.
4. Foru Aldundiaren jarduketak eta, behar denean, Gipuzkoako Lurralde Historikoko Administrazio Instituzionalarenak koordinatzea, prozedura judizialetan egin beharreko tramiteei dagokionez.
5. Organo eskudunei proposatzea zein kasutan har daitekeen funtzionarioen defentsa penala, horien eginkizunetatik eratorritako kausetan.
6. Foru Aldundiaren eta, behar denean, Gipuzkoako Lurralde Historikoko Administrazio Instituzionalaren organoei aholkularitza eskaintzea, Justizia Auzitegien aurrean edozein motatako egintza aurkezteari begira.
7. Epaiak gauzatzeko behar diren jarduketei eta horiek antolamendu juridikoan duten eraginari buruzko aholkularitza eskaintzea, txostenak egitea eta, behar denean, kontrola egitea.
8. Foru Aldundiaren kontrako errekurtsoak edo erreklamazioak sorrarazten dituzten kausei buruzko txostenak egitea eta halakoak murrizteko edo ekiditeko jarduera administratiborako neurri zuzentzaileak proposatzea.
9. Araubide Juridikoko zuzendariaren bitartez Diputatuen Kontseiluak, diputatu nagusiak edo foru diputatuek eskatutako txosten juridikoak egitea eta kontsultei erantzutea.
10. Agintzen zaizkion foru arau proiektuak aztertzea eta prestatzea eta erakundearen arau garapenerako laguntza ematea.
11. Azterketak egitea eta irizpenak ematea Euskadiko Autonomia Erkidegoaren eta Gipuzkoako Lurralde Historikoko foru erakundeen arteko eskumen banaketari buruz.
12. Arbitraje Batzordearen aurrean jardutea, 1994ko ekainaren 30eko 13/94 Legeak 25. artikuluan aipatzen duen eran.
13. Gipuzkoako Lurralde Historikoko Batzar Nagusietarako hauteskundeen deia egiten duen administrazio legez Foru Aldundiak dituen eskumenak betetzeko behar diren jarduketak planifikatzea, prestatzea eta gauzatzea.
14. Diputatuen Kontseiluko eta Udal Harremanetako Idazkaritza Unitateari laguntzea, Diputatuen Kontseiluaren erabakiak eta xedapenak tramitatzeko, hartzeko eta baliozkoak izateko beharkizun legalak betetzen diren egiaztatzeko.
15. Dokumentuen askiespena egitea, legeria aplikagarriaren arabera eskatzen direnean, departamentuetako idazkari teknikoei dagokien eskumena eragotzi gabe.
16. Bere lan esparruan egozten zaizkion gainerako eginkizunak betetzea.

Departamentuaren egitura organikora itzuli

Diputatuen Kontseiluko eta Udal Harremanetako Idazkaritza Unitatearen eginkizunak:

1. Prestatu eta banatzea Diputatuen Kontseiluaren bileretako gaien zerrenda eta, kasuan kasu, idazkaritza Araubide Juridikoko Zuzendaritza Nagusiari izendatutako ordezko batzordeena, eta prestatu eta banatzea, baita ere, erabaki-gaiak aztertzeko behar diren agiriak, aurrekariak eta datuak.
2. Letratuekin elkarlanean, egiaztatzea Diputatuen Kontseiluaren erabakiak eta xedapenak tramitatzeko, hartzeko eta baliozkoak izateko beharkizun legalak betetzen diren, eta behar bezainbat derrigorrezko informe egitea.
3. Diputatuen Kontseilurako erabaki proposamenak tramitatzeko prozedurak definitu eta gauzatzea eta, behar izanez gero, proposamen horiei zein agiri edo informe erantsi behar zaizkien erabakitzeko jarraibideak proposatzea eta horretarako jarritako arau eta jarraibideak bete daitezen zaintzea.
4. Diputatuen Kontseiluko bileren aktak prestatu, zaindu eta artxibatzea eta aktetako akordioen ziurtagiriak prestatzea.
5. Legediaren arabera publikoak diren izaera orokorreko xedapenak nahiz ebazpen administrazioak aldizkari ofizialetan argitaratzeaz arduratzea, foru departamentuen eskumenekoak ez diren neurrian.
6. Definitu, ezarri eta kudeatzea esanahi bereziko informeen eta irizpenen erregistroak eta Batzar Nagusien onespenera jarri beharreko hitzarmen eta akordioenak.
7. Departamentuei behar bezainbat informazio eskatzea arauen egutegia formulatu eta egituratzeko eta horren jarraipena egiteko.
8. Gipuzkoako Lurralde Historikoaren Aholkularitza Juridikoko Batzordearen nahiz batzorde horren Idazkaritzaren funtzionamendurako laguntza materiala eta pertsonala eskaintzea.
9. Kudeatzea eta tramitatzea Foru Aldundiaren eskumeneko gaiak, departamentuen berariazko eskumenekoak ez direnean edo departamentuei berariaz esleituta ez daudenean.
10. Defentsa eta aholkularitza juridikoko zerbitzuei laguntza materiala eta pertsonala ematea, Gipuzkoako Lurralde Historikoko Batzar Nagusietarako hauteskundeen administrazio-deitzaile legez Foru Aldundiak bere eskumenak gauza ditzan zerbitzu horiei dagokien eginkizunean.
11. Zuzendaritzari laguntza materiala eta pertsonala ematea, Foru Aldundiaren eta Batzar Nagusien eta Arartekoaren arteko harreman eta komunikazioen koordinazioa egiten.
12. Aurkeztutako aurretiko dokumentazioa berrikustea eta, legediaren arabera halabeharrezkoa denean, letratuek egin beharreko askiespenak prestatzea, departamentuetako idazkari teknikoen eskumenak baldintzatu gabe.
13. Gipuzkoako udalei aholkularitza ematea funtzio publikoaren gaian, antolaketarenean eta informazio sistemenean, pertsonalaren lege eta ordainsari araubidearenean eta estatu mailako gaikuntza duten udal administrazioko funtzionarioenean.
14. Ondorengo gaietan Zuzendaritza Nagusiak dituen eginkizunak kudeatu eta laguntza ematea. Gaiak:
    1)Estatu mailako gaikuntza duten tokiko udal administrazioko funtzionarioei eta, halaber, horrelako funtzionarioentzat gordetako eginkizun publikoak betetzen udalei laguntzea.
    2)Udal mugaketak eta udalez gaindikoak, bereziki, Gipuzkoako Udal Barrutiak Erregulatzeko Foru Arauak eta udal erregimeneko arautegiak gai horri dagokionez aitortzen dizkiotenetik eratorriak.
15. Oro har, Araubide Juridikoko Zuzendaritza Nagusiari behar bezainbat laguntza eta aholkularitza ematea, hark bete ditzan bere lan esparruan esleituta dituen eginkizunak.
16. Bere lan esparruan egozten zaizkion gainerako eginkizunak.

Departamentuaren egitura organikora itzuli

FUNTZIO PUBLIKOKO ETA ZERBITZUETAKO ZUZENDARITZA NAGUSIAren eginkizunak:

• Foru Aldundiko langileen lege eta ordainsari araubidearen kudeaketa zuzentzea.
• Organo eskudunak emandako irizpideekin bat etorriz, garatu, koordinatu eta zuzentzea Aldundiko langileei aplikatu beharreko funtzio publikoaren politika.

Ondorio horietarako, Zuzendaritzak behar bezainbat proposamen egingo ditu esparru hauei buruzko politika definitzeko: Langileei buruzkoa, egitura eta giza baliabideak arrazionalizatzeari buruzkoa, lan osasunaren prebentzio eta sustapenari buruzkoa, langileen hautapen, prestakuntza eta karrera profesionala buruzkoa, aplikazio orokorreko irizpideei buruzkoa eta langileen kudeaketa arrunterako irizpideei buruzkoa.

• Enplegu planak eta departamentuei atxikitako langile-zerrendaren neurria prestatu, ezarri eta gainbegiratzea.
• Aldundiko zerbitzuak ikuskatzea langileriaren eta funtzio publikoaren gaietan.
• Foru Aldundia ordezkatzea funtzio publikoari, antolakuntzari, prestakuntzari, hautapenari eta gizarte eta lan harremanei buruz beste administrazioekin, sindikatuekin, komiteekin eta ordezkaritza sindikaleko gainerako organoekin eginen diren bileretan.
• Zuzendaritzari departamentu guztientzat atxikitako zerbitzuak zuzentzea.
• Zerbitzu Orokorren Kontratazio eta Homologazio Mahaiaren kudeaketa zuzentzea eta Mahairen lehendakaritza bere gain hartzea.
• Foru Inprimategia eta Gipuzkoako Aldizkari Ofizialaren argitalpena zuzentzea.
• Aldundiaren Parke Mugikorra zuzentzea, ibilgailu industrialak izan ezik.
• Foru Aldundiaren argitalpen jarduera zuzentzea.
• Diputatuen Kontseiluak 2003ko apirilaren 1ean onartutako segurtasuneko dokumentuarekin bat etorriz, arduratzea izaera pertsonaleko datuak dituzten Zuzendaritzako fitxategiez.
• Zuzendaritza osatzen duten unitate organikoen jarduerak, programak eta kudeaketa ekonomiko-administratiboa zuzendu eta kontrolatzea.
• Foru diputatuaren goi agintearen pean, Zuzendaritza Nagusiko langileria zuzentzea.

Zehazki eta deskontzentrazio erregimenean:

• Langile guztien egoera administratiboen aitorpena ebaztea.
• Aldi baterako lan kontratuak egitea edo, bidezkoa denean, amaitutzat ematea, eta, halaber, Gizarte Segurantzako, MUFACEko eta OLAZeko onuradunen sarrera-irteerak egitea.
• Funtzionarioen kargu-hartzeak formalizatzea. Langileen lizentzia eskaerak ebaztea. Ikasketengatiko laguntza eskaerak ebaztea, Diputatuen Kontseiluaren 2000ko abenduaren 27ko Erabakiko 8. artikuluarekin bat etorriz.

Departamentuaren egitura organikora itzuli

Funtzio Publikoko Zerbitzuaren eginkizunak:

1. Zuzendaritza Nagusiari laguntzea langileen ordezkariekiko harreman eta negoziazioetan.
2. Lanpostuen Zerrendako aldaketa proposamenak aztertu, definitu eta kudeatzea eta lanpostu-zerrenden nahiz horiei atxikitako langileen segimendua egitea.
3. Lanpostu-zerrendak neurriratzeko eta lanpostuak doitzeko azterketak egitea.
4. Gizarte eta Erakunde Harremanetarako Departamentuarekin elkarlanean aritzea langileen hizkuntz eskakizunak aplikatu eta langileak euskalduntzeko.
5. Lanpostuen balorazio sistema kudeatzea, balorazioko espedienteak gordetzea eta balorazioari buruzko informeak egitea.
6. Enplegu planak eta giza baliabideak arrazionalizatzeko programak prestatu eta proposatzea.
7. Aurrekontuko I. kapituluaren aurreproiektua prestatzea Fiskalitaterako eta Finantzetarako Departamentuarekin elkarlanean, aurrekontuaren gauzapena kontrolatu eta haren segimendua egitea eta Aurrekontuei buruzko Foru Arauak I. kapituluari eta aurrekontu langile-zerrendari buruz aurreikusitako informeak egitea.
8. Langileen ordainsariei buruzko politikaren aldaketak aztertu eta dirutan zenbatzea.
9. Langileen presentzia kontrolaren sistema kudeatzea, alor horretan departamentuek duten erantzukizuna baldintzatu gabe. Aldundiko langile guztien laneko nahiz oporretako egutegiak, lizentzia nahiz baimen eskaerak eta gaixotasun agiriak prestatu eta kontrolatzea.
10. Langileen Erregistroa mantendu eta kudeatzea.
11. Langileen araubidea kudeatzea eta zehazki:
    1)Langileen kudeaketa arruntari dagokionez, departamentu guztientzat proposamen orokorrak prestatzea.
    2)Ebazpen proposamenak prestatzea zerbitzu harremanen hasierari eta bukaerari buruz, lanpostuetako jardunari buruz, egora administratiboei buruz, lizentzia eta baimenei buruz, eskubide ekonomikoen aitorpenari buruz, erreklamazioen ebazpenei buruz, epaiak betarazteari buruz eta, oro har, langileen kudeaketarekin zerikusirik duten gai guztiei buruz.
12. Lagileen ordainsari araudia, nominak eta Gizarte Segurantza kudeatzea.
13. Gaixotasun edo istripuko agiriak erregistratzea eta absentismoa kontrolatzeko neurriak proposatzea.
14. Aldundira langile finkoak nahiz aldi batekoak sartzeko eta Aldundiko lanpostuak betetzeko hautapen prozesuak prestatu, proposatu eta kudeatzea eta horien jarraipena egitea. Horretarako, enplegu eskaintza publikoak, hautapenerako oinarriak eta ikasgaiak proposatuko ditu, eta deialdietan egin beharreko probetarako behar diren azpiegiturak kudeatuko ditu.
15. Aldundiko lankidetza praktikak kudeatzea hezkuntza erakundeekin elkarlanean.
16. 31/1995 Legeko 31. artikuluan adierazitako eginkizunak. Lege horretan aurreikusita dagoen bezala, Funtzio Publikoko Zerbitzuari atxikitako laneko arriskuen prebentzioko zerbitzu alorraren bidez burutuko dira. Zehazki, ondorengo gaietan aholkularitza eta laguntza zerbitzua eskainiko du. Gaiak:
    1)Prebentzio neurriei buruzko planak eta programak diseinatu, aplikatu eta koordinatzea.
    2)Arrisku faktoreak neurtzea.
    3)Prebentzio neurriak erabakitzeko garaian lehentasunak ezartzea, eta eraginkorrak diren begiratzea.
    4)Langileak jakinaren gainean jartzea eta prestatzea.
    5)Lehen sorospena ematea eta larrialdi planak egitea.

Departamentuaren egitura organikora itzuli

Zerbitzu Orokorretako Zerbitzuaren eginkizunak:

1. Argitalpen Zentroa kudeatzea, agerkariak saltzea eta erabakiko diren liburu azoketara joatea Aldundiaren izenean.
2. Artxibo Administratibo Orokorra kudeatzea.
3. Eraikinetako ekipo eta instalazio bereziak proiektatu, egikaritu eta mantentzea, esate baterako, komunikazio sistemetakoak, segurtasunekoak, suteen kontrakoak, ikus-entzunezkoak eta bulegoetako ekipamendu orokorrak.
4. Departamentu guztietarako diren hornidura eta zerbitzuak kudeatzea, esate baterako, instalazio bereziak mantentzekoak, garbiketakoak, zaintzakoak eta mezularitzakoak.
5. Departamentuei aholkuak ematea eraikinetako suteen aurkako segurtasun eta babesaren gaietan eta larrialdiko planak prestatzea laneko prebentzio eta osasuneko zerbitzu atalarekin elkarlanean.
6. Lurralde Antolaketa eta Sustapenerako Departamentuarekin elkarlanean, egoitzak antolatzeko azterketak egitea, estandarrak ezartzea bulegoak antolatu eta ekipatzeko azterketak egitea.
7. Foru Aldundian ematea zerbitzu hauek: Posta, mezularitza, gutunak frankeatzea, repografia, eta foru jauregiko etxezaintza eta mandatariak.
8. Jauregiko bilera areto komunak eta departamentu askotako eraikinetakoak kudeatzea.
9. Aldundiaren parke mugikorra kudeatzea, ibilgailu industrialak izan ezik, eta ibilgailuak homologatu, erosi eta mantentzea.
10. Laguntza tekniko eta administratiboa ematea Zerbitzu Orokorretako Kontratazio eta Homologazio Mahaiari.
11. Interes orokorreko ondasunen eta zerbitzuen erosketak kudeatzea eta entregak jasotzea.
12. Kudeatzea material inbentariagarriko biltegi zentrala.
13. Ondasun eta zerbitzuen homologazio proposamenak egitea, eta horren barne:
    1)Izaeraz guztiek edo amankomunean erabiltzekoak eta modu zentralizatuan erosteko edo kudeatzeko egokiak diren ondasun eta zerbitzuak zehazki adieraztea.
    2)Aldundiko bulegoen erabilpen estandarrak, azalerak eta lanerako baldintzak ezartzea.
    3)Erosgaiak eta zerbitzuak normalizatzeko eta homologatzeko irizpideak zehaztea, ezarritako prozedura erabiliz tramita daitezen.
14. Lurralde Antolaketa eta Sustapenerako Departamentuarekin elkarlanean, Foru Jauregiko instalazioak mantentzea.
15. Gai horietan guztietan Aldundiko zerbitzuei aholkuak ematea.
16. Bere lan esparruan egozten zaizkion gainerako eginkizunak.

Departamentuaren egitura organikora itzuli

Foru Inprimategiaren eginkizunak:

1. Gipuzkoako Aldizkari Ofiziala argitaratzea.
2. Mota guztietako inprenta lanak egitea, departamentuen eta erakunde baimenduen eskariz eta haien kontura.

Departamentuaren egitura organikora itzuli

ZERBITZU PUBLIKOEN KALITATE ZUZENDARITZA NAGUSIAren eginkizunak:

• Departamentuekin elkarlanean, herritarrentzako zerbitzuen gaietan Foru Aldundiaren kalitate politikak zuzentzea, lan metodoak eta prozesuak hobetzea eta prozeduren gidaliburuak egitea.
• Unitate administratiboen lan jarduerei eta prozesuei dagokienez, prestatu, ezarri eta gainbegiratzea administrazio prozesuak normalizatu, erraztu eta arrazionalizatzeko planak eta programak eta antolakuntzako azterketak. Baliabide desberdinak erabiliz (herritarren arreta zerbitzuak), garatzea zerbitzu kartak, herritarrentzako kartak eta gizartearekin komunikatzeko Aldundiaren gainerako ekimenak.
• Foru Aldundiaren zerbitzuko langileen prestakuntzarako politika orokorra zuzendu eta kudeatzea.
• Departamentuei laguntzea kalitatea ziurtatzeko programak garatzen: ISO ziurtagiriak eta kalitatea kudeatzeko EFQM sistema. Laguntzea, baita ere, informazio sistemak diseinatzeko eta sistemen garapen planak formulatzeko eztabaida eta onarpen prozesuetan eta irtenbideak proposatzea.
• Zerbitzu telematiko, telefoniko eta presentziakoak sustatzea bai herritarren arretan eta baita departamentuek zehaztutako beste arloetan ere, esate baterako, leihatila bakarrean, ohar eta erreklamazioetan, informazio bulegoetan eta tramite nahi zerbitzuen kudeaketa elektronikoan.
• Foru Aldundiaren informazio eta komunikazio korporatiboen sistemak antolatu, kudeatu eta administratzea. Gipuzkoako Foru Aldundiko lanpostuetako oinarrizko eginkizunetarako tresnak ofimatikoak eta berariazko produktuak homologatzea.
• Behar adinako jarduera proposatu eta koordinatzea departamentu guztientzako zerbitzuak deszentralizatzeko.
• Diputatuen Kontseiluak 2003ko apirilaren 1ean onartutako segurtasuneko dokumentuarekin bat etorriz, arduratzea izaera pertsonaleko datuak dituzten Zuzendaritzako fitxategiez.
• Zuzendaritza Nagusia osatzen duten unitate organikoen jarduerak, programak eta kudeaketa ekonomiko-administratiboa zuzendu eta kontrolatzea.
• Foru diputatuaren goi agintearen pean, Zuzendaritza Nagusiko langileria zuzentzea.

Departamentuaren egitura organikora itzuli

Kalitatearen Kontsultoretza Zerbitzuaren eginkizunak:

1. Departamentuen kalitate eta hobekuntza administratiboko politikak aplikatzeko jardueren esparru orokorra definitu eta proposatzea.
2. Prestatu, bultzatu eta koordinatzea bai administrazio prozesuak normalizatu, erraztu eta arrazionalizatzeko planak eta programak eta baita Zerbitzu Publikoetako Kalitate Plana, Zerbitzu Kartak, Kalitatearen Ziurtagiriak eta Prozesuen Mapak eta Hobekuntza garatzeko araudi eta irizpideak ere.
3. Onar litezkeen arrazionalizatze programei eta hobekuntza administratibokoei dagokienez zabalkunde, sentsibilizazio eta sustapeneko lanak egitea eta departamentuei behar adinako laguntza tekniko eta metodologiko ematea.
4. Bai bere baliabideak bai kanpokoak erabiliz, parte hartzen duen hobekuntzako proiektuen kudeaketa kontrolatzea, osorik edo zati batean Departamentuak finantzatzen dituenean.
5. Kalitate adierazleen jarraipen sistemak, kalitate estandarrak, kalitatearen gaineko barruko eta kanpoko ebaluazioak eta gogobetetasunaren neurtzaileak ezartzen laguntzea.
6. Departamentuaren helburuekin bat eginez, prestakuntzako beharren diagnostikoak egitea.
7. Foru Aldundiko langileentzat Prestakuntzako Urteko Planak prestatu eta proposatzea eta horiek burura eramateko beharrezko guztia koordinatzea.
8. Burura eramandako prestakuntzako ekintzen eta programen eraginkortasuna eta eragimena ebaluatzea.
9. Bere eta beste departamentuetako prestakuntza ekintzen erregistroa kontrolatzea eta ezarritako garaietan informeak egitea.
10. Bere lan esparruan egozten zaizkion gainerako eginkizunak.

Departamentuaren egitura organikora itzuli

Plangintza eta Sistema Zerbitzuaren eginkizunak:

1. Antolakuntza hobetzeko, baliabideak planifikatzeko eta informazioaren alorreko teknologiak baliarazteko proposamenak egin, bultzatu eta ebaluatzea.
2. Foru Aldundiko zerbitzuak Informazioaren eta Jakintzaren Gizartera eramateko programak bultzatzea, Berrikuntzarako eta Jakintzaren Gizarterako Departamentuarekin lankidetzan.
3. Departamentuek informazio sistemak diseinatu, sistemen garapen planak formulatu eta irtenbideak proposa ditzaten bultzatzea.
4. Zerbitzu telematiko, telefoniko eta presentziakoak sustatzea bai herritarren arretan eta baita departamentuek zehaztutako beste arloetan ere, esate baterako, leihatila bakarrean, ohar eta erreklamazioetan, informazio bulegoetan eta tramite nahi zerbitzuen kudeaketa elektronikoan.
5. Arreta telefoniko eta telematiko orokorra eskaintzea.
6. Herritarren arreta zerbitzuen bidez, zerbitzu publikoen erabiltzaileekiko komunikazio ekimenak garatzea.
7. Gipuzkoako Foru Ataria administratzea eta estilo arauak homologatzeko proposamenak egitea, baita edukien iraupenari eta beste edozein irizpideri buruzkoak ere egitea, informazioaren edukia eta eskuragarritasuna behar adinako kalitatekoak izango direla bermatzeko.
8. Foru Aldundiaren informazio eta komunikazio korporatiboen sistemak kudeatzea, administrazio arteko eta herritarrekin dituen harremanetan.
9. Departamentuei laguntzea zerbitzu berriak garatu eta ezartzeko hirugarrenei zerbitzu espezializatuak kontratatzen.
10. Intranet korporatiboaren ezagutza eta erabilera orokortu dadin, prestatu, ezarri eta ebaluatzea bar komunikazioko sistemak eta euskarriak.
11. Bere lan esparruan egozten zaizkion gainerako eginkizunak.

Departamentuaren egitura organikora itzuli

Suhiltzaile Zerbitzuaren eginkizunak:

1. Aldundiaren politika garatzea suteen prebentzio eta itzalketari, sorospenei eta larrialdiei aurre egiteko alorrean.
2. Eskualdekako suhiltzaile etxeen plana diseinatu eta burutzea, eta eraginkortasunez lan egin ahal izan dezaten behar diren bitartekoez eta finantziazioaz hornitzea.
3. Udalekin batera elkarlanean jardutea boluntario taldeak sortu eta garatzeko, larrialdiak kudeatzeko euskal sistemaren barruan.
4. Aholkatzea, aurrez heztea eta larrialdiez arduratzea.
5. Foru Aldundiaren suhiltzaile etxeak zuzendu, kudeatu eta koordinatzea, ezbeharretan berehala eta eraginkortasunez joka dezaten, bakoitzak bere jarduera eremuaren barruan.
6. Larrialdiekin eta babes zibilarekin zerikusirik duten Foru Aldundiaren zerbitzuetako koordinazio planak eta sistemak presatzea.
7. 1996ko apirilaren 3ko 1/96 Legeak, Larrialdiak Kudeatzekoak, 31. egozten dizkion edo beren lan esparruan egozten zaizkion gainerako guztiak.

Departamentuaren egitura organikora itzuli

IDAZKARITZA TEKNIKOA:

Departamentuko Idazkaritza Teknikoa foru diputatuaren menpean egongo da hierarkikoki eta zuzendari nagusienean funtzionalki, eta 1984ko maiatzaren 30eko 3/84 Foru Arauak^[1], Gipuzkoako Lurralde Historikoaren Gobernu eta Administrazioari buruzkoak, 34. artikuluan aipatzen dituen eginkizunak beteko ditu.

Bereziki, eta departamentuak dituen eskumenen barruan, eginkizun hauek izango ditu Idazkaritzak:

1. Departamentuko sistema informatikoa zerbitzuekin eta unitateekin koordinatzea eta, halaber, Departamentu osoarentzat interesa duten programa berriak jartzea eta garatzea.
2. Erabakiak hartu behar dituzten organoetara tramitatuko diren egintza eta ebazpen guztien legezkotasuna kontrolatzea, bai eta administrazio publikoen kontratuen legeriaren mendeko espedienteena ere.
3. Departamentuaren eskumen diren xedapen arau emaileen azterketa, prestaketa eta jarraipena gidatzea, bultzatzea eta gainbegiratzea.
4. Departamentuaren eskumeneko gaietan, foru diputatuak edo zuzendari nagusiek emandako norabideei jarraituz prestatzea xedapen orokorren proiektuak eta beste administrazio publikoekin eta erakunde publiko nahiz pribatuekin egingo diren lankidetza hitzarmen eta protokoloak.
5. Foru diputatuari eta Departamentuko gainerako organoei lege aholkularitza eskaintzea, eta eskatzen dizkioten irizpenak ematea eta kontsultei erantzutea.
6. Departamentuaren erregistro orokorra, artxiboa eta Fede Publikoa eta, bereziki, Aldundian sinadura elektroniko aurreratua ezartzeko erakundeko langileak akreditatzea.
7. Departamentuaren aurrekontuetako aurreproiektua egitea, zerbitzuak eta zuzendaritzak koordinatuta.
8. Departamentuaren jarduera ekonomikoa kudeatzea, tramitatzea eta kontabilitatez kontrolatzea.
9. Idazkaritza:
   — OLAZ kudeatzeko organo bereziarena.
   — Zerbitzu Orokorren Kontratazio eta Homologazio Mahaiarena.
   — Esleituko zaizkion Departamentuko kide anitzeko organoena.
10. Aldundiaren aseguru politika garatzea, aseguru polizen kontratazioa eta berrikuntza planifikatzea eta kontratatutakoak kudeatzea.
11. Bere lan esparruan, egozten edo eskuordetzen zaizkion gainerako eginkizunak.

Departamentuaren egitura organikora itzuli

1. oharra: 3/1984 Foru Araua indargabetua dago. Foru Arau horren 34. artikuluaren ordezkoa 2005eko uztailaren 12ko 6/2005 Foru Arauaren, Gipuzkoako Lurralde Historikoaren Erakunde Antolaketari, Gobernuari eta Administrazioari buruzkoaren. 64.3 artikulua da (137 zk. GAO, 2005eko uztailaren 20koa).

Informazio legala

• © 2004 Gipuzkoako Foru Aldundia
• Lege-informazioa