Aurkibidea eta estruktura
Estruktura organikoa eta funtzionala: araudia
- 2007ko uztailaren 11ko 60/2007 FORU DEKRETUA, Gipuzkoako Foru Aldundiko departamentuak eta horiei dagozkien eginkizun eta jarduera esparruak zehaztekoa.
Gipuzkoako Foru Aldundiaren antolaketa
- Diputatu Nagusiaren Kabinetea
- Kiroletako eta Kanpo Ekintzako Departamentua
- Lehendakaritzako eta Foru Administrazioko Departamentua
- Ogasun eta Finantza Departamentua
- Bide Azpiegituretako Departamentua
- Garapen Iraunkorreko Departamentua
- Mugikortasuneko eta Lurralde Antolaketako Departamentua
- Gizarte Politikako Departamentua
- Landa Ingurunearen Garapeneko Departamentua
- Kultura eta Euskara Departamentua
- Berrikuntzako eta Jakintzaren Gizarteko Departamentua
1. Lehendakaritzako eta Foru Administrazioko Departamentuko foru diputatua Diputatuen Kontseiluko idazkari izango da, eta departamentuari dagozkio jarduera esparru eta eginkizun hauek:
a) Diputatuen Kontseiluko Idazkaritza.b) Foru Aldundiak Batzar Nagusiekin nahiz Arartekoarekin dituen harremanak nahiz komunikazioak koordinatzea.
c) Legezkotasunaren barne kontrola, lege aholkularitza orokorra, eta Gipuzkoako Foru Aldundia nahiz bere organoak auzitegietan defendatzea.
d) Udalen nahiz udalez gaindiko erakundeen mugaketa esparruan Foru Aldundiak dituen eskumenak, Gipuzkoako Toki Erakundeen Foru Erregistroa eta i) paragrafoan aipatzen diren gaietan udalei aholkularitza ematea.
e) Departamentuen arteko koordinazioa eragitea araugintza egutegi bat ezartzeko.
f) Foru Aldundiak dituen eskumenak Gipuzkoako Lurralde Historiko Batzar Nagusietako hauteskundeen dei egile den heinean.
g) Gipuzkoako Aldizkari Ofiziala.
h) Argitalpenak.
i) Funtzio Publikoa, antolakuntza eta informazio sistemak, langileen araubidea eta lansari sistema. Estatuko izaera gaikuntza duten udal funtzionarioak.
j) Ibilgailuak.
k) Babes zibila, suteen zaintza eta itzalketa, eta salbamendua.
l) Departamentuen arteko zerbitzuak.
m) Administrazioaren kalitate, antolakuntza eta sistemen gaineko politikak.
n) Indarrean diren arauetan esleitzen zaizkion gainerako eskumenak.
2. Lehendakaritzako eta Foru Administrazioko Departamentuari atxikitzen zaizkio Gipuzkoako Foru eta Udal Administrazioetako Funtzionarioen Osasun Laguntza Zerbitzua (OLAZ).
3. Lehendakaritzako eta Foru Administrazioko Departamentuak izango du Lege Aholkularitzako Batzordeak bere lana egin ahal izateko bitarteko materialak nahiz langileak hornitzeko ardura.
